2025 ජුනි මස 26 වන බ්‍රහස්පතින්දා
ඔහු රැුකියාව කළේ කොළඹ නගරයේය. ගම ගාල්ලේය. සතියේ දිනවල දී කොළඹ නැවතී රස්සාව කරන ඔහු සති අන්තයේ සිකුරාදා ගමට යයි.
ගමේ යාමට විශේෂ හේතුවක්ද තිබිණි. ඉදිරි වසරේ විවාහ වීමට අපේක්‍ෂාවෙන් සිටින තම පෙම්වතිය ගමේ සිටීම නිසාය. සිකුරාදා වනතුරු ඇඟිලි ගනිමින් සිටින ඔහු හැකි ඉක්මණින් මහරගමට පැමිණ අධිවේගී බසයකින් ගාල්ලට යන්නේ තම ගමනේ කාලය කෙටිවීම ගැන මහත් සතුටිනි.
මේ යන ගමනේ දී ඔහුගේ ජංගම දුරකථනයට නම් කිසිදු විවේකයක් නැත. ඔහු හැමදාමත් බසයට නගින්නේත් බසයෙන් බසින්නේත් දුරකථනය කනේ ගහගෙනය. අනෙක් පැත්තේ ඉන්නේ පෙම්වතියයි.
තොඳොල් බස් කතා කරමින් ආදර වදන් දොඩමින් කෙරෙන මේ කතා බහ කිසිවෙකුට ඇහෙන්නේද නැත. ඒ තවත් සිකුරාදා දිනයකි. මහරගමින් අධීවේගී මාර්ගයේ ගාල්ලට යන අවසන් බසය අල්ලා ගැනීමට කඩිනමින් මහරගමට පැමිණි ඔහු පිටත්වෙමින් තිබෙන බසයක් දුටුවේය. ඒ වනවිටත් ජංගම දුරකථනය ඔහුගේ දකුණු කනට බරවී තිබිණි. බසයේ සිටි සේවකයා ද සීට් තියෙනවා යැයි කියූ බැවින් ඔහු දිව ගොස් බසයේ එල්ලූණි. පිටත් වී තිබූ බසයේ නැගුණු ඔහු ”බස් එකට නැංගා” යැයි පෙම්වතියටත් කීවේය.
ඇය වේලාව බැලූවාය. තවත් පැය එකහමාරකින් ඔහු ගාල්ලෙන් බසින බව ඇය දනියි. දැන් බසය හැල්මේ ගමන් කරයි.
ඔහුත් ඇයත් දුරකථනයේය. ඔහුට මෙලෝ සිහියක් නැත. කොන්දොස්තර ඔහු අසලට පැමිණ ටිකට් කඩද්දී ඔහු 1000 නෝට්ටුවක් දික් කළේය. ඉතිරි මුදල දෙසවත් නොබැලූ ඔහු එය සාක්කුවේ රුවා ගත්තේය.
විනාඩියෙන් විනාඩිය ගෙවීගොස් පැයක් ගතවී ගියේය. බොහෝ දෙනෙකු නින්දේය.
”තාම ඔය බස් එක හයිවේ එකේද?” පෙම්වතිය අසයි. ඇය සිතා සිටින්නේ බසය දැන් ගාල්ලට පැමිණෙන්ට ඇතැයි කියාය. ගතවූ වේලාව අනුව ඇය නිවැරදිය.
කවුළුවෙන් පිටත බැලූ ඔහු ”නෑ. තවම හයිවේ එකේ. වහිනවානේ හෙමින් එන්නේ” කීවේය.
බසය නතර කැරිණි. ”හැමෝම බහින්න. ස්ටෑන්ඞ් එකට ආවා.” ඒ කොන්දොස්තරගේ හඬයි.
”ගාල්ලට ආවා” කියමින් ඔහු බසයේ දොර වෙත ගමන් කළේය.
බසයෙන් බැස්ස ද තැන නුහුරුය නුපුරුදුය. පුදුමයකි. ඔහු මාතරට පැමිණ ඇත. බසයේ නාමපුවරුවේ මහරගමxමාතර ලෙස සඳහන්ව ඇත.
