2025 ජුලි මස 17 වන බ්‍රහස්පතින්දා
ලෝකයේ විශාලතම මෝටර් වාහන නිෂ්පාදන සමාගමක් වන ජර්මනියේ "වොක්ස්වැගන්" සමාගම, ඩීසල් වාහන නිෂ්පාදනයේදී එන්ජිමෙන් පිටවන විෂ වායු විමෝචනය පරික්ෂා කිරීමේදී හඳුනා ගත නොහැකිවන ආකාරයේ මෘදුකාංග භාවිතාකර ඇතිබව අනාවරණය වීම හේතුවෙන් විශාල අකරතැබ්බයකට පත්ව ඇත.
"වංචනික කුටෝපක්‍රමයක්" ලෙසට හංවඩු ගැසී ඇති මෙම එළිදරව්ව සිදුවී ඇත්තේ ඇමෙරිකාවේදීය. පසුගිය සතියේ වොක්ස්වැගන් සමාගම ඩීසල් වාහන එන්ජින් නිෂ්පාදනයේදී මෙවැනි "මුලාකිරීමක්" සිදුවී ඇතිබව පිළිගත්තේය.
මෙම පුවත අනාවරනයවූ විගස සමාගමේ සභාපතිවරයා ඉල්ලා අස්විය. "වාහන නිෂ්පාදනයේදී තම සමාගම විසින් කිසියම් ආකාරයක නීති විරෝධී ක්‍රියා පටිපාටියක් අනුගමනය කර ඇති බව තමන් දැන නොසිටියද එවැනි වරදක් සිදුවුවා නම් එහි සම්පුර්ණ වගකීම සභාපති වරයා ලෙස තමන්ට පැවරෙන නිසා එම තනතුරෙන් ඉල්ලා අස්වීමට තීරණය කළ බව වොක්ස්වැගන් සමාගමේ සභාපති මාර්ටින් වින්ටර්කොන් නිවේදනය කළේය. වින්ටර්කොන් ෆොක්ස්වැගන් සමාගමේ අතිශය ජනප්‍රිය " බීට්ල්" වාහනයේ නිර්මාතෘ ෆර්ඩිනැන්ඩ් පෝෂ් ගේ මුණුබුරෙකි.
1937 මැයි 28 වනදා වොක්ස්වැගන් හෙවත් "පොදුජනයාගේ වාහනය" නමින් සමාගමක් ආරම්භ කළේ ඇඩොල්ෆ් හිට්ලර්ගේ උවමනාව සහ උසිගැන්වීම මතය. අද වනවිට එම සමාගම ලෝකයේ විශාලතම වාහන නිෂ්පාදන ආයතනය බවට පත්වී ඇත.
2009 වසරේ සිට මේ දක්වා ලොව වටා විවිධ මාදිලියේ වොක්ස්වැගන් ඩිසල් වාහන මිලියන 11 කටත් වඩා අලෙවි කර ඇත. මේවා අතර ජෙටා, බීටල්, ගොල්ෆ්,පසාර්ට් මෙන්ම එම සමාගමටම අයිති "අවුඩි" සමාගමේ ඒ 3 වර්ගයේ වාහනද වෙයි.
මේ සියලුම වාහනවලින් විෂවායුව පිටකෙරෙනු පරීක්ෂාකිරීමේදී "වංචනිකව එම පරීක්ෂාවෙන් ගැලවීමට හැකිවන අන්දමේ" මෘදුකාංග විශේෂයක් ඒවායේ එන්ජිමට සම්බන්ධ කර ඇතිබව හෙළිවීම මේ අලකලංචියේ මුලාරම්භයයි.
මේ අතර ජර්මන් බලධාරීන් වොක්ස්වැගන් සමාගම මඟින් සිදුකර ඇති මෙම බරපතල හානිය පිළිබඳව වගකිවයුතු එම සමාගමේ සේවානියුක්තිකයින් හට විරුද්ධව නීතිමය ක්‍රියාමාර්ගයක් ගැනීමට තීරණය කර ඇති බවද වාර්තාවෙයි.
මෙම සිද්ධිය එළිවූ විගස කොටස් වෙළඳ පොලේ ෆොක්ස්වැගන් සමාගමේ අගය සීග්‍ර පහත වැටීමකට ලක්ව ඇත.
මෙම සංසිද්ධිය පිළිබඳව අනතුරු හඟවන පරිසරවේදීන් මෙන්ම තතු දන්නන් පවසන්නේ කෙතරම් දැවැන්ත ආයතනයක් වුවද අනාගත පැවැත්ම පිළිබඳව දැනට උද්ගතව ඇති අවිනිශ්චිත භාවයෙන් ගොඩ ඒමට වොක්ස්වැගන් සමාගමට අසීරුවන්නට හොඳටම ඉඩ ඇති බවය.
