2025 මැයි මස 10 වන සෙනසුරාදා
රට තුළ ක්‍රියාත්මක වන අනවසර මූල්‍ය ආයතන පිළිබඳව විමර්ශනය කිරීමට හා ක්‍රියාත්මක කිරීමට විශේෂ විමර්ශන ඒකකයක් ඇති කිරීම, බැංකු නොවන මූල්‍ය පද්ධතිය සඳහා විධිමත් මෙහෙයුම් පරිසරයක් නිර්මාණය කිරීම සහ හිතකර ප්‍රතිපත්ති සහ මූල්‍ය ප්‍රමිතීන් හඳුන්වා දීම, ආර්ථිකයට සහ ප්‍රජා සවිබල ගැන්වෙන නීතිමය රාමු ඇති කිරීම යන ක්‍රියාමාර්ගවලට සහාය දීමට බලාපොරොත්තුවෙන් සිටින බව ශ්‍රී ලංකා බලපත්‍රලාභී මූල්‍ය සමාගම් සංගමය සඳහන් කරයි.
බලපත්‍රලාභී නොවන, කිසිඳු නියාමනයක් නොමැති බැංකු නො වන මූල්‍ය ආයතන මගින් රටේ මූල්‍ය පද්ධතියට වන දැඩි හානිය වළක්වා ගැනීම සහ මහජනතාවට බියෙන් සැකෙන් තොර සිය ආයෝජන හා වෙනත් මූල්‍ය ගනුදෙනු සිදු කිරීමට අවශ්‍ය පරිසරයක් නිර්මාණය කිරීම තම සංගමයේ අරමුණ යැයි ද එම සංගමය සඳහන් කරයි.
බැංකු නොවන මූල්‍ය ක්ෂේත්‍රය තුළ නියාමකයකු ලෙස ක්‍රියාකරමින් විධිමත් මූල්‍ය පද්ධතියක් තුළින් මහජනතාව සවිබල ගැන්වීම සඳහා ඔවුන් කැපවී ක්‍රියා කරන බව කොළඹ දී මාධ්‍ය හමුවක් පවත්වමින් එම සංගමයේ නිලධාරීහු කීහ.
මෙහිදී ආචාර ධර්මානුකූල, විධිමත් හා කාලෝචිත මූල්‍ය ප්‍රතිපත්ති වල වැදගත්කම ඔවුහු අවධාරණය කළහ.
මෙම මාධ්‍ය හමුවේදී අදහස් දැක්වූ ශ්‍රී ලංකා බලපත්‍රලාභී මූල්‍ය සමාගම් සංගමයේ වත්මන් සභාපති ආර්.එච්. අබේගුණවර්ධන මහතා මෙසේ කීවේය.
‘‘බැංකු නොවන මූල්‍ය ක්ෂේත්‍රය තුළ නියාමකයා ලෙසින් කටයුතු කරන ශ්‍රී ලංකා බලපත්‍රලාභී මූල්‍ය සමාගම් සංගමය නිරතුරුවම උත්සහ කරන්නේ සියලුම ශ්‍රී ලාංකිකයන්ට ඉතා පහසුවෙන් සහ විශ්වාසදායී ලෙස සිය ගනුදෙනු කළ හැකි විධිමත් මූල්‍ය පද්ධතියක් රට තුළ නිර්මාණය කිරීමයි. රටේ ආර්ථිකය සඳහා කැපී පෙනෙන දායකත්වයක් සපයමින්, ඒක පුද්ගල අදායම වර්ධනය කිරීම උදෙසා ව්‍යවසායකයන්, කුඩා ව්‍යාපාරිකයන් ඇතුළු දහස් ගණනක් ජනතාව වෙත විධිමත් ලෙස සිය මූල්‍ය අවශ්‍යතා ඉටු කර ගැනීම සඳහා විශාල අවකාශයක් බලපත්‍රලාභී මුල්‍ය ආයතන අද වන විට සපයනවා.
