2025 ජුලි මස 09 වන බදාදා
දරුවන්ට දඬුවම් කිරීමෙන් ඔවුන් දරදඬු වන බවත් වැරදි ක්‍රියා වලට යොමු වන බවත් නවතම පර්යේෂණයකින් හෙළි වී ඇත.
දෙමාපිය දූ දරු සම්බන්ධතා කෙසේ වුවත් දෙමාපියන් දරුවන්ගේ විනය පිළිබඳව ගන්නා ක්‍රියා මාර්ග දරුවන් කෙරෙහි දැඩිව බලපාන බව පර්යේෂණය සිදුකළ ඇමෙරිකා විද්‍යාඥ කණ්ඩායම සොයාගැනීමට සමත් ව ඇත.
පර්යේෂණයට සම්බන්ධ වූ මිචිගන් සරසවියේ සමාජ ක්‍රියාකාරකම් අංශයේ නියෝජ්‍ය මහාචාර්යවරියක වන ෂවානා ලී පවසා සිටියේ අල්ලෙන් තට්ටමට ගැසීමෙන් දෙමාපියන් හා දරුවන් අතර ධනාත්මක බැඳීමක් ඇති වන බවට පොදු විශ්වාසයක් ඇති බවයි.
මේ පිළිබඳ පර්යේෂණ කළ ෂවානා ලී ඇතුළු කණ්ඩායම පවසා සිටියේ එම විශ්වාසය වැරදි බවත් එසේම පසුපසට අල්ලෙන් ගැසීමෙන් දරුවන් ආක්‍රමණශීලි වන බවයි.එසේම මෙම පර්යේෂණයෙන් තවදුරටත් හෙළිවුයේ දරුවන්ගේ විනය හැදීමට කායික ක්‍රම යොදාගැනීමේදි දරුවන් දරදඬු වන බවයි.
මෙම පර්යේෂණයට ඇමෙරිකා ,අප්‍රිකා හා ලතින් ඇමෙරිකා රටවල් වලින් අවුරුදු 1ත් 5ත් අතර ළමයින් 1200කගේ පමණ දත්ත එක්රැස් කර ඇත.
පර්යේෂණයට සහභාගී වූ මව්වරු හෙළිදරව් කර ඇත්තේ තට්ටමට අල්ලෙන් ගැසු විට දරුවන් දරදඬු ආකාරයෙන් කටයුතු කරන බවයි.
මේ අතර තවත් පර්යේෂණයකින් අනාවරණය වී ඇත්තේ වැඩි වියට පත් දරුවන් බියවැද්දීම හෝ බැනවැදීම නිසා ඔවුන් විෂාදයට ගොදුරු වන බවත් විනාශ කාරී ක්‍රියාවන්ට යොමු වන බවත්ය.
කායික පීඩා වලට හා අපයෝජන වලට පත්වන වැඩිවියට පත්වන දරුවන් විෂාදයට ගොදුරු වීමේ වැඩි ප්‍රවණතාවක් ඇතැයිද එම පර්යේෂණය තවදුරටත් අවධාරණය කර ඇත.
මෙම පර්යේෂණයෙන් වැඩිදුරටත් අනාවරණය කර ඇත්තේ කායික හෝ වාචික පීඩා වලට,අපයෝජන වලට හා ප්‍රචණ්ඩත්වයට ගොදුරු වන දරුවන් විෂාදය හා මානසික රෝගාබාධ වලට ගොදුරු වන බවත් ඔවුන් මෙසේ පීඩා වලට පත්වන්නේ තම දෙමාපියන්ගෙන් බවත්ය.
(ඩේලිමේල් ඇසුරෙනි)
ඇමෙරිකා ජනාධිපති ජෝ බයිඩන්, බ්‍රිතාන්‍ය රාජකීයයන් වන වේල්සයේ විලියම් කුමරු සහ කේට් කුමරිය හමුවීමට නියමිත බව ධවල මන්දිරය පවසයි.
