2025 ජුනි මස 28 වන සෙනසුරාදා
වත්තලට නුදුරු ගමක පිහිටි මධ්‍යම පාන්තික නිවාස යෝජනා ක්‍රමයකි. කාමර දෙකකින් යුත් නිවාස 30කින් පමණ සමන්විතවූ එම නිවාස යෝජනා ක්‍රමය වෙත සතියකට වරක් බැගින් සෑම ඉරිදා දිනකම හිඟමන් ඉල්ලා පැමිණෙන හිඟන්නෙක් සිටියේය.
සතියකට වරක් පමණක් පැමිණෙන නිසා එන සෑම අවස්ථාවකදීම අඩුම වශයෙන් රුපියල් දහයක්වත් හිඟන්නාට දීමට එහි නිවැසියෝ පුරුදුවී සිටියහ.
නිවාස යෝජනා ක්‍රමයේ එක් නිවසක පදිංචිවී සිටි උදවිය හිටි හැටියේම විදෙස් ගතවීම නිසා එම නිවස වෙනත් පවුලකට කුලී පදනම මත ලබාදෙනු ලැබීය.
ඊළඟ ඉරිදා දිනයේ එම නිවාස යෝජනා ක්‍රමය වෙත හිඟමනේ පැමිණි හිඟන්නා අදාළ නිවාස වෙතද ගොස් ගේට්ටුව ශබ්ද කර හිඟමන් ඉල්ලා සිටියේය.
එම නිවසට අලුතින් පැමිණි පවුල ඉතාමත් ලෝභ පවුලක් බව හිඟන්නා දැන නොසිටියේය. ගේට්ටු ශබ්දය ඇසී ඒ දෙසට පැමිණි කාන්තාව නිවසේ කලින් සිටි කාන්තාව නොවන බව දැනගත් හිඟන්නා කෑගසා හිඟමන් ඉල්ලීය.
කාන්තාව හනික ආපසු ගොස් ඉක්මනින් පැමිණ රුපියල් දෙකේ කාසියක් හිඟන්නා අත තැබුවාය. එය දුටු හිඟන්නාට තදින්ම කේන්ති ගියේය.
“රුපියල් දෙකකින් මොනවද ඕයි කරන්ඩ පුළුවන්? පොල් අතු ගෙවල් වලිනුත් රුපියල් දහයක් පහළොවක් හම්බවෙනවා. මේ වගේ ගෙදරක ඉඳන් රුපියල් දෙකක් දෙන්ඩ ලැජ්ජාවක් නැද්ද?” හිඟන්නා තදින් කියාගෙන ගියේය.
එයින් ලැජ්ජාවටත් කේන්තියටත් පත්වූ කාන්තාව ලැජ්ජාව වසා ගන්නටත් හිඟන්නා ලැජ්ජාවට පත් කිරීමටත් සිතා උපායක් යෙදුවාය.
රුපියල් දෙකක් දුන්නේ මාරු සල්ලි නැති නිසයි. මේ වෙලාවේ ගෙදර තියෙන්නේ සේරම රුපියල් දෙදාහේ කොළ විතරයි. මාරු සල්ලි තිබුණානං රුපියල් පනහක් ලේසියෙන්ම දෙන්ඩ තිබුණා. ඔහේ ළඟ ඒ තරම් සල්ලි නැති එකට මං පලි නැහැ” කාන්තාව එසේ කීවේ හිඟන්නා ලැජ්ජාවට පත්වී ආපසු යාවි යැයි සිතාගෙනය.
එහෙත් හිඟන්නා සටන අත්හැරියේ නැත. ඔහු වහාම තම කරේ එල්ලාගෙන තිබුණු බෑගය තුළින් මුදල් පසුම්බිය එළියට ගෙන එයින් රුපියල් 1950ක් අතට ගත්තේය.
‘ඉතුරු රුපියල් 1950 මට දෙන්ඩ පුළුවන්. රුපියල් දෙදහසේ කොළේ මට දෙන්න.” හිඟන්නා එසේ කී විට කාන්තාව ලැජ්ජාවට පත්වී ආපසු යන්නට ගියාය.
(වත්තල විශේෂ හෙන්රි නිමල් පෙරේරා)
මුදල් නොගෙවා කොත්තු කෑමට එන පොලිස් රාලහාමිලාට අපූරු පොලිස් කොත්තුවක් දෙන ආපනශාලා හිමියකු පිළිබඳ කතාවක් දකුණේ නගරයකින් අසන්නට ලැබේ.
දියණියගේ යැයි කියා අම්මාගේ හදහන ඉදිරිපත් කොට දුව දීග දීමට තැත් කළ පුවතක් වයඹ හා මධ්‍යම අතරට අයත් මායිම් ගම්මානයකින් අසන්නට ලැබුණි.
