2025 ජුලි මස 16 වන බදාදා
පාසල් දරුවන් සහභාගීත්වයෙන් පැවැත්වුණු රූපවාහිනී වැඩසටහනකදී ඔවුන් අතර සිටි පලස්තීන ජාතික ගැහැණු දරුවෙකු හැඩවූයේයැයි ජර්මන් චාන්සල්වරිය වන ඇන්ජෙලා මර්කෙල්ට දැඩි විවේචනයන් එල්ල වෙමින් තිබේ.
ජර්මනියේ ජීවිතය යන තේමාව යටතේ පැවැත්වූ මෙම වැඩසටහන සජීවීව රූපවාහිනිය ඔස්සේ විකාශනයද කැරිණි.
දරුවන් අතරේ සිටි පලස්තීන ජාතික සිසුවියක් කිසිවෙකුත් නොසිතූ පරිදි ඇන්ජෙලා මර්කෙල් අමතමින් තම මව හා පියා අවුරුදු හතරක් පුරාවට ජර්මනියට පැමිණෙන බවත් ඔවුන්ගේ අපේක්ෂාව වන්නේ ජර්මනියේ ස්ථීර පුරවැසිභාවය ලබාගැනීම බවත් පැවසුවාය. පියාට ඇත්තේ තාවකාලික ගමන් බලපත්‍රයක් හෙයින් එය කල් ඉක්මවායෑමට ප්‍රථමයෙන් නැවත වරක් තමන්ට ජර්මනියෙන් ඉවත්ව යෑමට නුදුරේදීම සිදුවනු ඇති බවද ඇය කීවාය.
මවිතයට පත් මර්කෙල් මොහොතක් නිහඩව සිට එම දැරිය අමතමින් ඇයගේ අදහස් දැක්වීම අගය කළාය.
‘ඔයා දන්නවා ලෙබනනයේ තියෙන පලස්තීන සරණාගත කදවුරු වල පුද්ගලයින් දහස් ගණනක් ඉන්නවා. අපට ඒ හැම එක්කෙනාටම එන්න කියන්න බැහැ.අපට ඒක කළමනාකරණය කරගන්න බැහැ.‘ ඇය පැවසුවාය.
මේ ඇසීමත් සමග පලස්තීන දැරිය මහ හඩා වැටුනාය.පසුතැවිල්ලක සේයාවක් මුහුණේ සටහන්ව තිබූ මර්කෙල්, දැරිය අසලට ගොස් ඇයගේ හිස අතගාමින් ඇය සැනසීමට තැත් කරනු වැඩසටහන අවසානයේදී දැකගත හැකිවිය.
මර්කෙල්ගේ ප්‍රකාශය ලොව පුරා මහත් කලබලයක් ඇතිකිරීමට සමත්ව තිඛෙන අතර දරුවන් හා කටයුතු කිරීමට නොදන්නා බව කියමින් බොහෝ දෙනා ඇය දැඩිව විවේචනය කරමින් සිටිති.ඔවුන් අතර ලොව ප්‍රකට පුද්ගලයෝ ද වෙති.
නමුත් ඇතැමුන් ඇත්ත ඇති සැටියෙන්ම ප්‍රකාශ කිරීම සම්බන්ධයෙන් ඇන්ජෙලා මර්කෙල් අගය කරමින් අදහස් දක්වා තිබේ.වෙනත් දේශපාලකයකු නම් තම ප්‍රතිරූපය නංවාගනු වස් එම දැරියට හා ඇයගේ පවුලට එවලේම ස්ථීර පුරවැසිභාවය ලබාදීමට කටයුතු කරනු ඇති වුවත් මර්කෙල් එසේ නොව අපක්ෂපාතී නියම වෘත්තිකයෙකු ලෙස කටයුතු කළ බව ඔවුන් කියයි.
කෙසේනමුත් මර්කෙල්ගේ මාධ්‍ය ඒකකය සිදුවීම සම්බන්ධයෙන් විශේෂ ප්‍රකාශයක් නිකුත් කරමින් දැරිය හඩාවැටුණේ සරණාගත ගැටළුව විසදීමට ඉක්මන් පියවරක් ගැනීමට ජර්මන් රජය කටයුතු කරමින් සිටින බව අසායැයි සඳහන් කර ඇත.
