පාකිස්තානය සහ ඇෆ්ගනිස්තානය අතර සටන් විරාමයක් සඳහා එකඟතාවයකට පැමිණි බව විදෙස් මාධ්‍ය වාර්තා කරයි.

පාකිස්තානය සහ ඇෆ්ඝනිස්තාන දේශ සිමාවේ ඇති වූ ගැටුම්කාරී තත්ත්වය   හේතුවෙන් දෙරට අතර උණුසුම් තත්ත්වයක් ඇති විය. දේශ සිමාවේ ආරක්ෂකයන් අතර වෙඩි හුවමාරුවක් සිදු වූ අතර ඉන් ඇෆ්ගනිස්ථාන හමුදා නිලධාරියෙකු ජිවිතක්ෂයට පත්විය. ඉන් සාමාන්‍ය වැසියෝ නව  දෙනෙක් හා හමුදා නිලධාරීහු තිදෙනෙක් තුවාල ලැබූහ.

ඉන් පසු එම ප්‍රදේශය ආශ්‍රිතව ඇදිරි නීතිය පැනැවීය.

මෙම තත්වය හේතුකොටගෙන දෙරට අතර කාර්යබහුලම දේශ සිමාව වන ටෝකම් දේශ සිමාව වසා තැබීමට සිදුවිය.

රාජ්‍යතාන්ත්‍රිකයන් හරහා මෙම තත්වය පාලනය කරගැනීමට කටයුතු යොදන බව  ඇෆ්ගන් නිලධාරීහු පවසති. දේශ සීමාවේ පකිස්තාන දිසාවේ දොරටුවක් සවි කිරීමට පාකිස්තානය ගත් උත්සාහයට ඇෆ්ගනිස්ථාන  නිලධාරීන් විරෝධය පල කිරීමත් සමග මෙම තත්වය හට ගෙන ඇත.