(මීරිගම විශේෂ පුෂ්පකුමාර මල්ලවආරච්චි)
මීරිගම ප්‍රදේශයේ උපන් තරුණයෙකි. විශේෂිත රැකියාවක නිරතය. රස්සාවට යාම පහසුව සඳහා මේ තරුණයා ගම්පහ ප්‍රදේශයේ නවාතැන් ගත්තේ බිරියද සමගය. උදේ හවස ගමන දුම්රියෙනි. දුම්රියේ කා සමගත් සහයෝගයෙන් යන එන මේ තරුණයා විනෝදකාමියෙක්ද විය. 

මිතුරකුගේ නිවසේ සුහද සාදයක් තිබිණි. බතින් මෙන්ම මතින්ද සප්පායම් වූ මේ පිරිස රැය පහන් වනතුරු එහි ගත කළේය. අලුයම පිරිස සිය නිවෙස් බලා ගියත් ඔහු පසු දින උදේ එහි සිටම රැකියාවට ගියේය. හවස් වෙද්දී නිදිමත උපරිමයට පත්විය. ඉක්මනින් නිවස බලා යන්නට ශීඝ්‍රගාමී දුම්රියට නැගුණත් වාඩිවීමේ වරම් නොවීය. හිටගෙනම නින්දේ ගමනේ යෙදුනු ඔහු අසල සිටියෙකු-ගෙන් මේ කොහේදැයි විමසුවේය. ගනේමුල්ල යනුවෙන් පිළිතුරු ලැබිණි. ගම්පහින් බසින අදහසින් දැඩි කල්පනාවෙන් සිටියත් ඔහුට නැවත ඇස්දෙක පියවිනි. 

ටික වේලාවකින් ඕනෑකමින් වටපිට බල්ද්දී දුම්රිය වේයන්ගොඩ පසුකළ බව දැනුනු හෙතෙම අසල සිටි කිසිවෙකුටවත් කිසිවක් නොකියා මීරිගමින් බැස්සේ වෙනත් දුම්රියකින් ආපසු ගම්පහ බලා යන අදහසිනි.

දුම්රිය එනතුරු මීරිගම දුම්රිය ස්ථානයේ සිටියදී මිතුරු පිරිසක් ඔහු වට කරග්ත්තේ කලකින් නොදුටු නිසාවෙනි. මචං අද මෙහෙ මොකදැ යි අසද්දී හදිසි වැඩකට ආවා. මම දැන් ආපසු යනවා යි කියා දුමිරිය එනු දුටු ඔහු දිව ගියේය.