2025 ජුනි මස 26 වන බ්‍රහස්පතින්දා
යතුරුපැදි රියැදුරු බලපත්රය ලබාගැනීම පිණිස පවත්වන ප‍්‍රායෝගික පරීක්ෂණයකදී අදාළ මෝටර් රථ පරීක්ෂකවරයා විසින් 8 ගසන ලෙස දැනුම් දුන් අවස්ථාවේ එක් බලපත‍්‍ර අයදුම්කරුවෙකු ගැසූ අපූරු අටක් පිළිබඳව කුරුණෑගල දිස්ත‍්‍රික්කයෙන් වාර්තා වේ.
එදා රියැදුරු බලපත‍්‍ර සඳහා ප‍්‍රායෝගික පරීක්ෂණය පවත්වන දිනයකි. න්‍යායාත්මක පරීක්ෂණයට සමත්වූ බොහෝදෙනෙක් මෙම ප‍්‍රායෝගික පරීක්ෂණයට මුහුණදීමට පැමිණ සිටියහ.
මෝටර් රථ දෙපාර්තමේන්තු පරීක්ෂකවරුන් පැමිණි වහාම බර වාහන, සැහැල්ලූ වාහන, ත‍්‍රිරෝද හා යතුරුපැදි සඳහා වෙන වෙනම ස්ථාන බෙදා පරීක්ෂණය ආරම්භ කෙරුණි.
මෙම පරීක්ෂණයට සහභාගී වූ පිිරිස අතර එක්තරා රියැදුරු පාසලකින් පැමිණ සිටි කණ්ඩායමකි. යතුරුපැදි බලපත‍්‍ර ලබාගැනීම පිණිස ඔවුන් පැමිණ සිටියේ රියැදුරු පාසලෙන් ලබාගත් යතුරුපැදියක්ද සහිතවය.
සියලූදෙනා තම ජංගම දුරකථන ක‍්‍රියාවිරහිත කරගන්න යැයි ලැබුණු අණින් පසු ප‍්‍රායෝගික පරීක්ෂණය ආරම්භවූ අතර මුලින්ම ඉහත කී රියැදුරු පාසලෙන් පැමිණි ජැණ්ඩියට හැඳ පැළඳගත් තරුණයෙකුට අවස්ථාව ලැබුණි.
”හොඳයි අට ගහන්න බලන්න” යැයි පරීක්ෂකවරයා ලබාදුන් අවසරය මත ”හරි සර්..” කියමින් යතුරුපැදියට නැග සෙමින් එය පදවාගෙන එම ස්ථානයෙන් ඉවත් වූයේ සියලූදෙනා මවිතයට පත් කරමිනි.
ටික වේලාවක් ගත වුවත් ඔහු ආපසු නොපැමිණි හෙයින් හා ජංගම දුරකතනය ක‍්‍රියා විරහිතකොට ඇති බැවින් ඔහු සම්බන්ධ කරගැනීමට නොහැකි හෙයින් පරීක්ෂකවරයා වෙනත් යතුරුපැදියක් යොදාගෙන පරීක්ෂණය නැවත ආරම්භ කළේය.
පැය භාගයකින් පමණ පෙරකී තරුණයා යතුරුපැදිය පැදගෙන පරීක්ෂකවරයා සිටි ස්ථානයට පැමිණි අතර ඔහු ඉතාමත් ජයග‍්‍රාහී ලීලාවෙන් යතුරුපැදියෙන් බසිමින් පැවසූයේ ”ඔන්න සර් හරියටම කිලෝමීටර් අටක් ගියා. මීටරේ බලන්න කියාය.”
මොහු අට ගැසීම යන්න වටහාගෙන ඇත්තේ කිලෝමීටර් අටක් පැදවීම බව තේරුම් ගත් පරීක්ෂකවරයාට උඩ බිම බැලූවේ කීමට කිසිවක් කටට නොආ බැවිනි.
මුදල් නොගෙවා කොත්තු කෑමට එන පොලිස් රාලහාමිලාට අපූරු පොලිස් කොත්තුවක් දෙන ආපනශාලා හිමියකු පිළිබඳ කතාවක් දකුණේ නගරයකින් අසන්නට ලැබේ.
දියණියගේ යැයි කියා අම්මාගේ හදහන ඉදිරිපත් කොට දුව දීග දීමට තැත් කළ පුවතක් වයඹ හා මධ්‍යම අතරට අයත් මායිම් ගම්මානයකින් අසන්නට ලැබුණි.
