2025 ජුලි මස 04 වන සිකුරාදා
(රත්ගම විශේෂ - ධර්මදාස සිරිවර්ධන)
ප්‍රාදේශීය ලේකම් කාර්යාලයක නිලධාරිනියකට නිවස හා කාර්යාලය මාරු වීම නිසා සිදුවූ අපූරු සිද්ධියක් දකුණේ ප්‍රාදේශීය ලේකම් කාර්යාලයකින් වාර්තා විය.
වාර්තා වන අන්දමට සිද්ධිය මෙසේය.
මෙම නිලධාරිනිය දුර බැහැර පදිංචිව සිට මෑණියන් තම නිවසට ගෙන්වා ගත්තේ ඇය වයස්ගතව දැඩි සේ අසනීපයෙන් සිටි බැවිනි. තම මෑණියන්ට සාත්තු සප්පායම් කිරීමට තරම් විවේකයක් හෝ හැකියාවක් නොතිබුණ ද මෑණියන්ගේ කටයුතු තමාගේ අතින් ඉටු විය යුතු බවට මෙම නිලධාරිනිය තරයේ විශ්වාස කළාය.
තම දරුවන් අධ්‍යාපන කටයුතු වල නිරත වුවද ඔවුහු නිතරම තම ආච්චි අම්මා ළඟ රැඳීසිටිමින් සාත්තු සප්පායම් කළහ.
කෙසේ වුවද නිවසේ කිසිවකු නොමැති අවස්ථා වල තම ස්වාමි පුරුෂයා නිවසේ රැඳෙව්වේය. ඔහු අවශ්‍ය දේ සිදු කළ ද කාර්යබහුල පුද්ගලයකු වූ නිසා ඇතැම් අවස්ථා වල මෑණියන්ගේ දුබල කටහඬ නොඇසෙන බැවින් කතා කළ සැණින් ඇය අසලට යාම සිදු නොවීය. මේ බව ඇය තම දියණියට පැමිණිලි කළාය. ඒ ගැන ස්වාමි පුරුෂයා පැවසුවේ වැඩ අධික වේලාවට අම්මාගේ හඬ නොඇසෙන බවයි.
මෙයට අපූරු උපායක් කල්පනා කළ මෙම නිලධාරිනිය මවගේ ඇඳ මත බෙල් එකක් සවි කර අවශ්‍ය වූ විට එයට ඇඟිල්ල තබන ලෙස උපදෙස් දුන්නාය. ඒ නිසා මෑණියන්ට අවශ්‍ය සෑම විටම බෙල් එක ටි්‍රං හඬින් නාද කළ අතර කවුරුන් හෝ ක්ෂණිකව ඇය අසලට ගොස් අවශ්‍යතාව ඉටු කළේය.
මෙම සාර්ථක උපක්‍රමයක් නිසා කරදරයක් නොමැතිව මෑණියන්ගේ අවශ්‍යතා ඉටුවූ අතර රාත්‍රියේ වුවද මෑණියන්ගේ කටයුතු වලට එය පහසුවක් විය.
ඉන් පසු බෙල් හඬට කවුරුන් හෝ ඇය අසලට දිව යාම සිදු විය. ඒ ගැන ඇය සතුටු වූවාය. කෙසේ වුවද ඇතැම් දින වල රාත්‍රී කාලයේ නිදි වරා මෑණියන්ගේ කටයුතු කර සේවයට යන්නේ වෙන කළ හැකි දෙයක් නොමැති බැවිනි. නිලධාරිනියගේ සිත තිබුණේ නිවසේය.
දිනක් ප්‍රාදේශීය ලේකම්වරිය කාර්යාල කාර්ය සහයක කැඳවමින් බෙල් එක නාද කළේය. හදිසි වැඩක නිරතව සිටි මෙම නිලධාරිනිය ශබ්ද නඟා එනවා අම්මේ යි කියමින් නැගිට ප්‍රාදේශීය ලේකම් කාමරය වෙත දිව ගියාය. කාර්යාලයේ සහෝදර නිලධාරීන් සිනා වෙමින් පුදුමයෙන් ඇය දෙස බලන විටත් ඇය ප්‍රාදේශීය ලේකම්වරියගේ කාමරය ආසන්නයටම ගොස් තිබුණි.
