නිවාස ණය ක්ෂේත්‍රයේ පුරෝගාමියකු වන HDFC බැංකුව විසින් සංවිධානය කරන ලද, සීමිත ඉඩකඩ සහිත පරිසරයේ වගාකිරීමේ තාක්ෂණික ක්‍රම සම්බන්ධ විශේෂ වැඩසටහන, Hyde park Corner ශාඛා පරිශ්‍රයේදී පසුගිය දිනක සාර්ථකව පැවැත්විණි.

HDFC බැංකුව මෙම කාර්යයට මුලපිරීමේ අරමුණ වූයේ, ඉදිරි කාලයේදී උද්ගත විය හැකි ආහාර හිඟයට සාර්ථකව මුහුණ දීමට අවැසි වටපිටාවක් සැකසීමට ශක්තියක් වීමයි. ඒ අනුව, නාගරික පරිසරය ඉලක්ක කරගනිමින් සීමිත ඉඩකඩක ඵලදායීව වගාකිරීමට අවශ්‍ය බීජ පැළ හා පොහොර පිළිබඳ දැනුම අවබෝධය ප්‍රජාවට ලබාදීම ප්‍රධාන අභිලාෂය විය. පුළුල් ප්‍රේක්ෂක පිරිසකට සම්බන්ධවීමට අවකාශ ලබාදෙමින් HDFC බැංකුවේ නිල Facebook  පිටුව හා Youtube නාලිකාව  හරහා වැඩසටහන විකාශය කෙරිණි.

මෙම විශේෂ අවස්ථාවට, HDFC බැංකුවේ සභාපතිනි වසන්ති මංචනායක, ප්‍රධාන මෙහෙයුම් නිලධාරී ඒ.ජේ. අතුකෝරළ, නියෝජ්‍ය සාමාන්‍යාධිකාරීනි සුදිශ්නා පෙරේරා, ප්‍රාදේශීය කළමනාකරු නිශාන්ත රණසිංහ, අලෙවිකරණ කළමණාරිනී දීපානි ප්‍රියංකා අපෝන්සු මහත්මිය,  හයිඩ්පාර්ක් කෝනර් ශාඛා කළමනාකරු අමල් කිරිඇල්ල සහ ආරාධිතයන් ලෙස කෘෂිකර්ම දෙපාර්තමේන්තුවේ බස්නාහිර පළාත් කෘෂිකර්ම උපදේශක සමිත මදුසංඛ, නියෝජ්‍ය පළාත් කෘෂිකර්ම අධ්‍යක්ෂ සමන්මලී ප්‍රනාන්දු, සහකාර පළාත් කෘෂිකර්ම අධ්‍යක්ෂිකා සුභාෂිනී ප්‍රේමරත්න යන මහත්ම මහත්මීන් ඇතුළු පිරිසක් සහභාගි වූහ.

වැඩසටහන පිළිබඳ අදහස් දක්වමින් සභාපතිනි වසන්ති මංචනායක මහත්මිය ප්‍රකාශ කළේ, ඔබගේ නිවසේ බැංකුව ලෙස, සියලු ලාංකීය ප්‍රජාවට උපකාර කිරීම සඳහා ඉදිරියේදී තවත් වැඩසටහන් තුළින් ව්‍යාපෘතිය ඉදිරියට ගෙනයාමට බලාපොරොත්තු වන බවයි.

595