වයෝවෘද්ධ හිමි නමට ඇප උපස්ථානය කරනවා යයි මුහුණු පොතේ දමමින් විහාරස්ථානය සූරා කෑ ප්‍රාදේශීය සභා මන්ත්‍රීවරයකුට එම විහාරස්ථානයේ පස් පෑගීමත් තහනම් කෙරු
තම පුතුට කටයුත්තක් කතා කරන්නට නෑගම් ගිය පියකු පදම වැඩිවී අනාගත ලේලියගේ මව සමග අනග රැඟු‍ම් පාන්නට ගොස් පුතුගේ කසාදයට ද කණකොකා හැඬූ බව කියන පුවතකි.
මිතුරියකුගේ නිවසේ පැවැති පින්කමක් සඳහා සහභාගීවීමට යාමේදී සීනි වෙනුවට යූරියා කිලෝ දෙකක් රැගෙන ගිය කාන්තාවක පිළිබඳව දකුණු පළාතේ ගම්මානයකින් වාර්තා ව
මුහුණු පොතෙන් හඳුනා ගත් පෙම්වතා නිවෙසට ගෙන්වාගත් කාන්තාවකට මුහුණ දීමට සිදුවූ අපූරු සිදුවීමක් දකුණු පළාතේ ග්‍රාමීය ප්‍රදේශයකින් වාර්තාවේ.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
යතුරු පැදි බලපත ගන්න ඇවිත් අපූරු අටක් ගහලා
පිටිගල Monday, 15 June 2015 02:44 PM
රියදුරු බලපත්රය ගන්න යනකොට රියදුරු පාසලෙන්ම අට ගහන්න කියාදෙනවා. මෙයා වෙන විදිහකින් ලයිසන් එක ගන්න ආවාද දන්නේ නැහැ. (නි)
රූපවතී Thursday, 18 June 2015 07:36 AM
මම දැනගත්ත ..මම මහත්තයට කීවා මේ අට ගැන එයා මට තේරුම් කරලා දුන්න "ෆිගර්ඔෆ් එයිට්" හිනා ගොඩයි..අර කොන් අතරින් රිංගල යන එකනේ ..! අද යමක් අලුතින් ඉඅගන ගත්ත ..තැන්ක්ස් දෙවියෝ සාක්කි ..!! (බ)
සුබා Wednesday, 17 June 2015 07:55 AM
දැන් ඉතින් ඉන්න තැනත් එක්ක බොහොම පැහැදිලිවම මෙයා කව්ද කියලා හදුන්වලා දීලා නේ තියන්නේ. හැම කෙනාම එක වාගේ නෙමයි නේ,(ම)
ඉන්ද්‍රසිරි Wednesday, 17 June 2015 07:48 AM
දැන් අට ගහන්නේ ලයිසන් ගත්තාට පස්සේ ඇයි දැකලා නැද්ද පාරේ යනකොට අස්සෙන් දාලා යන අය (ම)
ප්‍රියංකර Wednesday, 17 June 2015 07:32 AM
මම මෙතන සිද්දිය දැක්කා. මෙයා ගම්පහ බණ්ඩාරනායක විදුහල ගාව ආනන්ද මාවතේ ඉන්නේ . ඇත්තටම මෙයට විහිලුවට කියන්නේ ඉබ්බා කියල (ම)
රූපවතී Wednesday, 17 June 2015 05:01 AM
අනේ ..මොකද්ද අට ගහනවා කියන්නේ ..මම දන්නේ නැහැ දන්නා කෙනෙක් කියල දෙන්න. මම මෝටර් සයිකල් පදින්න දන්නේ නැහැ, අපේ අප්පච්චිට පුට් බසිකලයක් පමණයි තිබුනේ අපි තරුණ වයසට එනකම්ම..? අද මට මෝටර් රථ බලපත් තිබුනත් ..ඒ ..පුහුණු වලදී වගේ නොව. මේ කියන මෝටර් බයිසිකල් අට ගැන මොකුත්ම දන්නේ නැහැ..?මොකද්ද ඒක දැනගන්න කැමතියි කියල දෙන්න පාඨක මහතෙක් මහත්මියක් වේනම්..? (ස)
පිවිතුරු යහපාල Wednesday, 17 June 2015 03:37 AM
