2025 ජුලි මස 14 වන සඳුදා
දරු උපතේදී කාන්තාවක් කෙතරම් වේදනාවක් උසුලන්නේදැයි නොදන්නා පිරිමි පාර්ශවයට ඒ අත්දැකීම ලබා ගැනීමේ මගක් සළසා දීමට චීනයේ ෂැන්ග්ඩොන්ග් ප්‍රාන්තයේ රෝහලක් පසුගියදා කටයුතු කර තිබුණි.
එහිදී පෙම්වතුන්ට හා සැමියන්ට විශේෂ යන්ත්‍රයකට සවි කෙරී තිබුණු කොට්ටා දෙකක් තම යටි බඩ ප්‍රදේශයේ තබා ගැනීමට සිදුවූ අතර යන්ත්‍රය පණ ගැන්වූ පසු ඔවුන්ගේ පෙම්වතියන් හා බිරින්දෑවරුන් දරු උපතේදී අත්විඳින වේදනාව ඔවුන්ටද අත්විඳීය හැකිවනු ඇතැයි උපදෙස් දෙනු ලැබිණි.
ඒ කිසිත් ගණනකට නොගෙන සිනාවෙන් සිටි ඔවුන්ගේ මුහුණු මැළවී ගියේ යන්ත්‍රය ක්‍රියාත්මක කිරීමෙන් පසුවය.ප්‍රබල ඉලෙක්ට්‍රෝන ධාරා පැළද සිටි කොට්ටා වලට එල්ල කිරීම මගින් ඔවුන්ගේ යටි බඩෙහි මාංශ පේෂීන් වේදනාවට පත් කෙරිණි.
වේදනාව උසුලා ගත නොහැකිව ඇතැම්හු හැඬූහ,ඇතැම්හු කෑ ගැසූහ,ඇතැම්හු පැන දිවීමට පවා තැත් කළෝය.
විනාඩියක් දෙකක් පමණ මේ ‘‘වදය‘‘විදීමට ඔවුන්ට සිදුවිය.එය අවසානයේ අදහස් විමසූ විට ඔවුන්ගේ බිරින්දෑවරුන් හා පෙම්වතියන් මෙතරම් වේදනාවක් දරන බව කිසිදිනෙකවත් දැන සිටියේ නැතැයි ඔවුහු කීහ.
පරීක්ෂණය විනාඩියකට දෙකකට පමණක් සීමා වුවද විළිරුදා ඇතිවන කාන්තාවක් ඒ වේදනාව ඇතැම් විට පැය ගණනක් හෝ දින ගණනක් පවා විදින්නීය.
මෙයට සහභාගීව සිටි ඇතැමුන් තම බිරින්දෑවරුන්ගේ කරච්චලයට බියෙන් පැමිණ සිටියෝ වූහ.නමුත් පර්යේෂණය අවසානයේ ඔවුන් තමන් ගැන පසුතැවෙන ආකාරයක් දැකගත හැකිවිය.
පරීක්ෂණය සිදුකළ රෝහල පවසන්නේ කාන්තාවන් දරු උපතකදී මෙන්ම දරුවෙකු දරා සිටින විටදී දරන වේදනාව කොතරම්දයැයි පිරිමින්ට පෙන්වා දීමට මෙවැන්නක් සංවිධානය කළ බවයි.කාන්තාවන්ට නිසි ගෞරවය දැක්වීමට පිරිමින් උගත යුතුව ඇති බව රෝහලේ අදහසයි.
ඇමෙරිකා ජනාධිපති ජෝ බයිඩන්, බ්‍රිතාන්‍ය රාජකීයයන් වන වේල්සයේ විලියම් කුමරු සහ කේට් කුමරිය හමුවීමට නියමිත බව ධවල මන්දිරය පවසයි.
ඇෆ්ගනිස්තානයේ සමංගාන් නමැති ප්‍රාන්තයේ ආගමික පාසලක (මද්‍රාසා) බෝම්බයත් පුපුරා යෑමෙන් 15 දෙනෙක් ජීවිතක්ෂයට පත් වූහ. තුවාල ලබා රෝහල්ගත කළ ගණන 20 කි.
