2025 ජුනි මස 22 වන ඉරිදා
බුලත්විට කෑමට තදින් ඇබ්බැහිවූ තම බෑනාට ගෙට ගෙවදින උත්සවයේදී තෑගි ලෙස පඩික්කමක් ගෙන ගොස් දුන් මාමණ්ඩියකු පිළිබඳ පුවතක් කෑගල්ල ප‍්‍රදේශයේ ගමින් වාර්තා වෙයි. සිද්ධිය මෙසේය. විවාහ වී දරුමල්ලන් කීප දෙනකු ද සිටින බෑනා තවමත් පදිංචිව සිටින්නේ මාමණ්ඩියගේ නිවසේමය. රියදුරු රැකියාව කරන බෑනා තදින්ම බුලත්විට කෑමට ඇබ්බැහිවීම පිළිබඳව මාමා සිටින්නේ දැඩි කේන්තියෙනි. ඊට හේතුව නිවසේ ඉදිරිපස පිළ ද මිදුල ද අලංකාර මල් පඳුරු ද බෑනාගේ බුලත්විට කෙළවලින් නිතරම දුර්වර්ණ වී අපවිත‍්‍රව පැවතීමය. මේ අවනඩුව පිළිබඳව වරක් දෙවරක් නොව සිය වතාවකටත් වඩා බෑනා හා මාමා අතර උණුසුම් වචන හුවමාරු වුව ද ඔහුගේ බුලත් විට කෑම නැවැත්වීමට මාමා අපොහොසත් විය. මේ අතර කලකට පසුව සියලූ දෙනාගේ උදව් උපකාර ඇතිව මාමාගේ නිවසට තරමක් දුරින් බෑනා නව නිවසක් ඉදිකිරීම ආරම්භ කළේය. බෑණා නව නිවස ඉදිකොට ගෙන තම නිවසින් තොලොංචි වී යන්නේ කවදාදැයි මාමා දිනගනිමින් පසුවිය. බෑණාගේ ගෙට ගෙවදින දිනය දැන ගැනීමත් සමගම මාමාට තරමක ගැටලූ සහගත තත්ත්වයක් උදාවූයේ එදිනට ලබාදෙන්නේ කුමක්දැයි කල්පනා වීමත් සමඟය. මේ පිළිබඳව කීප දෙනකුගේ අදහස් විමසීමෙන් අනතුරුව එක් පුද්ගලයකු අපූරු යෝජනාවක් කළේය. ”මහත්තයෝ බෑණාගේ විට කෑමටත් තැන නොතැන නොබලා කෙළගැසීමටත් දැනමුතුකමක් දෙන්න අපි බෑණාට පඩික්කමක් තෑගි දෙමු.” මේ අදහසින් පසුව නගරයට ගිය හෙතෙම කඩ කීපයක සෝදිසි කිරීමෙන් අනතුරුව පන්සල්වල පාවිච්චියට ගන්නා ලොකුම ප‍්‍රමාණයේ පඩික්කමක් හොඳහැටි පාර්සල් කරවාගෙන පැමිණියේය. බෑණාගේ ගෙට ගෙවැදීමේ සාදය ඉහළින් පැවැත්විණි. ඔහු තම බිරිඳටත් නොකියා රැගෙන ගිය පඩික්කම සහිත පාර්සලය බෑණා අතට දුන්නේය. පසු දින පාර්සල් එකිනෙක විවෘත කරන අතරතුර බෑණා පඩික්කම සහිත පාර්සලය ද විවෘත කළේ බිරිඳ හා දූ දරුවන් සියලූ දෙනාගේ සිනා හඬ මැදය. දැන් මේ ආරංචිය ඔහුගේ ඥාතීන් සියලූ දෙනා අතර පැතිරී ඇතත් ඔහුගේ විට කෑම නං අඩු වී නැත.
මුදල් නොගෙවා කොත්තු කෑමට එන පොලිස් රාලහාමිලාට අපූරු පොලිස් කොත්තුවක් දෙන ආපනශාලා හිමියකු පිළිබඳ කතාවක් දකුණේ නගරයකින් අසන්නට ලැබේ.
දියණියගේ යැයි කියා අම්මාගේ හදහන ඉදිරිපත් කොට දුව දීග දීමට තැත් කළ පුවතක් වයඹ හා මධ්‍යම අතරට අයත් මායිම් ගම්මානයකින් අසන්නට ලැබුණි.
