DFCC බැංකුව ශ්‍රී ලංකාවේ 'වඩාත්ම ගෞරවාදරයට පත් වූ සමාගමක්’ ලෙස සම්මානයක් හිමිකර ගැනීමට පසුගියදා සමත් විය. වරලත් කළමනාකරණ ගණකාධිකාරී ආයතනය, ශ්‍රී ලංකා ජාත්‍යන්තර වාණිජ මණ්ඩලය සහ  Daily FT එක්ව සංවිධානය කළ 'ශ්‍රී ලංකාවේ වඩාත්ම ගෞරවාදරය දිනු සමාගම් - 2021’ සම්මාන උළෙලේ දී මෙම ගෞරවනීය සම්මානයDFCC බැංකුව වෙත හිමි විය.

පොදුවේ සියලු‍ම දෙනා වෙනුවෙන් වටිනාකම් නිර්මාණය කරමින්, අභියෝගවලට මුහුණ දිය හැකි ශක්තිමත් ශ්‍රී ලංකාවක් නිර්මාණය කිරීම සඳහා අඛණ්ඩව දරන්නා වූ උත්සාහය වෙනුවෙන් බැංකුව වෙත මෙම ඇගයීම හිමි වී තිබේ.

තව ද මෙම ඇගයීම, DFCC බැංකුව වසර 65 කට අධික කාලයක් පුරා සංවර්ධන හා වාණිජ බැංකුකරණයන් තුළ ඉටුකළ මෙහෙවර සහ දේශීය හා ජාත්‍යන්තර ණය ෙශ්‍ර්ණිගත කිරීම් ආයතන වෙතින් හිමි වූ ඉහළ තලයේ ෙශ්‍ර්ණිගත කිරීම් සමගින් වෙළඳපොළ තුළ අත්පත් කරගත් සාර්ථකත්වය මැනැවින් නිරූපණය කරන ජයග්‍රහණයකි.  

“ශ්‍රී ලංකාවේ වඩාත්ම ගෞරවාදරය දිනූ සමාගමක් ලෙස ගෞරවනීය සඳහනක් හිමිවීම අප ලැබූ විශාල ගෞරවයක්. අපට මෙම ජයග්‍රහණය හිමිකර ගැනීමට හැකියාව ලැබුණේ ජාත්‍යන්තර තලයේ බැංකු සේවා විසඳුම් සමගින් අප සමග අත්වැල් බැඳගෙන සිටින සියලු‍ම පාර්ශ්ව සවිබල ගැන්වීමට අප අඛණ්ඩව උත්සාහ දරන නිසයි. මෙම ඇගයීම, ආර්ථික, සමාජයීය හා පාරිසරික වශයෙන් ස්ථාවර සහ අභියෝගවලට සාර්ථක ලෙස මුහුණ දිය හැකි අනාගතයක් නිර්මාණය කිරීම සඳහා අප දරන උත්සාහය තවදුරටත් දිරිගන්වන සාධකයක් බවට පත්වේවි.” යැයි DFCC බැංකුවේ ප්‍රධාන විධායක නිලධාරී ලක්ෂ්මන් සිල්වා මහතා පැවසීය.