2025 ජුනි මස 23 වන සඳුදා
ඇය පාසල් ගුරුවරියක් වූ අතර අ.පො.ස (උ.පෙ) ලියා අවසන් වූ තම පුතා සමග නිවසේ ග්‍රොසරියක්ද පවත්වාගෙන ගියාය. ග්‍රොසරියේ සේවය කිරීම සඳහා හැටන් ප‍්‍රදේශයෙන් පැමිණි තරුණයෙක්ද විය. දිනක් සවස තම මව ඇමතූ පුතා ”අම්මේ අද මට උණ වගේ” යැයි පැවසීය. මව වහාම තම පුතා වෛද්‍යවරයකුට පෙන්වා බෙහෙත් ගෙනාවාය.
පාසැලට යායුතු නිසා පසුදින උදෙන්ම අවදිවූ මව උණෙන් පෙළෙන තම පුතාට බීමට ලූණු කැඳ සාදා දිවා ආහාරය සඳහා ඔහුට වැටකොළු මාළුවක් සමඟ බත්ද පිළියෙළ කළාය. පසුව ග්‍රොසරියේ සේවය කරන තරුණයාට කථා කොට ”රාජු මතක් කරලා පුතාට බොන්න ලූණු කැඳ දෙන්න. දවල්ට වැටකොළු එක්ක බත් දෙන්න” යැයි පැවසුවාය. ”හරි හරි මිස් කන්න බැහැ කීවොත් මම කවන්නම්කෝ” තරුණයා සිනා සෙමින් කීය.
පාසල නිමාවී ගුරුවරිය යුහුසුළුව නිවෙසට පැමිණියේ පුතාගේ අසනීප තත්ත්වය විමසා බැලීමටය. පුතා ඇදේ හාන්සිවී සිටිනු දක්නට ලැබුණි. පුතාගේ නළලට අත තැබූ මව, ”පුතා දැන් උණ බැහැලද? ලූණු කැඳ බිව්වද? වැටකොළු එක්ක බත් කෑවාදැ’යි විමසුවාය.
”අම්මේ අද මට කවදාවත් කාපු නැති ‘රෙසිපි’ එකක් ලැබුණා. පුතා පැවසීය. ”ඒ මොකක්ද මේ උණ අස්සේ පුතා වෙන මොනවාහරි කෑවාදැයි මව පුදුමයෙන් විමසූ විට පුතා පැවසුවේ රාජු ලූණු කැඳවලට වැටකොළු මාළුව දමා කෑමට දුන් බවත් තමා එය ප‍්‍රතික්‍ෂේප කළවිට ,”නැහැ නැහැ මිස් කීවේ මට ඔහොම තමයි” කියමින් ලූණු කැඳ සමඟ වැටකොළු කවන ලද බවත් තමා ඉතා අපහසුවෙන් ඒවා කෑ බවත්ය.
මුදල් නොගෙවා කොත්තු කෑමට එන පොලිස් රාලහාමිලාට අපූරු පොලිස් කොත්තුවක් දෙන ආපනශාලා හිමියකු පිළිබඳ කතාවක් දකුණේ නගරයකින් අසන්නට ලැබේ.
දියණියගේ යැයි කියා අම්මාගේ හදහන ඉදිරිපත් කොට දුව දීග දීමට තැත් කළ පුවතක් වයඹ හා මධ්‍යම අතරට අයත් මායිම් ගම්මානයකින් අසන්නට ලැබුණි.
වයෝවෘද්ධ හිමි නමට ඇප උපස්ථානය කරනවා යයි මුහුණු පොතේ දමමින් විහාරස්ථානය සූරා කෑ ප්‍රාදේශීය සභා මන්ත්‍රීවරයකුට එම විහාරස්ථානයේ පස් පෑගීමත් තහනම් කෙරු
තම පුතුට කටයුත්තක් කතා කරන්නට නෑගම් ගිය පියකු පදම වැඩිවී අනාගත ලේලියගේ මව සමග අනග රැඟු‍ම් පාන්නට ගොස් පුතුගේ කසාදයට ද කණකොකා හැඬූ බව කියන පුවතකි.
