කාන්තාවන්ගේ රන්මාල තුනක් සහ රුපියල් 7500/-ක් කොල්ලකෑමේ චෝදනාවන්ට වරදකරුවන් වු දෙදෙනෙකුට කොළඹ මහාධිකරණ විනිසුරු නාමල් බලල්ලේ මහතා ජිවීතාන්තය දක්වා වු සිරදඬුවමක් අද (16) නියම කළේය.

මීට වසර 26කට පෙර පිහි සහ පිස්තෝල පෙන්වා සිදු කළ කොල්ලකෑමේ චෝදනාවන් වරදකරුවන් බව තීරණය කරමින් ඔවුන්ට මෙලෙස ජිවීතාන්තය දක්වා වු සිරදඬුවමක් නියම කළ විනිසුරුවරයා ඊට අමතරව රුපියල් 40000/-ක දඩයකටද යටත් කෙරිණී

චෝදනාවන්ට වරදකරුවන වීම නිසා මෙලෙස දඬුවම් නියම වුයේ කොළඹ ග්‍රෑන්ඩ්පාස් ප්‍රදේශයේ මංජුල සන්ජීව සහ ජෙලබ්දීන් අලී කාන් නමැත්තන්ටය

1997 නොවැම්බර් මසයේ හෝ ඊට ආසන්න දිනයක කොළඹ ග්‍රෑන්ඩ්පාස් ප්‍රදේශයේදී නීතී විරෝධී කල්ලියක සාමාජිකයින්ව සිටිමින් පිහි සහ පිස්තෝල පෙන්වා රුපියල් 7500/- මදලක් කොල්ලකෑම

කාන්තාවන් තිදෙනෙකුගේ ගෙළ බැඳී රුපියල් 11000/- 48000/- සහ රුපියල් 8000/- වටිනා රන් මාල තුනක් කොල්ලකෑම ඇතු`ථ චෝදනා යටතේ විත්තිකරුවන්ට එරෙහිව නීතපතිවරයා විසින් චෝදනා නඟා තිබිණී

විත්තිකරුවන් 05 දෙනෙකුට එරෙහිව නීතීපතිවරයා මුලින්ම නඩු පවරා තිබුණත් පළමු විත්තිකරු අධිකරණයට ඉදිරිපත් නොවීම නිසා ඔහු නොමැතිව නඩුව විභාග කළ අතර නඩු විභාගය අතරතුරුදී නඩුවේ 05 වැනි විත්තිකරු මියගොස් තිබිණී

නඩුවේ 03 වැනි විත්තිකරුට එරෙහි චෝදනා පැමිණීල්ල විසින් සාධරණ සැකයකින් තොරව ඔප්පු කොට නැතැයි තීරණය කළ විනිසුරුවරයා සිය`ථ චෝදනා වලින් ඔහු නිදහස් කළේය

සෙසු විත්තිකරුවනන් දෙදෙනාට එරෙහි චෝදනා පැමිණීල්ල විසින් සාධාරණ සැකයකින් තොරව ඔප්පු කොට ඇතැයි තීරණය කරමින් ඔවුන්ට ජිවීතාන්තය දක්වා වු සිරදඬුවම් සහ රුපියල් 20000/- බැගින් දඩ නියම කළ විනිසුරුවරයා නියම කළ දඩ මුදල් නොගෙවුවහොත් අමතර මාස 09ක සිරදඬුවමකටද යටත් කෙරිණී

(මනෝප්‍රිය ගුණසේකර)