2025 ජුනි මස 29 වන ඉරිදා
(කෑගල්ල - කරුණාරත්න අතුකෝරාල) එය රඹුක්කනට නුදුරු ගමකි. ගෙහිමි කාන්තාවකට තම නිවසේ ඉදිකිරීම් කටයුත්තක් සඳහා ගඩොල් තොගයක් මිලදීගැනීමට අවශ්‍ය විය. මහියංගණ ප්‍රදේශයෙන් ගෙනඑන වඩා හොඳ ගඩොල් මිලදීගත යුතු යැයි සිතූ ඇය එවැනි ගඩොල් අලෙවි කරන තැනක දුරකතන අංකය සොයාගෙන අවශ්‍ය ප්‍රමාණය ඇණවුම් කර එය රැගෙන ආපසු මුදල් ගෙවන බව දැනුම් දුන්නාය.
ඇගේ ඇණවුමට අනුව ලොරියකින් ගඩොල් තොගය නිවසට ගෙනැවිත් එහි පැමිණි තිදෙනෙක් එකතු වී එම ගඩොල් තොගය බිමට බෑවෝය. බා අවසන් වූ පසුව එක් පුද්ගලයකු කාන්තාව වෙත පැමිණ සබන් කෑල්ලක් ඉල්ලාගෙන ගොස් රියැදුරු අතටදී ඇඟපත සෝදාගෙන එන ලෙසට දැන්වූ නිසා රියැදුරු සහ සහායකයා ළිඳ දෙසට ගියහ. ඒ අතරතුර සබන් කෑල්ල ඉල්ලාගත් පුද්ගලයා ගෙහිමි කාන්තාව වෙත ගොස් ගඩොල් තොගයට මුදල් අවශ්‍ය බව පැවසීම නිසා නිවස තුළට ගිය කාන්තාව මුදල් රැගෙනවිත් ඔහු අත තබා නැවතත් ගෙය තුළට ගියාය.
ඇඟපත සෝදා ගැනීමට ළිඳ ළඟට ගිය රියැදුරු සහ රිය සහායකයා ආපසු පැමිණ සබන් කෑල්ල නිවෙස් හිමි කාන්තාව අතටදී ගඩොල් තොගයට පොරොන්දු වූ මුදල දෙන ලෙස ඉල්ලා සිටියහ. ඇය කීවේ ලොරියේ පැමිණි ගඩොල් බෑ අනෙක් පුද්ගලයාට එම මුදල් දුන් බවය.
වටපිට බැලූ රියැදුරුට එම පුද්ගලයා අතුරුදන් වී ඇති බව පෙනී ගියේය. රියැදුරුගෙන් දැනගන්නට ලැබුණේ එම පුද්ගලයා අතරමගදී ලොරියට අත අල්ලා නවත්වා ගඩොල් තොගය ගෙනයන්නේ තම සහෝදරියගේ නිවසට බව පවසා එයට ගොඩවූ බවය. ඔහු තමන්ට උදව්වට ගඩොල් බාන බව තමා සිතූ බවද රියැදුරාගෙන් දැනගන්නට ලැබුණු අතර, ඔහු තමා කිසිදාකත් දැක නැති පුද්ගලයකු බව ගෙහිමි කාන්තාව ද කීවාය.
ඇය අර පුද්ගලයාට දී ඇති මුදල රුපියල් 40,000කි. තමන් දෙදෙනාම සොරෙකුට අසුවී ඇති බව තේරුම් ගිය නිසා අවසානයේදී ඔවුන්ට පොලිසියට යාමට සිදුවිය. එහෙත් තවමත් සැකකරුවකු සොයා ගැනීමට හැකිවී නැත.
මුදල් නොගෙවා කොත්තු කෑමට එන පොලිස් රාලහාමිලාට අපූරු පොලිස් කොත්තුවක් දෙන ආපනශාලා හිමියකු පිළිබඳ කතාවක් දකුණේ නගරයකින් අසන්නට ලැබේ.
දියණියගේ යැයි කියා අම්මාගේ හදහන ඉදිරිපත් කොට දුව දීග දීමට තැත් කළ පුවතක් වයඹ හා මධ්‍යම අතරට අයත් මායිම් ගම්මානයකින් අසන්නට ලැබුණි.
වයෝවෘද්ධ හිමි නමට ඇප උපස්ථානය කරනවා යයි මුහුණු පොතේ දමමින් විහාරස්ථානය සූරා කෑ ප්‍රාදේශීය සභා මන්ත්‍රීවරයකුට එම විහාරස්ථානයේ පස් පෑගීමත් තහනම් කෙරු
තම පුතුට කටයුත්තක් කතා කරන්නට නෑගම් ගිය පියකු පදම වැඩිවී අනාගත ලේලියගේ මව සමග අනග රැඟු‍ම් පාන්නට ගොස් පුතුගේ කසාදයට ද කණකොකා හැඬූ බව කියන පුවතකි.
