2024 නොවැම්බර් මස 01 වන සිකුරාදා
ඔහු දෙදරු පියෙකි. වන්නි වන පෙතේ පහස විඳිමින් හැදී වැඞී ගොවිතැන ජීවිකාවෘත්තිය කරගත් ආදර්ශමත් ගොවියෙකි. පුතා ඉතා ඉහළට ඉගෙනගෙන ලොකු රස්සාවක් ලබා කොළඹ කොන්ක‍්‍රීට් වනාන්තරයේ ස්ථිර පදිංචිකරුවෙක් විය. තම බිරිඳගේ අභාවයෙන් පසු පියා ගමේ මහ ගෙදර පදිංචිව සිටියේ අවිවාහක සිය වැඩිමල් දියණිය සමගිනි. ඔහු පසුගියදා අසනීප විය. පුතාට දැන්වූ පසු වහාම පැමිණියේය. පියා කැටුව කොළඹ ගියේය. සතියක් දෙකක් ප‍්‍රතිකාර කළත් පලක් නොවීය. පියා සඳහටම ඇස් පියා ගත්තේය. පියාගේ අවසන් කටයුතු කොළඹදී සිදුකිරීමට පුතා තීරණය කළේය. තමා ඇසුරු කරන නාගරික සමාජයේ අවඥාවට ලක්නොවන පරිදි සැරසීමට දේහය ප‍්‍රධාන පෙළේ මල්ශාලාවකට බාර දෙනු ලැබීය. පියාගේ මෘත කළේබරය ටයි කෝටි කලිසම් අන්දවා අංග සම්පූර්ණ යුරෝපීය ඇඳුමින් සරසා තිබුණේ පුතාගේ ඉල්ලීම පරිදිය. අවසන් කටයුතු සිදු කළ දා ගමේ පවුලේ ළඟම ඥාතීහු පිරිසක් අවමගුලට සහභාගි වූහ. ඒ අතර තම වැඩිමල් සොහොයුරිය ද වූවාය. ඇය වාහනයෙන් බැස්ස ගමන් බුදු අප්පච්චී ඔය ගමන යන්නටද කොළඹ ආවේ කියාගෙන දේහය අසලට පැමිණියාය. එක් වරම දුටු දසුනින් ඇය විශ්මයට පත්වී ඇඬීම නතර කළාය. පෙට්ටිය පැදකුණු කරමින් මිනිය පරීක්ෂා කළේ මේ මගේ අප්පච්චී නොවෙයි ද යනුවෙන් හෙමින් මුමුනමිනි. පසුව පියා බව දැනගත් ඇය දෑතින් හිස බදාගෙන ‘අනේ අප්පච්චී දඹදිව යන්නටවත් ඇන්දෙ නැති ෂූට් එකක් ඇයි එළොව යන්න ඇන්දේ. බුදු අප්පච්චී නැගිටපන්කෝ එක විනාඩියකට නැගිටලා හැඩ වැඩ බලලා ඔය ගමන යන්ඩකෝ අප්පච්චී. අද හරි හැඩයි. දොස්තර මහත්තයෙක් වගේ’ මෙසේ විලාප නගමින් අඬා වැටුන ලොකු අක්කා මල්ලීගේ උපදෙස් පරිදි කීපදෙනෙකු විසින් ඔසවාගෙන ගොස් කාමරයකට දමා දොර වැසුවාලූ.
මුදල් නොගෙවා කොත්තු කෑමට එන පොලිස් රාලහාමිලාට අපූරු පොලිස් කොත්තුවක් දෙන ආපනශාලා හිමියකු පිළිබඳ කතාවක් දකුණේ නගරයකින් අසන්නට ලැබේ.
දියණියගේ යැයි කියා අම්මාගේ හදහන ඉදිරිපත් කොට දුව දීග දීමට තැත් කළ පුවතක් වයඹ හා මධ්‍යම අතරට අයත් මායිම් ගම්මානයකින් අසන්නට ලැබුණි.
