2025 ජුනි මස 27 වන සිකුරාදා
මත්පැන් පානය කොට හොඳ පදමට සූර්වූ පුද්ගලයකු ගේ ඉදිරිපිට තැඹිලි ගස කපා තැඹිලි බිවූ රසවත් පුවතකි මේ. සිද්ධිය මෙසේය. ඔහු කුලී වැඩ කර ජීවිකාව ගෙන යන අයෙකි. මේ දවසේ ඔහුගේ බිරිය හා දරු දෙදෙනා දින තුනක චාරිකාවකට ගොස් සිටි නිසා නිවසේ සිටියේ ඔහු පමණි.
උදෑසනම අවදි වී උදය ආහාරය පිළියෙල කර මිදුල අතුගාමින් සිටියදී නවීන පන්නයේ මෝටර් රථයකින් පැමිණියේ දිගු කලක් විදේශ ගතව සිටි ඔහුගේ මිතුරෙකි. පෙට්ටියක අසුරන ලද රට වර්ගයේ මත්පැන් බෝතලයක් ඔහු අත තැබූ එම මිතුරා නිවසටවත් ගොඩ නොවී පිටව ගියේ අත්‍යවශ්‍ය කටයුත්තක් සඳහා කොළඹ යාමට ඇති බවත් නැවත දිනයක එන බවත් පවසමිනි.
මත්පැන්වලට දැඩි ගිජු බවක් දක්වන මෙම පුද්ගලයා එම රට බීම බෝතලය කඩා බීමට පටන් ගත්තේ හිස් බඩටමය. පැය දෙකක් පමණ ගත වන විට බෝතලයෙන් තුන් කාලක් පමණ හිස් වූ අතර ඔහුද හිටියේ හොඳ පදමට සූර්වීය. ගමේ නිෂ්පාදන කරන කසිප්පු බීමට පුරුදුව සිටි ඔහුට මේ රට වර්ගයේ බීම බී එතරම් පුරුද්දක් නොතිබුණ අතර හදිසියේම බඬේ දැවිල්ලක් හට ගැනිණ.
තැඹිලි ගෙඩියක් බීමට වුවමනාව ඇති වූ ඔහු නිවෙස ඉදිරිපිට තැඹිලි ගසට නැගීමට කීප වරක් උත්සාහ කළද අධික වෙරිමත නිසා උත්සාහය අසාර්ථක විය. කෝපයට පත් මේ පුද්ගලයා වහා නිවස තුළට ගොස් පොරව රැුගෙන තැඹිලි ගස කපා එය බිම හෙළා තැඹිලි ගෙඩි දෙක තුනක්ම එක හුස්මට පානය කළේ මහත්වූ ප‍්‍රීතියකිනි.
මුදල් නොගෙවා කොත්තු කෑමට එන පොලිස් රාලහාමිලාට අපූරු පොලිස් කොත්තුවක් දෙන ආපනශාලා හිමියකු පිළිබඳ කතාවක් දකුණේ නගරයකින් අසන්නට ලැබේ.
දියණියගේ යැයි කියා අම්මාගේ හදහන ඉදිරිපත් කොට දුව දීග දීමට තැත් කළ පුවතක් වයඹ හා මධ්‍යම අතරට අයත් මායිම් ගම්මානයකින් අසන්නට ලැබුණි.
වයෝවෘද්ධ හිමි නමට ඇප උපස්ථානය කරනවා යයි මුහුණු පොතේ දමමින් විහාරස්ථානය සූරා කෑ ප්‍රාදේශීය සභා මන්ත්‍රීවරයකුට එම විහාරස්ථානයේ පස් පෑගීමත් තහනම් කෙරු
තම පුතුට කටයුත්තක් කතා කරන්නට නෑගම් ගිය පියකු පදම වැඩිවී අනාගත ලේලියගේ මව සමග අනග රැඟු‍ම් පාන්නට ගොස් පුතුගේ කසාදයට ද කණකොකා හැඬූ බව කියන පුවතකි.