කෙසේ වුවද සිද්ධිය අවබෝධ වී ලජ්ජාවෙන් වට පිටා බලා නැවත ආපසු පැමිණ රාජකාරි කටයුතු ඉටු කළේ මෙහෙමත් වැරදීමක් යයි සිතමිනි. ඉන් පසුව එම අංශයේ නිලධාරීන් ප්‍රාදේශීය ලේකම්වරිය බෙල් එක නාද කරන සෑම විටකදීම සියල්ලෝම සිනා සී හොරැහින් ඇය දෙස බලති.
මුදල් නොගෙවා කොත්තු කෑමට එන පොලිස් රාලහාමිලාට අපූරු පොලිස් කොත්තුවක් දෙන ආපනශාලා හිමියකු පිළිබඳ කතාවක් දකුණේ නගරයකින් අසන්නට ලැබේ.
දියණියගේ යැයි කියා අම්මාගේ හදහන ඉදිරිපත් කොට දුව දීග දීමට තැත් කළ පුවතක් වයඹ හා මධ්‍යම අතරට අයත් මායිම් ගම්මානයකින් අසන්නට ලැබුණි.
වයෝවෘද්ධ හිමි නමට ඇප උපස්ථානය කරනවා යයි මුහුණු පොතේ දමමින් විහාරස්ථානය සූරා කෑ ප්‍රාදේශීය සභා මන්ත්‍රීවරයකුට එම විහාරස්ථානයේ පස් පෑගීමත් තහනම් කෙරු
තම පුතුට කටයුත්තක් කතා කරන්නට නෑගම් ගිය පියකු පදම වැඩිවී අනාගත ලේලියගේ මව සමග අනග රැඟු‍ම් පාන්නට ගොස් පුතුගේ කසාදයට ද කණකොකා හැඬූ බව කියන පුවතකි.
මිතුරියකුගේ නිවසේ පැවැති පින්කමක් සඳහා සහභාගීවීමට යාමේදී සීනි වෙනුවට යූරියා කිලෝ දෙකක් රැගෙන ගිය කාන්තාවක පිළිබඳව දකුණු පළාතේ ගම්මානයකින් වාර්තා ව
මුහුණු පොතෙන් හඳුනා ගත් පෙම්වතා නිවෙසට ගෙන්වාගත් කාන්තාවකට මුහුණ දීමට සිදුවූ අපූරු සිදුවීමක් දකුණු පළාතේ ග්‍රාමීය ප්‍රදේශයකින් වාර්තාවේ.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
ප්‍රා. ලේකම්වරියගේ සීනු හඬින් නිලධාරිනියක් හොල්මන් වෙලා
jayantha Monday, 28 October 2019 06:16 AM
සිනාවෙන්න නොවෙයි තිබුනේ ඇය මව ගැන කොතරම් අවධානයෙන් ඉන්නවද කියල අගය කරන්න හැමෝටම වැරදි වෙනවා ඔය හිනා උන අයට ගොඩක් වැරදි වෙනවා ඇති
CHANDRA Monday, 28 October 2019 07:06 AM
එයා හොඳ කෙනෙක් අම්මට සලකන. හිනා වෙන්න දෙයක් නැහැ.
fazal Monday, 28 October 2019 07:46 AM
තමන්ගේ අම්මට සලකන්න ලැබීමත් භාග්‍යක්.
kumara Monday, 28 October 2019 07:57 AM
අපේ අය දන්නේ කෙනෙක් වැටෙන්න ගියත් හිනාවෙන්න. මේ මිස් කොච්චර උසස් ගතිගුණ තියන කෙනෙක්ද... කොච්චර කාර්ය බහුල උනත් හැම මොහොතකම හිටියේ අම්ම ගැන සිතමින්...
