2025 ජුලි මස 06 වන ඉරිදා
ඇමෙරිකාව ලෝකයා ඉදිරියේ ‘දණ ගැස්විය හැකි’ ආකාරයේ රහස් තමා සතුව ඇති නමුත්, තමා ඒවා ප‍්‍රසිද්ධියට පත් කර ඇමෙරිකා රජයට හානියක් නොකරන බව රුසියාවේ මොස්කව් නුවර ෂෙරෙමෙටෙයේවෝ ගුවන් තොටුපොළේ රැඳී සිටින එඞ්වඞ් ස්නෝව්ඩන් පෙරේදා (14) දෙස් විදෙස් මාධ්‍යවේදීන් හමුවේ කියා සිටියේය.
ඇමෙරිකාවේ එන්.එස්.ඒ. හෙවත් ජාතික ආරක්ෂක ඒජන්සියේ හිටපු කොන්ත‍්‍රාත්කරුවකු වන 30 හැවිරිදි ස්නෝව්ඩන්, රුසියාවේ ෂෙරෙමෙටෙයේවෝ ගුවන් තොටුපොළේ රැඳී සිටින්නේ රුසියනු රජයේද අනුදැනුම ඇතිවය.
ඇමෙරිකා රජය සහ සී.අයි.ඒ. බුද්ධි අංශය, එන්.එස්.ඒ. හෙවත් ජාතික ආරක්ෂක ඒජන්සිය හරහා දුරකතන ඇමැතුම් සහ අන්තර්ජාලය ඔස්සේ ඇමෙරිකන් වැසියන් ගැනත් විදේශීය තානාපති නිලධාරීන් ගැනත් ඔත්තු බලන බවට ස්නෝව්ඩන් රහස් හෙළි කළේ ඉකුත් ජූනි මාසයේදීය.
ඔහු ඒ බව පළමුවෙන්ම වාර්තා කළේ බි‍්‍රතාන්‍යයේ ‘ද ගාඩියන්’ පුවත් පත සමඟ සම්මුඛ සාකච්ඡුාවක් පවත්වමිනි. ඇමෙරිකාවෙන් පළා ගිය ස්නෝව්ඩන් එම රහස් හෙළි කළේ හොංකොං සිටය. ඔහු රුසියාවට ගියේ ඉන් පසුවය.
යුරෝපා රටවල් රැුසක් මේ වනවිට ඇමෙරිකා රජයට එම ඔත්තු බැලීම් සම්බන්ධයෙන් විරෝධය පළ කර ඇති අතර, ඇමෙරිකාව සමඟ ගනුදෙනු නවතා දැමීමට ද තීරණය කර ඇත.
අල් කයිඩාව වැනි ඇමෙරිකාවට එරෙහි ඉස්ලාමීය සටන්කාමී සංවිධාන ස්නෝව්ඩන් කළ එම හෙළිදරව්වෙන් පසු ඔවුන්ගේ ක‍්‍රමෝපායන් වෙනස් කර ඇති බව ද වාර්තා වේ.
රුසියාවට පැමිණීමෙන් පසු ස්නෝව්ඩන් මාධ්‍ය හමුවේ පෙනී සිටියේ පළමු වරටය. එම මාධ්‍ය හමුවට ‘විකිලීක්ස්’ වෙබ් අඩවිය වෙනුවෙන් එහි මානව හිමිකම් සම්බන්ධ කි‍්‍රයාකාරිනී සාරා හැරිසන් ද එක් වූවාය. ඇමෙරිකා රජයේ රහස් හෙළි කිරීම සම්බන්ධයෙන් ප‍්‍රසිද්ධියක් උසුලන්නේ ජුලියන් ඇසෙන්ජ්ගේ ‘විකිලීක්ස්’ වෙබ් අඩවියයි.
ස්නෝව්ඩන් වෙනිසියුලාව ඇතුළු ලතින් ඇමෙරිකා රටවලින් ආරක්ෂාව ඉල්ලා ඇත. ඔහුට ආරක්ෂාව දීමට වෙනිසියුලා ජනපති නිකලස් මදුරෝ කැමැත්ත පළ කර ඇතැයි ද වාර්තා වේ.