ඉන්දියවේ ගුජරාට ප්‍රාන්ත සභා මැතිවරණයේ පළමු අදිරය අද (1) ආරම්භ වෙයි. ගුජරාඨ ප්‍රාන්ත සභාව ආසන 182 කින් සමන්විත වන අතර අද (1) පළමු අදියර පැවැත්වූයේ ආසන 89 ක් වෙන
තම නායක අබ් හුසාන් අල් හෂීමි අල් කුරේෂි මියගිය බව අයි.එස්. හෙවත් ඉස්ලාමික් ස්ටේට් ත්‍රස්ත සංවිධානය පවසයි.
ඇමෙරිකාවේ සම්බාධක මඟහැර, මෝටර් රථ, ගුවන් යානා සහ දුම්රිය නිෂ්පාදන කටයුතු සඳහා අවශ්‍ය අමතර කොටස් ඉන්දියාවෙන් ලබා ගැනීම කෙරෙහි රුසියානු රජයේ අවධානය යොම
මහා බ්‍රිතාන්‍යයත් චීනයත් අතර පැවැති ස්වර්ණමය යුගය අවසන් බව බ්‍රිතාන්‍ය අග්‍රාමාත්‍ය රිෂී සුනාක් පවසයි.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
ප්‍රසව වේදනා දුක පිරිමියාටත් කියා දෙයි
ලසිත Tuesday, 11 November 2014 08:07 PM
ඇත්තටම මේක හුඟක් හොඳ දෙයක්. තමන්ගෙ බිරිය විඳින වේදනාව දැනගන්න ලැබෙන එක. එතකොට බිරියට ගරුනොකරන පිරිමින් පවා ඇයට ගරු කරන්න පටන් ගනීවි. (නි)
අශාන් චමීර Monday, 17 November 2014 06:23 AM
ලංකාවේ රෝහල් වලටත් ගෙන්විය යුතුම උපකරණයක් බව මාගේ පෞද්ගලික මතයයි (නදී)
අශාන් චාමර Monday, 17 November 2014 06:22 AM
ලංකාවේ රෝහල් වලටත් ගෙන්විය යුතුම උපකරනක් බව මාගේ පෞද්ගලික මතයයි (නදී)
බුද්ධික Sunday, 16 November 2014 12:35 PM
මේක ස්වභාව ධර්මය අපිට මේකට පිටුපාන්න බෑ, මට නම් මගේ ආදර අම්මා මම වෙනුවෙන් විදපු වේදනා කවදාවත් විදින්න බෑ, මැෂින් වලට කවදාවත් ඒක කරන්න බෑ, පිරිමි හිතන්න ඕනේ කාන්තාවන් ගැන ගොඩාක් හැගීම්බර විදියට. (ර)
චන්ද්‍රා වීරසිංහ Saturday, 15 November 2014 10:54 PM
නිහාල්ගේ කතාව මාතෘ පදවියට නිගාවක් කියලා මම හිතන්නේ.!! (දිල්)
චන්ද්‍රා වීරසිංහ Saturday, 15 November 2014 05:39 PM
ඔබ පවා මෙලොව එළිය දුටු දින ඔබේ ,මව් විඳි වේදනාවට නිගා කරන්න එපා -උතුම් මව් පදවිය නොවේ නම් ලොවක් පවතීද?නිහාල් ප්‍රනාන්දු සහෝදරයා වෙතටයි (දිල්)
jජානක ලක්මාල් Saturday, 15 November 2014 08:56 AM
ඇත්තටම නියම දෙයක්.(දිල්)
ලියොන් ගුණවර්ධන Friday, 14 November 2014 10:19 PM
කාමයේ වරදවා හැසිරෙන්නන්ට දියහැකි හොඳ දඩුවමක්. (නි)
සන්තුෂ් Friday, 14 November 2014 08:05 AM
හොද වැඩක්.(හේ)
නෙත්මි Friday, 14 November 2014 04:17 AM
ඉතා හොඳයි (නි)
බණ්ඩාර රුසියාව Thursday, 13 November 2014 03:54 PM
බැරිවෙලාවත් හරි ඔය වේදනාව දරුවාගේ පියාට විදින්න විදිහක් හැදුවොත් නම් මලා. අල්ලපුගෙදර මනුස්සයා තමා කෑගහන්නේ.(අ)