වාහන එන්ජින්මෙන් විෂවායුව පිටවීම වැළැක්වීමට හැකි අන්දමේ "පෙරනයන්" සවිකිරීම වාහන නිෂ්පාදකයින්ගේ වගකීම වෙයි. ගරාජයකදී එන්ජිම පරික්ෂාවට ලක්කරන අවස්ථාවේදී මෙම උපකරණ නිසි අයුරින් ක්‍රියාත්මක වනවාද යන්න සොයාබලන අතර ඒවා අක්‍රියව ඇත්නම් අලුත්වැඩියා කිරීමට අණ කරනු ලබයි. වාහනය පාවිච්චියට සුදුසු බවට සහතික කෙරෙන්නේ ඉන් අනතුරුවය.
මෙම ක්‍රියාවලිය මඟහැර යාම සඳහා වොක්ස්වැගන් සමාගම මෘදුකාංගයක් සවිකර ඇත්තේ පරිෂා කරන උපකරණය රැවැට්ටීමට හැකිවන අයුරිනි.
අවුඩි, බෙන්ටලී, බුගාටි, ලම්බෝගිනි, පෝෂ්, සියට් සහ ස්කෝඩා වැනි දැවැන්ත මෝටර් වාහන නිෂ්පාදන සමාගම් අයත් වන්නේ වොක්ස්වැගන් සමුහ ව්‍යාපාරයටය. මෙම වාහන නිෂ්පාදන කර්මාන්ත ශාලා ලෝකයේ බොහෝ රටවල පිහිටා ඇත.
වොක්ස්වැගන් සමාගමේ වර්තමාන අර්බුදය වාර්තා වෙන්නේ ජර්මන් විදේශ ඇමති වරයා ලංකාවේ සංචාරයක නිරතවීම සහ වොක්ස්වැගන් සමාගම ලංකාවේ වාහන නිෂ්පාදනය ආරම්භ කිරීමට අදාළ ගිවිසුම් අනුමත කිරීම වැනි ක්‍රියාමාර්ග සහිත පසුබිමකය.
ඇමෙරිකා ජනාධිපති ජෝ බයිඩන්, බ්‍රිතාන්‍ය රාජකීයයන් වන වේල්සයේ විලියම් කුමරු සහ කේට් කුමරිය හමුවීමට නියමිත බව ධවල මන්දිරය පවසයි.
ඇෆ්ගනිස්තානයේ සමංගාන් නමැති ප්‍රාන්තයේ ආගමික පාසලක (මද්‍රාසා) බෝම්බයත් පුපුරා යෑමෙන් 15 දෙනෙක් ජීවිතක්ෂයට පත් වූහ. තුවාල ලබා රෝහල්ගත කළ ගණන 20 කි.
ඉන්දියවේ ගුජරාට ප්‍රාන්ත සභා මැතිවරණයේ පළමු අදිරය අද (1) ආරම්භ වෙයි. ගුජරාඨ ප්‍රාන්ත සභාව ආසන 182 කින් සමන්විත වන අතර අද (1) පළමු අදියර පැවැත්වූයේ ආසන 89 ක් වෙන
තම නායක අබ් හුසාන් අල් හෂීමි අල් කුරේෂි මියගිය බව අයි.එස්. හෙවත් ඉස්ලාමික් ස්ටේට් ත්‍රස්ත සංවිධානය පවසයි.
ඇමෙරිකාවේ සම්බාධක මඟහැර, මෝටර් රථ, ගුවන් යානා සහ දුම්රිය නිෂ්පාදන කටයුතු සඳහා අවශ්‍ය අමතර කොටස් ඉන්දියාවෙන් ලබා ගැනීම කෙරෙහි රුසියානු රජයේ අවධානය යොම
මහා බ්‍රිතාන්‍යයත් චීනයත් අතර පැවැති ස්වර්ණමය යුගය අවසන් බව බ්‍රිතාන්‍ය අග්‍රාමාත්‍ය රිෂී සුනාක් පවසයි.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
වොක්ස්වැගන් සමාගමත් සවුත්තු වැඩ කරලා
කමල් Friday, 25 September 2015 12:33 AM
මදැයි වාහනයක් ගන්න මමත් සිහින මැව්වා? (නි)
සුපුන් Monday, 28 September 2015 10:20 AM
දැන් කාටද වොක්ස්වැගන් එපා කියන්නේ..... අනේ ඒක මට දෙන්ඩකෝ..(අ)
කෝකිලා රණසිංහ Monday, 28 September 2015 09:08 AM
මම දන්නා පරිදි බුගාටි සහ ලේම්බ්රෝගිනි නිෂ්පාදනය කරන්නේ ඉතාලි රටේය . මේවා වොක්ස්වැගන් සමාගමත් සමග සම්බන්ද නොවේ (හේ)
පීරිස් Monday, 28 September 2015 08:59 AM
අපේ රටේ නම් අවුරුද්දකට සැරයක් දුම බලලා ආණ්ඩුව ගාණනක් කඩා ගන්න නිසා කොච්චි දුම දැම්මත් ප්‍රශ්නයක් නැහැ. (අ)