දුරකථනයෙන් පෙම්වතිය අමතමින් පැමිණි ඔහු කලබලයට නැග ඇත්තේ මාතර බසයේය.
දැන් ගාලූ යන්නට බස් නැත.
අලූයම වනතුරු මාතර බස් නැවතුමේ රැුය පහන්කළ ඔහු මුලින්ම කොළඹ යන බසයේ නැග ගාල්ලෙන් බැස ගත්තේ මට මේවා හොඳ පාඩම් යැයි සිතමිනි.
මුදල් නොගෙවා කොත්තු කෑමට එන පොලිස් රාලහාමිලාට අපූරු පොලිස් කොත්තුවක් දෙන ආපනශාලා හිමියකු පිළිබඳ කතාවක් දකුණේ නගරයකින් අසන්නට ලැබේ.
දියණියගේ යැයි කියා අම්මාගේ හදහන ඉදිරිපත් කොට දුව දීග දීමට තැත් කළ පුවතක් වයඹ හා මධ්‍යම අතරට අයත් මායිම් ගම්මානයකින් අසන්නට ලැබුණි.
වයෝවෘද්ධ හිමි නමට ඇප උපස්ථානය කරනවා යයි මුහුණු පොතේ දමමින් විහාරස්ථානය සූරා කෑ ප්‍රාදේශීය සභා මන්ත්‍රීවරයකුට එම විහාරස්ථානයේ පස් පෑගීමත් තහනම් කෙරු
තම පුතුට කටයුත්තක් කතා කරන්නට නෑගම් ගිය පියකු පදම වැඩිවී අනාගත ලේලියගේ මව සමග අනග රැඟු‍ම් පාන්නට ගොස් පුතුගේ කසාදයට ද කණකොකා හැඬූ බව කියන පුවතකි.
මිතුරියකුගේ නිවසේ පැවැති පින්කමක් සඳහා සහභාගීවීමට යාමේදී සීනි වෙනුවට යූරියා කිලෝ දෙකක් රැගෙන ගිය කාන්තාවක පිළිබඳව දකුණු පළාතේ ගම්මානයකින් වාර්තා ව
මුහුණු පොතෙන් හඳුනා ගත් පෙම්වතා නිවෙසට ගෙන්වාගත් කාන්තාවකට මුහුණ දීමට සිදුවූ අපූරු සිදුවීමක් දකුණු පළාතේ ග්‍රාමීය ප්‍රදේශයකින් වාර්තාවේ.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
දුරකථනයෙන් පෙම් බස් දොඩමින් ගාලූ යන්න මාතර බසයක නැඟලා
රෙජි-සිඩ්නි Tuesday, 05 May 2015 04:57 AM
පෙම්වන්තියට ඔයතරම් ආදරේ නම් කීයක්හරි ගෙවලා කුලී රථයක් අරගෙන ආපහු ගාල්ලට යන්න තිබුනනේ. (නි)
කුමාරි Monday, 11 May 2015 08:26 AM
සමහරු හයිවේ බස් එකක ගිහිල්ලා නැහැ වගේ (නි)
කළුවිතාන Thursday, 07 May 2015 11:34 PM
අනේ අප්පොච්චියේ වෙලා තියෙන දේ? (නි)
ගුණවර්ධන Thursday, 07 May 2015 03:44 PM
චින්තක කියනවා වගේ මමත් හිතන්නේ මේක බොරුවක් බස්සෙකට නැගල ටිකට් ගන්න වෙලාවට කියනවා නේද කොහෙන්ද බහින්නේ , කොහාටද යන්නේ කියල (බ)
සුපුන් Thursday, 07 May 2015 03:25 AM
මාතරින් කොලඹට යන්න ඕනි තරම් බස් තියෙනවා (නදී)
තරංග Wednesday, 06 May 2015 01:43 PM
අයියෝ පවු! (නි)
තිළිණි Wednesday, 06 May 2015 01:43 PM
මෙහෙමත් පිස්සෝ! (නි)
කුමාර Wednesday, 06 May 2015 01:44 PM
අනේ මෙහෙම සිහියක්? (නි)
තත්සර Wednesday, 06 May 2015 01:43 PM