chinthaka Monday, 28 October 2019 09:29 AM
සිනාසෙන්න නෙවෙයි, සහෝදර නිලධාරීන්ට කරන්න තිබුණේ... මේ නිලධාරිනිය එ් වෙලේ පත්වූ අපහසුතාවයෙන් මිදීමට එම සිද්ධිය නොදැක්කා සේ සිටීමයි. එක අතකට මේ අබුද්ධස්ස කාලේ තමන්ගේ මෑණියන්ට සැලකීමත් විහිලුවට ලක්වෙන යුගයක් තමයි.
තුෂා Monday, 28 October 2019 09:32 AM
අම්මා වයස්ගතව දැඩිසේ අසනීපව ඉන්න නිසා වෙන්න ඇති නිතරම අම්මා ගැන සෙවිල්ලෙන් ඉන්න ඇත්තේ.. දෙමව්පියන් කූඩුවල ලග්ගවන සමහර දරුවන් හමුවේ ඇය කෙතරම් උතුම් කාන්තාවක්ද? සැමියයි දරුවනුයි උපරිමයෙන්ම ඇයට සහයෝගය දෙන නිසා ඇය වාසනාවන්ත කාන්තාවක්.. එතුමියගේ දරුවන්ට ඇය දෙන්නේ ඉතා උතුම් ආදර්ශයක්.. ඇයට හිනාවුණු කාර්යාලයේ සහෝදර නිලධාරීන් ගැන කතා කිරීමත් නිෂ්ඵල ක්‍රියාවක්...
Mahajanaya Tuesday, 29 October 2019 05:46 AM
ප්‍රාදේශීය ලේකම්තුමියගේ අවදානය පිණිසයි. ඉහත ප්‍රාදේශීය ලේකම් කාර්යාලය මගින් සිදුකරන මහජන සේවය කොපමණද කියා සිතා ගතහැකියි. සහෝදර සේවකයා හට එසේ නම්, සේවය ලබාගැනීමට යන මහජනතාවට කොපමණ සිනාවෙනවා ඇතිද? මහජන මුදලින් නඩත්තු වන රාජ්‍ය ආයතනයකි...
sunanda Tuesday, 29 October 2019 09:07 AM
වාසනාවන්ත අම්ම කෙනෙක්...ඔබට පින්
chinthaka Tuesday, 29 October 2019 06:10 PM
මං හැමදාම කියනවා වගේ අපේ මිනිසුන් කළගුණ සලකන ඉතාම යහපත්, කොටින්ම වැඩිහිටියන් අනිවාර්යෙන් මහලු නිවාස වලට ගාල් කරන බටහිර රටවලටද ආදර්ශයක්. පොඩි වරදකට ඇත්තේ දේශපාලනය පිළිබද පරිණත දැක්මක් නොමැතිවීම පමණයි.
maalaka Wednesday, 30 October 2019 02:09 AM
නූගත්කමද, අසංවරකමද දන්නේ නෑ.. වැඩි දෙනෙක් බලා ඉන්නේ තව කෙනෙක්ට හිනාවෙන්න. තව කෙනෙකුට සහනයක් වෙන්ඩ බැරි නම්, ඒ වෙන අතපසුවීමක් හෝ අත්වැරදීමක් නොදක්කා මෙන් ඉන්න ඉගෙන ගන්න..
Tharuka Wednesday, 30 October 2019 10:37 AM
මම දැකපු උතුම්ම කාන්තාවක්.., එතුමියට කවදාවත් වරදින එකක් නැහැ.
ප්‍රසාද් Thursday, 31 October 2019 02:39 AM
හිනාවෙන්න ඕනෙ ඇයට නොවෙයි, ඒ වගේ අයට හිනා වෙන අමනයින්ටයි...!