2025 ජුනි මස 24 වන අඟහරුවාදා
රුපියල් නවයේ ටිකට් පත‍්‍රය වෙනුවෙන් රුපියල් දහසේ නෝට්ටුවක් පෞද්ගලික බස් කොන්දොස්තරවයකුට දීම නිසා කඳුරට ප‍්‍රදේශයේ බස් රථයක පසුගියදා මහත් ගාලගෝට්ටියක් හට ගත්තේය.
සිද්ධිය සැකෙවින් මෙසේය.
එය කඳුරට ප‍්‍රදේශයේ කුඩා නගරයකි. බස් රථ අඩුවෙන් ධාවනය වන නිසා ධාවනය වන බස් රථ කිහිපය නිතර මගීන්ගෙන් පිරී පවතී. පසුගිය දිනෙක මෙම මාර්ගයේ ධාවනය වන එක් පෞද්ගලික බස් රථයකට මැදි වියේ පුද්ගලයෙක් ගොඩ විය.
බස් රථයට නැගුණු ඔහු ”මල්ලි නවයේ එකක්” යැයි කියමින් රුපියල් දාහේ නෝට්ටුවක් කොන්දොස්තර මහතා වෙත දික් කළේය. එම රුපියල් දහස දුටු කොන්දොස්තරවරයාට කර කියා ගත හැකි දෙයක් නොවීය.
”මහත්තයා රුපියල් නවයට දාහක් මාරු කරන්න කොහෙද තියෙන්නේ, සිල්ලරවලින් රුපියල් නවයක් දෙන්න” යැයි ඉල්ලීය. ”සිල්ලර නෑනේ, තියෙනව නම් දෙනවනේ. මේකෙන් මාරු කරල ගන්න” ආදී වශයෙන් මගියා කියද්දී දෙන්නා අතර වාග් ප‍්‍රහාරය එන්න එන්නම වැඩි වන්නට විය. මේ අතරතුර අදාළ මගියා බසයෙන් බැසිය යුතු ස්ථානයත් ළං විය. ”මං ඔය ඉස්සරහ බහිනව, ඉක්මනට ඉතිරි සල්ලි දෙන්න” යැයි නැවතත් ඔහු ඉල්ලීය. රුපියල් දාහේ නෝට්ටුව අතේ තියාගෙන සිටින කොන්දොස්තරවරයා සතුව ඔහුට ඉතිරි මුදල් දෙන්නට තරම් මුදලක් නැත. මගියා ළඟ ද රුපියල් නවයක් දෙන්න සිල්ලර මුදල් නැත. මෙම උභතෝකෝටික ප‍්‍රශ්නය විසඳීමට ඉදිරිපත් වූයේ බස් රථයේ ගමන් කළ මගියෙකි. ඔහු මගියාගේ ටිකට් පතේ ගාස්තුව වන රුපියල් නවය ගෙවා සිද්ධිය සමථයකට පත් කළේය.
මුදල් නොගෙවා කොත්තු කෑමට එන පොලිස් රාලහාමිලාට අපූරු පොලිස් කොත්තුවක් දෙන ආපනශාලා හිමියකු පිළිබඳ කතාවක් දකුණේ නගරයකින් අසන්නට ලැබේ.
දියණියගේ යැයි කියා අම්මාගේ හදහන ඉදිරිපත් කොට දුව දීග දීමට තැත් කළ පුවතක් වයඹ හා මධ්‍යම අතරට අයත් මායිම් ගම්මානයකින් අසන්නට ලැබුණි.
වයෝවෘද්ධ හිමි නමට ඇප උපස්ථානය කරනවා යයි මුහුණු පොතේ දමමින් විහාරස්ථානය සූරා කෑ ප්‍රාදේශීය සභා මන්ත්‍රීවරයකුට එම විහාරස්ථානයේ පස් පෑගීමත් තහනම් කෙරු
තම පුතුට කටයුත්තක් කතා කරන්නට නෑගම් ගිය පියකු පදම වැඩිවී අනාගත ලේලියගේ මව සමග අනග රැඟු‍ම් පාන්නට ගොස් පුතුගේ කසාදයට ද කණකොකා හැඬූ බව කියන පුවතකි.