.jpg)
ඇමෙරිකා ජනාධිපති ජෝ බයිඩන්, බ්‍රිතාන්‍ය රාජකීයයන් වන වේල්සයේ විලියම් කුමරු සහ කේට් කුමරිය හමුවීමට නියමිත බව ධවල මන්දිරය පවසයි.
ඇෆ්ගනිස්තානයේ සමංගාන් නමැති ප්‍රාන්තයේ ආගමික පාසලක (මද්‍රාසා) බෝම්බයත් පුපුරා යෑමෙන් 15 දෙනෙක් ජීවිතක්ෂයට පත් වූහ. තුවාල ලබා රෝහල්ගත කළ ගණන 20 කි.
ඉන්දියවේ ගුජරාට ප්‍රාන්ත සභා මැතිවරණයේ පළමු අදිරය අද (1) ආරම්භ වෙයි. ගුජරාඨ ප්‍රාන්ත සභාව ආසන 182 කින් සමන්විත වන අතර අද (1) පළමු අදියර පැවැත්වූයේ ආසන 89 ක් වෙන
තම නායක අබ් හුසාන් අල් හෂීමි අල් කුරේෂි මියගිය බව අයි.එස්. හෙවත් ඉස්ලාමික් ස්ටේට් ත්‍රස්ත සංවිධානය පවසයි.
ඇමෙරිකාවේ සම්බාධක මඟහැර, මෝටර් රථ, ගුවන් යානා සහ දුම්රිය නිෂ්පාදන කටයුතු සඳහා අවශ්‍ය අමතර කොටස් ඉන්දියාවෙන් ලබා ගැනීම කෙරෙහි රුසියානු රජයේ අවධානය යොම
මහා බ්‍රිතාන්‍යයත් චීනයත් අතර පැවැති ස්වර්ණමය යුගය අවසන් බව බ්‍රිතාන්‍ය අග්‍රාමාත්‍ය රිෂී සුනාක් පවසයි.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
ඇමෙරිකා රජය අමාරුවේ වැටෙන රහස් ලොවට හෙළි කරන්නේ නෑ
ටෙනිසන් Monday, 15 July 2013 04:59 PM
මගේ පැවැත්ම සදහා මගේ අසල් වැසියෝ එක එකා මම මරනවා. දෙක තුනක් කරන විට මගේ පුතා එය දකිනවා ,ඒ සමගම මා නීතියට කොටු වෙනවා, ඇහෙන් දුටු එකම සාක්ෂිය පුතා. ඔහු උසාවියේදී ඇත්ත කීම තාත්තා පවා දීමක්ද, කේලම් කීමක්ද, යහපත් ක්‍රියාවක්ද.(නදී)
රූපවති Tuesday, 16 July 2013 11:54 AM
මොහු ලෝකෙට හෙලිකලොත් 2005 සුනාමිය ඇමරිකාව විසින් මුහුදු පතුලේ කල "නිව් ක්ලියර් වෙපන් ටෙස්ට්" එකක් කියල ...?මේ සදහා තෝරාගත් මුහුදු සීමාව දුප්පත් රටවල් තීරය..මොඋන්ගේ ආරක්ෂාව සහ ඔව්න්ගේ රහස්යන් හෙළිවීමට ඇති නොහැකියාව, මෙම රටවල නොදියුණු තාක්ෂණයේ වාසිය දියුණු රටවල, ඔව්න්ගේ රහස් එලෙසින්ම දීර්ග කාලයක් රැකගෙන , දුප්පත් රටවල් ඔව්න්ගේ ඉහල තාක්ෂණ අත් හදාබැලීම් තීරයක් වෙලා කියල ඔයාලට හෙලිකලොත් මෙයා, ඔයාල මොකද කියන්නේ ...? මරුනේ අපේ දුප්පත් මිනිස්සු .....?ලෝකයම හෙළිකළේ මුහුදු පත්ලේ ,,,භූමිකම්පාවක් ලෙස .....? එත් රහස මොහු දනී .....?.(අ)
