2025 ජුනි මස 26 වන බ්‍රහස්පතින්දා
(උණවටුන - ඞී.ජී. සුගතපාල)
ඌව පළාතේ පදිංචි විසිතුන් හැවිරිදි ඔහු රැුකියාව කළේ දකුණු පළාතේ ප‍්‍රධාන නගරයක පිහිටි පෞද්ගලික ආයතනයකය.
දිනක් රාති‍්‍ර ඔහුගේ ජංගම දුරකථනයට ඇමතුමක් ලැබුණේය. ඔහු ”හලෝ” කියා පිළිතුරු දුන්නේය. ‘‘අනේ සොරි වැරදීමක්” යනුවෙන් මිහිරි කටහඬකින් පැවසූ තරුණියක් දුරකථනය විසන්ධි කළාය.
එහෙත් ඒ කටහඬ ඔහුගේ ආදර සිතුවිලි අවදි කළේය. ඔහු පසුබට වුයේ නැත. එම අංකය යළිත් එබුවේය. ඔහුගේ උත්සාහය සාර්ථක විය. ප‍්‍රතිඵලය වුයේ ටික දිනක් යනවිට දෙදෙනා එක්ව පේ‍්‍රමයේ කුඩා පැළයක් රෝපණය කිරීමය. මාස කිහිපයක් යනවිට එම පැළය මල්බර වන්නට විය. දැන් දෙදෙනාටම නොදැක සිටීමට බැරිය.
‘‘මේ අවුරුද්දට ඔයා අපේ ගෙදර එන්න. මං කාමරයේ ජනේලය ඇරල තියන්නම්.’’ ඇය ආදරයේ නාමයෙන් ඉල්ලා සිටියාය. එය ප‍්‍රතික්‍ෂේප කිරීමට ඔහුට නොහැකිවිය.
අවුරුද්දට පසුදින රාති‍්‍ර ඔහු ඇයගේ නිවස සොයා පියමැන්නේය. එවිට වේලාව රාති‍්‍ර දහය පසු වී තිබිණි. එක අතක චොකලට් පාර්සලයකි. අනෙක් අතේ ජංගම දුරකතනය විය. ජංගම දුරකතනය මඟින් දෙන මං සලකුණු ඔස්සේ ඔහු ඉදිරියටම ගියේය. මේ වනවිට ප‍්‍රධාන මාර්ගය සිට මීටර් පන්සීයකට වඩා දුරක් ගම ඇතුළට ගොස් සිටියේය.
ඇය දුන් මං සළකුණු ඔස්සේ ඇයගේ නිවසයයි සිතිය හැකි නිවසක් අසළට ඔහු පැමිණියත් එම නිවසේ කියූ පරිදි ජනේලයක් විවෘත කර තිබුණේ නැත.
ඔහුගේ හැසිරීම පිළිබඳ සෙවිල්ලෙන් සිටි අසල්වැසියෝ පිරිසක් වැඩි වේලාවක් යාමට පෙර ඔහු අල්ලාගෙන ප‍්‍රශ්න කරන්නට වූහ.
තමා එම තරුණියගේ පෙම්වතා බවත් ඇය හමුවීමට පැමිණි බවත් ඔහු කියා සිටියේය.
එහෙත් අසල්වැසියන් එම නිවසට ගොස් ඔහු පෙන්වා සිද්ධිය පැවසූ විට නිවැසියෝ අන්ද මන්ද වූහ. තරුණිය කැඳවා ඔහු හඳුනනවා දැයි විමසූ විට ඇය කිවේ තමා කිසි දිනයක ඔහු දැක නැති බවය.
ඔහු අත තිබූ චොකලට් පාර්සලය සීසීකඩ ගියේය. එවිට වේලාව මධ්‍යම රාති‍්‍රයට ද ආසන්න වී තිබූ නිසා පොලිස් ජීප් රථයක් පැමිණ ඔහුට ප‍්‍රවාහන පහසුකම් සැලසුවේය.
මුදල් නොගෙවා කොත්තු කෑමට එන පොලිස් රාලහාමිලාට අපූරු පොලිස් කොත්තුවක් දෙන ආපනශාලා හිමියකු පිළිබඳ කතාවක් දකුණේ නගරයකින් අසන්නට ලැබේ.
දියණියගේ යැයි කියා අම්මාගේ හදහන ඉදිරිපත් කොට දුව දීග දීමට තැත් කළ පුවතක් වයඹ හා මධ්‍යම අතරට අයත් මායිම් ගම්මානයකින් අසන්නට ලැබුණි.