වයෝවෘද්ධ හිමි නමට ඇප උපස්ථානය කරනවා යයි මුහුණු පොතේ දමමින් විහාරස්ථානය සූරා කෑ ප්‍රාදේශීය සභා මන්ත්‍රීවරයකුට එම විහාරස්ථානයේ පස් පෑගීමත් තහනම් කෙරු
තම පුතුට කටයුත්තක් කතා කරන්නට නෑගම් ගිය පියකු පදම වැඩිවී අනාගත ලේලියගේ මව සමග අනග රැඟු‍ම් පාන්නට ගොස් පුතුගේ කසාදයට ද කණකොකා හැඬූ බව කියන පුවතකි.
මිතුරියකුගේ නිවසේ පැවැති පින්කමක් සඳහා සහභාගීවීමට යාමේදී සීනි වෙනුවට යූරියා කිලෝ දෙකක් රැගෙන ගිය කාන්තාවක පිළිබඳව දකුණු පළාතේ ගම්මානයකින් වාර්තා ව
මුහුණු පොතෙන් හඳුනා ගත් පෙම්වතා නිවෙසට ගෙන්වාගත් කාන්තාවකට මුහුණ දීමට සිදුවූ අපූරු සිදුවීමක් දකුණු පළාතේ ග්‍රාමීය ප්‍රදේශයකින් වාර්තාවේ.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
මල්ලී පුරාජේරුවට තාත්තාගේ මිනියට කලිසම් කෝට් ඇන්දුවාම අක්කා අංදුං කුංදුං
රංජිත්-Dubai Sunday, 20 May 2012 03:25 PM
ලංකාවට වෙලා තියෙන්නේ මේ හෙණේ තමයි.අපි ජාතික ඇදුමට ගරු කළ යුතුයි
නුවන්තිකා Thursday, 24 May 2012 05:41 AM
චමින්ද හරි. අද කාලේ ලෝකෙට පරකාසේ. ගෙදරට මරගාතේ. තමන්ගේ ආදරණීය දෙමාපියො මහළු මඩම් වල දුක් විදිනවාත ඒත් පුතා ඒ වයසක තාත්තට එහෙම නොකර උපකාර කරලා තියෙනවා කියලා හිතන්න පුලුවන්ත.
mohamad nisam Tuesday, 22 May 2012 08:44 PM
දැන් කාලේ මිනිස්සු හොයන්නෙම වැරදි, කොච්චර හොද කලත් අන්තිමට සුළු වැරද්දක් දැක්ක ගමන් කලින් කරපු හොද වැඩ ඔක්කොම වහල පොඩි වැරැද්ද ලොකුවට පුම්බනවා, අසනීප උණු වෙලාවේ ගෙදර එක්කන් ගිහින් බෙහෙත් කල එකම ඇති පුතාට නිවන් දකින්න..
අමල් Tuesday, 22 May 2012 11:50 AM
මේකෙ තියෙන වරද මොකද්ද ? අපේ මිනිස්සුන්ගේ තියෙන දූප්පත් මානසිකත්වය තමයි මේ....ඔය ජාතික ඇදුමට ගරු කරමු කියන අය තමන්ගේ මංගල දිනයටවත් සරමද අදින්නේ....ඒ නිසා බොරු සෝබන පුරාජේරු නැතිව ඇත්තට මුහුණ දෙනවනම් අන්න ඒක තමයි හරි....අපේ රටවල තියෙන මේ ආකල්ප වලින් මිදෙන තාක් අපිට දියුණුව නම් දුරයි..
නිශාන්ත Tuesday, 22 May 2012 10:11 AM
නරකට වැඩිය මිනිස්සු කරන හොද දේ දකින්න අපි පුරුදු වෙන්න ඕනි
irfan Dharma-USA Monday, 21 May 2012 07:44 PM
චමින්ද කියපු එක හරි, දැන් කාලේ මිනිස්සු හොයන්නෙම වැරදි, කොච්චර හොද කලත් අන්තිමට සුළු වැරද්දක් දැක්ක ගමන් කලින් කරපු හොද වැඩ ඔක්කොම වහල පොඩි වැරැද්ද ලොකුවට පුම්බනවා, අසනීප උණු වෙලාවේ ගෙදර එක්කන් ගිහින් බෙහෙත් කල එකම ඇති පුතාට නිවන් දකින්න..