වයෝවෘද්ධ හිමි නමට ඇප උපස්ථානය කරනවා යයි මුහුණු පොතේ දමමින් විහාරස්ථානය සූරා කෑ ප්‍රාදේශීය සභා මන්ත්‍රීවරයකුට එම විහාරස්ථානයේ පස් පෑගීමත් තහනම් කෙරු
තම පුතුට කටයුත්තක් කතා කරන්නට නෑගම් ගිය පියකු පදම වැඩිවී අනාගත ලේලියගේ මව සමග අනග රැඟු‍ම් පාන්නට ගොස් පුතුගේ කසාදයට ද කණකොකා හැඬූ බව කියන පුවතකි.
මිතුරියකුගේ නිවසේ පැවැති පින්කමක් සඳහා සහභාගීවීමට යාමේදී සීනි වෙනුවට යූරියා කිලෝ දෙකක් රැගෙන ගිය කාන්තාවක පිළිබඳව දකුණු පළාතේ ගම්මානයකින් වාර්තා ව
මුහුණු පොතෙන් හඳුනා ගත් පෙම්වතා නිවෙසට ගෙන්වාගත් කාන්තාවකට මුහුණ දීමට සිදුවූ අපූරු සිදුවීමක් දකුණු පළාතේ ග්‍රාමීය ප්‍රදේශයකින් වාර්තාවේ.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
බුලත්විට කන බෑනාට මාමාගෙන් පඩික්කමක්
රුවන් Saturday, 07 July 2012 10:51 AM
මෝඩ වැඩක්නේ කරලා තියෙන්නේ.ඉබ්බා දියට දාන්නද ඇහුවම ඈන්නෑවේ කියලා කිවුවලුනේ
ලලිත් Saturday, 07 July 2012 11:54 AM
විට කෑම අඩුවේවිද මාමා බෑණාට පඩික්කමක් දුන්නම? නැත්නම් එයා ඕක අත අරින්නයි හිටියේ හැමතැනම කෙළ ගහන්න බැරි නිසා.
මාමා Saturday, 07 July 2012 11:24 AM
ධර්ෂණ - ඉතාම කාලෝචිත ප්‍රශ්නයක්
අකිල-dulaj Saturday, 07 July 2012 11:41 AM
මේක මහ මෝඩ වැඩක්නේ
නිශාර්ඩ් ප්‍රෙන් Saturday, 07 July 2012 01:02 PM
එතකොට බොන මාමාගෙන් බුලත් විටත් බලාපොරොත්තු වෙයි ද දන්නේ නැහැ .
puncha Saturday, 07 July 2012 01:41 PM
නාකි බෑනා
ලංකා පෙරේරා Saturday, 07 July 2012 04:33 PM
ඔය විට කන එක නිකම්ම අඩුවෙලා යයි පිළිකාවක් කටේ හැදුනාම.. කියනදේ නාහන ගුරු ඉහළ ගියත් එකයි පහළ ගියත් එකයිනෙ මාමෙ...
සේනානායක Saturday, 07 July 2012 11:45 PM
අනේ බොරු නොකිය ඉදින් මාමේ .මේක පරණ කතාවක් .නාවලපිටි පැත්තේ
තිලක් Sunday, 08 July 2012 05:35 AM
බොහෝම හොද මාම කෙනෙක්
සාරිවිට Sunday, 08 July 2012 07:59 AM
ඇත්තටම මේක මුලින්වුනේ නාවලපිටියේවත් කෑගල්ල පැත්තේවත් නෙවෙයි ගිලීමලේ.
එටකිච්ච Sunday, 08 July 2012 09:20 PM
"තව පඩික්කමක් මොකටද මාමේ ...ඔහේගේ දුගේ කටත් පඩික්කමක් වගේ ...
තිලින දසුන් Sunday, 08 July 2012 09:54 PM
බොරු අනේ මට එහෙම එකක් දුන් නැ
තුසිත් Sunday, 08 July 2012 11:35 PM
බොරු කියන්න එපා තිළිණයෝ, ඔහේ දැන් කෙළ ගහන්නේ මම එදා දුන්න පඩික්කමටනේ
මහියංගන Tuesday, 10 July 2012 12:15 AM
බොරු කියන්න එපා මාමේ ... "තව පඩික්කමක් මොකටද මාමේ ...ඔහේගේ දුගේ පඩික්කම දුන්නනේ"