වයෝවෘද්ධ හිමි නමට ඇප උපස්ථානය කරනවා යයි මුහුණු පොතේ දමමින් විහාරස්ථානය සූරා කෑ ප්‍රාදේශීය සභා මන්ත්‍රීවරයකුට එම විහාරස්ථානයේ පස් පෑගීමත් තහනම් කෙරු
තම පුතුට කටයුත්තක් කතා කරන්නට නෑගම් ගිය පියකු පදම වැඩිවී අනාගත ලේලියගේ මව සමග අනග රැඟු‍ම් පාන්නට ගොස් පුතුගේ කසාදයට ද කණකොකා හැඬූ බව කියන පුවතකි.
මිතුරියකුගේ නිවසේ පැවැති පින්කමක් සඳහා සහභාගීවීමට යාමේදී සීනි වෙනුවට යූරියා කිලෝ දෙකක් රැගෙන ගිය කාන්තාවක පිළිබඳව දකුණු පළාතේ ගම්මානයකින් වාර්තා ව
මුහුණු පොතෙන් හඳුනා ගත් පෙම්වතා නිවෙසට ගෙන්වාගත් කාන්තාවකට මුහුණ දීමට සිදුවූ අපූරු සිදුවීමක් දකුණු පළාතේ ග්‍රාමීය ප්‍රදේශයකින් වාර්තාවේ.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
දුරකතනයෙන් පාර අහගෙන පෙම්වතිය සොයා ගිහින් පොලිස් රියෙන් ආපසු ඇවිත්
සඳුන් Tuesday, 21 April 2015 04:32 PM
බලන්න මේ ෆෝරම් එක කොතරම් වැදගත්ද කියල. දැන් අපි බේරෙන්න ක්‍රම දෙකක් ඉගෙන ගත්තා. 1. ෆෝන් එකේ කෝල් හිස්ට්‍රිය මකා නොදැමීම. 2. කෙල්ල නැතත් බල්ලා යාළුකර ගැනීම. තව දන්නා අය බහුජන හිතාය, බහුජන සුඛාය කියල ලියන්න. ස්තුතියි.(ස)
කුමාරිහාමි Monday, 11 May 2015 08:54 AM
කෙල්ල බොරු කියලා නැහැ. කෙල්ල දුරකතනයෙන් කතාකළාට කවදාවත් කොල්ලව දැකලා නැහැ (නදී)
විමල් Thursday, 23 April 2015 04:14 PM
පව් කියල හිතෙනවා..මේවා දැක්කම ඉස්සර බලපු හින්දි චිත්‍ර පටි වලටත් අන්තයි (ස).
නලා Thursday, 23 April 2015 03:31 PM
නියම පිරිමියෙක් වගේ දවල් කාලේ කෙල්ලගේ ගෙදට්ට ගියානම් ඉවරනේ මලේ .(ස)
චින්තක Thursday, 23 April 2015 02:42 AM
සඳුන් , තව එකක් තියෙනෙව. ගෙදර බල්ලා යාලු කර ගැනීම. (කමල් ගේ අත්දැකීම ) කෙල්ල / ස්ත්‍රිය පිටු පෑවට බල්ලෝ එහෙම නෑ. උන්ට කල ගුණ මතක තියෙනවා. (ස)
බෙනට් Wednesday, 22 April 2015 04:25 PM
ඕක මොකක්ද ? මගේ යාලුවෙකුට මහා රෑ ගෙදරට එන්න කියල ගෙදරට ගියහම පුතා දැක්ක කියල හොරෙක් හොරෙක් කියල කෑගහුවෙත් ඔය ජාතියේ කෙනෙක් තමයි (බ)
සෙලිනා Wednesday, 22 April 2015 12:54 PM
සරත්ගේ මොළේ තමයි මොළේ. පින්නට අහුවෙන්න දෙන්න එපා (නි)
කරුණාදාස Wednesday, 22 April 2015 11:07 AM
මේකා මහ පුදුම මෝඩයෙක්නේ! (නි)
රෙජි-සිඩ්නි Tuesday, 21 April 2015 11:55 PM
රෑට ජනෙල් වලින් පනින්න ගියාම ඔය වාගේ වැඩ තමයි සිද්දවන්නේ. (ස)
සරත් Tuesday, 21 April 2015 11:14 PM
මල්ලි, එන්න කිව්වා නම්, ඉස්සලාම කරන්න තිබුනේ "දිවා කාලේ ඒ පැත්තේ රවුමක් දාල එන එකනේ " (ස)
