2025 ජුනි මස 28 වන සෙනසුරාදා
අයිස්ක‍්‍රීම් වෑන් රථය අසල කුඩා ළමයින් පමණක් නොව වැඩිහිටියෝ ද පිරී සිටියහ. අයිස්ක‍්‍රීම් අලෙවි කළේ පුද්ගලයින් දෙදෙනෙකි. අයකු කෝන්ස් වලට අයිස්ක‍්‍රීම් පුරවමින් සිටි අතර, අනෙකා මුදල් අයකර ඒවා නිකුත් කළේය. සමහරු අයිස්ක‍්‍රීම් හතඅට ඉල්ලූ විට තවත් සමහරු ‘‘අපටත් ඉක්මනට දෙන්නැයි’’ පැවසුවේ අලෙවිකරුට හුස්ම ගන්නවත් ඉඩක් නොතබමිනි.
ඒ අසලට පැමිණි තරුණයින් දෙදෙනෙකි. අයකු ‘‘මට අයිස්ක‍්‍රීම් හතරක් දෙන්නැයි’‘ පැවසුවත්, වටේම ගැණුම්කරුවන් පිරී සිටි නිසා මුලින් ආවේ කවුදැයි අලෙවිකරුට හිතාගත නොහැකි විය. අයිස්ක‍්‍රීම් හතරක් මිල දී ගත් තරුණයා රුපියල් පන්සීයක් දුන්විට රුපියල් තුන්සිය අසූවක් ඉතිරි මුදල් වශයෙන් ලැබිණි. වහාම ඒ මුදලට රුපියල් සීයක් සමගින් සිල්ලර කාසි රුපියල් විස්සක් එකතු කළ තරුණයා ‘‘මට දාහේ කොලයක්ම දෙන්නැයි’’ පැවැසීය.
වටේ කරච්චලය මැද අන්දුන් කුන්දුන් වූ අයිස්ක‍්‍රීම් අලෙවිකරු දෙගිඩියාවෙන් දහසේ නෝට්ටුවක් තරුණයා අත තැබුවේ තවත් අයෙකුට අයිස්ක‍්‍රීම් නිකුත් කරන අතර තුරය. අයිස්ක‍්‍රීම් අලෙවි කරුගේ අවධානය වෙනතකට යොමුවීම නිසා ඔහුට රුපියල් පන්සීයක් අහිමි විය.
මෙම ලියුම්කරු ද අයිස්ක‍්‍රීමයක් මිලදී ගෙන තරුණයින් පසුපස ගියේ වංචාවක් සිදු වී ඇතැයි සැකයක් මතු වූ හෙයිනි. තරුණයෝ දෙදෙනා තවත් දෙදෙනකු සමග අයිස්ක‍්‍රීම් බෙදා ගත්හ. මුදල් ගෙවූ තරුණයා අන් අය අමතා ‘‘තව ටිකකින් සෙනඟ ඉන්න තවත් අයිස්ක‍්‍රීම් වෑන් එකක් ගාවට යමු’’යැයි පැවැසීය.
පොසොන් පෝය දා අනුරාධපුර පූජනීය පෙදෙසේ දී මෙය සිදුවිය.
ක‍්‍රිස්ටෝපර් සීපියන්
මුදල් නොගෙවා කොත්තු කෑමට එන පොලිස් රාලහාමිලාට අපූරු පොලිස් කොත්තුවක් දෙන ආපනශාලා හිමියකු පිළිබඳ කතාවක් දකුණේ නගරයකින් අසන්නට ලැබේ.
දියණියගේ යැයි කියා අම්මාගේ හදහන ඉදිරිපත් කොට දුව දීග දීමට තැත් කළ පුවතක් වයඹ හා මධ්‍යම අතරට අයත් මායිම් ගම්මානයකින් අසන්නට ලැබුණි.
වයෝවෘද්ධ හිමි නමට ඇප උපස්ථානය කරනවා යයි මුහුණු පොතේ දමමින් විහාරස්ථානය සූරා කෑ ප්‍රාදේශීය සභා මන්ත්‍රීවරයකුට එම විහාරස්ථානයේ පස් පෑගීමත් තහනම් කෙරු
තම පුතුට කටයුත්තක් කතා කරන්නට නෑගම් ගිය පියකු පදම වැඩිවී අනාගත ලේලියගේ මව සමග අනග රැඟු‍ම් පාන්නට ගොස් පුතුගේ කසාදයට ද කණකොකා හැඬූ බව කියන පුවතකි.
