2025 ජුනි මස 27 වන සිකුරාදා
මැද පෙරදිග සේවය කළ අයෙකුට ලංකාවට පැමිණි පසු පෞද්ගලික බස් රථ රියැදුරු රැකියාවක් ලැබිණි. බස් රථයේ හිමිකරු ඔහුගේ ඥාතියෙක් විය. හිමිකරුගේ මස්සිනා එහි කොන්දොස්තරය. මෙය දුර ගමන් බස් රථයක් වූ අතර රියැදුරාට වැටුප් වශයෙන් දිනකට රුපියල් දෙදහසක් ලැබිණි. ආහාර පාන නොමිලේ ලැබුණේ තේ බීමට නවත්වන හෝටලයෙනි.
උදෑසනම කොළඹ බලා යන බසය ආපසු පැමිණෙන්නේ රාත්‍රියටය. වෙහෙස මහන්සි වී ගමනාන්තයට පැමිණෙන රියැදුරුටත් කොන්දොස්තරවරුන්ගේ අනුග්‍රහයෙන් හීන් අඩියක් ලැබීම සාමාන්‍ය සිරිතය.
අප රියැදුරාට ද දිනපතා නොමිලේ මත්පැන් ලැබීම නිසා රෑ බෝවී නිවසට පැමිණෙන විට බිරියගෙන් නිතරම බැනුම් ඇසීමට සිදුවිය.
“මොනාද මනුස්සයෝ වෙලා තියෙන්නේ. හැමදාම එන්නේ රෑ දහය පහුවෙලා. අරක්කු ගඳේ බැහැ. ඔය විදියට බීලා ආවාම මං ළමයින් හදා ගන්නේ කොහොමද?” ඇය දිනපතා ගෝරනාඩු කළාය. එය “බීරි අලියනට වීනා වැයුවාක්” මෙන් විය. “මම චුට්ටක් බිව්වාට කකුල් හතරෙන් ආවේ නැහැනේ. අනෙක ගෙදරට අඩු පාඩුවක් කරන්නෙත් නැහැ” ඔහු එවිට දෙන පිළිතුරය. දිනක් සුපුරුදු පරිදි රියැදුරා කොන්දොස්තරවරුන්ගෙන් ලද මත්පැනින් සංතර්පණය වී රාත්‍රියේ නිවසට පැමිණියේය. වසා තිබූ දොරෙහි කොළයක් අලවා තිබිණි. එහි වූයේ බිරියගේ අත්අකුරුය.
“කොට්ට පැදුරු කොස්ගහ යට රෑ කෑම කුස්සියේ” එහි සඳහන් විය. දින කිහිපයක්ම රියැදුරාට කොස්ගහ යට නිදාගැනීමට සිදුවිය. අවසානයේදී රැකියාවට ආයුබෝවන් කී ඔහු නව රැකියාවකට අගනුවරට පැමිණියේය.
ක්‍රිස්ටෝපර් සීපියන්
මුදල් නොගෙවා කොත්තු කෑමට එන පොලිස් රාලහාමිලාට අපූරු පොලිස් කොත්තුවක් දෙන ආපනශාලා හිමියකු පිළිබඳ කතාවක් දකුණේ නගරයකින් අසන්නට ලැබේ.
දියණියගේ යැයි කියා අම්මාගේ හදහන ඉදිරිපත් කොට දුව දීග දීමට තැත් කළ පුවතක් වයඹ හා මධ්‍යම අතරට අයත් මායිම් ගම්මානයකින් අසන්නට ලැබුණි.
වයෝවෘද්ධ හිමි නමට ඇප උපස්ථානය කරනවා යයි මුහුණු පොතේ දමමින් විහාරස්ථානය සූරා කෑ ප්‍රාදේශීය සභා මන්ත්‍රීවරයකුට එම විහාරස්ථානයේ පස් පෑගීමත් තහනම් කෙරු
තම පුතුට කටයුත්තක් කතා කරන්නට නෑගම් ගිය පියකු පදම වැඩිවී අනාගත ලේලියගේ මව සමග අනග රැඟු‍ම් පාන්නට ගොස් පුතුගේ කසාදයට ද කණකොකා හැඬූ බව කියන පුවතකි.
