2025 ජුනි මස 28 වන සෙනසුරාදා
ගෙවත්තේ පොල් ගස්වල කුරුම්බා ඇට්ටි කෑමට පැමිණෙන දඬු ලේනුන් පන්නා දැමීම සඳහා රතිඤ්ඤා දල්වා පොල් ගස් මතට විසි කරමින් සිටි පුද්ගලයෙකු දල්වන ලද රතිඤ්ඤා කරලක් අතේ තබාගෙන අතේ වූ ගිනිපෙනෙල්ල ගස දෙසට විසි කිරීමත් සමඟම අතේ තිබූ රතිඤ්ඤා කරල පිපිරී යාමෙන් අතට හා ඉඟ ප්‍රදේශයට සිදුවූ බරපතළ තුවාල හේතුවෙන් රෝහල් ගත කිරීමේ පුවතක් වියලුවේ ගමකින් වාර්තා වේ.
සිද්ධිය මෙසේය.
ගම්බද ප්‍රදේශයකි. තම ගෙවත්තේ පොල් ගස්වල ඇට්ටි කා දැමීමට පැමිණෙන දඬු ලේනුන් පන්නා දමන්නට මේ ගමේ පුද්ගලයෙකු රතිඤ්ඤා දල්වා පොල් ගස් මතට විසි කරන්නට පුරුදු වී සිටියේ රතිඤ්ඤා හඬට බිය වී දඬු ලේනුන් පැන යන නිසාය.
එදිනද ගිනිපෙනෙල්ලක් රැගෙන ගිය හෙතෙම පොල් ගසක ඇට්ටි කමින් සිටි දඬු ලේනෙකු දැක රතිඤ්ඤා කරලක් දැල්වූයේ ගස මතට විසිකරන්නටය.
ඔහු කොතෙක් කලබල වූවේද යත් දල්වන ලද රතිඤ්ඤා කරල යැයි සිතා අතේ වූ ගිනිපෙනෙල්ල හැකි වෙර යොදමින් දඬු ලේනා දෙසට විසිකළේ අනෙක් අතෙන් දල්වන ලද රතිඤ්ඤා කරල තරයේ අල්ලාගනිමිනි.
ගිනිපෙනෙල්ල විසිකිරීමෙන් බියපත්වූ දඬු ලේනා පලා යන දෙස බලා සිටි ඔහු යළි පියවි සිහියට ආවේ කන් බිහිරි කරමින් අතේ වූ රතිඤ්ඤා කරල පිපිරී යාමෙනි.
(වියලුව වාර්තාකරු)
මුදල් නොගෙවා කොත්තු කෑමට එන පොලිස් රාලහාමිලාට අපූරු පොලිස් කොත්තුවක් දෙන ආපනශාලා හිමියකු පිළිබඳ කතාවක් දකුණේ නගරයකින් අසන්නට ලැබේ.
දියණියගේ යැයි කියා අම්මාගේ හදහන ඉදිරිපත් කොට දුව දීග දීමට තැත් කළ පුවතක් වයඹ හා මධ්‍යම අතරට අයත් මායිම් ගම්මානයකින් අසන්නට ලැබුණි.
වයෝවෘද්ධ හිමි නමට ඇප උපස්ථානය කරනවා යයි මුහුණු පොතේ දමමින් විහාරස්ථානය සූරා කෑ ප්‍රාදේශීය සභා මන්ත්‍රීවරයකුට එම විහාරස්ථානයේ පස් පෑගීමත් තහනම් කෙරු
තම පුතුට කටයුත්තක් කතා කරන්නට නෑගම් ගිය පියකු පදම වැඩිවී අනාගත ලේලියගේ මව සමග අනග රැඟු‍ම් පාන්නට ගොස් පුතුගේ කසාදයට ද කණකොකා හැඬූ බව කියන පුවතකි.
