2025 මැයි මස 08 වන බ්‍රහස්පතින්දා
(නිමල කොඩිතුවක්කු)
ආදායම් බදු ගෙවන ධන කුවේරයන්ට බදු සහන ලබාදුන් වත්මන් ආණ්ඩුව රැකියා කිරීමට නොහැකිව බැංකු පොලියෙන් ජීවත්වන ජ්‍යෙෂ්ඨ පුරවැසියන්ගේ පොලී අනුපාත පහළ දැමීම ගැන ලැජ්ජා විය යුතු බව හිටපු පාර්ලිමේන්තු මන්ත්‍රී අජිත් පී පෙරේරා මහතා කොළඹදී අද (7) පැවසීය.
ජීවන වියදම වැඩි වී ඖෂධ මිල ඉහළ ගොස් ඇති මොහොතක ජ්‍යෙෂ්ඨ පුරවැසියන්ගේ ආදායම් කප්පාදු කිරීමෙන් තමන් බලාපොරොත්තු වන්නේ කුමක්දැයි ජ්‍යෙෂ්ඨ පුරවැසියන් වන ජනාධිපතිවරයා සහ අගමැතිවරයා වහාම රටට හෙළි කළ යුතුව ඇතැයි ද ඔහු සඳහන් කළේය.
ආණ්ඩුවට ආදායම් අවශ්‍ය වී ඇත්නම් ජ්‍යෙෂ්ඨ පුරවැසියන්ගේ තැන්පත් වලට අත නොතබා ඒ සඳහා වෙනත් ක්‍රමවේදයන් සොයා ගත යුතුව ඇතැයිද අජිත් පී පෙරේරා මහතා සඳහන් කළේය.
ඇතුල්කෝට්ටේ පිහිටි සමගි ජන බලවේගය ප්‍රධාන කාර්යාලයේ පැවති මාධ්‍ය හමුවකට එක්වෙමින් ඔහු මේ බව පැවසීය.
එහිදී වැඩිදුරටත් අදහස් දැක්වූ අජිත් පී පෙරේරා මහතා මෙසේ ද කීවේය.
ජීවිත කාලය පුරා දුක් විඳලා මහන්සි වෙච්ච අපේ ජ්‍යෙෂ්ඨ පුරවැසියන් ජීවිතයේ සැදෑ සමය හොඳින් ගත කරන්න බැංකුවල මුදල් තැන්පත් කරලා එහි පොලියෙන් ජීවත් වෙනවා. දශක කිහිපයක් රට වෙනුවෙන් විශාල කැපකිරීමක් කළ ජනතාව, විදේශ රටවල දුක්විඳලා මුදල් උපයන ජනතාව, ජීවිතයේ අවසන් කාලයේ හව්හරණක් නැතිව තමන්ගේ දේපළ විකුණලා ඉන්න ජනතාව ජීවත් වෙන්නේ, බෙහෙත් ටික ගන්නෙ තැන්පත් කරන මේ මුදල් වල පොලියෙන්.
මේ නිසා යහපාලන රජය සමයේදී ජ්‍යෙෂ්ඨ පුරවැසියන්ගේ පොලී ප්‍රතිශතය සියයට 15 දක්වා ඉහළ දැම්මා. දැන් මේ ආණ්ඩුව පත් වෙලා මාස අටක් යනවිට ජේෂ්ඨ පුරවැසියන්ගේ පොලී ප්‍රතිශතය 7% අටට බස්සල තියෙනවා. මේ නිසා ජ්‍යෙෂ්ඨ පුරවැසියන්ගේ ආදායම එකට එකක් අඩුවෙලා තියෙනවා. විසිදාහක් ගත්ත කෙනාට දැන් ලැබෙන්නේ දහදාහයි. අද වන විට රටේ ජීවන වියදම වැඩි වෙලා. ඖෂධ මිල වැඩි වෙලා. ගහෙන් වැටුන මිනිහට ගොනා ඇන්න වගේ තමයි මේ රජයේ ආර්ථික ප්‍රතිපත්තිය වෙලා තියෙන්නෙ.
