ජංගම දුරකථන බිල්පත මුල් කරගෙන සිය දෙමාපියන් සමග කලහයකින් පසු සිය පියාගේ මෝටර් රථය පැහැරගෙන සැතැපුම් 600 ක් දුර ගිය 13 හැවිරිදි පොඞ්ඩෙක්  බි‍්‍රතාන්‍යයේ සිටියි.

ගෝ කාර්ට් ධාවන තරග වල ප‍්‍රවීණයෙකු බව කියන මේ 13 හැවිරිදි පෝලන්ත ජාතික කොලූවා බි‍්‍රතාන්‍යය ජාතික යුවළ විසින්  හදාවඩා ගත්තෙකි බව හෙළිව ඇත.

මෙම මස ඔහුගේ ජංගම දුරකථනයේ බිල දෙමව්පියන්ගේ ඔළුව යකා නැංවීමට සමත්ව තිබෙන අතර බහින්බස් වීමකින් පසුව මේ පුත‍්‍රයා ගමන් බලපත‍්‍රය හා පවුම් 160 පමණක් අතැතිව සිය පියාගේ මර්සිඞීස් බෙන්ස් මෝටර් රථයට ගොඩවී එය පදවාගෙන ගියේය.සිය දරුවාද මෝටර් රථයද නිවසින් අතුරුදන්ව ඇති බව දැක කලබල වී ඇති දෙමව්පියන් වහා බළධාරීන් දැනුම්වත් කළේය.පොලිසිය විසින් ඔහුව අත්අඩංගුවට ගැනීමට සමත්ව ඇත්තේ ජර්මනියේදී වන අතර ඒ වන විට මේ කොල්ලා සිට ඇත්තේ සිය සැබෑ නිවහන පිහිටා ඇති පෝලන්තයෙන් කිලෝමිීටර 150 ක් තරම් වන දුරකිනි.

ප‍්‍රශ්න කිරීමේදී පෝලන්තයේ වෙසෙන සිය සොහොයුරිය මුණගැසීමේ අරමුණින් තමන් මේ ගමන පැමිණි බව ඔහු පවසා ඇත.පොලිසිය මවිතය පළ කරන්නේ මේ සා දුරක් කිසිවෙකුගේ සැකයට භාජනය නොවී ඔහු වාහනය පැදවීම ගැනයි.

බි‍්‍රතාන්‍යයේ සිට ඉතාලියටත් එහි සිට ඇල්ප්ස් කදුකරය ඔස්සේ ඔස්ටි‍්‍රයාවටත් අනතුරුව ජර්මනියටත් ඔහු රථය ධාවනට කරගෙන පැමිණ තිබේ.අත්අඩංගුවට පත්වන විට ඔහු ගමන් කර තිබූ මුළු දුර ප‍්‍රමාණය සැතැපුම් 600 කට ආසන්නය. සිය දරුවා සොයාගත් බවට ආරංචිය ලැබුණු සැනින් ඔහු යළි නිවස වෙත රැගෙන ඒමට බි‍්‍රතාන්‍යය ජාතික මව්පිය යුවළ ජර්මනිය බලා පියාසර කර ඇති බව සදහන්වේ.