![2A94DE6C00000578-3163899-image-m-49_1437052923907[1] - Copy](https://bmkltsly13vb.compat.objectstorage.ap-mumbai-1.oraclecloud.com/cdn.lankadeepa.lk/admin/wp-content/uploads/2015/07/2A94DE6C00000578-3163899-image-m-49_14370529239071-Copy.jpg)
![2A94DE7D00000578-0-image-m-42_1437052549208[1] - Copy](https://bmkltsly13vb.compat.objectstorage.ap-mumbai-1.oraclecloud.com/cdn.lankadeepa.lk/admin/wp-content/uploads/2015/07/2A94DE7D00000578-0-image-m-42_14370525492081-Copy.jpg)
![2A94DE2700000578-3163899-image-m-48_1437052830978[1] - Copy](https://bmkltsly13vb.compat.objectstorage.ap-mumbai-1.oraclecloud.com/cdn.lankadeepa.lk/admin/wp-content/uploads/2015/07/2A94DE2700000578-3163899-image-m-48_14370528309781-Copy.jpg)
![2A94DE7400000578-0-image-a-44_1437052755616[1]](https://bmkltsly13vb.compat.objectstorage.ap-mumbai-1.oraclecloud.com/cdn.lankadeepa.lk/admin/wp-content/uploads/2015/07/2A94DE7400000578-0-image-a-44_14370527556161.jpg)
ඇමෙරිකා ජනාධිපති ජෝ බයිඩන්, බ්‍රිතාන්‍ය රාජකීයයන් වන වේල්සයේ විලියම් කුමරු සහ කේට් කුමරිය හමුවීමට නියමිත බව ධවල මන්දිරය පවසයි.
ඇෆ්ගනිස්තානයේ සමංගාන් නමැති ප්‍රාන්තයේ ආගමික පාසලක (මද්‍රාසා) බෝම්බයත් පුපුරා යෑමෙන් 15 දෙනෙක් ජීවිතක්ෂයට පත් වූහ. තුවාල ලබා රෝහල්ගත කළ ගණන 20 කි.
ඉන්දියවේ ගුජරාට ප්‍රාන්ත සභා මැතිවරණයේ පළමු අදිරය අද (1) ආරම්භ වෙයි. ගුජරාඨ ප්‍රාන්ත සභාව ආසන 182 කින් සමන්විත වන අතර අද (1) පළමු අදියර පැවැත්වූයේ ආසන 89 ක් වෙන
තම නායක අබ් හුසාන් අල් හෂීමි අල් කුරේෂි මියගිය බව අයි.එස්. හෙවත් ඉස්ලාමික් ස්ටේට් ත්‍රස්ත සංවිධානය පවසයි.
ඇමෙරිකාවේ සම්බාධක මඟහැර, මෝටර් රථ, ගුවන් යානා සහ දුම්රිය නිෂ්පාදන කටයුතු සඳහා අවශ්‍ය අමතර කොටස් ඉන්දියාවෙන් ලබා ගැනීම කෙරෙහි රුසියානු රජයේ අවධානය යොම
මහා බ්‍රිතාන්‍යයත් චීනයත් අතර පැවැති ස්වර්ණමය යුගය අවසන් බව බ්‍රිතාන්‍ය අග්‍රාමාත්‍ය රිෂී සුනාක් පවසයි.
2022 ඔක්තෝබර් මස 06
2672
0
Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!