පහන් Tuesday, 21 April 2015 05:50 PM
පුතා තාත්ත ගෙන් ඇහුව කසාද බදින්න කොච්චර යනවද කියල ? තාත්ත කිව්වා එ්කනම් පුතේ මම හරියට දන්නේ නැහැ එත් මම තාම ගෙවනවා . කියලා (ස)
පහන් Tuesday, 21 April 2015 05:44 PM
පෙම්වතාගේ සහ සැමියාගේ වෙනස දන්නවද ?විනාඩි 45 යි .පෙම්වතියගේ සහ බිරිදගේ වෙනසනම් කිලෝ 45. (ස)
පහන් Tuesday, 21 April 2015 05:29 PM
මම මගේ පෙම්වතියගෙන් ඇහුව, තමාලි ඔයා හිතනවද මගේ පඩිය ප්‍රමාණවත් කියල ?අපෝ ඇති පහන් එත් ඔයා කොහොමද ජිවත් වෙන්නේ? (ස)
නිලක්ෂි Tuesday, 21 April 2015 06:52 AM
ගෑනු ඔහොම තමයි. බිල්ලක් ඕන වුනොත් තමන්ගේ අාදරවන්තයව හරි දෙනවා. එක මල්ලි ලෝකේ හැටි. ඉතින් අපේ මල්ලිලා ටික මේකෙන්වත් පාඩමක් ඉගන ගත්තොත් අගෙයි. (ස)
සමන්ත Tuesday, 21 April 2015 04:19 PM
මොන මගුලකටද නොදන්න අයත් එක්ක පෙම් කෙලින්න ගියේ..! (බ)
තුවාන් ෆර්සාන් Tuesday, 21 April 2015 03:04 PM
ගෑනු ඔහොම තමයි බිල්ලක් ඕන වුනොත් තමන්ගේ අාදරවන්තයව හරි දෙනවා. එ්ක මල්ලි ලෝකේ හැටි. ඉතින් අපේ මල්ලිලා ටික මේකෙන්වත් පාඩමක් ඉගන ගත්තොත් අගෙයි. ((බ)
පිටබැද්දර ජයා Tuesday, 21 April 2015 01:17 PM
කමලුත් එහෙනම් කොටු පැනල තියෙනවා රෑට රෑට නේද ?(බ)
ජෙහාන් Tuesday, 21 April 2015 01:09 PM
මොනවාටද ඔය දුරකථන මල් කැඩිල්ල කරන්න ගියේ ? (අ)
කමල් Tuesday, 21 April 2015 09:49 AM
මටත් ඔහොම ගුටි කන්න අවස්ථාවක් උදාවී අනූනවයෙන් බේරුනා. ගමේ අය මාව අල්ලගත්විට බියට පත් පෙම්වතිය මාව අදුරන්නේ නැති බව කීවත් ඇයගේ ගෙදර සැර බල්ලා මාව අදුරාගත් බැවින් සියල්ලන්ටම කාරණය වැටහී මාව නිදහස් කළා. බල්ලාට තුති (බ)
කුමාර Tuesday, 21 April 2015 08:14 AM
ඩයස් හරි ගැනවෙන්නනම් ඕනතරම් කර්ම තිබිල තියෙනවා. (ස)
සම්පත් Tuesday, 21 April 2015 08:05 AM
කෙල්ල කලබලේට ලේජ්ජාවට නැහැ කියන්න ඇති දැන් මෙයා කරපු වරද මොකක්ද පොලිසියෙන් අල්ලන් යන්න මට තේරෙන් නැහැ. (ස)
දුමින්ද Tuesday, 21 April 2015 07:52 AM
පරව ගිය පෙම් කැකුළ (බ)
ඩයස් Tuesday, 21 April 2015 07:12 AM
කොල්ලට තිබුණේ දුරකතන අංකය කට්ටියට පෙන්නලා ගැළවෙන්න (නි)
සුදත් Tuesday, 21 April 2015 07:08 AM
කෙල්ල දීලා තියෙන්නේ නියම ළණුවක් (නි)
ගමගේ Tuesday, 21 April 2015 07:05 AM
ජංගම දුරකතනයෙන් ලැබෙන වැරදි ඇමතුම් ඔස්සේ ජංගම ආදර සම්බන්ධතා චොකලට් වලින් රස ගැන්වීම කළනොහැකි බව මේ සිද්ධියෙන් පැහැදිලි වේ. (නි)