2025 ජුනි මස 26 වන බ්‍රහස්පතින්දා
කෙසෙල් කැන් හොරා අල්ලා දීමට බෝගසක් උපකාරවූ රසවත් පුවතක් නගරයට ආසන්න ගමකින් අසන්නට ලැබිණි.
ඔහුට රැුකියාවක් නැත. දවසේ වියදම පියවාගන්නේ පුංචි හොරකමක් කරගෙනය. අහල පහළ ඉඩමක පුවක් වල්ලක් කඩාගෙන, කෙසෙල් කැනක් කපාගෙන ඔහු දවස ගෙවයි.
එදා ඔහුගේ අතේ සතේ නැති දවසකි. අල්ලපු වත්තේ තිබූ කෙසෙල් කැනකට ඔහුගේ අවධානය යොමුවිය. කෙසෙල් කැන කපාගෙන අසල කඩයකට ගියවිට, කෙසෙල් ඇවරි අතර රැුඳී තිබුණ බෝ කොළ දෙකක් මුදලාලිගේ නෙත ගැටුණි. ”ළමයෝ මේ කෙසෙල් කැන පන්සලේ වත්තෙන්ද කපාගෙන ආවේ” යැයි, මුදලාලිගේ ප‍්‍රශ්නය විය. ”නෑ මුදලාලි මේ අපේ වත්තේ බෝගහ යට කෙසෙල් පඳුරෙන්” බව ඔහුගේ පිළිතුර විය. ගනුදෙනුව බේරාගත් ඔහු එතැනින් මාරුවිය.
තමාගේ කෙසෙල් කැන කපාගෙන ගොස් ඇතිබව දැනගත් ඉඩම් හිමියා කඩයක් ගානේ ගොස් සොයා බලන්නට විය. එක කඩයක තමාගේ කෙසෙල් කැනට සමාන කෙසෙල් කැනක් තිබෙනු දැක ඒ ගැන මුදලාලිගෙන් විමසීය.
”මේක ගෙනාවේ අසවලා බවත් කෙසෙල් ඇවරි අස්සේ බෝකොල දෙකක් තිබුණ බවත්” මුදලාලි කීය. මේ තමාගේ වත්තේ බෝගහ යට තියන කෙසෙල් පඳුරේ කැනක් බව සැක හැර දැන ගැනීමට බෝගහ පිහිට විය. හොරා තමන් දන්නා අහල පහළ අයෙක් නිසා සිද්ධිය ගොඩින් බේරා ගැනීමට ඔවුහු කැමති වූහ.
මුදල් නොගෙවා කොත්තු කෑමට එන පොලිස් රාලහාමිලාට අපූරු පොලිස් කොත්තුවක් දෙන ආපනශාලා හිමියකු පිළිබඳ කතාවක් දකුණේ නගරයකින් අසන්නට ලැබේ.
දියණියගේ යැයි කියා අම්මාගේ හදහන ඉදිරිපත් කොට දුව දීග දීමට තැත් කළ පුවතක් වයඹ හා මධ්‍යම අතරට අයත් මායිම් ගම්මානයකින් අසන්නට ලැබුණි.
වයෝවෘද්ධ හිමි නමට ඇප උපස්ථානය කරනවා යයි මුහුණු පොතේ දමමින් විහාරස්ථානය සූරා කෑ ප්‍රාදේශීය සභා මන්ත්‍රීවරයකුට එම විහාරස්ථානයේ පස් පෑගීමත් තහනම් කෙරු
තම පුතුට කටයුත්තක් කතා කරන්නට නෑගම් ගිය පියකු පදම වැඩිවී අනාගත ලේලියගේ මව සමග අනග රැඟු‍ම් පාන්නට ගොස් පුතුගේ කසාදයට ද කණකොකා හැඬූ බව කියන පුවතකි.
