2025 ජුනි මස 24 වන අඟහරුවාදා
තමන් ආධාර උපකාර කරන අපේක්ෂකයාගේ වංහුං අහද්දී කිසිවක් කියා ගත නොහැකිව අන්දමන් ද වූ අධාරකරුවෝ පිරිසකි.
පළාත් සභා අපේක්‍ෂකයකුට ආධාර පතා ඔවූහූ ගෙයින් ගෙට ගියහ. මේ පිරිස අපේක්ෂකයාගේ ගමට යාබද ගමේ නිවෙසකට ගියහ. විස්තර පත්රිකා බෙදමින් නිවැසියන් දැනුම්වත් කරමින් අපේක්‍ෂකයාට මනාපයක් සලකුණු කරන ලෙස ඉල්ලූවේය. පළමුව පක්ෂයට ඡන්දය දී අනතුරුව මනාපය ලකුණු කළ යුතු නිසා නිවැසියා එසේ නොකළේ මන්දැයි විමසීය. ‘‘අමතක වුණා’’ පිරිසේ නායකයා සේ පෙනී සිටි අය කීය.
මුඛරි බවින් යුතු නිවැසියා මේ අපේක්ෂකයාගේ තොරතුරු විමසන්නට වූයේය. පිරිස විස්තර පති‍්‍රකාව බලමින් උත්තර දෙනු දුටු නිවැසියා මේ අයගේ නොදැනුවත්කම ගැන තේරුම් ගත්තේය.
මේ අපේක්‍ෂකයා නිවැසියාගේ දැඩි හිතවතෙකි. ඒ නිසා අපේක්ෂකයාගේ පවුලේ තොරතුරු ඇතුළු වෙනත් විස්තර ඔහු ඇසුවේ කිසිවක් නොදන්නා පුද්ගලයෙකු පරිද්දෙනි. පිරිස අන්දමන්ද වූයේ ඒ ගැන කියන්නට තොරතුරු නොදන්නා නිසාවෙනි.
නිරුත්තර වූ පිරිසේ නායකයා කටහඬ අවදි කළේය. මහත්තයා ඒ ගැන නම් අපි දන්නේ නැහැ. අපි මාඔයෙන් එගොඩ කට්ටියක්. මේ පත්රිකා ටික බෙදලා එන්න කියා අපේ මහත්තයා කිව්වා. ඔහු ප‍්‍රබල දේශපාලන චරිතයක නම කියමින් පැවසීය.
මහත්වරු දැනගන්න මේ අපේක්‍ෂකයා අපේ අල්ලපු ගමේ කියද්දී පිරිස මුව අයා බලා සිටියහ. එයා .......... ගේ පුතා යැයි කී නිවැසියා අපේක්‍ෂකයා පිළිබඳ තොරතුරු පිරිසට කියා දී මීට පසුවවත් මෙවන් ගොන්කම් නොකරන ලෙස ද ඉල්ලා සිටියේ ය.
මුදල් නොගෙවා කොත්තු කෑමට එන පොලිස් රාලහාමිලාට අපූරු පොලිස් කොත්තුවක් දෙන ආපනශාලා හිමියකු පිළිබඳ කතාවක් දකුණේ නගරයකින් අසන්නට ලැබේ.
දියණියගේ යැයි කියා අම්මාගේ හදහන ඉදිරිපත් කොට දුව දීග දීමට තැත් කළ පුවතක් වයඹ හා මධ්‍යම අතරට අයත් මායිම් ගම්මානයකින් අසන්නට ලැබුණි.
වයෝවෘද්ධ හිමි නමට ඇප උපස්ථානය කරනවා යයි මුහුණු පොතේ දමමින් විහාරස්ථානය සූරා කෑ ප්‍රාදේශීය සභා මන්ත්‍රීවරයකුට එම විහාරස්ථානයේ පස් පෑගීමත් තහනම් කෙරු
තම පුතුට කටයුත්තක් කතා කරන්නට නෑගම් ගිය පියකු පදම වැඩිවී අනාගත ලේලියගේ මව සමග අනග රැඟු‍ම් පාන්නට ගොස් පුතුගේ කසාදයට ද කණකොකා හැඬූ බව කියන පුවතකි.