වයෝවෘද්ධ හිමි නමට ඇප උපස්ථානය කරනවා යයි මුහුණු පොතේ දමමින් විහාරස්ථානය සූරා කෑ ප්‍රාදේශීය සභා මන්ත්‍රීවරයකුට එම විහාරස්ථානයේ පස් පෑගීමත් තහනම් කෙරු
තම පුතුට කටයුත්තක් කතා කරන්නට නෑගම් ගිය පියකු පදම වැඩිවී අනාගත ලේලියගේ මව සමග අනග රැඟු‍ම් පාන්නට ගොස් පුතුගේ කසාදයට ද කණකොකා හැඬූ බව කියන පුවතකි.
මිතුරියකුගේ නිවසේ පැවැති පින්කමක් සඳහා සහභාගීවීමට යාමේදී සීනි වෙනුවට යූරියා කිලෝ දෙකක් රැගෙන ගිය කාන්තාවක පිළිබඳව දකුණු පළාතේ ගම්මානයකින් වාර්තා ව
මුහුණු පොතෙන් හඳුනා ගත් පෙම්වතා නිවෙසට ගෙන්වාගත් කාන්තාවකට මුහුණ දීමට සිදුවූ අපූරු සිදුවීමක් දකුණු පළාතේ ග්‍රාමීය ප්‍රදේශයකින් වාර්තාවේ.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
හිඟන්නාට ඇටවූ උගුලේ නෝනා හිරවෙලා
චන්දන Sunday, 23 October 2016 09:32 PM
හිඟන්නෝ කරන්නේ බිස්නස් එකක්. (නි)
යසපාල Friday, 28 October 2016 04:57 PM
අනේ මෙහෙමත් “හිඟන්නෝ“ (නි)
පිටබැද්දර ජයා Friday, 28 October 2016 11:36 AM
අපි ඒ තරම් පහළට දාන්න දුක නැද්ද නගෝ?
රූපවතී Wednesday, 26 October 2016 05:58 AM
පිටබැද්දරලජගේ ගෙදරට යන පාර දිගේවත් මමනම් යන්නේ නැහැ. බයේ බැහැ හිඟාකන්න අාවා කියලා පන්නාගෙන එයි දොර පොල්ලකුත් අරන්? (නි)
හර්ෂ Wednesday, 26 October 2016 04:06 AM
හිඟන්නන්ට සල්ලි දෙන්නම හොඳ නැහැ. ගැහැණු ඔය මෝඩ වැඩේ වැඩිපුරම කරන්නේ. (නි)
රූපවතී Tuesday, 25 October 2016 06:20 AM
අනේ දෙවි හාමුදුරුවනේ! මේ අදහස් දැකලා මම ජීවිතේ කවදාවත් කොහෙවත් ලංකාවේදී අතරමං වෙන්න එපා කියලත්, හිඟමන් යදින තත්වෙට පත්නොවේවා කියලත් ප්‍රාර්ථනා කරනවා ..!!!!!!! (නි)
ජනහිත Tuesday, 25 October 2016 02:59 AM
ඔය සුදු සැරයටිය අරන් එන්නේ ඇත්තටම අන්ධ අයමද? ඒ අය මෙය දැකලා මටත් ගහන්න හොයයි කෝ මේකා කියලා. (නි)
නන්දලාල් ද සිල්වා-ප්‍රංශය Monday, 24 October 2016 07:42 PM
මා පසුගිය දිනක ශ්‍රී ලංකාවට පැමිණි විටක, මාතර වෙරළ අද්දර පිහිටි අවන්හලකට ගොඩ වැදුනෙමි. පිටතට පැමිණි මට අපූරු දෙයක් දැක ගැනීමට ලැබුණා. කිහිලිකරු ආධාරයෙන් ඇවිදගෙන පැමිණි යාචකයෙක් අසල තිබුන බිත්තියකට හේත්තුවී, සාක්කුවෙන් විශාල මුදල් නෝට්ටු තොගයක් එළියට ගෙන ගණන්කිරීමට පටන්ගත්තා. යාචකයා දිනපතා උපයන කාසි තොග පිටින් මේ අවන්හලට ගෙනවිත් දී, මුදල් නෝට්ටු වලට හුවමාරු කර, පසුවදා එම නෝට්ටු බැංකුවක තැන්පත් කරන බව මල්ලි මට කිවුවා (නි)
ලක්ෂි Monday, 24 October 2016 05:50 PM
කැළණි පන්සල අසළ හිඟාකන පුද්ගලයෙකුට මම මීට අවුරුදු 20 ට විතර ඉස්සර ශත50ක් ටින් එකට දැම්මා. එ් මනුස්සයා එ්ක දිහා බලලා "තුහ්ං නොදකින් දවසම මස්තබාල්දුයි" කියලා ටින් එක හොල්ලලා ශත 50 විසිකළා. (නි)