මිතුරියකුගේ නිවසේ පැවැති පින්කමක් සඳහා සහභාගීවීමට යාමේදී සීනි වෙනුවට යූරියා කිලෝ දෙකක් රැගෙන ගිය කාන්තාවක පිළිබඳව දකුණු පළාතේ ගම්මානයකින් වාර්තා ව
මුහුණු පොතෙන් හඳුනා ගත් පෙම්වතා නිවෙසට ගෙන්වාගත් කාන්තාවකට මුහුණ දීමට සිදුවූ අපූරු සිදුවීමක් දකුණු පළාතේ ග්‍රාමීය ප්‍රදේශයකින් වාර්තාවේ.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
උණ ලෙඩාට ජීවිතේ කිසිදා නොකෑ කෑමක් දීලා
දයා අළහකෝන් Tuesday, 30 July 2013 10:58 AM
කොහොමත් එකයි. දෙකම බඩටනේ ගියේ (නි)
සරත් Tuesday, 30 July 2013 11:47 AM
උන තියෙන විට දෙජාතියක් එකම විට කන එක කොහොමත් ලෙහෙසියි. (ස)
ශාන් Tuesday, 30 July 2013 12:04 PM
වෙන වෙනම කෑවත් බඩේදි මිශ්‍ර වෙනවනේ.(ස)
පෙරේරා Tuesday, 30 July 2013 12:13 PM
අනේ ඉතින් රාජු, වැඩි හොදටනේ එහෙම කරලා තියෙන්නෙ. (නි)
වරුණ Tuesday, 30 July 2013 12:56 PM
කොහොමද ටිකිරි මොලේ?(අ)
ගාමිණී-සිරි Tuesday, 30 July 2013 02:32 PM
රාජුවාගේ නියම රසම් එක. උන කෙසේ වෙතත් , කැඳ ටික නම් අගේට බඩට බහින්න ඇති ! (දී)
බණ්ඩාර Tuesday, 30 July 2013 04:06 PM
වරුණ අයිත් පටන්ගත්ත මෝඩ කතා කියන්න. ලුණු කැඳ ඕනද? (ස)
බමුණු Tuesday, 30 July 2013 04:29 PM
මට මතක් වෙන්නේ එච් ඩ් විජේදාස මහතාගේ විහිළු තහළු. නෝනා බංගලාවේ වැඩට ආපු ආයා ට කී වලු බේබිට බටර් ගාල පාන් දෙන්න කියල ආයා බේබිගේ ඇඟ පුරාම බටර් ගාල පාන් පෙත්තක් අතට දීල (දී)
අකිල Tuesday, 30 July 2013 08:22 PM
ඇයි අපේ අල්ලපු ගෙදර ඉන්න ඇන්ටි වැඩකරන සේවකයාට කියලා ගියා බතුයි වතුරයි දෙන්න කියලා දවල්ට. එයා මොකද දන්නවද කළේ, බතුයි වතුරයි කෑම කන භාජනයට දාලා දීලා. (නි)
පිටිගල Tuesday, 30 July 2013 09:35 PM
ඉතින්? ඉතින්? එච්චරද? (අ)
ෂෙරිෆ් Tuesday, 30 July 2013 10:17 PM
ලෙඩා ඉක්මන් සුවය පතමි. ගොඩක් කාලෙකට පස්සේ එළවලු එක්ක බත් කන අය ගැන අහන්න ලැබුනේ. නැත්නම් දන්නවනේ ලෙඩාට මස් කටු ටිකක් දාලා සුප් හදලනේ දෙන්නේ. (නි)
ගයාන් Wednesday, 31 July 2013 06:33 AM
විස්තර සහිතව හරියට කියලා ගියා නම් ඉවරනේ (නි)
උපාලි Wednesday, 31 July 2013 07:04 AM
මේ ග්‍රොසරියේ පොඩි පොඩි ලෙඩවලට දෙන බෙහෙත් පෙති, එතකොට ගෙදර දොරේ පාවිච්චි වෙන දේවල් එහෙම ඇති නේද? උදාහරණයක් හැටියට ගත්තොත් පැනඩෝල්, මී පාසානම් වගේ ඒවා? (නි)
හේරත් Wednesday, 31 July 2013 09:41 AM
ඕවත් වැඩද? මගේ නැන්දා (86). බත් කනකොට මාළු කටු කෑල්ලක් උගුරේ හිරවෙලා. ලොකු නෑනා (50) නංගිට කතා කරලා ඇහුවලු මොකද කරන්නේ කියලා. ඉදුණු කෙසෙල් ගෙඩියක් කන්න දෙන්න කටුව ඒකේ ඇනිලා යයි කිව්වලු. ටෙලිෆෝනයෙන් ඇහෙනවා " අනේ දුවේ මාව මැරේවි එකපාරට ඔහොම කෙසෙල් උගුරේ එබුවම". අක්කා අම්මගේ කට ඇරලා කටුව මේ හරියේද අසමින් කෙසෙල් ගෙඩියම කටේ ඔබලා...තව ඩින්ගෙන් නැන්දා ඉවරයි. (නි)
කුමාරිහාමි Wednesday, 31 July 2013 03:09 PM
රජයේ සේවිකාවකට ව්‍යාපාර කිරීමට ආයතන සංග්‍රහයෙන් තහනම් කර ඇත. ග්‍රොසරියක් පවත්වාගෙන යාම ගුරුතුමියගේ ඔසරියද නැතිවෙන වැඩකි. (නි)