2025 ජුලි මස 08 වන අඟහරුවාදා
(කලවාන උපේන්ද්‍ර ප්‍රියංකර ජාතුංගම)
අනියම් බිරිය යැයි සිතා සිදු වූ වැරැදීමකින් ලොකු ඇබැද්දියකට මුහුණ දුන් පුද්ගලයකු පිළිබඳව මුහුදුබඩ ප්‍රදේශයකින් වාර්තා වේ.
සිද්ධිය මෙසේය.
ඔහු උපන් ගෙයි අනංගයෙකි. ඔහුට යන යන තැන කාන්තාවන් සිටින බවට බිරියට ආරංචි වුව ද ඇය ඔහුට අවවාද කර ඇත්තේ කවුරුන් කීවත් ඔහුට දැඩි ලෙස තමන් විශ්වාස කරන බවත් එම නිසා එම වැරැදි නොකරන ලෙසය.
එහෙත් ඔහු බිරියට හොරෙන් අනියම් සබඳතා පවත්වාගෙන ගිය අතර, ඒවා බිරියට හසු නොවූයේ ඔහුගේ සූක්ෂමභාවය නිසාය. ඔහු සිය නිවෙසට ගෙවල් කිහිපයකට එහායින් විවාහක කාන්තාවක සමග අනියම් සබඳතාවක් පවත්වාගෙන ගොස් ඇති අතර, එය ගෙවල් දෙකටම රහසක් විය. ඔවුන් නිතර මුණගැසී ඇත්තේ තානායම්වල වුව ද පසුගිය දිනවල තානායම් වසා දමා ඇති හෙයින් ඔවුන්ට බාධාවක් විය.
ගමේ හමුවීමට ද තැනක් නොවූ අතර ඔවුන් දස අත කල්පනා කරන්නට වූයේ තම අනියම් ප්‍රේමයට බාධා කරන කොරෝනාවලට ද සාප කරමිනි. මෙලෙස කල්පනා කරන අතර ඔහුට කදිම අදහසක් ඔළුවට පැමිණ තිබේ. මෙම ගමේ පවුල් හතරක් පමණ එක වැසිකිළියක් භාවිත කරන අතර එය ද යන්තම් පොල් අතුවලින් වටකර තනාගත් එකකි. ඔහු යෝජනා කළේ වැසිකිළියේදී හමුවෙමු කියාය. නිදහස් තැනක ඇති වැසිකිළිය හා ඔහු පැවැසූ වේලාවල්වල කිසිවකු වැසිකිළිය තුළ නොමැති නිසා ඇය එයට එකඟ වී තිබේ.
නියමිත වෙලාවට වැසිකිළිය වෙත යාමට ඇයට නොහැකි වූයේ අතරමගදී හමු වූ වෙනත් කාන්තාවක සමග කතාවට වැටීමෙනි. එහෙත් ඔහු නියමිත වේලාවට එම ස්ථානයට ගොස් ඇති අතර, වැසිකිළියේ දොර වසා තිබෙනු දුටු ඔහු සිතා ඇත්තේ වැසිකිළියේ ඇත්තේ තම අනියම් පෙම්වතිය බවය. ඔහු වැසිකිළියේ පොල් අතු දොර වෙතට යද්දී ‘ඉන්නවා’ යැයි පැවැසූ විට ඇය පැමිණ ඇති බව සිතූ ඔහු ‘මම දන්නවා’ යැයි පවසමින් දොර හැර ඇතුළට ගොස් තිබේ.
ඇතුළේ ඇත්තේ තම අනියම් ප්‍රේමය නොව අල්ලපු ගෙදර කාන්තාව බව දුටු ඔහුට හීන් දහඩිය දමා තිබේ. වැසිකිළියේ යකඩ පනිට්ටුවෙන් දමා ගැසූ ඇය පොල් අතු බිත්ති කඩාගෙන දිව ගොස් ඇති අතර, අන්දුන් කුන්දුන් වූ ඔහු, ගමේම පිරිසක් රෝහල්ගත කර තිබේ. ඔහුගේ බිරිය වෙත ගිය ඇය පවසා ඇත්තේ තමන් වැසිකිළිය තුළ සිටින බව පවසද්දී ඔහු බලෙන් මෙන් එහි පැමිණි නිසා තමන් පහරදුන් බවය.
ඔහුගේ හැටි බොහෝ දෙනකු පවසා ඇති හෙයින් ඇය එම කීම පිළිගෙන තිබේ. ඔහු රෝහල්ගත කිරීමෙන් අනතුරුව තුවාලය සුළු නිසා බෙහෙත් දමා නිවෙසට යාමට පුළුවන් යැයි දොස්තර මහතා කීව ද ඔහු බොරු අමාරු ගෙන රෝහලේම නැවතී ඇත්තේ බිරියගෙන් ලැබෙන්නට නියමිත දඬුවම ටික දිනකට කල් දමා ගන්නටය.
මුදල් නොගෙවා කොත්තු කෑමට එන පොලිස් රාලහාමිලාට අපූරු පොලිස් කොත්තුවක් දෙන ආපනශාලා හිමියකු පිළිබඳ කතාවක් දකුණේ නගරයකින් අසන්නට ලැබේ.
දියණියගේ යැයි කියා අම්මාගේ හදහන ඉදිරිපත් කොට දුව දීග දීමට තැත් කළ පුවතක් වයඹ හා මධ්‍යම අතරට අයත් මායිම් ගම්මානයකින් අසන්නට ලැබුණි.
වයෝවෘද්ධ හිමි නමට ඇප උපස්ථානය කරනවා යයි මුහුණු පොතේ දමමින් විහාරස්ථානය සූරා කෑ ප්‍රාදේශීය සභා මන්ත්‍රීවරයකුට එම විහාරස්ථානයේ පස් පෑගීමත් තහනම් කෙරු
තම පුතුට කටයුත්තක් කතා කරන්නට නෑගම් ගිය පියකු පදම වැඩිවී අනාගත ලේලියගේ මව සමග අනග රැඟු‍ම් පාන්නට ගොස් පුතුගේ කසාදයට ද කණකොකා හැඬූ බව කියන පුවතකි.
මිතුරියකුගේ නිවසේ පැවැති පින්කමක් සඳහා සහභාගීවීමට යාමේදී සීනි වෙනුවට යූරියා කිලෝ දෙකක් රැගෙන ගිය කාන්තාවක පිළිබඳව දකුණු පළාතේ ගම්මානයකින් වාර්තා ව
මුහුණු පොතෙන් හඳුනා ගත් පෙම්වතා නිවෙසට ගෙන්වාගත් කාන්තාවකට මුහුණ දීමට සිදුවූ අපූරු සිදුවීමක් දකුණු පළාතේ ග්‍රාමීය ප්‍රදේශයකින් වාර්තාවේ.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
අනියම් පෙමට බාල්දි ප්‍රහාරයක්