රුවන් Monday, 28 September 2015 05:01 AM
මේක දන්නා නිසා තමයි ලංකාවටත් එන්න හැදුවේ, දැන් ඉතින් කියයි ප්‍රශ්නයක් නැහැ කියල. (බ)
සංජය Saturday, 26 September 2015 01:34 PM
ඔය කොහේ තහනම් කරත් අපේ දේශපාලුවෝ ඕනෙම කුණු ගොඩකට කර ගහන බව පිට රටවලත් ප්‍රසිද්දි වගේ (අ)
පිටිගල මිලානෝ Saturday, 26 September 2015 09:42 AM
ප්‍රායෝගිකව මෙය එතරම් වැරද්දක් නොවේ ඊට හේතුව අවුරුද්දකට වතාවක් මේ රටවල වාහන වලින් පිටවන දුම් සාම්පල් පරික්ෂා කරන නිසා. අවසන් තීරණය වන්නේ වාහනයේ දත්ත නොව පරික්ෂකයාගේ කොම්පියුටරයෙන් දෙන දත්තයි. (අ)
සොපි Saturday, 26 September 2015 05:02 AM
කිර්තිනාමය නැති කරගත්තොත් ඔක්කොම බංකොලොත් තමයි .(අ)
නිමල්ලලිත් Saturday, 26 September 2015 03:05 AM
මෙම ගෞරවනීය ඉල්ලා අස්වීම මේ සිරි ලංකාවේ ආදර්ශයක් වේවා. (අ)
උපුල් Saturday, 26 September 2015 12:02 AM
එයාලත් මෙහෙම නම් අපේ අය ගැන කවර කතාද? (නි)
කින් බෙනට් Thursday, 24 September 2015 11:37 AM
එකත් ඉතින් අපේම අවාසනාව තමයි .(හේ)
කල්ප Friday, 25 September 2015 12:27 AM
මෙයාලා ලංකාවට ආවොත් අපේ පරිසරයට වින නොකරන බවට සහතික විය හැකිද? (නි)
ලංකාසිරි Thursday, 24 September 2015 09:11 PM
සුද්දා හරිම කපටියි. කොහොමහරි කණෙන් රිංගන්නයි බලන්නේ. (නි)
සෙනරත් ගජනායක Thursday, 24 September 2015 06:52 PM
වොක්ස්වැගන් සමාගම ලංකාවේ වාහන නිෂ්පාදනය කරන ව්‍යාපෘතියට මොකද වෙන්න යන්නේ? ඇමෙරිකානු ඩොලර් බිලියන 18 ක වියදමකට අමතරව ඇමෙරිකාව ඇතුළු අනෙකුත් රට වලින් දැමීමට යන නඩු නිසා ලංකාවේ ව්‍යාපෘතිය කොට උඩ යයිද? (නි)
පිවිතුරු යහපාල Thursday, 24 September 2015 04:58 PM
අර ඡන්ද කාලේ වෙළඳ දැන්වීමේ හිටිය ජෝඩුව තාම වැස්සට ගොඩවෙච්ච තැන බලාගෙන ඇති ඒ කියපු වොක්ස්වැගන් එක එනතුරු (නි)
ජයලත් Thursday, 24 September 2015 02:45 PM
මේ "ඊනියා සුද්දොත් " මෙහෙම නම් ජපන් කාරයාගේ ,ඉන්දියන් කාරයාගේ ( එයාලගේ හුඟක් වාහනවල මේ කැටලික් ඇවලයිසර් නැති වුනත් )චීන්නුන්ගේ දේවල් ගැනත් සැක හිතන්න වෙලා තියනවා (බ)
සෙනරත් Thursday, 24 September 2015 02:44 PM
උගත් යැයි පිළිගන්න මිනිස්සු අනෙක් අයව රැවටීමට දරන උත්සාහය පැහැදිලියි නේද ? (බ)
සමීර Thursday, 24 September 2015 02:28 PM
මදැයි අපි මෙහෙ කොම්පැනිය පටන්ගන්න හැදුව විතරයි (බ)
ආදම් Thursday, 24 September 2015 02:26 PM
අරාබි රටවල විශාල වශයෙන් දුවන මේවා මොකද කරන්නේ (බ)
වික්‍රම Thursday, 24 September 2015 12:43 PM
උගත් මිනිස්සු තමා දරණ තනතුරට වඩා , තමාගේ නමේ ගෞරවය රැකගැනීමට දරන උත්සහය පැහැදිලියි නේද .(හේ)