මිතුරියකුගේ නිවසේ පැවැති පින්කමක් සඳහා සහභාගීවීමට යාමේදී සීනි වෙනුවට යූරියා කිලෝ දෙකක් රැගෙන ගිය කාන්තාවක පිළිබඳව දකුණු පළාතේ ගම්මානයකින් වාර්තා ව
මුහුණු පොතෙන් හඳුනා ගත් පෙම්වතා නිවෙසට ගෙන්වාගත් කාන්තාවකට මුහුණ දීමට සිදුවූ අපූරු සිදුවීමක් දකුණු පළාතේ ග්‍රාමීය ප්‍රදේශයකින් වාර්තාවේ.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
සූර්පිට තැඹිලි ගස කපා ගෙඩි තුනක්ම බීලා
නන්දලාල් - ප්‍රංශය Wednesday, 16 December 2015 09:35 AM
පදමට සූර් වෙලා හිටියත් මොලේ තියෙන කෙනෙක්. බීමතින් ගස් නැගල, බිමවැටිලා අතපය කඩා ගන්නේ මොකොටද කියලා මෙයාට හිතෙන්න ඇති. එ්කයි ඔහොම කළේ. මෙයා ඉස්සර හිටපු " මහදැනමුත්තගේ " පරම්පරාවෙන් එන කෙනෙක් වෙන්න බැරිද ? (බ)
නුවන් Wednesday, 16 December 2015 09:46 AM
නෝනා ආවාම හම්බෙන වැඩක්නේ කරලා තියෙන්නේ. (බ)
මානවි Wednesday, 16 December 2015 10:20 AM
හොඳටම වෙරි නම් තැඹිලි ගහ කැපුවේ කොහොමද ? (ම)
නුවන් Wednesday, 16 December 2015 10:32 AM
සුපිරි පොරක් නේ මෙයා නම් (ම)
සමන්ති Wednesday, 16 December 2015 02:50 PM
මිනිහට කවුරුහරි ජ්‍යෙතිෂ්‍යකාරයෙක් දොරකොඩට තැඹිලි ගස තිබීම අපල දායකයි කියන්න ඇති (බ)
බණ්ඩාර-රුසියාව Wednesday, 16 December 2015 04:32 PM
යහළුවා රටබීම බීලා හිස් පෙට්ටියට කසිප්පු බෝතලයක් දාලා දෙන්න ඇති. අපිට වුණත් නුහුරු වෙනස් කෑමක් සමහරවිට අගුණවෙන අවස්ථා තිබෙනවා. (නි)
ආනන්ද දොඩන්ගොඩ Wednesday, 16 December 2015 06:15 PM
නන්දලාල් ප්‍රංශය වැනි කෙනෙක් වන්නට ඕනෑ මොහුත්. ඔහුත් මේ වාගේ සමාන දේවල් ප්‍රංශයේ කරනවා කියලා බොහෝ දෙනා කියනවා (නි)
සංජීව Wednesday, 16 December 2015 11:44 PM
ඔය කවුරු කොහොම කිවුවත් මට කියන්න තියෙන්නේ මේ මොළේ ලංකාවටම එකයි. තව මේ වගේ මොළ දෙකක් තුනක් තිබුනා නම් ලංකාවම ඉවරයි. (නි)
කමල් Thursday, 17 December 2015 01:44 AM
පුදුම මිනිහෙක්නේ! (නි)
තුෂාර Thursday, 17 December 2015 02:46 AM
අපරාදේ තැඹිලි ගහ (නි)
නුවරඑළියේ වසන්ත Thursday, 17 December 2015 04:25 AM
ලංකාවේ මුදල් ඇමැතිකමට සුදුසු පුද්ගලයෙක්. (ම)
සේරම් පැරිස් Thursday, 17 December 2015 11:32 AM
එහෙනම් මෙයා ඇට්ටි හැලෙන්න අරවා බිලා තියෙන්නේ, නුපුරුදු රට බිම බිව්වම මොලේ ඔල්මාද වෙනවලු සමහරුන්ට. (ර)
මහින්ද ආර් කිතුල්ගොඩ සී ෂෙල්ස් Thursday, 17 December 2015 01:50 PM
වෙලාවට යාළුවා පිටවෙලගියේ....නැත නම් යාලුවට තැඹිලි කඩන්න ගිහින් මිනිහ අතපය කඩාගන්නවා...කොහොම වුණත් රුසියන් බණ්ඩාට වඩා හොඳ යාලුවෙක්. එයාගේ යාළුවො ඉන්නවනම් පොඩ්ඩක් ඉදිරිය ගැන හිතන්න වේවි.... (අ)
රූපවතී Thursday, 17 December 2015 06:33 PM
කවට අන්දරේ කෙනෙක් වගෙයි (නි)
සොපී Friday, 18 December 2015 02:59 AM
කිවුවත් වගේ මෙයාව දේශපාලනයට ගෙනල්ලා ඇමතිකමක් දෙමු (නි)
චන්න Friday, 18 December 2015 10:20 AM
නියම කළු සිංහලයෙක් . හිතුවොත් බැරි නෑ අනික කාටවත් කරදරයක් කරල නෑ (අ)