2025 ජුනි මස 26 වන බ්‍රහස්පතින්දා
අරණායකට නොදුරු එක්තරා ගමක රාත්රියේ කොළ පෑගීමේ අවස්ථාවකදී සිදුවූ කතාවක් අපට දැනගන්න ලැබිණි.
ගම්මුන් කී අන්දමට සිද්ධිය මෙසේය.
තවමත් ගම්මානවල වී අස්වැන්න පැසීමෙන් පසු ගම්මුන් අත්තන් ගොස් ගොයම් කපා සියල්ලෝම එකතුවී රාත්රියේ ගොයම් පෑගීම සිදුකරති. සේතන්ගේ අස්වැන්න පැසීමෙන් පසුද ගොයම් පෑගීම සඳහා සියල්ල සුදානම් වෙමින් පැවතිණි.
හරකුන් ලවා පැය කිහිපයක් මේ කටයුතු සිදුකරන හෙයින් කමතට අවශ්‍ය ආලෝකය ලබාදීමට සේතන් පැට්ටෝල් ලාම්පුවක් රැුගෙන කමතට පැමිණියේය. ගම්මුන් නම් කියන්නේ සේතන් තරමක් මෝඩ පහේ කෙනෙකු කියලයි.
සේතන් කොළ පෑගීමේ අවස්ථාවට ගෙන ආ පැට්ටෝර් ලාම්පුව එල්ලීමට තැනක් නැති නිසා එම ස්ථානයේ තිබූ පැත්තට නැමුණු ගස අල්ලාගත් ඔහු එය තමන් සිටින දෙසට නමා පාත් කිරීමෙන් පසු එහි කෙළවරේ සේතන් විසින් ලාම්පුව එල්ලා ගස අතහැරියේය.
එවිට දුන්නක් දිග හැරියාක් මෙන් ගස කෙළින් වී ලාම්පුව ආ ගිය අතක් සොයා ගැනීමට නොහැකි විය. එහි සිටි කයිතන් දැන් ඔය ලාම්පුව හොයා ගන්න ඕනෑ නම් මෙහෙම කරන්න ඕනෑ.
සේතන් ඔය ගහ පාත් කරන්නකෝ?
කයිතන් විසින් අසල තිබූ බුලත් තට්ටුවේ ගිරය ගෙන සේතන් විසින් නමන ලද ගසේ කෙළවරේ ගිරය එල්ලූවේය. කයිතන් උජාරුවෙන් මේ කටයුතුවල නිරත විය. ”ඔන්න දැන් හැමෝම බලාගනිල්ලා දැන් ගිරය ලාම්පුවේ වැදුණ ගමන් සද්දේ ඇහෙනවා.එතකොට හොයා ගන්න පුළුවන්.”
එහි සිටි සියල්ලෝ ද මුව අයා ඒ දෙස සැලකිලිමත්ව බලා සිටියදී උජාරුවෙන්ම තමන් කිරීමට යන හපන්කම පෙන්වීමට ගිරය එල්ලා ගස අතෑරියා පමණි. ලාම්පුවට වූ දේම එයට සිදුවූ අතර පසුදා ලාම්පුව සොයාගත් නමුත් අද වෙන තුරු ලාම්පුව සෙවීමට යැවූ ගිරය සොයා ගැනීමට නොහැකි වූ බව ගම්මු පවසති.
මෙම සිද්ධිය සිදුවී දසකයක් පමණ ගත වුවත් අදටත් එම ගම්මානයේ ”සේතන්ගේ ලාම්පුව සෙව්වා වගේ” කියන කතාව අදටත් සිනා මුසු මුහුණින් ගම්මුන් තවමත් සිහි ගන්වයි.
මුදල් නොගෙවා කොත්තු කෑමට එන පොලිස් රාලහාමිලාට අපූරු පොලිස් කොත්තුවක් දෙන ආපනශාලා හිමියකු පිළිබඳ කතාවක් දකුණේ නගරයකින් අසන්නට ලැබේ.
දියණියගේ යැයි කියා අම්මාගේ හදහන ඉදිරිපත් කොට දුව දීග දීමට තැත් කළ පුවතක් වයඹ හා මධ්‍යම අතරට අයත් මායිම් ගම්මානයකින් අසන්නට ලැබුණි.
වයෝවෘද්ධ හිමි නමට ඇප උපස්ථානය කරනවා යයි මුහුණු පොතේ දමමින් විහාරස්ථානය සූරා කෑ ප්‍රාදේශීය සභා මන්ත්‍රීවරයකුට එම විහාරස්ථානයේ පස් පෑගීමත් තහනම් කෙරු
තම පුතුට කටයුත්තක් කතා කරන්නට නෑගම් ගිය පියකු පදම වැඩිවී අනාගත ලේලියගේ මව සමග අනග රැඟු‍ම් පාන්නට ගොස් පුතුගේ කසාදයට ද කණකොකා හැඬූ බව කියන පුවතකි.