ලුම්බිණි Tuesday, 16 July 2013 09:19 AM
මට නම් මේ පුද්ගලයා පෙනෙන්නේ වීරයෙක් හෝ මානව හිතවාදියෙක් නොව අවස්ථාවාදියෙකි. (නි)
සුදත් ශ්‍රී Tuesday, 16 July 2013 02:17 AM
ටෙනිසොන්, ලෝකෙ හැම රටකම ජාතික ආරක්ෂාවට හෝ පැවැත්මට තමුන්ට ආවේනික රහස් ඔත්තු ක්‍රමවේදයන් තියෙනවා. ඒකට එකඟ නම් පමණයි අත්සන් කර සේවය කල හැකිවන්නේ. මෙතන තාත්තා මිනී මරනකම් පුතා බලන් හිටියේ නැහැ. තාත්තත් එක්ක එකතුවෙලා මිනී මැරවා මිසක්. අනිත් එක ඔත්තු බැලීම මිනී මැරුමකට සමානකිරීම අතිශෝක්තියක්. අනික ඔහු ආරක්ෂාව ඉල්ලූ ඇමරිකන් විරෝධී රටවල් තිහකට අධික සංඛ්‍යාවකින් යහපත් ප්‍රතිචාරයක් දැක්වූයේ වෙනිසියුවේලාව පමණයි.(නදී)
හේමාල් පෙරේරා Monday, 15 July 2013 11:12 PM
හැම රටක්ම ජාතික ආරක්ෂාවට මෙවැනි දේ කරනවා. මේවා එලිකීරීම දෝහි ක්‍රියාවක් ඇමෙරිකාව අල්කයිදා හෝ ත්‍රස්තවාදීන්ට විරුද්දව වැඩකරද්දී රහස් හෙලි කීරිම එල්ලලා මරන්න ඕන වැඩක්.(නදී)
කරැ Monday, 15 July 2013 09:30 PM
නුබව යන්නනේ පණපිටින් නිරයට තමාගේ රටට ද්‍රෝහී උනහම වල බලල (අ)
සුප්‍රා Monday, 15 July 2013 09:03 PM
ඔයාල හැමෝටම වැරදිලා , ස්නෝව්ඩන් කියන්නේ ඇමෙරිකන් එන්.එස්.එල් නළුවෙක් , ස්නෝව්ඩන් කියන්නේ ඇමෙරිකන් බිලි පිත්තේ ගහපු ඇමක්. කොටන මාළු , කොටන්න උදව් කරන මාළු , කොටන්නෙම නැති මාළු කවුද කියල දැන් ඇමෙරිකාව දන්නවා.(නදී)
අමිල Monday, 15 July 2013 08:47 PM
නසාර් ඔබලා තමා ආගම්වාදය සහ අන්තවාදය ලොව පුරා පතුරවන්නේ.ඔයාලා නියම ශ්‍රී ලංකික අනන්‍යතාවයක් ඇති මුසම්මල්වරයන් වෙන්න.අන්තවාදීන්ගේ මග නොයා නිවැරදි ඉස්ලාම් මග යන්න.ජාතිවාදය අපි පන්නා දමමු. ජරා අදහස් වලින් ගැලවී ඔබලාගේ නියම මුසම්මල්වරයා යන රාමුව තුල සිටින්න. (අ)
නන්දලාල් Monday, 15 July 2013 08:18 PM
ටෙනිසන් හරි තමාගේ ආරක්ෂාවට කියල කිසි කරදරයක් නොකරන අනෙකාගේ ආරක්ෂාවට තර්ජන එල්ල කිරීම අනුමත කරන්න බැහැ (අ)
චන්දා Monday, 15 July 2013 06:09 PM
මට තියෙන ප්‍රශ්නය අපේ රටට ද්‍රෝහීකම් කරපු නිදහස් මාධ්‍ය ව්‍යාපාරිකන් කීදෙනෙකුට මේ රටවල් රැකවරණය දෙමින් ඉන්නවාද යන්නයි. එතකොට නම් කියන්නේ මානව හිමිකම්. (අ)
