විභාග වලදී ‘‘හොර‘‘ කිරීමට චීන ළමයින් විවිධ තාක්ෂණික උපකරණ භාවිතා කරන අයුරු චීන පොලිසිය පසුගියදා පෙන්වා දුන්න්නේය.

පොලිස් භාරයේ තිබූ උපකරණ අතර විභාග ශාලා වලදී හසුවූ උපකරණ රාශියක්ද විය.ඇතැම් උපකරණ සිසුන්ම නිපදවා ගත් ඒවාය.

බැනියමක සගවා ගත් ජංගම දුරකථනයක් හා එයට සවිකළ සම්පේ‍්‍රෂකයක්,පෑනක සඟවා තිබුණු කැමරාවක්,කන අභ්‍යන්තරයේ රැදවිය හැකි ශබ්ද වාහිනී, ඒවා අතර ප‍්‍රධාන විය.

පොලිසිය පවසන ආකාරයට සිසුන් සියලූදෙනාගේම පාහේ උත්සාහය වී ඇත්තේ සිරුරේ සවිකර ගෙන සිටින සම්පේ‍්‍රෂකයන් ආධාරයෙන් තොරතුරු විභාග ශාලාවෙන් පිටතට යවා පිටතින් ලැබෙන පිළිතුරු ග‍්‍රහණය කර ගැනීමයි.

මෙනිසාවෙන් දැන් චීන විභාග පරීක්ෂකවරුන්ගේ අත කොළයට හා පෑනට අමතරව ගුවන්විදුලි තරංග හඳුනාගත හැකි උපකරණයන්ද ඇත.

සිසුන් විභාග ශාලාවේ සිට රහසේ විමසන ගැටලූවලට හැරෙන තැපෑලෙන් පිළිතුරු යවන කණ්ඩායම් කිහිපයක සාමාජිකයන් අත්අඩංගුවට ගැනීමට චීන පොලිසිය කටයුතු කර තිබේ.

අධ්‍යාපනයට චීනයේ ඇත්තේ ඉහළ වටිනාකමකි. සිසුන් උත්සාහ කරනුයේ කෙසේහෝ විභාග සමත්වී උසස් අධ්‍යාපනය ලබා ගැනීමේ වරම් දිනා ගැනීමටයි.

ඔවුන්ගේ ඇතැම් නීති විරෝධී කටයුතු වලට දෙමාපියන්ගේ සහයද ලැබෙන බව නොරහසකි.තම දරුවන් සේම ඔවුන්ද සිටින්නේ අනාගතය කෙසේවනු ඇත්දැයි බියපත්වය.

තත්ත්වය වඩාත් බරපතල ලෙස හදුනාගත හැක්කේ ‘‘ගොආකෝ‘‘ නම් විභාගයේදීය.අප රටේ උසස් පෙළ හා සමාන වන මෙයින් සිසුන්ට විශ්වවිද්‍යාල වල අධ්‍යාපනය ලැබීමේ වරම ලැබීම හෝ නොලැබීම තීරණය වේ.