2022 සැප්තැම්බර් මස 27
2652
2
ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක
2022 අගෝස්තු මස 15
3638
0
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව
‘ජර්මන් චාන්සල්වරිය පල්ස්තීන දැරියක හඬවලා‘
නුවන් Friday, 17 July 2015 09:03 AM
මේක විහිළුවක් මොකද පලස්තිනේ මේගොල්ලන්ට ජීවිත තර්ජන නැහැ මොගොල්ලෝ ගිහින් රටවල් විනාශ කරනවා! (අ)
මෙල් Friday, 17 July 2015 11:10 AM
ඔය බටහිර ධනවත් රටවල ඈයන්ට දුක් විඳින රටවල් ගැන කිසිම තේරුමක් නැහැ. (ස)
ආනන්ද Friday, 17 July 2015 11:54 AM
චාන්සල්වරියගේ කතාවට මම එකඟයි. ඔය දියුනු රටවල් කන්නේ සරනාගතයෝ විදියට ඇවිත් ඉන්න අය තමයි. (ස)
සත්‍යා Friday, 17 July 2015 12:17 PM
ජර්මානුවන් ශ්‍රේෂ්ඨ ජාතියක් බවට පත්වී ඇත්තේ අප්‍රතිහත ධෛර්යයෙන් වැඩ කීරිමෙනි. 1948 සුනුවිසුණු වූ ජාතියක් ලෝකයේ සියල්ලන්ම අභිබවා ගොස් ඇත. අනෙක් යුරෝපීය ජාතීන් ඔවුන්ගේ රටාට කෙසේ බලපෑම් කළත් ශ්‍රේෂ්ඨ ජර්මානුවන් නොසැළී සිටී.සරණාගතයන් ලෝකය හමුවේ ඇති විශාල ප්‍රශ්නයකි (නි)
අනුර Friday, 17 July 2015 01:36 PM
බොහෝ ජර්මානුවන් හොඳයි. නමුත් සමහර අය නම් එහෙම නැහැ (නදී)
නාමල් Friday, 17 July 2015 02:52 PM
චාන්සල්වරිය කිව්වේ ඇත්ත. හැම සරනාගතයටම වීසා දෙන්න ගියොත් යුරෝපය අරාබින්ගෙන් හා අප්‍රිකානුවන්ගෙන් පිරෙයි. යුරොපීය රටවලට මැද පෙරදිගින් සරනාගතයෝ විදිහට එන්නන් තමා ඒ රටවල අන්තවාදය වපුරන්නේ. ඒ රටවල ආන්ඩුවෙන් දෙන ආධාර අරන් හිටියත් මැද පෙරදිගින් එන බොහෝ අයගේ තියෙන්නේ දරුනු බටහිර විරෝදයක්. හැබැයි දිවි නොතකා පනින්න හදන්නෙත් බටහිරට (නදී)
අතුල Friday, 17 July 2015 05:39 PM
අඩ අඩ තමා එන්නේ ඊට පස්සේ හිනා වේවි තමා බෝම්බ පුපුරවන්නේ! (ම)
සුපුන් Friday, 17 July 2015 05:42 PM
ජර්මනියට එන්නේ මොකද ඔය කියන ලෝකේ මවපු දෙවියෝ කොහේ හරි ඉන්නවනම්??? (ම)
දුමින්ද Saturday, 18 July 2015 06:20 AM
කඳුළුවලින් රට පාලනය කල නොහැක (නදී)
අසෝක Saturday, 18 July 2015 07:07 AM
අපේ පට්ට හොරා බී.එම්.ඩබ්ලිව් සහ බෙන්ස් කීයක් කියලා ගෙන්නුවද (අ)
ශිරන්ති Sunday, 19 July 2015 01:42 AM
පලස්තීනෙට මුදලින් ආධාර කලා නේද ? (නදී)
තිලක් Sunday, 19 July 2015 07:14 AM
ඕව කිඹුල් කඳුලු. වෙළඳාමට කියල ලංකාවට ආවේ. දැන් වෙනම පරිපාලන දිස්ත්‍රික්ක ඉල්ලනවා. මුන්ව මොනම රටකටවත් ගන්න හොඳ නෑ. (බ)
අජන්තා Sunday, 19 July 2015 08:52 AM
රටට ආදරය කරන රට පවා නොදෙන නියම නායිකාවක්(ම)
සමන්තිකා Sunday, 19 July 2015 01:58 PM
යුරෝපා සංගමයේ රටවල් වලින් ගිය වසරේ වැඩිම සරණාගතයන් බාරගත් රට ජර්මනිය. (නි)
කුමාරන Sunday, 19 July 2015 03:03 PM
ලෝකයට සරණාගතයන් බෝ කරන්නේ ඔය ධනවත් රටවල්.ඔව්න්ගේ දේශපාලන උවමනාවන්ට රටවල් අස්ථාවර කරනවා. සිවිල් යුද්ධ ඇතිකරනවා. පස්සේ එම සරණාගතයන්ගේ ජිවිත එක්ක සෙල්ලම් කරනවා. (බ)
රූපවතී Monday, 20 July 2015 02:38 PM
මම සතියක නිවාඩුවක් සඳහා වීසා ලබා ගැනීමට ඉල්ලුම් කරලා මාව රස්තියාදු කළා සති කීපයක්ම ජර්මන් එම්බසිය. ඒ මගේ ශ්‍රී ලංකා පාස්පෝට් එක දැකලා.ලෝකයේ තිබෙන නීති තදම එම්බසිය තමයි ජර්මන් එම්බසිය. ඒ රටේ මිනිස්සුත් ඒ වගේමයි (නි)