මල්ලිට රෑ හොඳට නින්ද යන්න ඇති (නි)
කිත්සිරි Wednesday, 06 May 2015 01:44 PM
ආලය අන්ධය (නි)
නිමල් Wednesday, 06 May 2015 06:14 AM
එක අතකට හොඳ වැඩේ (නි)
තනුර Tuesday, 05 May 2015 10:15 PM
අනේ කාලේ වනේ වාසේ! (නි)
සරත් Tuesday, 05 May 2015 03:52 PM
"ආලයෙන් මන සුන්දර වේ ලංකෘත වේ.." (නි)
කෝලිත Tuesday, 05 May 2015 02:20 PM
පුදුම ප්‍රේමයක්නේ! (නි)
සෙන්සාන් Tuesday, 05 May 2015 01:21 PM
හොඳ වැඩේ! (නි)
පිටබැද්දර ජයා Tuesday, 05 May 2015 12:21 PM
කතාව බොරු උනත් ඇත්ත උනත් මේ වගේ කටු කන කොට තමයි ආදරේ සුන්දර වෙන්නේ , ජිවිත කාලෙම මතක් කර කර හිනාවෙන පුළුවන් දරු මුනුපුරොත් එක්කම (බ)
තේජාන්විත Tuesday, 05 May 2015 09:35 AM
සමන් මෙය බදින්නේ එයාව නෙමෙයි වෙන කෙනෙක්ව . එතකොට මතක් කරගෙන හිනාවෙන්න වෙන්නනේ තනියෙම තමයි. (ම)
ඉනෝකා Tuesday, 05 May 2015 09:02 AM
හොද වැඩේ සිහියක් නැතුව ගමන් යනවට.(හේ)
ඉනෝකා එංගලන්තය Tuesday, 05 May 2015 09:02 AM
මෙය කියවනකොට මගේ දුව සහ දුවගේ පෙම්වතාව මතක් වුනා.(හේ)
උමේෂ් Tuesday, 05 May 2015 08:40 AM
විශ්වාස කරන්න අමාරුයි. දැන් මැදියම් රාත්‍රී වෙනකන් බස් තිබෙනවා. මාතර නෙවෙයි මන්නාරමට ගිහිල්ලා නම් ඔන්න ඕක විශ්වාස කරන්න තිබුණා (බ)
නුවන් Tuesday, 05 May 2015 07:14 AM
ඇයි කතරගම ඉඳලා එන ඒවාවත් තිබිලා නැද්ද? (නි)
පියසේන Tuesday, 05 May 2015 06:45 AM
නියම වැඩේ වෙලා තියෙන්නේ (නි)
සමන් වසන්ත Tuesday, 05 May 2015 06:20 AM
මෙහෙම දේවල් වෙන්නත් ඕනෑ. එතකොට දෙන්නා බැඳපු කාලෙක මතක්කරලා හිනාවෙන්න බැරියැ (නි)
දිමුත් Tuesday, 05 May 2015 05:57 AM
අනේ අනිච්චං! (නි)
ටියුඩර් Tuesday, 05 May 2015 05:39 AM
අනේ අපොයි මල්ලියේ! (නි)
කුමාරි Tuesday, 05 May 2015 05:17 AM
ආලය අන්ධයි කියන්නේ ඕකනේ. (නි)
දුමින්ද Tuesday, 05 May 2015 05:10 AM
ආලය අන්ද -මන්දවේ (නි)
චින්තක Tuesday, 05 May 2015 04:45 AM
මේක නිකම් බොරුවක්නේ...ඔය රෑ දුර බස් එකක්වත් ආවේ නැත්ද ගාල්ලට යන්න. කතරගම, තංගල්ල, හම්බන්තොට, වගේ බස් ඕනේ තරම් එනවනේ..(බ)
Wimalasiri Fernando Monday, 04 September 2017 07:32 PM
1995ත් 2007ත් ඇතුලත කාලය තුල දෙයියෝ සාක්කි කොලමේ පලවුනා මාතර ප්‍රදේශයේ එක්තරා සිදුවීමක්. මට ඒ පුවත නැවත බලන්න පුලුවන් කෙසේද?