ඉසුරන්දි Monday, 24 October 2016 02:02 PM
මේ නම් හිඟන්නෙක් නෙමෙයි. හිඟන රජෙක් (නි)
ප්‍රීති Monday, 24 October 2016 12:55 PM
තමන්ගේ ලොකුකම හා ගුණවන්තකම ලෝකෙට පෙන්වන්න හිඟන්නන්ට සල්ලි දෙන මෝඩ අයට ඔහොම වෙලා මදි (නි)
දිමුත් Monday, 24 October 2016 10:32 AM
කණ පැලෙන්න ගහන්න තිබ්බේ.(ම)
චතුරි Friday, 21 October 2016 07:23 PM
මට එහෙම වුණා නම් දුන්න රුපියල් දෙකත් ඉල්ලගෙන ගේ ඇතුළට යනවා. හිඟන්නට තියෙන්නේ තට්ටු කරලා ලේසියෙන් මුදල් උපයන ක්‍රම. අපි එහෙම නෙමෙයිනේ. දවසේ පඩිය ලබාගන්න කොයිතරම් දුකක් විඳිනවද? දැන් ඒ හිඟන්නට වෙන පළාතකට යන්න වෙයි (නි)
ශාන්ති Sunday, 23 October 2016 08:13 PM
දවසක් අපේ ගෙදරට ආ අන්ධ හිඟන මනුස්සයෙකුට අම්මා රුපියල් දහයේ කාසියක් දීලා. ඒක මදි කියලා අම්මාට සුදු සැරයටියෙන් ගහලා නළලට තුවාල කරලා අපිට ඉස්පිරිතාලෙට ගෙනියන්නත් සිදුවුණා (නි)
දිසා Sunday, 23 October 2016 10:38 AM
ඔය වගේ ගොඩක් හිඟන්නෝ ඔය එකතුකරගන්න ඔක්කොම අරන් හවස බාර් එකට ගිහින් ඉවර කරනවා. මිනිහෙකුට හැදෙනවා නම් ලංකාවේ හිඟාකෑවත් ඇති. හිත හොඳ මිනිස්සු දන් දෙනවා. බලන්න එයා ළඟ 2000ක් තියනවා දවල් වෙද්දී. මාසෙට 60,000ක් විතර හොයනවා ඇති. රජයේ සේවකයෝ දෙදෙනෙකුගේ පඩි නේ. (නි)
ප්‍රියංකර Sunday, 23 October 2016 09:10 AM
තියෙන විදියට තමයි මිනිස්සු දෙන්නේ දැනගෙන අරන් යන්න ඕන ඔය වගේ අයට හිඟමන් දෙන්න වටින්නේ නෑ (බ)
සන්ජය් Saturday, 22 October 2016 11:22 AM
රුපියල් 1950 තිබ්බ නම් තව මොකට හිඟමනේ ගියද? (අ)
පිටබැද්දර ජයා Saturday, 22 October 2016 07:58 AM
උඹ වරෙන්කො හිඟාකන්න අපේ ගෙවල් පැත්තේ එහෙම , කරනවා හොඳ වැඩක් (අ)
නිල්මිණි-ජපානය Saturday, 22 October 2016 07:49 AM
හිඟන්නන්න්ට සතයක් දෙන්න එපා. (අ)
ජනහිත Saturday, 22 October 2016 07:14 AM
දැන් ලංකාවේ හිඟන්නෝ කියල කට්ටියක් නැහැ. ඒක තමා ලේසිම රක්ෂාව. බැරි වෙලාවත් කිවුවනම් ගෙය සුද්ද කරල දෙන්ඩ සල්ලි දෙන්නම් කියල එයාට හොදවයින් අහ ගන්න තිබුණා.(අ)
ප්‍රදීප් Saturday, 22 October 2016 05:30 AM
මේවා අපේ වැරදි , සල්ලි නැතිනම් නොදී ඉන්න එක තම හොදම දේ , අනික් එක ඕකුන්ට බය වෙන්න නරකයි, මොනා හරි කිව්වොත් බැනල පන්න ගන්න ඕනේ හොර හැත්ත, ඕකුන් නිසා නැති බැරි මිනිහෙකුටවත් හිඟමනේ යන්න බැ.(අ)
හේමන්ත Saturday, 22 October 2016 02:44 AM
හිඟන්නන්ට ගිය රට! තව ඉස්සරහට මොවුන් තුවක්කුත් අරන් එයි අපිව නටවන්න (නි)
ධම්ම Saturday, 22 October 2016 01:12 AM
රජය දුප්පත්කම තුරන්කිරීමට බොහෝ වැඩසටහන් ක්‍රියාත්මක කරයි. එබැවින් අප හිඟන්නන් දිරිගැන්වීම අනවශ්‍යය (නි)
අබය Friday, 21 October 2016 08:49 PM
මේ හිඟන්නෙක්ද? බිස්නස්කාරයෙක්ද? (නි)