2025 මැයි මස 07 වන බදාදා
මංගල මොහොතේ මනාලයා විසින් මනමාලියගේ ගෙළෙහි බැඳි රන් තැල්ලක් පැය කීපයකට පසුව කසළ ගොඩකින් සොයා ගත් සිද්ධියක් මහියංගනයට නුදුරු හෝටලයකින් වාර්තා විය.
වාර්තා වන අන්දමට සිද්ධිය මෙසේය.
ඇය හසලක ප්‍රදේශයේ යුවතියක් වන අතර ඔහු මහියංගන ප්‍රදේශයේ පෞද්ගලික ව්‍යාපාරයක හිමිකරුවෙකි. මවුපියන්ගේ කතාබහකින් පසු දෙදෙනාගේ විවාහ මංගල උළෙලේදී මනාලයා විසින් එළඹි නැකතට මනාලියගේ ගෙළෙහි රන් තැල්ලක් සහිත රන් මාලයක් පළඳවනු ලැබීය. පැවැති කළබලකාරී තත්ත්වය නිසා මනමාලිය මාලයේ රන් තැල්ල ගලවා මනමාලයා අතට දුන්නේ සාක්කුවේ බහා තබා ගන්නා ලෙස ඉල්ලමිනි. එහෙත් එය සාක්කුවේ දමා ගන්නවා වෙනුවට ඔහු කළේ එය ටිෂූ කඩදාසියක ඔතා අසල අසුනක වාඩි වී සිටි මනමාලියගේ සහෝදරයකු වෙත විසි කිරීමය. එය අහුලාගත් සහෝදරයා කඩදාසි ගුලියකින් තමන්ට මස්සිනා දමා ගැසුවේ විහිළුවකට යැයි සිතා ඒ මොහොතේම එය පසෙක තිබූ කසළ බඳුනකට දමා තිබේ.
හෝටලයේ කටයුතු නිමවීමෙන් පසු මනාල යුවළ පිරිසට සමුදි පිටත්ව ගියේ නුවරඑළිය නගරයේ හෝටලයක් වෙතය. හෝටලයට ගිය පසු මනමාලිය මනමාලයාට කතා කොට ඉල්ලා සිටියේ තමන් දහවල් දුන් මාලයේ රන් තැල්ල කෝ කියාය. ඔහු පැවැසුවේ එය මස්සිනාට එම අවස්ථාවේම දුන් බවත් ඔහුගෙන් ඒ පිළිබඳව විමසන ලෙසත්ය. ඒ අනුව ඇය සිය සහෝදරයාට දුරකථනයෙන් කතා කොට විමසුවේ රන් තැල්ල පිළිබඳවය.
එහිදී ඔහු පැවැසුවේ ‘මම රන්තැල්ලක් ගැන නම් දන්නේ නැහැ හැබැයි ඔයාගේ මහත්තයා මට කඩදාසි ගුලියකින් නම් ගැහුවා. ඒක මම ඒ වේලාවේම එතන තිබුණු කුණු පෙට්ටියට දැම්මා යනුවෙනි. ඒක නිකම්ම නිකන් කඩදාසි ගුලියක්නෙ’
ඒකේ තිබුණෙ මගේ කරේ බැඳපු රන් තැල්ල’ යැයි ඇය කීවාය.
එයින් කලබලයට පත් සහෝදරයා තම බිරිඳට සිද්ධිය පවසා නිෙවසේ සිට කිලෝ මීටර් 4ක පමණ දුර පිහිටි දහවල් මංගල උත්සවය පැවැත්වූ හෝටලය කරා වහාම පිටත්ව ගියේය. ඒ වනවිටත් රාත්‍රි 9 පසුවී තිබිණි. හෝටලයට යන විට එහි කටයුතු නිමාකර හෝටලය වසා දැමීමට සූදානම්ව තිබිණි. ගිය විගස සිද්ධිය පිළිබඳව කළමනාකාරිත්වය දැනුම්වත් කිරීමේදී ඔහු පැවැසුවේ උත්සවය පැවැත්වූ ශාලාව සම්පූර්ණයෙන්ම පිරිසුදු කළ බවත් කසළ බඳුන්වල තිබූ කසළ මාර්ගය අයිනේ ඇති කසළ ගොඩට සේවකයන් විසින් දමා ඇති බවත්ය.
එම කසළ ගොඩේ රන් තැල්ල ඇද්දැයි බැලීමට මොවුන් දෙදෙනාට තනියම නොහැකි වූයෙන් ඒ සඳහා සේවකයන් දෙදෙනකුගේ සහය ගැනීමට ඔවුන්ට සිදුවිය. කුලියට ගත් සේවකයන් දෙදෙනා සමඟ කසළ ගොඩ එහෙට මෙහාට කර බැලීමේදී රන් තැල්ල ඔවුනට හමුවන විට පැය තුනක පමණ කාලයක් ගත වී තිබුණු බව කියයි.
හසලක සුනිල් ඒකනායක
මුදල් නොගෙවා කොත්තු කෑමට එන පොලිස් රාලහාමිලාට අපූරු පොලිස් කොත්තුවක් දෙන ආපනශාලා හිමියකු පිළිබඳ කතාවක් දකුණේ නගරයකින් අසන්නට ලැබේ.
දියණියගේ යැයි කියා අම්මාගේ හදහන ඉදිරිපත් කොට දුව දීග දීමට තැත් කළ පුවතක් වයඹ හා මධ්‍යම අතරට අයත් මායිම් ගම්මානයකින් අසන්නට ලැබුණි.
වයෝවෘද්ධ හිමි නමට ඇප උපස්ථානය කරනවා යයි මුහුණු පොතේ දමමින් විහාරස්ථානය සූරා කෑ ප්‍රාදේශීය සභා මන්ත්‍රීවරයකුට එම විහාරස්ථානයේ පස් පෑගීමත් තහනම් කෙරු
තම පුතුට කටයුත්තක් කතා කරන්නට නෑගම් ගිය පියකු පදම වැඩිවී අනාගත ලේලියගේ මව සමග අනග රැඟු‍ම් පාන්නට ගොස් පුතුගේ කසාදයට ද කණකොකා හැඬූ බව කියන පුවතකි.
මිතුරියකුගේ නිවසේ පැවැති පින්කමක් සඳහා සහභාගීවීමට යාමේදී සීනි වෙනුවට යූරියා කිලෝ දෙකක් රැගෙන ගිය කාන්තාවක පිළිබඳව දකුණු පළාතේ ගම්මානයකින් වාර්තා ව
මුහුණු පොතෙන් හඳුනා ගත් පෙම්වතා නිවෙසට ගෙන්වාගත් කාන්තාවකට මුහුණ දීමට සිදුවූ අපූරු සිදුවීමක් දකුණු පළාතේ ග්‍රාමීය ප්‍රදේශයකින් වාර්තාවේ.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
මනාලයා මනාලියට දැමූ රන්තැල්ල පාරේ කුණු ගොඩක