2025 මැයි මස 07 වන බදාදා
උණවටුන ඩී.ජී. සුගතපාල
ගාල්ල නගරාසන්නයේ පදිංචිකරුවෙක් නිවෙසට අවශ්‍ය භාණ්ඩ මිලදී ගැනීමට නගරයේ සුපිරි වෙළෙඳසලක් වෙත ගියේය. භාණ්ඩ මිලදී ගත් ඔහු කාඩ්පතින් මුදල් ගෙවා ආපසු නිවසට ගියේය. එහෙත් කාඩ්පත වෙළඳසල ඉදිරිපිට බිමට වැටුණ බවක් ඔහුට නොදැනිණි.
මේ අතර වෙළෙඳසලට පැමිණි පුද්ගලයකු බිම වැටී තිබූ කාඩ්පත අහුලාගෙන එහි සිටි ආරක්ෂක නියාමකවරයකුට බාර දුන්නේ එහි අයිතිකරු පැමිණි විට ලබාදෙන ලෙස පවසමිනි.
ආරක්ෂක නියාමකවරයා සිදු කළේ කාඩ්පතේ අයිතිකරු පැමිණීමට පෙර වහාම පැමිණෙන ලෙස බිරිඳට දුරකතන ඇමතුමක් දීමය. ඒ අනුව ඇය පැමිණියාය. ආරක්ෂක නියාමකවරයා බිරියගේ කනට යමක් කොඳුරා කාඩ්පත ඇයගේ අත තැබුවේය. ඇය එය බෑග‍යේ දමාගෙන සුපිරි වෙළෙඳසලට ගොස් පළමුවෙන්ම රුපියල් සියයක භාණ්ඩ ගෙන කාඩ් පතින් ගෙව්වාය. ඇය කළේ කාඩ්පතේ මුදල් තිබෙනවා දැයි පරික්ෂා කිරීමය. එහි මුදල් තිබෙන බව දැනගත් ඇයගේ සතුට ඉහවහා ගියේය.
ඇය නගරයේ තවත් සුපිරි වෙළෙඳසලකට ගියාය. එහිදී කීරි සම්බා ඇතුළු භාණ්ඩ රැසක් ගෙන කිසිදු සැකයක් නැතිව කාඩ්පතින් මුදල් ගෙව්වාය. එම භාණ්ඩ ආරක්ෂාකාරිව ස්ථානයක තැබූ ඇය තවත් සුපිරි වෙළෙඳසලකට ගොස් එහි දී ද රිසි සේ භාණ්ඩ මිලදී ගත්තාය. පිනට පහළවූ මේ වාසනාවෙන් ඇය උපරිම ප්‍රයෝජන ගත්තාය.
මේ අතර කාඩ්පත අයිතිකරුගේ දුරකතනයට කෙටි පණිවුඩ ලැබෙන්නට විය. තමාගේ කාඩ්පත නැතිවී ඇති බව ඔහු දැනගත්තේ එවිටය. පසුව සොයා බැලූවිට නගරයේ ඇති සුපිරි වෙෙළඳසල් කිහිපයකින්ම එක් කාන්තාවක සැක කටයුතු අයුරින් භාණ්ඩ මිලදීගන්නා අයුරු ආරක්ෂක කැමරා පද්ධතියේ සටහන්ව තිබෙනු ඔහු දුටුවේය. භාණ්ඩ ගැනීමට තවත් ඉතිරිවී ඇත්තේ නගරයේ එක් සුපිරි වෙළෙඳසලක් පමණි. එනිසා ඉතිරිව තිබූ ගාල්ල නගරයේ එම සුපිරි වෙෙළඳසලට ගිය ඔහු කළමනාකරු හමුවී සිද්ධිය පවසා කාඩ්පත අදාළ බැංකුවද දැනුවත් කොට කාන්තාවගේ හැඩරුව ද මතකයේ තබාගෙන රැකවලෙහි සිටියේය.
ඔහු සිතුවා නිවැරැදිය. කාන්තාවක් පැමිණ රුපියල් දහස් ගණනක භාණ්ඩ ගෙන මුදල් අයකැමි තරුණිය වෙත කාඩ්පත ඉදිරිපත් කළාය. එහෙත් මෙවර ඇයගේ උත්සාහය වැරැදි ගියේය. පොලිසිය පැමිණෙන තුරු ඇයට එම වෙළෙඳසලේ රැඳී සිටීමට සිදුවිය. ඇය පැය භාගයක් ඇතුළත හය වරක් භාණ්ඩ මිලදීගෙන තිබිණ. ඇය ඔහු ඉදිරියේ බැගෑපත් වූවාය.
මේ අතර ඇයගේ සැමියාවූ ආරක්ෂක නියාමකවරයාද එම ස්ථානයට ආවේය. මෙහිදී කාඩ්පත හිමිකරු කියා සිටියේ තමාගේ මුදල් දෙන්නේ නම් උසාවි යාමට අවශ්‍ය නොවන බවය. එයට එකඟවූ ඇය එම අවස්ථාවේම තමාගේ ගිණුමෙන් එම මුදල ඔහුගේ ගිණුමට බැර කිරීමට පියවර ගත්තාය.
මුදල් නොගෙවා කොත්තු කෑමට එන පොලිස් රාලහාමිලාට අපූරු පොලිස් කොත්තුවක් දෙන ආපනශාලා හිමියකු පිළිබඳ කතාවක් දකුණේ නගරයකින් අසන්නට ලැබේ.
දියණියගේ යැයි කියා අම්මාගේ හදහන ඉදිරිපත් කොට දුව දීග දීමට තැත් කළ පුවතක් වයඹ හා මධ්‍යම අතරට අයත් මායිම් ගම්මානයකින් අසන්නට ලැබුණි.
වයෝවෘද්ධ හිමි නමට ඇප උපස්ථානය කරනවා යයි මුහුණු පොතේ දමමින් විහාරස්ථානය සූරා කෑ ප්‍රාදේශීය සභා මන්ත්‍රීවරයකුට එම විහාරස්ථානයේ පස් පෑගීමත් තහනම් කෙරු
තම පුතුට කටයුත්තක් කතා කරන්නට නෑගම් ගිය පියකු පදම වැඩිවී අනාගත ලේලියගේ මව සමග අනග රැඟු‍ම් පාන්නට ගොස් පුතුගේ කසාදයට ද කණකොකා හැඬූ බව කියන පුවතකි.
මිතුරියකුගේ නිවසේ පැවැති පින්කමක් සඳහා සහභාගීවීමට යාමේදී සීනි වෙනුවට යූරියා කිලෝ දෙකක් රැගෙන ගිය කාන්තාවක පිළිබඳව දකුණු පළාතේ ගම්මානයකින් වාර්තා ව
මුහුණු පොතෙන් හඳුනා ගත් පෙම්වතා නිවෙසට ගෙන්වාගත් කාන්තාවකට මුහුණ දීමට සිදුවූ අපූරු සිදුවීමක් දකුණු පළාතේ ග්‍රාමීය ප්‍රදේශයකින් වාර්තාවේ.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
සැමියාගේ ලනුවක් කා නෝනා හොරකමකට මාට්ටුවෙලා
de silva Saturday, 27 August 2022 12:52 AM
මෙවැනි වංචාකරුවන් උසාවි ගෙනයාම අනිවාර්යයෙන් කරන්න ඕනේ...