ඇනෝ Monday, 15 July 2013 05:54 PM
ටෙනිසන් ඔබ හරියටම තර්කය ගොඩනගා තියෙනවා. අන්තවාදී දේශප්‍රේමය මගින් විචාර බුද්ධිය යටපත් කරන බව මෙහි ඇති බොහෝ අදහස්වලින් පැහැදිලියි. (නි)
ජීවන් Monday, 15 July 2013 10:29 AM
ස්නොදන් ඔබ දේශ ද්‍රෝහියෙකි. ඒ මන්දයත් ඔබ හමුදාවේ නීතිවලට බැඳී සිටින නිසා. හමුදාව විවේචනය කරන නිසා. ඔබ මේ දේවලට අකමැති උනා නම් අස් වෙලා කට පියාන ඉන්න ඕනා. ඇමරිකාව කරේ හරි හෝ වැරදි දෙයක් උනත් මවුබිමේ ආරක්ෂාවට එය සුදුසුම දේ නොවේද. ඕන රටක් ඔය දේ කරනවනේ. ඇයි මේ ජනප්‍රිය වෙන්න තමන්ගේ කම පාවා දෙන්නේ.(නදී)
නසාර් Monday, 15 July 2013 04:55 PM
බුදු දහම වැළදගෙන කුලියට මිනි මරන්නේ ඒවා පව් නැද්ද ?(නදී)
උදය Monday, 15 July 2013 03:20 PM
ස්නොව්දන් යනු යුගයේ වීරයෙකි. මානව හිතවාදියෙකි. ඔහු මසකට ලැබුණු ඇමෙරිකන් ඩොලර් ලක්ෂ දෙක පැත්තකට දමා ලොවට සත්‍ය හෙළි කරන්න පෙළබිනි. මෙය දිගින් දිගටම සිද්දවී අපි වැනි අසරණ අය රැකේවි. (නි)
මහින්ද Monday, 15 July 2013 03:16 PM
අනේ එඞ්වඞ් ස්නෝව්ඩන් නුබ බුදු දහම වැළදගෙනත් කේලම් කියන්නේ ඇයි?(නදී)
ජායී තිසර Monday, 15 July 2013 01:59 PM
අනේ ස්නෝව්ඩන් ඔබ සිතන්නේ ඔබේ පරිඝණකය මේවන විට ස්කෑන් කර නෑ කියාද? " බිට් ඇන්ඩ් බයිට්" කටින් හපා වුව කියන්න පුළුවන් දක්ෂයෝ මොස්කව් වල සිටිති.(නදී)
උදාරි Monday, 15 July 2013 01:04 PM
අනේ ස්නොව්දන්, වැඩේ වැරදුන කියල තේරිලා වගේ, දැන් ඉතින් ඔහොමවත් කියමු. කවුරුත් බාර ගන්න පාටකුත් නැහැනේ. මේවා හොඳ පාඩම් අපේ රටේ සමහර අයටත්. පිට රට ගිහින් රටේ වැරදි කියවනවට. මොනාව වුනත් තමන්ට ලොකු වෙන්න ඕනෑ තමන්ගේ මව් රට. (නි)
නුවන් Monday, 15 July 2013 12:52 PM
ජීවන්, ඔබ හරි (නි)
සෙනරත් Monday, 15 July 2013 12:48 PM
මේවගේ දේවල් ඕනෑම රටකට වෙන්න පුළුවන්.ඇමෙරිකාවට මෙහෙම වෙන එක එක අතකට හොඳයි (නි)
සමරසිංහ Monday, 15 July 2013 12:35 PM
ජීවන්, ඔබ හරි (නි)
පද්මා Monday, 15 July 2013 10:29 AM
මේක හරියට අපේ මිලේනියම් සිටි සිද්ධිය වගේ නේ.... (නි)