මිතුරියකුගේ නිවසේ පැවැති පින්කමක් සඳහා සහභාගීවීමට යාමේදී සීනි වෙනුවට යූරියා කිලෝ දෙකක් රැගෙන ගිය කාන්තාවක පිළිබඳව දකුණු පළාතේ ගම්මානයකින් වාර්තා ව
මුහුණු පොතෙන් හඳුනා ගත් පෙම්වතා නිවෙසට ගෙන්වාගත් කාන්තාවකට මුහුණ දීමට සිදුවූ අපූරු සිදුවීමක් දකුණු පළාතේ ග්‍රාමීය ප්‍රදේශයකින් වාර්තාවේ.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
සේතන්ගේ ලාම්පුව සොයන්න ගිය ගිරය අතුරුදන්
නන්දලාල්-ප්‍රංශය Sunday, 26 July 2015 01:27 AM
හැම තැනකම නුවණ තියෙන අය වගේම, ඒක ටිකක් අඩු අයත් සිටින බව අප හැමෝම දැනගත යුතුවෙනවා. එවැනි අයට සමච්චල් කරන්න හොඳ නැහැ.කමතේ එක නුවණක්කාර පුද්ගලයෙක්වත් හිටියා නම් ලාම්පුව එල්ලන්න සේතන්ට පිහිට වෙන්න තිබුණානේ. (නි)
අජිත් Tuesday, 28 July 2015 01:29 PM
සෙලිනා 2015-07-28 06:06:14 ඇයි මේ උතුමන්ලා හැමදේටම දේශපාලනේ ගාව ගන්නේ ...? තියෙන කුහක කමට නේ. (නදී)
සෙලිනා Tuesday, 28 July 2015 06:06 AM
ඇයි මේ උතුමන්ලා හැමදේටම දේශපාලනේ ගාව ගන්නේ ...? (නදී)
නන්දලාල - ප්‍රංශය Monday, 27 July 2015 01:36 PM
[රාජකරුණා 2015-07-27 11:23:51 ඔය ලාම්පු කතාව සත්‍ය කතාවක් කුරුණෑගල මූණමලේ ගමේ ඔය සිද්දිය වෙලා තිබුණා ] අපි අහල තියෙන හැටියට මූණමලේ නෙවි එක වෙලා තියෙන්නේ. සේතන් මාමාට මැදමූලනදී ඕක වුනේ. එයා ගහේ අත්ත උඩ නැග්ගා, පස්සේ දුන්නක් දිග හැරියාක් මෙන් ගස කෙළින් වී, කුරුණෑගලට පැරෂුට් වුනාලු. ඔන්න ඕකයි ඇත්තම සිද්ධිය...(බ)
රාජකරුණා Monday, 27 July 2015 11:23 AM
ඔය ලාම්පු කතාව සත්‍ය කතාවක් කුරුණෑගල මූණමලේ ගමේ ඔය සිද්දිය වෙලා තිබුණා (ම).
නිසාර් Sunday, 26 July 2015 12:48 PM
අර ජනවාරි 08 වැනි දා විසික්වෙච්ච ලාම්පුව හොයන්න්න දැන් ගිරය ඇවිල්ලා (නදී)
රූපවතී Sunday, 26 July 2015 06:50 AM
ඔය කියන ගම්පියස්සෙම තරුණ ගැටවරයෙක් තම අනාගත සහකාරියගේ මාපියන් බැහැදැකීමට ගොස් අඳුර වැටී ඇති හෙයින් එම නිවසේ රාත්‍රිය පහන් කරන මෙන් ඔහුට කියා ඇත්තේ අනාගත නැන්දම්මාය. අනාගත බෑනාට ඇති භක්තියටම අලුත් පැදුරක් ගෙන අර පිල උඩින් එලාගෙන නිදියගන්නයි අවසර ලද අනාගත බැණා ඒ රෝල් කර තිබුණු අලුත් පැදුර පිල උඩ තබා එක පැත්තකින් දිගහරින විට අනික් පැත්ත හැකිලෙන වාරයක් ගානේ අනික් හැකිලෙන පැත්ත දිහරිමින් නිදියගන්න පැදුර එළුව මේ බෑණන්දියාව උදේ පාන්දරින් දුටු අනාගත නැන්දම්මා.....හැදිච්ච කොලුවෙක් නිදියපු පැදුර අකුලල තියන්නයි හදන්නේ සිතුනු සැනින්.. අනේ පුතේ මේ තේ එක බීපන් පැදුර කොයි වෙලේ අකුලල තියන්න බැරිද ඇසුණු මේ කොලුවාට රතුකට්ට පැන මම නිදියගන්න තවමත් මේ කෙහෙල්මල් පැදුර එලනවායි ඇසුණු නැන්දම්මට තරු පෙනුනේ රාත්‍රිය පුරා සිදුවී ඇති දේ වැටහීමෙනි (නදී)