ඇෆ්ගනිස්තානයේ සමංගාන් නමැති ප්‍රාන්තයේ ආගමික පාසලක (මද්‍රාසා) බෝම්බයත් පුපුරා යෑමෙන් 15 දෙනෙක් ජීවිතක්ෂයට පත් වූහ. තුවාල ලබා රෝහල්ගත කළ ගණන 20 කි.
ඉන්දියවේ ගුජරාට ප්‍රාන්ත සභා මැතිවරණයේ පළමු අදිරය අද (1) ආරම්භ වෙයි. ගුජරාඨ ප්‍රාන්ත සභාව ආසන 182 කින් සමන්විත වන අතර අද (1) පළමු අදියර පැවැත්වූයේ ආසන 89 ක් වෙන
තම නායක අබ් හුසාන් අල් හෂීමි අල් කුරේෂි මියගිය බව අයි.එස්. හෙවත් ඉස්ලාමික් ස්ටේට් ත්‍රස්ත සංවිධානය පවසයි.
ඇමෙරිකාවේ සම්බාධක මඟහැර, මෝටර් රථ, ගුවන් යානා සහ දුම්රිය නිෂ්පාදන කටයුතු සඳහා අවශ්‍ය අමතර කොටස් ඉන්දියාවෙන් ලබා ගැනීම කෙරෙහි රුසියානු රජයේ අවධානය යොම
මහා බ්‍රිතාන්‍යයත් චීනයත් අතර පැවැති ස්වර්ණමය යුගය අවසන් බව බ්‍රිතාන්‍ය අග්‍රාමාත්‍ය රිෂී සුනාක් පවසයි.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
වේවැල් කෝටු නාරං සියඹලා අතු
දයාන් Tuesday, 17 December 2013 08:31 PM
එකිනෙකා කෙරෙහි අදරයෙන්ද, ගෞරවය දක්වමින්ද, ඒ වගේම අවබෝදයෙන්ද, සිටින දෙමපියන් සිය දරුවන්ට පහර ගැසීමේ අවශ්‍යතාවයක් ඇති නොවේ. එවැනි පරිසරයක හැදෙන දරුවන් අතින් ද යම් හෙයකින් වරදක් සිදු උනානම් ඔවුන්ම දෙමාපියන් වෙත ස්වේච්චාවෙන්ම එය පවසා ඒ ගැන සමාව යදිනු නියතය.(නදී)
ගාමිණී -සිරි Tuesday, 17 December 2013 09:04 PM
වේවැල් කොටු නාරන් සියඹලා අතු ,කිතුල් පොල් ඉරටු වැල් කහඹිලියා අතු, මෙහෙම ඉපල් මගේ දෑසට නොපෑ යුතු , පමා නොවී යමු අකුරට මෙයින් මතු...ඒ ..එදා.. අද ,,නවී කරණය වෙලා ...ගුරු ගෝල වෙනස ..පින් ..දුන්නෙත් .. පළමු ගුරුන්ටයි ..දෙවනුව දෙමව්පියන්ටත් කියලා. සැබෑ වෙනසක හැටි කියලා වැඩක් නැහැ.(නදී)
සෝමසිරි Tuesday, 17 December 2013 09:33 PM
ඔය වගේ ගුටි කාපු අයත් අද පාර්ලිමේන්තුවට ඇවිත් ඉන්නේ. ඒකනේ එතනත් සණ්ඩු වෙන්නේ.(නදී)
ඉර්ෆාඩ් Wednesday, 18 December 2013 10:52 AM
අපේ නබි තුමන් අවරුදු 1400 කට කලින්ම කියල තියනවා දරුවන්ව ආදරයෙන් මිස දඩුවමෙන් හදාගත නොහැකි බව.(නදී)
ගැමුණු Wednesday, 18 December 2013 11:33 AM
"...කමාකරන් මට කී දේ නාසන බාල බොළඳ පුතුනේ....තැලුවේ නුඹටයි, රිදුනේ මටමයි වේවැල කැඩුවා මං....'' (නදී)
රූපවතී Wednesday, 18 December 2013 11:35 AM