අපේ මල්ලි කෙනෙක් ඉන්නවා ඉබ්බාගමුවේ සම්පත් කියලා. එයාට වුනු දෙයක් වගේ .(ම)
කැනඩා දිසා Wednesday, 17 June 2015 01:37 AM
ෂුවර් එකටම මෙයා දේශපාලන ඇත්තෙක් (නි)
කැළුම් Tuesday, 16 June 2015 02:43 PM
අනේ මෙහෙමත් මිනිස්සු! (නි)
අජිත් Tuesday, 16 June 2015 01:50 PM
මෙයා මට පෙනෙන විදියට ෂොට් එකක් ගහලා වගෙයි ඇවිල්ලා තියෙන්නේ. (නි)
ඉසුරන්දි Tuesday, 16 June 2015 07:46 AM
අට ගහන්න පුරුදු කරන්නේ පුහුණු පාසලෙන්නේ.ඉතින් ඔහොම දෙයක් වෙන්නේ කොහොමද.විස්වාශ කරන්න අමාරුයි. (ස)
නිල්මිණි Tuesday, 16 June 2015 12:19 AM
ඒ අටත් නරකම නැහැ (නි)
සරත් Monday, 15 June 2015 03:31 PM
අට ගැහුවට වැඩක් නැහැ .මෙයාලට කියල දෙන්න පාරේ බයිසිකල් පදවන අයට ඇති අවදානම. කෙසේ වෙතත් ,කිලෝමීටර් අට ගැහිල්ලනම් කොක් හඬලා සිනාසිය යුතු කරුණක් !! (බ)
ශෘන්ත Monday, 15 June 2015 05:21 AM
අට ගහන්න කලින් කිලෝ මීටර් 8 ගිය ඔහුට ලයිසන් එක දෙන්නම ඕනේ (ම)
යාපා Monday, 15 June 2015 01:21 PM
අනේ මෙහෙමත් මෝඩ මිනිස්සු! (නි)
චතුරි Monday, 15 June 2015 01:13 PM
ඉබ්බාගමුවේ එකෙක් වෙන්න ඇති. ඔලුව අස්සේ ගහගෙන තමයි ඉන්නේ ,ඒ වුනත් මේ වගේ මෝඩ දෙයකදී. එළියට එනවා මේ වගේ කට්ටියගේ කතා පිටරට. අයට හිනා (බ)
චතුරි Monday, 15 June 2015 01:01 PM
මේ වගේ දේවල් තව කොපමණ ඇද්ද? (නි)
පිටබැද්දර ජයා Monday, 15 June 2015 12:20 PM
ඒ කියන්නේ රියදුරු පාසලෙන් අට පිළිබඳව මේ තරුණයාව දැනුවත් කරලා නැහැ මට පෙනෙන විදියට? ඔක්කොම සල්ලි වලට යටවුණ සමාජයක මේවා ඉතින් ඒතරම් ගණන් ගන්නත් බැහැ (නි)
සංජය Monday, 15 June 2015 10:24 AM
අට ගහන්නේ මෙහෙමයි කියලා දෙකක් ඇන්න නම් හරි (ම)
රෙජි-සිඩ්නි Monday, 15 June 2015 08:53 AM
"කියන්නා කොහොමකීවත් අහන්නා සිහි බුද්ධියෙන් අහන්න ඕනි "කියන්නේ ඕකට වෙන්න ඇති' (ම)
පහන් Monday, 15 June 2015 08:42 AM
මිටියක් ගෙන්න කියල සල්ලි දිපුවහම අර තනමල් විල මිටියක් ගෙනාවේ .සර් හරි අමාරුවෙන් හොයාගත්තේ කිව්වලු (බ)
දිමුත් Monday, 15 June 2015 08:36 AM
මේක නම් විශ්වාස කරන්න අමාරු කතාවක්. (ම)
ජයශ්‍රී Monday, 15 June 2015 06:48 AM
ව්හි ලු කතාවකට හොඳයි බොරු කතන්දර ට්‍රයල් එන ඕන කෙනෙක් 8 ගහන්න දන්නවා ලර්නර්ස් තියෙන්නේ එකටනේ (ම)
නිමල් Monday, 15 June 2015 06:46 AM
මැදමුලනේ බය්යෙක් වත් ද ඔ_ඔ (ම)
සුමිත් Monday, 15 June 2015 06:22 AM
මෙයා ෂුවර් එකටම පොළොන්නරුවේ කෙනෙක් වෙන්න ඕනෑ. (නි)