මිතුරියකුගේ නිවසේ පැවැති පින්කමක් සඳහා සහභාගීවීමට යාමේදී සීනි වෙනුවට යූරියා කිලෝ දෙකක් රැගෙන ගිය කාන්තාවක පිළිබඳව දකුණු පළාතේ ගම්මානයකින් වාර්තා ව
මුහුණු පොතෙන් හඳුනා ගත් පෙම්වතා නිවෙසට ගෙන්වාගත් කාන්තාවකට මුහුණ දීමට සිදුවූ අපූරු සිදුවීමක් දකුණු පළාතේ ග්‍රාමීය ප්‍රදේශයකින් වාර්තාවේ.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
කෙසෙල් හොරා බෝකොළෙන් අහුවෙලා
ලස්සන Monday, 08 June 2015 07:12 AM
"දවසේ වියදම පියවාගන්නේ පුංචි හොරකමක් කරගෙනය"!. මේක හරිද මං අහන්නේ?(ම)
නෙලුම් Monday, 08 June 2015 07:22 AM
හොරකම හොරකම මයි. ඒවා පුංචි වුණත් අනේ කමක් නැහැ ජීවත් වෙන්න නේ කියල තව උනන්දු කරවන්න හොඳයිද ? පොඩි හොරකමෙන් තමයි මහා පරිමාන සොරකම් වලට යොමු වෙන්නේ .(ම)
සුජී Monday, 08 June 2015 07:51 AM
ඔය මුදලාලිලා සමහරවිට දන දැනම තමයි හොරකම් කරපුව අඩු මුදලට මිල දී ගන්නවා ඇත්තේ.කොහොම වුනත් පොඩි හෝ ලොකු වේවා හොරකම හොරකමම තමයි.පාඩමක් ඉගැන්නුවේ නැත්නම් මුළු ජීවිතේටම හොර කකා ඉඳීවි. (බ)
පිටබැද්දර ජයා Monday, 08 June 2015 08:32 AM
හොරකම කියන්නේ මානසික රෝගයක්. මොනතරම් දඬුවම් කලත් නැවත නැවත කරනවා (නදී)
සරත් Monday, 08 June 2015 01:53 PM
ඔය පංචිකාවත්ත පැත්තේ තියෙන කඩවල තියෙන වාහන අමතර කොටස් වල උපත බැලුවොත් කී දෙනෙක් අහිංසකයින්ගේ වාහන වලින් හොරකම් කරපුව වෙන්න ඇතිද. හොරකම් කරන එකත් පවු ,හොරකම් කළ දේ දැනගෙන ආපසු විකුනන්න ගන්න එකත් පවු දඬුවම් ලැබිය යුතු වරදක් වෙන්න ඕන (අ)
චන්න බුවනක Monday, 08 June 2015 02:26 PM
කරන කොට හොඳයි, විඳවනකොට තේරෙයි. (අ)
මහින්ද ආර් කිතුල්ගොඩ සී ෂෙල්ස් Monday, 08 June 2015 03:54 PM
ඕවට නිසි දඩුවම් දෙන්න ගියත් ලංකාවේ මිනිස්සු කැමති නෑ. සොරකමේ ප්‍රමාණය බලනවා. පුද්ගලයෝ ගැන බලනවා. බැලුවම ඔක්කොම බෝ පැල? (ර)
පිටිගල Monday, 08 June 2015 04:05 PM
මගේ දුව මොන්ටිසෝරි යන කාලේ හැම දාම එක්කෝ පැන්සල නැහැ. එක්කෝ මකනය නැහැ. ඇහුවම කියන්නේ ළමයෙක් ගත්තා කියලා. මම ඕක ටීචර් ගෙන් අහන්න හදන කොට දුවගේ අම්ම කියනවා ඔය නැති බැරි ළමයෙක් ගන්න ඇති මොකටද ඕවා අහන්න යන්නේ ටීචර් ලාගෙන් කියලා. ඔය විදිහට හැමදාම මොකක් හරි අපේ දුවගේ බැග් එකෙන් අඩුයි අන්තිමට බලන කොට හැමදාම එකම ළමයා තමයි මේ වැඩේ කරලා තියෙන්නේ. දැන් මොන්ටිසෝරියෙන් ගිය ඒ ළමයා මොනවා කරනවා ඇද්ද කියලා මතක් වෙනකොට මට නොයෙක් දේ හිතෙනවා. දෙමාපියන් පොඩි දරුවෝ මොනවා කරනවාද කියා විමසිල්ලෙන් සිටිය යුතුයි. (ර)
යශෝද් Monday, 08 June 2015 04:31 PM
මේක නම් නියමයි (නි)