2025 ජුනි මස 27 වන සිකුරාදා
(මීරිගම විශේෂ පුෂ්පකුමාර මල්ලවආරච්චි)
ආරක්ෂක හිස් වැසුමක් පැළඳගෙන තවත් පුද්ගලයකු සමග පන්සලේ දාන ශාලාවට හදිසියේ ඇතුළු වූ තරුණයකු දානය වළඳමින් සිටි භික්ෂුන් වහන්සේලාට දන් බෙදූ පුවතක් සියනෑවේ ගම්මානයකින් වාර්තාවිය.
කොළඹ - නුවර පාරට ආසන්න ගම්මානයක විහාරස්ථානයකි. වේලාව මධ්‍යහ්නට ආසන්නය. විහාරාධිපති හිමියෝ ගෝල හිමිවරුන් කැටිව දාන ශාලාවට ගියේ ඉර අවරට යනු පෙර දන් වැළඳීම සඳහාය.
සංඝරත්නය දන් වළඳමින් සිටිය දී පෑල දොරින් තරුණයන් දෙදෙනකු ඇතුළුවූයේ හති දමමිනි. ඔවුන් යතුරුපැදියකින් ආ බවට පැහැදිලි වූයේ එක් අයකු ආරක්ෂිත හිස් වැසුමක් පැළඳ සිටි නිසාය. දෙදෙනා භික්ෂුන් වහන්සේ දානය ප්‍රමාණවත් බවට සංඥා කරද්දීත් දානය බෙදීම මහත් කරදයක් සේ පෙනුණි. එහෙත් මහ සඟරුවන ඒ බව නොපවසා කරදරය ඉවසාගෙන දන් වැළඳීමේ යෙදී සිටියහ.
නිල ඇඳුමින් සැරසුණු පොලිස් නිලධාරීන් දෙන්නකු මේ අවස්ථාවේ දන් ශාලාවට පිටුපස දොරටුව අසලට පැමිණි මේ සියල්ල බලා සිටිනවා නායක හිමියන්ට පෙනුණි. ගමේ තරුණයන් දෙන්නා කිසියම් වැරැද්දක් නිසා පොලිසිය මගහැරීමට මෙසේ දන් බෙදන්නට වූ බව තේරුම් ගත්තේය. පොලිස් අණ නොතකා ගිය දෙන්නා ගමන්ගත් යතුරුපැදිය පන්සල් බිමේ නවතා තිබෙනු දැකීම නිසා ඔවුන් සොයා මෙසේ පන්සලට පැමිණ තිබිණ. දානය වළඳා අවසන් වූ නායක හිමියෝ මහත්තයලාත් එන්න බත් කටක් කන්නැයි පොලිස් නිලධාරීන්ට පවසා ළමයිනේ මේ මහත්තයලාට හොඳින් සංග්‍රහ කරපල්ලයි තරුණයන් දෙන්නාට කියා ආවාස ගෙය දෙසට පිය මැන්නේය.
ඔවුන් ද නායක හිමියන්ගේ උපදෙස් පරිදි පොලිස් නිලධාරීන් දෙන්නාට සංග්‍රහ කරනු ලැබ ඇත්තේ බියෙන් පසුවෙමින්ය. ආහාරගත් පොලිස් නිලධාරීන් මීට පස්සේවත් හෙල්මට් දාගෙන පලයල්ලා නවත්වන්න කිව්වාම නවත්වන්නත් දැනගනිල්ලා. අදට නායක හාමුදුරුවෝ හින්දා බේරුණා’යි පවසා පිටව යද්දී තරුණයන් දෙන්නා සැනසුම් සුසුමක් හෙලුවත් සියල්ල අසා සිටි නායක හිමියන් පැමිණ පැවැත්වූ දෝස් මුරය අසා සිටියේ වෙව්ළමිනි.
මුදල් නොගෙවා කොත්තු කෑමට එන පොලිස් රාලහාමිලාට අපූරු පොලිස් කොත්තුවක් දෙන ආපනශාලා හිමියකු පිළිබඳ කතාවක් දකුණේ නගරයකින් අසන්නට ලැබේ.
දියණියගේ යැයි කියා අම්මාගේ හදහන ඉදිරිපත් කොට දුව දීග දීමට තැත් කළ පුවතක් වයඹ හා මධ්‍යම අතරට අයත් මායිම් ගම්මානයකින් අසන්නට ලැබුණි.
වයෝවෘද්ධ හිමි නමට ඇප උපස්ථානය කරනවා යයි මුහුණු පොතේ දමමින් විහාරස්ථානය සූරා කෑ ප්‍රාදේශීය සභා මන්ත්‍රීවරයකුට එම විහාරස්ථානයේ පස් පෑගීමත් තහනම් කෙරු
තම පුතුට කටයුත්තක් කතා කරන්නට නෑගම් ගිය පියකු පදම වැඩිවී අනාගත ලේලියගේ මව සමග අනග රැඟු‍ම් පාන්නට ගොස් පුතුගේ කසාදයට ද කණකොකා හැඬූ බව කියන පුවතකි.