රූපවතී Sunday, 26 July 2015 06:11 AM
මමත් මේ කතාව මම කුඩාකාලේ කිරි අම්මගෙන් කියල දැනගෙන තියෙන විදියට ප්‍රසිද්ධ තුම්පනේ කියන ප්‍රදේශයෙන් ගැමියෙකු විසින් කල කමතේ ගැමි මෝඩ කමක් හැටියට ප්‍රසිද්ධ උෟවකි. (නදී)
සේන Sunday, 26 July 2015 05:55 AM
බන්දුල මහත්තයා කියන විදිහට මමත් මේ කතාව මීට දසක තුනකට විතර කලින් අපේ ගමේ හිටපු වැඩි හිටියෙක්ගෙන් අහලා තියෙනවා ඒ වැඩිහිටියා කීවේ අපේ ගමට අල්ලපු ගමේ උදවිය හරිම මොඩයි එයාලා මෙහෙම වැඩ කරනවා කියලා, (ම)
බන්දුල Sunday, 26 July 2015 04:55 AM
මම මේ කතාව දැනට අවුරුදු තිහකට විතර කලිනුත් අහල තියෙනවා මීරිගම පැත්තේ උනා කියලා. ඒ කොහොම උනත් මේක බොහොම උපහාසයෙන් පිරුණු කතාවක්. නමුත් ප්‍රංශයේ නන්දලාල් මහත්මයා කියනවා විදියේ අපහාසයක් හෝ සමච්චලයක් නම් මෙතන නෑ කියලයි මට හිතෙන්නේ. අපේ මුතුන්මිත්තන්ගේ මේ වගේ අහිංසක මෝඩ කම් තිබුනා කියලා අපි හැමෝම දන්නවනේ. ඔය ඉතින් එක කතාවක් විතරයිනේ. ඔය වගේ කතා සිය ගානක් අපේ ව්‍යවහාරයේ තියෙනවනේ. අනික දැන් වුනත් බලන්නකෝ අපේ සමහරු කරන මෝඩ වැඩ, ඒ කොච්චර බුද්ධිමත්තු එපා කියද්දීද. (නදී)
ගයන් Saturday, 25 July 2015 08:39 AM
කලකට පස්සේ නියම කතාවක් (නදී)
පහන් Saturday, 25 July 2015 06:55 PM
ඇයි සේතන් මීගමුවෙන් උයන්න ගෙනාපු කකුළුවෝ පැනලා ගිහිල්ලා, කොහෙන් ගියත් කටුනායක එයාර්පෝර්ට් හන්දියෙන් යන්න ඕනෑ කියලා එතන රැකගෙන හිටියලු. (නි)
පහන් Saturday, 25 July 2015 06:52 PM
ඔය ගමේම තමයි අර පොසොන් එකට වෙලේ තොරණ ගහන්නේ.තොරණ ගහලා ලයිට් දාපු දවසේ වැස්සලු. දැන් වතුරේ තව තොරණක් පේනවනේ.සේතන් කිව්වලු තොරණ් දෙකක් වැඩක් නැහැ ලයිට් බිල් දෙකක්නේ, උඩ තොරණ ගලවමු කියලා. ගලවනකොට සේතන් කිව්වලු යට තොරණේ ලයිට් ගියා කොල්ලනේ, යමල්ලා බල්බ් එනවා ඇති පාවෙලා කියලා (නි)
පහන් Saturday, 25 July 2015 06:48 PM
ඇයි වී වපුරන කෙනාගේ අඩි හිටින්නේ නැතිවෙන්න වපුරන්න ඕනෑ කියලා කෙනෙක් කිව්වලු, වපුරන කෙනාව මැස්සක තියලා වී වපුරමු කියලා. (නි)
ගුණවර්ධන Saturday, 25 July 2015 06:01 PM
ලංකාදීපයත් හිනායන කතා දානවා. නියමයි! තව දෙන්න මේ වගේ කතා. ස්තුතියි ලංකාදීපයට! (නි)
සංජීව Saturday, 25 July 2015 03:37 PM
පිටබැද්දර ඡයා, ඔයා ඒ ගැන දන්නේ ඔයත් ඒ ගමේද ? (නදී)
නදීකා Saturday, 25 July 2015 02:47 PM
හොඳ කතාවක්. මෙහෙම ඒවා දිගටම ලියන්න (නි)
ධම්ම Saturday, 25 July 2015 12:35 PM
මේ සිද්ධියේ ඇත්ත නැත්ත කෙසේ වෙතත් මෙවන් රස කතා කියමින් කමතේ වැඩකළ හැටි මට සිහිවෙනවා.(නදී)
පිටබැද්දර ජයා Saturday, 25 July 2015 12:06 PM
මේ කතාවම කුලියාපිටියේ කනුගල කියන ගමෙත් වෙලා තියෙනවා ! අදටත් විස්වාසයක් තියෙනවා මේ ගමේ ඉන්නේ මෝඩ මනුස්සයෝ කියල. (ස)