2025 ජුනි මස 23 වන සඳුදා
බස්නාහිර පළාතේ මායිමේ සිටි සිව් දෙනකු දකුණු පළාතේ ඉලව්ගෙදරකට ගියේ එය නොගිහින්ම බැරි තැනක් නිසාය.
රැකී රක්ෂා කටයුතු හමාරකොට ඒ සඳහා රාත‍්‍රියම තෝරා ගත්තේ ගමන සඳහා කතාබස් කරගත් තුන් හතර දෙනාටම එය පහසු වේලාවක් වූ නිසාය.
තොටුපොළේ අලූත් පාලමෙන් යන්න පුළුවන්ලූ එකකුගේ යෝජනාවට අනෙක් තුන්දෙනාම කැමතිවිය.
”මාර්ගය කෙටි තමයි හැබැයි කිලෝමීටර් තුනක් විතර කැලේ”
සිතේ ඇතිවූ භීතියද සමග සිවු දෙනාම කෙසේ හෝ ඉලව් ගෙදරට ගොඩවී පැය දෙකක් පමණ එහි නැවතී නැවත එද්දී රාත‍්‍රි 11ට ආසන්නවී තිබුණි.
ගමන ආරම්භයේදී එකකු කී කතාව අනෙක් අයගේ සිතේ රහස් තැති ගැන්මක් ඇතිකළ කරුණක් වී තිබුණි.
ගමනට යොදාගත් ත්රීරෝද රථය ජනාවාස පසුකර කෙමින් කෙමින් ඉදිරියට ආ අතර ඉන්පසු කළුවර සහිත ඝණ වනාන්තරයට ඇතුළු විය. ඒත් සමගම රැහැයි හඬ පළාත දෙවනත් කරන්නට විය.
දකුණු පසෙන් ගං ඉවුරය. එයින් ඇසෙන ගෙම්බන්ගේ ශබ්දය ත‍්‍රිරෝද රථයේ හඬ පරාජය කළේය.
සැඟවුණු බියකින් සිවු දෙනාම කැලය පසුකරමින් සිටියහ. කණාමැදිරියකුවත් පෙනෙන මානයේ නැත. තැතින් තැන වළවල් හෑරීගිය කොන්ක‍්‍රීට් ඇතුරූ මාර්ගයේ වේගයෙන් ගමන් කිරීමටද අපහසුය.
වළවල් බේරමින් හෙමින් හෙමින් ඉදිරියට ගිය ත‍්‍රිරෝද රථය පැදවූ පුද්ගලයා එය එකවරම නතර කළේය.
ඇයි මොකද?
පසුපස අසුනේ කෙනෙකු ඇසුවේය.
අර.... ඔහු භීතියෙන් මෙන් කීවේය.
පාර හරහා කපා දැමූ ගසකි. එයින් මුළුමනින්ම මාර්ගය අවහිරය.
විනාඩි දහයක් ගතවිය. සිවු දෙනාම වචනයක් කතා කළේ නැත. එක් අයෙක් ඒ අතරේ සිය ජංගම දුරකථනයෙන් හදිසි අංක තුනක් එබුවේය. එය නිෂ්ඵලය. තවත් විනාඩි කිහිපයක් ගත වූයේය. අනතුරක සේයාවක් නොවීය.
නැවතත් තව ඇමතුමත් ගෙන යාබද ප‍්‍රදේශයේ මිතුරකුට ඇමතුමක් ගත්තේය. සිද්ධිය සැල කළේය. ඔහු වහා ආයුධයක් රැුගෙන තවකෙකු සමග එතැනට පැමිණියේය.
ඔවුන් රැගෙන ආවේ පොරවකි. සැනෙකින් මාර්ගය හරහා වැටී තිබූ ගස කපා ඉවත් කළේය.
පිටුපස අසුනේ සිටි පුද්ගලයකු ඒ වනවිටත් කතා නැත.
ඔහු තවමත් භීතියෙන් තැතිගෙන සිටිතැයි සිතා සිදුවී ඇත්තේ සුළඟට මාර්ග හරහා ගසක් කඩාවැටීම බව නිහඬව සිටි මිතුරාට කීවේය.
ඒත් සමගම ඔහු උගුරට අතදමා යමක් එළියට ඇද්දේය. ඒ පවුම් දෙකකට ආසන්න වූ බරින් යුතු ඔහුගේ ගෙල බැඳ තිබූ රත‍්‍රන් චේන් පොටය.
මාර්ගය හරහා ගස දුටු සැණින් ඔහු කරවටා බැඳ තිබූ එය ගලවා ගිල දමා එහි කෙළවරක් දතකින් විකාගෙන සිටියේය.
මුදල් නොගෙවා කොත්තු කෑමට එන පොලිස් රාලහාමිලාට අපූරු පොලිස් කොත්තුවක් දෙන ආපනශාලා හිමියකු පිළිබඳ කතාවක් දකුණේ නගරයකින් අසන්නට ලැබේ.