මිතුරියකුගේ නිවසේ පැවැති පින්කමක් සඳහා සහභාගීවීමට යාමේදී සීනි වෙනුවට යූරියා කිලෝ දෙකක් රැගෙන ගිය කාන්තාවක පිළිබඳව දකුණු පළාතේ ගම්මානයකින් වාර්තා ව
මුහුණු පොතෙන් හඳුනා ගත් පෙම්වතා නිවෙසට ගෙන්වාගත් කාන්තාවකට මුහුණ දීමට සිදුවූ අපූරු සිදුවීමක් දකුණු පළාතේ ග්‍රාමීය ප්‍රදේශයකින් වාර්තාවේ.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
පොලිසියෙන් බේරෙන්න හෙල්මට් දාගෙන දානය බෙදලා
ධම්ම Monday, 09 May 2016 08:48 AM
ඔන්න ඔය වැඩේට තමයි මා කැමති නැත්තේ. මේ තරුණයින් දෙන්නා නිදහස් කර හැරිය එක වැරදියි. පොලිස් නිලධාරීන් කෑම කා අවසන් කර හෝ නීතිය ක්‍රියාත්මක කරන්න තිබුනා. මෙන්න මේ වැඩ නිසා තමයි අපේ මිනිසුන් නීතියෙන් රිංගන්න උප්පරවැට්ටි දාන්නේ. (අ)
බෙනට් Monday, 09 May 2016 10:40 AM
නැහැ .. නායක හාමුදුරුවෝ කල වැඩේ ඉතාම හොඳයි . ඉතා බුද්ධිමත් නායක හාමුදුරු නමක් බව හිතාගන්න පුළුවන් .හෙල්මට් නැතුව හදිසියකට බයිසිකලයක් පදින එක මහා ලොකු වරදක් නෙමෙයි . හාමුදුරුවෝ අවවාද කල එක ඉතාම වටිනවා . (හේ)
පිටබැද්දර ජයා Monday, 09 May 2016 12:43 PM
දඩ ගහල නිතිය හමුවට පමුනුවට වඩා බරපතලයි මේ දඬුවම , ජිවිත කාලෙටම මේ වරද මේ දෙන්න කරන එකක් නැහැ (බ)
පිටිගල Tuesday, 10 May 2016 04:01 AM
ඇත්තටම පිට බද්දර ජයා කිව්වදේ නම් සහතික ඇත්ත. (ර)
චින්තක Tuesday, 10 May 2016 06:10 AM
දඩ කොලයකට වඩා මෙම දඩුවම හොදා. (ර)
ජයරත්න Tuesday, 10 May 2016 06:13 AM
මෙහි එන තරුනයන් යම් කිසි සුලු වරදක් කර ඇතත් මෙම කථාන්තරය තුල මා නම් දකින්නේ අපූරු සුන්දරත්වයක්. පරිනත වූ නායක හාමුදුරුවන්ගේ බුද්ධිමත් ක්‍රියාකලාපය සියල්ල ඉතා හොදින් විසදනු ලබනවා. දානය බෙදීමෙන් තරුනයනුත් පන්සලෙන් බත් කටක් කෑමෙන් පොලිස් නිලධාරීනුත් සොම්නස් සහගත සිතින් කුසලයක් අත්පත් කරගන්නට අත. (ර)
උදේශිකා ගමගේ Tuesday, 10 May 2016 08:02 AM
මම හිතන්නේ දෙන්න ඕන හොඳම දඬුවම තමයි මේ නායක හාමුදුරුවෝ දීලා තියෙන්නේ කියලා. (ර)
ටානියා පෙරේරා Wednesday, 11 May 2016 02:46 AM
පව් නේද? පොඩි කොල්ලෝ දෙන්නෙක් නිසා අත්හැර දාපු එක හොඳයි. (නි)
මාධවී හංසිකා Wednesday, 11 May 2016 03:02 AM
ඔව් ටානියා, මටත් හිතෙනවා මේ දෙන්නා ඒ වෙලාවේ හරි බයෙන් ඉන්න ඇත්තේ කියලා. මටත් පව් කියලා හිතුනා ඔයා කියනවා වගේම. (නි)
රොෂාන් Wednesday, 11 May 2016 12:45 PM
කොහොමින් හරි පොලිස් නිලධාරීන්ගේ ඒ සුන්දර බලාපොරොත්තුව හිතුවටත් වැඩිය හොඳින් ඉෂ්ඨ උනා. පේනවනේ,ඒ ටිකිරි මොළ වල තරම? (අ)
අජිත් Wednesday, 11 May 2016 01:34 PM
කොහමද පොලිසිය ගැන විස්වාස කරන්නේ? පේනවනේ ඇබිලිපිටියේ මරණය ගැන තීන්දු තීරණ වල හැටි.(අ)