මේ රට පාලනය කරන ගෝඨාභය රාජපක්ෂ මහතා සහ මහින්ද රාජපක්ෂ මහතා ජ්‍යෙෂ්ඨ පුරවැසියන්. ජ්‍යෙෂ්ඨ පුරවැසියන්ගේ අවශ්‍යතාවයන් ගැන ඔවුන් හොඳින්ම දන්නවා. එසේ තිබියදීත් ජ්‍යෙෂ්ඨ පුරවැසියන්ගේ පොලී අනුපාත පහළ දමා මේ කරන්නේ බරපතළ අකටයුත්තක්. සමගි ජන බලවේගය විදියට අපි මෙය සම්පූර්ණයෙන්ම හෙළා දකිනවා.
තම ජීවිත කාලය පුරා රට වෙනුවෙන් විශාල සේවයක් කරපු, මුදල් උපයපු ජ්‍යෙෂ්ඨ පුරවැසියන්ට කරපු බරපතළ අසාධාරණයක් තමයි මේක. බදු අය කරනවා නම් මේ රජයට වෙන ක්‍රම තියෙනවා. රැකියාවක් කරලා ආදායමක් හොයාගන්න බැරි ජ්‍යෙෂ්ඨ පුරවැසියන්ට මේ කරන අසාධාරණය පක්ෂ භේදයකින් තොරව සියලු දෙනා හෙළා දැකිය යුතුයි.
කාලයක් තමන් නිහඬව සිටියේ වැරදි වැටහීම් නිසාවෙන් බව හිටපු අමාත්‍ය රවී කරුණානායක මහතා පැවසුවේය. එක්සත් ජාතික පක්ෂය නැවත ජනතාවගේ ආදරය ඇති පක්ෂයක් බවට පත
වහාම පාර්ලිමේන්තුව විසුරුවා මැතිවරණයකට යා යුතු බවත් රනිල් අගමැති සජිත් අගමැති ජාතික ආණ්ඩුවට එවිට ස්ථාපිත කළ හැකි බවත් දමිළ ප‍්‍රගතිශීලී සන්ධානයේ නා
සජිත් ප්‍රේමදාස මහතා සීනිබෝල දේශපාලනයක නිරතව සිටින බවත් ඔහුට නායකයකු විය නොහැකි බවත් වර්තමාන දේශපාලන තත්ත්වය ගැන තමන් බෙහෙවින්ම කළකිරීමට පත්වී ඇති හ
යහපාලන පාලන සමයේදී සිදුවූ අඩුපාඩු හඳුනාගෙන වැරදි නිවැරදි කර ගැනීමට සැලැස්මක් දියත් කර ඇති බවත් සජිත් ප්‍රේමදාස මහතාගේ නායකත්වයෙන් යුතුව ඉදිරි මැතිව
අලුතින් ඇති කරන ක්‍රමවෙිදය අනුව ජනපති පාර්ලිමේන්තුවට වගකිව යුතු බව අග්‍රාමාත්‍ය රනිල් වික්‍රමසිංහ මහතා විශේෂ ප්‍රකාශයක් කරමින් අද (29)පැවසීය. විසිවන
රටවල් සමඟ සාකච්ඡා කර මූල්‍ය ආධාර සහ සහන ලබාගැනීමට ජනාධිපති ගෝඨාභය රාජපක්ෂ මහතා කැබිනට් කමිටු තුනක් පත්කර ඇති බවත් එම කමිටුවල ප‍්‍රධානියා ලෙස තමන් කටය
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
‘ජ්‍යෙෂ්ඨ පුරවැසි පොලී අනුපාත පහළ දැමීම ගැන ආණ්ඩුව ලැජ්ජා වෙන්න ඕනෑ’