දියණියගේ යැයි කියා අම්මාගේ හදහන ඉදිරිපත් කොට දුව දීග දීමට තැත් කළ පුවතක් වයඹ හා මධ්‍යම අතරට අයත් මායිම් ගම්මානයකින් අසන්නට ලැබුණි.
වයෝවෘද්ධ හිමි නමට ඇප උපස්ථානය කරනවා යයි මුහුණු පොතේ දමමින් විහාරස්ථානය සූරා කෑ ප්‍රාදේශීය සභා මන්ත්‍රීවරයකුට එම විහාරස්ථානයේ පස් පෑගීමත් තහනම් කෙරු
තම පුතුට කටයුත්තක් කතා කරන්නට නෑගම් ගිය පියකු පදම වැඩිවී අනාගත ලේලියගේ මව සමග අනග රැඟු‍ම් පාන්නට ගොස් පුතුගේ කසාදයට ද කණකොකා හැඬූ බව කියන පුවතකි.
මිතුරියකුගේ නිවසේ පැවැති පින්කමක් සඳහා සහභාගීවීමට යාමේදී සීනි වෙනුවට යූරියා කිලෝ දෙකක් රැගෙන ගිය කාන්තාවක පිළිබඳව දකුණු පළාතේ ගම්මානයකින් වාර්තා ව
මුහුණු පොතෙන් හඳුනා ගත් පෙම්වතා නිවෙසට ගෙන්වාගත් කාන්තාවකට මුහුණ දීමට සිදුවූ අපූරු සිදුවීමක් දකුණු පළාතේ ග්‍රාමීය ප්‍රදේශයකින් වාර්තාවේ.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
ඉලව්ගෙදර ගොස් කැලෙන් එද්දී බයට මාලය ගිලලා
අකිල Wednesday, 24 July 2013 07:40 PM
බුදු අම්මෝ!. කොහොමද ඒක කරේ.මම ඔහොම කලොත් එක්කෝ ඕක ගිලේවි.නැත්නම් වමනය යාවි.හිතාගන්නවත් බැ මට නම්.(අ)
ධම්මික Sunday, 28 July 2013 11:44 PM
සිද්දික්, නොදන්නා අප්‍රබංශ කතා කරන්න ගියාම ඔය වගේ ප්‍රශ්න සමහරු අහනවා.ලංකාවේ සිංහල කාන්තාවන්ගේ ඇඳුම ඔසරිය. ඔසරිය සාරිය දන්නේ නැති අය ඕනෑ තරම් ඉන්නවා. බණ්ඩාර, ඔබ කිව්වා හරි. නැති පොහොසත්කම් පෙන්වන්නත් සමහරු රත්තරන් අඳිනවා. මගේ ළඟ වැඩ කරන ඉන්දියන් මනුස්සයෙක්ගේ රත්තරන් බඩු ඔක්කොම මේ ලඟදි කොල්ලකෑවා ඉන්දියාවේ දුම්රියකදී. මිනිහ වහ බිව්වේ නැති ටික විතරයි. මිනිහ කියනවා එයාගේ සේසතම නැතිවුණා කියලා. හිතාගන්න පුළුවන්නේ මෝඩකමේ (තණ්හාවේ) තරම. (නි)
එල් ගුනවර්දන Sunday, 28 July 2013 06:54 PM
මේවා මෙහෙම වෙනකොට මට ආරංචි උනේ ත්රීරෝද අයිති සගය පසුවදාම පාන්දර නැගිටලා සගයන්ට බැණ බැණ වහනය සේදුවලු ආසනවලට වෙලාතිබුන දෙය දැකල .(දී)
සිද්දික් Friday, 26 July 2013 04:36 AM
බණ්ඩාර,එහෙනම් ඔයා අදින්නේ කුඹුරු වල ගොවියෝ වගේ අමුඩයද? (නි)
බංඩාර Thursday, 25 July 2013 04:43 PM
දම්මික, ඔබ හරි ඉන්දියාවෙන් තමයි රන් පළදින්න පුරුදු වෙලා තියෙන්නේ. අපි නම් රන් පලදින්නේ නැහැ. මෝඩ අය පොහොසත් කම පෙන්නන එක මෝඩ ක්‍රමයක් ඕක. අපි සාරි අදින්නෙත් නැහැ. ඒකත් ඉන්දියන්.(නදී)
දුමින්ද Thursday, 25 July 2013 10:17 AM
මාලය ගිලියි? (නදී)
හේරත් Thursday, 25 July 2013 05:51 AM
අනේ රත්තරන් ඇයි මේ දත් වලින් හපන්නේ.?(නදී)
උපාලි Thursday, 25 July 2013 03:37 AM
මොක වුනත් මිනිහ කල්පනාකාරයා. හොරෙක් නොහිටියා නම් දතට හපාගත්තු කොනෙන් මාලේ එලියට ගන්න පුළුවන්. ප්‍රශ්නයක් නැහැ. හොරෙක් හිටියා නම් බයට කට ඇරිච්ච ගමන් මාලේ ගිලෙනවා. ඒත් ප්‍රශ්නයක් නැහැ. (නි)