මිතුරියකුගේ නිවසේ පැවැති පින්කමක් සඳහා සහභාගීවීමට යාමේදී සීනි වෙනුවට යූරියා කිලෝ දෙකක් රැගෙන ගිය කාන්තාවක පිළිබඳව දකුණු පළාතේ ගම්මානයකින් වාර්තා ව
මුහුණු පොතෙන් හඳුනා ගත් පෙම්වතා නිවෙසට ගෙන්වාගත් කාන්තාවකට මුහුණ දීමට සිදුවූ අපූරු සිදුවීමක් දකුණු පළාතේ ග්‍රාමීය ප්‍රදේශයකින් වාර්තාවේ.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
මත්පැන් බී එන රියැදුරුගේ ඇඳ කොස්ගහ යට
රෙජි-සිඩ්නි Monday, 02 May 2016 02:58 AM
සුරාවට ගිජුවී සිය දරු පවුල සහ ගෙදර ගැනවත් සිතන්නේ නැති සැමියෙකුට, යහපත් බිරිඳක් විසින් මුළු ජීවිතේටම මතක තියෙන්න ඉගැන්නු පාඩමක්. (නි)
සුජිත් නිශාන්ත හේවගේ Monday, 02 May 2016 08:03 AM
හැම සැමියෙකුම කසාද බඳින්න ඉස්සර වෙලා සූරා සූදූවෙන් තොර උපාසක මහත්තුරු නමුත් කසාද බැන්දට පස්සේ නම් යම පල්ලන්ටත් අන්තයි තනිකරම බේබද්දෝ වෙලා ගෙදර ජවුසන් නටනවා මොකද මෙහෙම වෙන්නේ ලංකාවේ ගැහැනු මේ තරමට අවුල් ද හැබෑටම? (හේ)
පිටබැද්දර ජයා Monday, 02 May 2016 12:11 PM
මුළු දවසක් බස් එකක් එක්ක ඔට්ටු වුනාම ගතට සිතට දැනෙන්නේ ලොකු වෙහෙසක් (බ)
අසෝකා Monday, 02 May 2016 12:44 PM
ඒ කරපු දේ නම් හොදයි.(හේ)
අසෝක Monday, 02 May 2016 02:29 PM
බීමත්ව පැමිණෙන ගොඩක් ස්වාමි පුරුෂයන්ට බිරින්දෑවරු දඩුවම් දෙනවා අඩුයි.(හේ)
ක්‍රිෂාන්ත Monday, 02 May 2016 02:45 PM
මෙයාට තිබ්බේ වැඩ කරලා නොබි ගෙදර යන එකනේ.(හේ)
රාධා Monday, 02 May 2016 11:50 PM
එතකොට බිරිඳ නිදාගත්තේ බිමද? (නි)
මනෝරි Tuesday, 03 May 2016 12:41 AM
බලාගෙන පරිස්සමින්! වැරදිලා වෙන ගෙදරක නිදාගන්න යයි. (නි)
සුජිත් නිශාන්ත හේවගේ Tuesday, 03 May 2016 01:15 AM
කසාඳ බඳින්න කලින් පුවත්පත්වල මංගල දැන්වීම් වලයි, කපු මහත්වරු ගේන මංගල යෝජනා වලදීයි මනාල මහත්වරු සියලු දෙනාම වාගේ අහිංසක සීදේවී සුරා සූදුවෙන් තොර, හතර පෝයට සිල් ගන්න උපාසක මහත්වරු කියලා සඳහන් වුණාට කසාද බැන්ඳට පසුව එක මාසෙන් දෙකෙන් බේබද්දෝ සුරා සොඬුන් ගානට වැටෙනවා. (නි)
මාලක Tuesday, 03 May 2016 01:16 AM
නියම කතාවක්. සුපිරියි! (නි)
සුජිත් නිශාන්ත හේවගේ Tuesday, 03 May 2016 05:51 AM
කොළඹ විශ්වවිද්‍යාලය මාධ්‍ය අංශය මඟින් විවාහය පිළිබඳව කරන ලද සමීක්‍ෂණ වාර්තාවක් පසුගියදා එළිදැක්විණ. එයින් කියැවුණේ ලංකාවේ සිදුවන මත්පැන් භාවිතය නිසා විවාහ සියයකින් විසිපහක් දික්කසාදයෙන් කෙළවර වන බවයි. මෙම තත්ත්වය බරපතළ තත්ත්වයකි. මෙයින් කියවෙන්නේ සමාජය බරපතළ ලෙස බිඳවැටී ඇති බවයි. සමාජය ඒක රාශී කරන ප්‍රධාන සාධකය පවුලයි. පවුල් සංස්ථාවේ දෙදරා යෑම සුළු කොට තැකිය නොහැක. (බ)
සුජිත් නිශාන්ත හේවගේ Tuesday, 03 May 2016 05:55 AM
පවුල තුළ පමණක් නොව ඉන් පිටත සමාජය සමඟ බැලු විට බීමත් පුද්ගලයින් අතින් සිදුවන අපරාධ ද බොහෝය. පැළ ඉනි වැටට මරා ගන්නේ ද, වෙනත් අයථා වැඩවලට යොමුවන්නේ ද බීමත්කමේ තවත් ප්‍රතිඵල ලෙසය. බීමත් පුද්ගලයා පවුලට සමාජයට පමණක් නොව ඔහුට ද කරගන්නේ අයහපතකි.(බ)
සුජිත් නිශාන්ත හේවගේ Wednesday, 04 May 2016 06:30 AM
ඇයි මනෝරි අත්දැකීමක් වත් වෙලා තියෙනවාද ඔය විදහට අදහස් දක්වලා තියෙන්නේ. (බ)
ටානි Thursday, 05 May 2016 02:18 AM
බීමත් සැමියන් නිසා දුක්ගැහැට විඳින කාන්තාවන් කොපමණ සිටිනවාද? (නි)