මිතුරියකුගේ නිවසේ පැවැති පින්කමක් සඳහා සහභාගීවීමට යාමේදී සීනි වෙනුවට යූරියා කිලෝ දෙකක් රැගෙන ගිය කාන්තාවක පිළිබඳව දකුණු පළාතේ ගම්මානයකින් වාර්තා ව
මුහුණු පොතෙන් හඳුනා ගත් පෙම්වතා නිවෙසට ගෙන්වාගත් කාන්තාවකට මුහුණ දීමට සිදුවූ අපූරු සිදුවීමක් දකුණු පළාතේ ග්‍රාමීය ප්‍රදේශයකින් වාර්තාවේ.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
දඬුලේනාට ගිනිපෙනෙල්ල දමා ගසද්දී රතිඤ්ඤා කරල අතේ පත්තුවෙලා
අබය Tuesday, 10 January 2017 07:00 AM
මම අහලා තියෙනවා සිගරැට් එකෙන් රතිඤ්ඤා කරලා පත්තු කරලා එ්ක කටේ ගහගෙන සිගරට් එක විසිකරපු කතාවක්. (නි)
මහේෂ් ඩුබායි Tuesday, 10 January 2017 12:18 PM
අභය කියපු විදිහට රතිඤ්ඤා කරල පත්තු වුනානම් ඉතින් අබ සරණයි නේද? (බ)
ජනහිත Wednesday, 11 January 2017 05:46 AM
මේ වගේ දේවල් වෙන්නේ තමන් කරන්නේ මොකක්ද කියලා සිහියේ තබානොගෙන වැඩ කරනකොට තමයි. හැබැයි මේදේම නොවුණත් සමාන දේවල් කාටත් ජීවිතේදී එක සැරයක් හරි වෙනවාමයි. හුඟක් වෙලාවට බස් එකෙන් කෝච්චියෙන් බහින තැන අමතකවෙලා ඊළඟ එකෙන් බහිනවනේ. (නි)
නුවන් Wednesday, 11 January 2017 06:24 AM
දිට්ට ධම්ම වේදනීය කර්මය නේද පළදීලා තියෙන්නේ (නි)
ගුණවර්ධන Thursday, 12 January 2017 07:15 PM
මේ පුද්ගලයාගේ නම අතපත්තු වෙන්න ඇති. ඉතින් අතේ පත්තු නේද? (නි)
පිටිගල Friday, 13 January 2017 08:03 AM
1960 ගණන් වල අපේ ගමෙහිටියා පොඩිනේරිස් කියල මිනිහෙක්. ඒ මිනිහා කළේ කොස්ගුලන ගඟේ මාළු අල්ලන එක තමයි.ඩයින මයිට් කියලා වෙඩි වර්ගයක් පත්තු කරලා ගඟට දාල ඒ කම්පනයෙන් මැරෙන මාළු අරන් කන්නයි විකුනන්න්නයි පුරුදු වෙලා හිටිය මේ මිනිහා ගමේ මිනිසුන්ගේ අප්‍රසාදයට පත් වෙලා හිටියේ. දවසක් අර වෙඩි කරලකුත් අරන් ගඟේ මාළු වැඩියෙන් හිටි වලකට මේ ක පත්තු කරලා දාන්න ගිහින් ඔය වගේම වෙඩි කරල පත්තු කරලා ගිනි පෙනෙල්ල ගඟට දාල . අන්තිමට වෙඩිකරල අතේ පත්තුවෙලා අතත් කැඩිලා ඇහැකුත් කන වෙලා බොහොම අසාධ්‍ය වෙලා ගොඩාක් දුරින් තිබුන රෝහලකට ගෙනත්. අන්තිමට ගමට අාවේ එක ඇහැක් සහ අතක් නැති මිනිහෙක්. අපේ ගමේ හිටි පොඩිනේරිස්ලා ගෙන් මේ මිනිහා හඳුන්වන්න කන පොඩිනේරිස් කියලා නමට විශේෂණ පදයක් එකතුවෙලා. මිනිහා හුඟක් දුක් විඳලා මරුනේ.අන්තිමට. (අ)
ලංකාසිරි Friday, 13 January 2017 10:25 AM
අපි තව කෙනෙකුට වින කටිනකොට ඒක කැරකිලා අපිටම වදිනවා ඒක ස්වාභාවධර්මයයි.සතෙක් සිව්පාවෙක්ටවත් අහිතක් නොකරන්න, අහිතක් නොසිතන්න.(අ)