මිතුරියකුගේ නිවසේ පැවැති පින්කමක් සඳහා සහභාගීවීමට යාමේදී සීනි වෙනුවට යූරියා කිලෝ දෙකක් රැගෙන ගිය කාන්තාවක පිළිබඳව දකුණු පළාතේ ගම්මානයකින් වාර්තා ව
මුහුණු පොතෙන් හඳුනා ගත් පෙම්වතා නිවෙසට ගෙන්වාගත් කාන්තාවකට මුහුණ දීමට සිදුවූ අපූරු සිදුවීමක් දකුණු පළාතේ ග්‍රාමීය ප්‍රදේශයකින් වාර්තාවේ.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
ඡන්ද අපේක්ෂකගේ වංහුං අහද්දී ආධාරකරුවන්ට තරු පෙනිලා
ධම්ම Tuesday, 11 March 2014 11:13 AM
මේක ඉතින් මහ පුදුමයක්යැ ලොකු ලොකු දේශපාලකයොත් තමන්ගේ ප්‍රචාරක කටයුතු පුද්ගලික සමාගම් වලට කොන්ත්‍රාත් දෙන්නේ. මේකත් එහෙම දෙයක් තමයි. හැබැයි මෙයාලට හම්බවෙන්නේ බත් මුලයි වතුර (මත්) බෝතලෙයි. (අ)
නිලූ විදානගේ, සෞදි අරාබිය Tuesday, 11 March 2014 01:06 PM
අර චන්ද්‍රිකා නෝනත් ආයි ඡන්දෙ ඉල්ලන්න එන කාලේ ඕවා මොන කතාද අයිසේ? (නදී)
සම්පත් Tuesday, 11 March 2014 01:42 PM
මෙයා කියන විදියට බොහෝ ආදාර කරුවෝ අපේක්ෂකයාගේ විස්තර දන්නේ නැහැ. පත්රිකා බෙදන්න යන අය සමහරු අපේක්ෂකයෝ දැකලත් නැහැ.(නදී)
මංගල Tuesday, 11 March 2014 03:35 PM
'මුඛරි බවින් යුතු නිවැසියා', හොදට ගැලපෙන නම. ඡන්ද පත්‍රිකාවෙ තියෙනදේ කියවගන්න බැරිවෙන්න ඇති. කොහොමත් පත්රිකා බෙදන මිනිස්සු නෙවෙයි මනාප ලකුණු කරන්නෙ, ඒක කොරන්නෙ අච්චු කන්තෝරැවෙන්, 'අපේක්‍ෂකයා නිවැසියාගේ දැඩි හිතවතෙකි' මේ වගේ හිතවත්තු ඉන්න අපේක්‍ෂකයින්ට ඡන්දෙ දෙන අයට දෙයියන්ගෙම පිහිටයි. මම එතන හිටියනම් කෙලින්ම කියනවා පණ්ඩිතකම් නැතුව පම්පෝරිය කලින්ම කිව්වනම් ඉවරනෙ කියලා. (දී)
පනික Tuesday, 11 March 2014 04:00 PM
මේ පුද්ගලයා ගැන සහ ඔහුගේ අදහස් උදහස් ගැන කරුණාකර හොයා බලා ලියන්න. ඔහේ අනුන්ගේ ඔලු වැනෙනකොට තමන්ගේත් ඔලුව වනන බහුතරයට මේ පුද්ගලයාගෙන් ඉගෙන ගත යුතු දේ බොහොමය්. මේ පුද්ගලයා රටට සහ ජාතියට ආඩම්බරයක්. (අ)
අසෝකා Tuesday, 11 March 2014 04:17 PM
මේ වගේ කට්ටිය දාගෙන තියෙන ඡන්ද ටිකත් නැතිකර ගන්නවා! (අ)
සෙන Tuesday, 11 March 2014 07:13 PM
පුදුම වෙන්න දෙයක් නැහැ හුග දෙනෙක් දේසපාලනය කරන්නේ අරක්කු බෝතලෙටයි බත් පාර්සලේටයයි (දී)
සත්‍යයා Wednesday, 12 March 2014 09:29 AM
මුකුත් නොකර ගෙදර හිටියත් තරු පෙනෙනවා බඩු මිල හා ලැබෙන ආදායම ගැන හිතන කොට. නොදන්නා මිනිහෙක් ගැන කොල ටිකක් බෙදල හරි බත්වෙලක් හොයා ගන්න පුළුවන් නම් එක දවසක් හරි ගොඩ.(අ)