මිතුරියකුගේ නිවසේ පැවැති පින්කමක් සඳහා සහභාගීවීමට යාමේදී සීනි වෙනුවට යූරියා කිලෝ දෙකක් රැගෙන ගිය කාන්තාවක පිළිබඳව දකුණු පළාතේ ගම්මානයකින් වාර්තා ව
මුහුණු පොතෙන් හඳුනා ගත් පෙම්වතා නිවෙසට ගෙන්වාගත් කාන්තාවකට මුහුණ දීමට සිදුවූ අපූරු සිදුවීමක් දකුණු පළාතේ ග්‍රාමීය ප්‍රදේශයකින් වාර්තාවේ.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
නවයේ ගමන් ගාස්තුවට දාහක් දික් කරලා
භාණු Monday, 27 January 2014 11:36 AM
ඔය මගියා කපටියෙක් පාටයි (අ)
අමිල සිංග Monday, 27 January 2014 11:39 AM
පෙර ගෙවුම් ප්‍රවාහන කාඩ් පත ඉක්මනටම දිවයින පුරා ක්‍රියාත්මක කල යුතුය! (අ)
ශ්‍යාමන් Monday, 27 January 2014 11:43 AM
කොන්දොස්තරලගේත්,මගියන්ගේත් දෙගොල්ලන්ගේම ඔය කපටි වැඩ සිද්දවෙනවා. ඔය 1000 නෝට්ටුව දුන්න වගේම රුපියල් 10ක් දුන්නමත් ඉතිරි රුපියල දෙන්න එයාලට මාරු නැහැ.ඉතිරි රුපියල මගියෝ ඉල්ලුවොත් කොන්දොස්තර බල්ලන්නේ හරියට හිඟමන් ඉල්ලුව වගේ.මගියත් දැනගන්න ඕන ඔය වගේ කපටි වැඩ නොකර ඉන්න, (අ)
අසාද් Monday, 27 January 2014 12:41 PM
ප්‍රයිවෙට් බස්කාරයො මහ ජරාම ජාතියක්.(නදී)
පද්මේ Monday, 27 January 2014 02:56 PM
මෙතන නම් සම්පුර්ණ වැරැද්ද මගියාගේ. තමන් ළඟ මාරු නැත්නම් කරුණාවෙන් ඒක කොන්දොස්තරට කියන්න තිබ්බා. මමත් සැහෙන්න කාලෙකට පස්සේ තිබුන කාර් ඒක විකුණලා අනික් ඒක ගන්නකන් සති දෙකතුනක් බස් එකේ ගියා. ගොඩක් හොඳ කොන්දොස්තරලත් හම්බවුනා. මාරු නැහැ මල්ලි තියන විදිහට ඉතුරු සල්ලි දෙන්න කිව්වම හරියටම ඉතුරු දුන්නා. සමහරු නම් රුපියල දෙක දුන්නේ නැහැ. සමහරු රුපියල දෙක ගත්තෙත් නැහැ. රුපියලකින් දෙකකින් මම දුප්පත් වෙන්නෙත් නැහැ. කොන්දොස්තර පෝසත් වෙන්නෙත් නැහැ.(නදී)
සෙලිනා Monday, 27 January 2014 06:50 PM
පද්මේ ඔයා හරි, රුපියලකින් දෙකකින් කවුරුවත් පොහොසත් වෙන්නේ නැහැ මෙතන සිද්ධිය දිහා බැලුවම පෙනෙන දෙයක් තමයි මගියා කපටි කමට මාරු සල්ලි නැහැ කියපු බව කෙසේ හෝ දාහේ නෝට්ටුවත් අරන් බස් ගාස්තුවත් පිරිමහන් ගෙදර ගියානේ කොහොමද මොලේ (අ)
අජිත් Monday, 27 January 2014 07:08 PM
හැබැයි ඉතින් රුපියල් නවය වගේ දසගුණයක් ඔහුට පසුව පොලිත් එක්කම ගෙවන්න වෙයි (අ)
ශාන්ති Monday, 27 January 2014 10:52 PM
මටත් හිතුනේ මගියා කපටි අයෙක් කියලා.(නදී)
පෙරේරා Tuesday, 28 January 2014 03:23 AM
අසාද්, සාමාන්යෙන් පුද්ගලික බස් කොන්දොස්තරලා අසාදාරන වුන පලියට හැම සිද්දියක්ම ඔවුන්ගේ ගිණුමට බැර කරන එක වැරදියි. ඔබ මේ කොන්දොස්තර නම් රුපියල් නවසීය අනූ එකක් ඉතුරු සල්ලි ප්‍රශ්නයක් නැතුව දෙනවද? (නදී)
පද්මේ Tuesday, 28 January 2014 09:10 AM
සෙලිනා, රුපියල් 9 කට වංචා කලත් ලක්ෂයකට වංචා කලත් පව පවමයි. මගියා කට්ටකමක් කලානම් ගෙවන්න වෙයි. (නදී)
චින්තක කසුන් වනසූරිය Tuesday, 28 January 2014 12:53 PM
මොනව වුණත් මේ මගිය කරපු වැඩේ වැරදී.(දිල්)
අනූ Tuesday, 28 January 2014 04:09 PM
සල්ලි දීල රණ්ඩුව විසදපු කෙනා ගැන හිතන්න කොච්චර හොද මනුස්සයෙක්ද. (නදී)
සුරේෂ් Tuesday, 28 January 2014 09:00 PM
මඩ ගොඩේ පිපුණු සුපිපි නෙළුම දුටු හා අපට පෙන්වූ අනුට ස්තුති මෙවැනි අයුරින් පුවත් දෙස බැලීමෙන් අප ලේ පිරිසිදු වෙනවා පමණක් නොව අපව හොඳ දේ කිරීමට පෙලම්බවිමක්ද සිදුකරයි (අ)