මම නම් ඔය එක සමීක්ෂනයකටවත් එකග නැහැ. මම පුංචි කාලේ හරිම දගයි. දවසක් මම අක්කගෙන් රුපියලක් හොරකම් කරලා අම්ම මාව කජු ගහක බැඳලා ගැහැව්වා. දිමියෝ කකා මම වරුවක් හිටියා ඒ කජු ගහ යට. ඒත් අපි දෙමාපියන්ට පිටින් නම් වැඩ කලෙත් නැහැ.(නදී)
නලින් Wednesday, 18 December 2013 12:29 PM
අනේ අනේ ආයෙමත් බටහිර පරීක්ෂණයක ප්‍රතිපලයක් හොයාගෙන. දැන් එතකොට ඔය විදිහට නොගහ හදපු අයද ඇමරිකාවේ ඉස්කෝල වල ගුරුවරුන්ට වෙඩි තියන්නේ. තමන්ගේ පාසලේ සහෝදරියන්ව දුෂණය කරන්නේ. අහල තිබ්බද කවදාවත් ලංකාවේ ගුටි කාපු දරුවෙක් ගුරුවරයාට වෙඩි තිබ්බා කියලා. මෝඩ මිනිසුනේ හැදී නොගහ හදන කිරි හොද්ද කැටි ගැහෙනවා මෙලෝ රහක් නැති වෙනවා.(නදී)
කුමාර Wednesday, 18 December 2013 12:37 PM
දරුවන්ට නිතරම ආදරය දක්වන විට ඔවුන් ඔබ වියපත් වු දා ඔබ සිතනවාට වඩා වැඩියෙන් ආදරයෙන් රැක බලා ගනිවි. (නදී)
දයා අලහාකෝන් Wednesday, 18 December 2013 01:53 PM
මේ තොරතුරු කියවලා හැමෝම තට්ටම වලට ගහයිද? (නදී)
අමිත් Wednesday, 18 December 2013 04:48 PM
මට නම් ඔය බටහිර අයගෙ පරීක්ෂණ වලින් එන නිගමන ගැන එතරම් විශ්වාශයක් තියන්න අපහසුයි. මොකද අද කියන එක නොවෙයි හෙට වෙන එකක්. කොහොම වුනත් අතීතයෙ අපේ අය ක්‍රියා කරපු ආකාරයන් ගැන සොයබලා ගතහැකි දෙයක් තිබේ නම් ගත යුතුයි. නැතිනම් පාසැල තුල අවි අමෝරගත් පරපුරක් බිහිවීම නොවැලැක්විය හැකියි.(නදී)
අමිල කටුනායක Wednesday, 18 December 2013 06:49 PM
ළමයින්ට හරියට ආගම ධර්මය හොද නරක කියා දෙන්න. දෙමව්පියන් ආදර්ශමත් වෙන්න. හොඳ අධ්‍යාපනයක් දෙන්න.(නදී)
කරුණා Thursday, 19 December 2013 08:26 AM
නලීන්, කිරි හොද්ද හැදිල්ලෙයි ළමයි හැදිල්ලෙයි ලොකු වෙනසක් තියෙනවා. ඇමෙරිකාවේ තුවක්කු තියා ගැනීම තහනම් නැති නිසා තමා ඒ වගේ දේවල් සිද්ද වෙන්නේ. ළමයින්ට ගහල හදන්න පුලුවන්නම් ඇමෙරිකාව ඒක කරලා ගොඩක් කල්. (නදී)
ජයතිලක Thursday, 19 December 2013 11:45 PM
කිරි හොද්ද හැදිල්ලෙයි ළමයි හැදිල්ලෙයි ලොකු වෙනසක් තියෙන බව අපි හැමෝම දන්නවා. නමුත් සිංහල ප්‍රස්තා පිරුලක් තේරුම් ගන්න බැරි [ප්‍රස්තා පිරුළු ගැන අහලවත් නැති අය ] අය අනුන්ට [බයිලා කියනවා] දොස් පවරනවා.(අ)