මිතුරියකුගේ නිවසේ පැවැති පින්කමක් සඳහා සහභාගීවීමට යාමේදී සීනි වෙනුවට යූරියා කිලෝ දෙකක් රැගෙන ගිය කාන්තාවක පිළිබඳව දකුණු පළාතේ ගම්මානයකින් වාර්තා ව
මුහුණු පොතෙන් හඳුනා ගත් පෙම්වතා නිවෙසට ගෙන්වාගත් කාන්තාවකට මුහුණ දීමට සිදුවූ අපූරු සිදුවීමක් දකුණු පළාතේ ග්‍රාමීය ප්‍රදේශයකින් වාර්තාවේ.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
රියැදුරුත් ගෝලයාත් නාගනිද්දී 40,000ක් අන්තරස්ධාන වෙලා
K. SAS Wednesday, 11 April 2018 08:30 AM
සාමාන්‍යයෙන් මෙවන් වැඩවලට පැමිණෙන අයවලුන්, ආපු වැඩේ කරලා දීලා මුදල් අරගෙන පිටත් වෙනවා මිසක්, සබන් ගාලා නාන්න ළිංවලට යන්නේ නැහැ.. අනිවාර්යයෙන් මෙයාලා හිතන්න ඇති නාලා කරලා එන්න කීවේ..., බෝජන සංග්‍රහයක් භුක්ති විඳින්නට වෙන්න ඇති කියලා. සමහර කරුණාවන්ත මිනිසුන් එහෙමත් කරනවානේ. කවදාවත් දැකපු නැති මිනිසුන් ගැන මීට වඩා සැලකිලිමත් විය යුතුයි. මේ කාලේ හඳුනන්නේ නැති අයවලුන්ව වාහන වලට නග්ග ගන්න එකත් භයානකයි.
vernon Wednesday, 11 April 2018 09:14 AM
ඔය පුද්ගලයා ඔය පැත්තෙන්ම අයෙක් වෙන්න ඇති. එතකොට පොලිසිය දන්නෙ නෑ.., මේ පැත්තේ මිනිස්සු ගැන. මේක ලොක්කෙකුට වුණා නම් මෙලහකට හොරා කූඩුවේ...
sam Wednesday, 11 April 2018 09:15 AM
මේ සිද්ධිය ගැන හිතලා බලපුවාම මුදල් වංචා කල පුද්ගලයා ලොරි කාරයින්ගේම ගෝලයෙක් විය හැකි බව තේරෙනවා. ඔහු අනිවාර්යයෙන්ම තම සහෝදරියගේ ගෙදරට යන පාර රියදුරාට පෙන්විය යුතුයි නේද? මුදල් හදල් යහමින් ඇති, පොලිසිවල රස්තියාදු වෙන්න අකමැති පුද්ගලයෙකුට මේ දේ වුනා නම්, මේ ලොරි රියදුරාට මුදලින් කොටසක්වත් (සමහර විට මුළු මුදලම) නැවතත් ගෙවා ප්‍රශ්නය විසඳා ගන්න ඉඩ තියනවා. මොවුන්ට ලැබුණු ඇමතුම් ඔස්සේ පරීක්ෂණ කළොත් මේකේ ඇත්ත හොයා ගත හැකියි.
නිශා Wednesday, 11 April 2018 11:24 AM
මටත් මේ වගේ සිද්ධියක් වුණා පිටකොටුවේදී. පිටකොටුව ගුණසිංහපුර කිරිහලේදී. එතැන හිටිය පිරිමි කෙනෙක් කිරිහලේ වැඩ කරනවා වගේ කිරිහට්ටියක් දුන්නා. අපි හිතුවා ඒ කඩේ වැඩ කරන කෙනෙක් කියලා. ඒ වේලාවේ මගේ අතේ තිබුණේ රු.5000/- කොලය විතරමයි. කැෂියර්ට කිව්වා මේක මාරු කරගෙන එන්නම් කියලා මගේ සල්ලි අරගෙන ගියා. අපි ටික වේලාවක් බලාගෙන හිටියා. නමුත් ඒ පිරිමි කෙනා ආවේ නැති නිසා කැෂියර්ගෙන් ඉතිරි සල්ලි ඉල්ලුවාම කැෂියර් හිතලා අපිත් එක්ක ආපු කෙනෙක් කියලා. ඒ වේලාවේ ඒ කිරිහලේ තියෙන සීසීටීවී වැඩ කලේ නැහැ. මේ සිද්ධිය වුණේ 2018.03.01 දින පෙ.ව 9.00 ට විතර. පිටකොටුවේත් මේ වගේ හොරු ඉන්නවලු. අවුරුදු කාලේ ඔක්කොම පරිස්සමින්...