සමීර දිනේෂ් Thursday, 13 November 2014 04:01 AM
අනික ගැහැණු අස්ථි බබාල හම්බෙන විදියට අනුගත වෙලා තියෙන්නේ. (නදී)
විභූති Thursday, 13 November 2014 03:57 AM
මේක නම් ඉතාම හොඳ දෙයක් (නි)
නවීන් Wednesday, 12 November 2014 08:58 AM
මෙවා මහා තෙරුමක් නති වෑඩ. ගෑහනු අය නෙමෙද ඒ කාලෙ ඉදන්ම ලමයි බිහි කලේ. (ර)
නිහාල් ප්‍රනාන්දු Monday, 10 November 2014 09:04 AM
මන් අහල තියෙනවා ඔය වගේ කතාවක්. එක ස්වාමිපුරුෂයෙක් දොස්තර ළඟට ගිහින් ඉල්ලා සිටියා තමන්ගේ බිරිදට දැනෙන විලි රුදාව තමන්ටත් දැනෙන්න සලස්වන්න කියා. දොස්තර මහතා ඔහුට විරේකයක් දීලා පිටුපසට මැහුමක් ගැහුවා. (බ)
චම්පා Tuesday, 11 November 2014 05:08 PM
මේක නම් ඉතාම හොඳ දෙයක් (නි)
හේමචන්ද්‍ර Tuesday, 11 November 2014 04:02 PM
ලංකාවේ රිමාන්ඩ් බන්ධනාගාරවලටත් ගෙන්වල දෙන්න කියල අපේ අධිකරණ ඇමති තුමාගෙන් ඉල්ලීමක් කරන්න ඕනේ . (බ)
ජයත් Tuesday, 11 November 2014 03:46 PM
හොඳ වැඩක්. (ර)
සුබා Tuesday, 11 November 2014 12:21 PM
ඇත්තටම හොද වැඩක්. තමාගේ බිරිද, මව විදින වේදනාව කාන්තාවන්ට හිංසා කරන පිරිමි එතකොටවත් දැන ගනිනේ. (ර)
බමුණු Tuesday, 11 November 2014 11:06 AM
"පිරිමින් මේ දුක දැරිය යුතුයි.එතකොට තේරෙයි." (බ)
ගයනී Tuesday, 11 November 2014 08:04 AM
මේක කියලා දෙන්න ඕනේ.නැත්තම් කාන්තාව ප්‍රසව වේදනාවේදී විදින දුක දන්නේ නෑනේ.(හේ)
මාදු Tuesday, 11 November 2014 06:21 AM
ඊයේ රැකියාවට එන්න දුම්රියට නගින්න කලින් නෝනලා ඔක්කොටම ඉඩ දීල අන්තිමට පිරිමි අපිට ඉතිරි උනේ පාපුවරුවේ දෙවෙනි පඩිය. දෙය්යනේ කියල එකේ එල්ලෙන්ඩ කකුල උස්සද්දීම කව්ද පිටිපස්සේ ඉදන් තට්ටු කලා. බලනකොට බඩදරු අම්මා කෙනෙක්. ඒ සැරේ එයාටත් ඉඩ දීල මන් ඊලග කෝච්චියේ වැඩට අවා. මිනිත්තු පහක් පරක්කුයි. රතු ඉර ගහන නෝනා වෙලාවට ඉර ගහල මට කියනවා වෙලාවට වැඩට එන්න දන්නැද්ද කියල. (ස)
බණ්ඩාර කුවේට් Tuesday, 11 November 2014 03:57 AM
තමාගේ මවට දයාබර පුතුන් බිරිඳට එක හා සමානව ආදරය කරති (අ)
ලලිත් Monday, 10 November 2014 07:59 PM
ස්වභාව ධර්මය සෑම දෙයක්ම අති සාධාරණව බෙදාදී තිබෙනවා. (නි)
රන්සිළු Monday, 10 November 2014 04:16 PM
පිරිමින් මේ දුක දැරිය යුතුයි.එතකොට තේරෙයි.(හේ)
රූමි Monday, 10 November 2014 10:27 AM
ස්ත්‍රී දුෂකයන්ට කියාපු දඬුවම (බ)
උපාලි Monday, 10 November 2014 09:51 AM
පිරිමින්ටත් මේ දේ හොද අත්දැකීමක් වෙයි.(හේ)