විධිමත් බැංකු පද්ධතිය තුළින් විවිධ හේතු මත බැහැර කරන පාරිභෝගිකයා උදෙසා වඩාත් සුරක්ෂිත අනාගතයක් නිර්මාණය කිරීම බලපත්‍රලාභී මූල්‍ය ආයතන මගින් සිදු කරනු ලබන අතර,
රටේ සියලු දෙනාටම ඕනෑම මුල්‍ය අවශ්‍යතාවයක් සඳහා ප්‍රවේශ විය පරිසරයක් බලපත්‍රලාභී මුල්‍ය ආයතන විසින් නිර්මාණය කර අවසන්. වර්තමානය වන විට අපේ ප්‍රධාන ගනුදෙනුකරුවන් වන්නේද රටේ දිළිඳු ජන කොට්ඨාසයයි. බලපත්‍රලාභී මූල්‍ය ආයතන විසින් සියලුම ජන කොට්ඨාසවලට ගැළපෙන පරිදි ඔවුන්ගේ අවශ්‍යතාවලට අනුකූලව පෞද්ගලික ණය, ත්‍රී රෝද රථ ණය, ට්‍රක් සඳහා වූ ණය, ගොවිතැන සඳහා වූ ණය, වාණිජ වාහන මිලදී ගැනීම සඳහා වූ ණය, කාරක ප්‍රාග්ධන අවශ්‍යතා සඳහා වූ ණය ඇතුළු වර්ග රැසක ණය සේවා සපයයි. නවීන මූල්‍ය සේවා මහජනතාව වෙත හඳුන්වා දීමේ ප්‍රමුඛයන් ලෙසද බලපත්‍රලාභී මුල්‍ය ආයතන අද වන විට ප්‍රසිද්ධ’’ යැයි ද හෙතෙම කීය.
මෑත කාලයේදී වාර්තා වූ නියාමනය නොකරන ලද මූල්‍ය සමාගම්වල සමහර අවිධිමත් සහ වංචනික ක්‍රියාවන් මගින් මහජනතාව ගැටලු රාශියකට මුහුණ පෑ බව සඳහන් කරන මෙම සංගමය මේ තුළින් නියාමනය කරන ලද මූල්‍ය සමාගම් පිළිබඳවද මහජනතාව අතර දැඩි කනස්සලක් ඇති වූ අතර ඔවුන්ගේ විශ්වාසය බිඳ වැටීමකට මෙය හේතු වූ බව ද පෙන්වාදෙයි. ඉදිරියේදී මූල්‍ය සමාගම් විධිමත් කිරීම සඳහා ප්‍රායෝගික ප්‍රතිසංස්කරණ සිදු කළ යුතු බව ද එම සංගමය තවදුරටත් පැහැදිලි කළේය.
055
විෂ බීජ නාශක සහ පිරිසුදුකාරක නිෂ්පාදනයේ සහ අලෙවියේ නැඟි එන ව්‍යාපාරයක් වන Super king Detergents සමාගම Lanka Business Awards (LBA) සම්මාන උළෙලේ දී සුළු හා මධ්‍යම පරිමාණ කාණ්ඩයේ වසරේ
විෂන් කෙයා ආයතනය සිය නවතම ශාඛාව, 175/3 D, පෝරේ, අතුරුගිරිය ලිපිනයෙහි පිහිටි මෙඩිහෙල්ප් රෝහලේ දී විවෘත කරන ලදී. මෙම විවෘත කිරීමේ උත්සවයට විෂන් කෙයා හි කළමනාක
සිංගප්පූරුවේ පැවති 2023 APEX passenger Choice Awards සම්මාන උළෙලේ දී දකුණු ආසියාවේ විශිෂ්ටතම ගුවන් සේවා ආහාර පාන සහ ආසන පහසුව සඳහා වූ සම්මානයෙන් ශ්‍රී ලංකන් ගුවන් සේවය පස
SDI කැම්පස් දකුණු ආසියානු ව්‍යාපාර විශිෂ්ටතා 2022 සම්මාන උළෙලේ දී SDTI කැම්පස් (නිපුණතා සංවර්ධන හා පුහුණු කිරීමේ ජාත්‍යන්තර ආයතනය) දකුණු ආසියාවේ නැගී එන විශි
LOLC ෆිනෑන්ස් මහනුවර සිය පියසටහන් තවදුරටත් පුළුල් කරමින්, මේ වසර මුලදී සමූහය විසින් අත්පත් කරගත් සුවිශේෂී ස්ථානයක ‘මහනුවර නගර ශාඛාව’ ස්ථාපිත කළේය. මහනුව
කැලණි කේබල්ස් සමාගමේ සම්මානනීය ආයතනික සමාජ සත්කාරක වැඩසටහනක් වන ‘කැළණි සවිය’ තවත් පස් වසරකින් පසුගියදා දීර්ඝ කෙරුණි. මෙම ‘කැලණි සවිය’ එක් අවුරුදු වි
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
ශ්‍රී ලංකා බලපත්‍රලාභී මූල්‍ය සමාගම් සංගමය නෛතික හා නියාමන ප්‍රතිසංස්කරණ යෝජනා