මිතුරියකුගේ නිවසේ පැවැති පින්කමක් සඳහා සහභාගීවීමට යාමේදී සීනි වෙනුවට යූරියා කිලෝ දෙකක් රැගෙන ගිය කාන්තාවක පිළිබඳව දකුණු පළාතේ ගම්මානයකින් වාර්තා ව
මුහුණු පොතෙන් හඳුනා ගත් පෙම්වතා නිවෙසට ගෙන්වාගත් කාන්තාවකට මුහුණ දීමට සිදුවූ අපූරු සිදුවීමක් දකුණු පළාතේ ග්‍රාමීය ප්‍රදේශයකින් වාර්තාවේ.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
පොසොන් පෝදා අයිස්ක‍්‍රීම් වෙළෙන්දාට පොල්ලක්
රුවනි Tuesday, 28 June 2016 02:29 AM
පවු අහිංසක වෙළෙන්දා! (නි)
උපාලි Tuesday, 28 June 2016 02:32 AM
මේ වගේ දේවල් එච්චර ගණන් ගන්න එපා. කොලුකමට කරන දේවල් (නි)
රුවන් Tuesday, 28 June 2016 04:29 AM
උපාලිලා කොලුකමට කරලා තියෙන්නේ හොරකම් වංචා වගෙයි. ඒකයි ඕවට ආවඩන්නේ (නි)
උපාලි Tuesday, 28 June 2016 04:47 AM
රුවනි, ඔයා අහිංසක වෙළෙන්දෝ දැකලා තියෙනවද? මේ අය පාරිභෝගිකයෝ සූරාගෙන කනවා (නි)
අසෝකා Tuesday, 28 June 2016 09:28 AM
ඉස්සර කතරගම යන කොට අපිට ඉදිරියෙන් තිබුන බසයක වඩේ විකුණන වයසක කෙනෙකුයි පොඩි ලමයෙකුයි වඩේ වික්කා. සමහරු ඒ අයට නොදැනෙන්න බස් එකෙන් එලියට ඇත දම දමා හොරෙන් වඩේ ගත්තා. අපි ලගට ආවේ අපිටත් වඩේ විකුනන්න. අනේ ඒ කුඩේ එකම එක වදයක්වත් තිබුනේ නැහැ. තාත්තයි පුතයි මහා හයියෙන් අඩන්න ගත්ත? අනේ අපි මේවායේ සල්ලි හවසට බේරන්න ඕනේ. තව දවස් තුන හතරකටවත් අපේ පොඩි එවුන්ට පාන් කැල්ලක් වත් අරගන්න පුළුවන් වෙයිද දන්නේ නැහැ කියල. උපාලි ඔයාගේ කොලු කමත් අන්න ඒ වගේ . ඒ වගේ තත්වෙක හිටියනම් හොදට දැනේවි. අහිංසකද නැද්ද කියලා. (ර)
පිටබැද්දර ජයා Tuesday, 28 June 2016 09:35 AM
මේක එහෙම පිටින්ම වංචාවක් පුරුද්දට කරන සැලසුම් සහගත වැඩක් වගෙයි බලු බැල්මට පෙනෙන්නේ , කුසට දාගන්න දේටනම් හොර බොරු කරනවට වඩා හොඳයි පොළොවේ පස් කන එක, දුක් මහන්සියෙන් උපයා සපයා ගන්න මනුස්සයට එදා දවසටම ලොකු පාඩුවක් වෙලා තියෙන්නේ... (ර)
සූරිආරච්චි Tuesday, 28 June 2016 11:01 PM
මේවා කරන්නේ කොලුකමට නොවෙයි, ‘බලුකමට‘. (නි)
දුමින්ද Wednesday, 29 June 2016 09:23 PM
මේකත් කොලුකමට කියලා අමතක කරනවා නම්, ඉස්සර දේශපාලයනයට පැමිණි ප්‍රසිද්ධ බලවත් පුතෙක් ඔයවගේම ජනතාවගේ මුදල් හොරකම් කළ එකත් අමතක කරලා දාන එක තමයි හරි. (නි)