රූපවතී Wednesday, 24 July 2013 10:05 PM
පිටිගල මාමේ,මමත් ඉස්සර හරිම බයයි.කරුවලට බයයි ,තව ගමේ කව්රුහරි මැරුනොත් හෙම සතියකටවත් රෑට හදිසියකට ගේ පිටුපසට බහින්නේ නැහැ.ජනේලයෙන් එලිය බලන්න බයයි රෑට. ඒත් දැන් මොන යකාටවත් බය නැහැ. රෑ 12 ටත් කනත්ත ලගින් තනියම යනවා. ඒ බය නැති වුනේ මට මොනවා මොනවා ප්‍රගුණ වෙලාද? ඒත් තවම දුක වේදනාව නම්, අනුන්ගේ අසරනකම් , ලෙඩ දුක් දැක්කහම දුකයි.ඇයි ඒ ...?මොකක් ද අපි ප්‍රගුණ කලයුත්තේ ...? (නි)
රූපවති රත්නියත Wednesday, 24 July 2013 08:11 PM
වරුණ මල්ලී කරුවලේ මර බයට වෙන් ඇති. පස්සේ අමතක වෙන්න ඇති (අ)
චන්දි Wednesday, 24 July 2013 10:13 AM
මගේ අම්මෝ !!! කොහොමද එහෙම කලේ? (නි)
පිටිගල Wednesday, 24 July 2013 07:33 PM
තණ්හාය ජායතී ශෝකෝ....තණ්හාය ජායතී භයඞ්.............තණ්හාය විප්ප මුන්චේය්ය ......නත්ති ශෝකෝ කෘතෝ භයඞ්. තණ්හාව නිසා දුක ඇතිවේ. තණ්හාව නිසා භය ඇතිවේ .තන්හාව නැති කරගත් විට භය හෝ ශෝකය ඇති නොවේ.(අ)
වරුණ Wednesday, 24 July 2013 03:53 PM
ඔව් බණ්ඩාර, මම අවුරුද්දට දෙපාරක් විතර බොනවා. ඒක ඇගට හොදලු.ඔයත් ඕනෑ නම් අත් හදා බැලීමක් විදිහට කරලා බලන්න (නි)
ධම්මික Wednesday, 24 July 2013 02:59 PM
ඔච්චර බයනම් අහවල් එකටද පවුම් දෙකේ තුනේ මාල කරේ බැඳගෙන ඉන්නේ? විහිළු නෙවෙයි, මට නම් ඔය රත්තරන් පොරවාගත්ත පිරිමි පේන්නෙම විහිළුවක් වගේ. ඕක මේ දකුණු ඉන්දියාවෙන් ආපු විකාර මෝස්තරයක්. දකුණු ඉන්දියාවේ මිනිස්සුන්ට කන්න නැතත් බරට බරේ රත්තරන් නම් තියෙනවා.අපේ අයත් දැන් දැන් ඒ ගානට එනවා. ගෙදර පොඩි උන්ට කන්න නැතත් බරට බරේ රත්තරන් නම් කරවල් වල එල්ලෙනවා. මේවා ඉතින් එක එක "මහල්" වල සෙප්පඩවිජ්ජා වලට රැවටිලා කරන මෝඩ වැඩ.උපුල් කියන්න වගේ, තණ්හාව තමයි ! (නි)
බණ්ඩාර Wednesday, 24 July 2013 01:56 PM
වරුනට අරළු බීලා හොඳට පුරුදුයි වගේ! (නි)
රූපවතී Wednesday, 24 July 2013 01:18 PM
වරුණ මල්ලි, ඒ විතරක්ද? නෝනගේ මාලේ දා ගෙනගිහින් ඔහොම දෙයක් වුනාම නිදාගන්න කියලද ? රෑ එලි වෙනකම් නෝනා කියවන්න ගනීවි (නි)
උපුල් Wednesday, 24 July 2013 01:09 PM
තණ්හාය ජායතී භයං! (නි)
සංජීව Wednesday, 24 July 2013 12:38 PM
එහෙම ගමනක් යනකොට වටිනා කියන දේවල් ගෙන යන්න හොඳ නැහැ. අනික බිය කියන්නේ තණ්හාව. තව තවත් මේ සංසාරේ ඇලීම ගැලීම..රත්තරන් මාලය ගැන ඔයතරම් ආස නම් ඒක නැතිවුනොත් හාර්ට් එක හිරවෙලා මනුස්ස ජීවිතෙත් නැතිවෙන්න පුළුවන්.මේ සසර දනව්වේ, අපි අසරණ වෙලා වගේ හිතට දැනෙනවා... බුදු හාමුදුරුවනේ.... (නි)
වරුණ Wednesday, 24 July 2013 10:24 AM
චේන් පොට ගිලුනනම් ඉලව් ගෙදරින් කාපුවා පැත්තකින් තියල අරළු පෙත්තක් බීල නිදා ගන්න වෙනවා පහු වෙනිදා උදේට චේන් පොට හොයාගන්න.(නදී)