ඒ.පී.කේ. ගමගේ Monday, 21 May 2012 10:18 AM
තමාටා සමාජෙය් කැපීපෙනන්නට අවශ්‍ය වු විට තම අවශ්‍ය තාවය මුදුන් පමුණුවා ගැනිමේ අරමුණින් මේ දේ කරන්නට ඇත. මිනිසුන්ගේ ආධ්‍යාත්මයේ පිරිහිමේ තරමයි මේ . ඉතිහාසෙය් මිනිසුන් තමාගේ නම සමාජය තුල හා මිනිස් හදවත් තුලට ගෙන ගියේ වටිනා යමක් සමාජයට දීම තුලින්ය. ඒ සියල්ලේ ඵල ප්‍රයෝජන අපට අදටත් ලබන්නේ එන නිර්මාන(දාගැබ් වැව් ආදිය ) නිසයි.මෙය අද සමාජයට වටහා දිය යුතුය.
චමින්ද Monday, 21 May 2012 10:12 AM
හැමදේම නරක විදිහට දකින එක වැරදියි. මෙයාගේ තාත්තට කලිසම් කෝට් අන්දපු එකේ පොඩි වැරද්දක් ඇති. එත් එයා තාත්තාව එක්ක ගිහින් ඇප උපස්ථාන කරලා තියනවා. එකම මදිද? වයසක අම්ම තාත්ත අමතක වෙන යුගයක? සමහර විට මෙයාම වෙන්න ඇති තාත්තාව දඹදිව යවන්නත් ඇත්තේ? කලිසම් කෝට් අන්දපු එක ගැන මෙහෙම හිතමු. මම හද්ද පිටිසර ගමේ කොල්ලෙක්. මම කොලබ වැඩ කල. කොලබ ගෙවල් හැදුව. දැන් ඉන්නේ පිටරට. මම ගමේ ඉන්නකොට එලියට යනකොට අදින්නේ සරම. එත් මට සරම ඇදගෙන වැඩට යන්න බෑ. ලෝකයට වෛර කරන්න එපා. ලෝකයේ වැරදීම හොයන එපා. මේ ලෝකේ හොද කියල දේවලුත් තියනවා.
ජගත් Sunday, 20 May 2012 08:12 PM
මරු
චතුර Saturday, 19 May 2012 12:06 PM
පිස්සු නේ ?????
තාන් Sunday, 20 May 2012 01:01 PM
පුතා ඉගෙන ගත් පුද්ගලයෙක්ද කියලා සැකයි
ඉන්දු Sunday, 20 May 2012 07:28 AM
ලෝකෙට පරකාසේ ගෙදරට මරගාතේ කියන්නේ ඕවට තමයි. ජීවත් වෙලා ඉද්දි නොසලකන නොබලන දුදරුවන්ට දෙමාපියන් මතක් වෙන්නේ හොදට සලකන්නේ මැරුණම. ඒ ඔවුාන්ට තියන ආදරේට නෙවි. ජීවත් වෙලා ඉන්න තමන්ගේ පන්පොරියට. අහෝ මෙහෙමත් දරුවෝ
අමරා ඉරංගනී Saturday, 19 May 2012 09:15 PM
මල්ලි හරි....තැනේ හැටියට තමයි ඇනේ ගහන්න ඕන..
සගරා Saturday, 19 May 2012 08:32 PM
පට්ට පට පට.....
ෂෙරීෆ් Saturday, 19 May 2012 08:24 PM
කැලේ මාරු කරාට කොටියගේ පුල්ලි මාරු වෙන්නේ නෑ නොවෑ ......
රොශාන් Saturday, 19 May 2012 04:27 PM
පිස්සු පීකුදු..
රජිත මන්ජුල Saturday, 19 May 2012 04:05 PM
මෙයා පුතෙක් නෙමේ....
ෆාරු Saturday, 19 May 2012 12:09 PM
මිනිය ගමටම අරන්යන්න තිබුණේ...