X Advertisement
IMG-LOGO

2025 මැයි මස 17 වන සෙනසුරාදා


අපෙන් සමුගන්නා පත්තර මිතුරා

එක්සත් ජාතික පක්ෂයේ ගම්පහ දිස්ත‍්‍රික් පාර්ලිමේන්තු මන්ත‍්‍රී දොස්තර ජයලත් ජයවර්ධන මහතා හදිසියේ අභාවප‍්‍රාප්ත වූ බවට පළවූ ප‍්‍රවෘත්තිය කනවැකුණු සැණින් අපට දැනුණේ ළෙංගතු සහෘදයකු අප හැර ගිය මොහොතක හදවතේ ගැඹුරටම දැනෙන ගැඹුරු වේදනාවය. ඔහු එපමණටම පත්තරයටත්, පත්තර කාර්යාලයටත් බොහෝ ළෙංගතු මිතුරකුව සිටියේය.

දේශපාලනඥයකු මියගිය විට ඔහු පිළිබඳව ගුණකථන ලිපියක් පළවීම සාමාන්‍ය සිදුවීමක් වුවද මෙම සටහන එයින් වෙනස්වන්නකි. එයට හේතුව, මේ සටහන දේශපාලනඥයකු සම්බන්ධයෙන් නොව, පත්තරයටත් පත්තර කාර්යාලයටත් බොහෝ ළෙංගතු සහෘදයකු සම්බන්ධයෙන් ලියැවෙන හෙයිනි.

දේශපාලනඥයෝ බොහෝවිට මාධ්‍යයත් සමග සමීප සබඳතා ගොඩනගා ගැනීමට උත්සාහ කරති. එහෙත් ඒ උත්සාහය ඔහු බලයට පැමිණි පසු නතර වේ. එබඳු ඇතැම් දේශපාලනඥයන් ප‍්‍රවෘත්තියකට අදාළ තොරතුරක් දැනගැනීමට හෝ දුරකථනයෙන්වත් සම්බන්ධ කරගත නොහැකිය. දොස්තර ජයලත් ජයවර්ධන වෙනස් වන්නේ එතැනදීය. ඔහු විපක්ෂයේ මන්ත‍්‍රීවරයකුව සිටියදීත් පත්තර කාර්යාලයට ආවේය. ඒ බොහෝවිට අප රෑ වැඩකරන දිනයන්හිදීය. එසේ පැමිණෙන ඔහු කර්තෘ මාණ්ඩලිකයන් සමග පමණක් නොව අපගේ කාර්යාල කාර්ය සහායකයන් සමග ද සුහද කතාබහක යෙදේ. පිටට තට්ටුවක් දමයි. අසනීපයකට ගැනීමට බෙහෙතක් ලියා දෙයි. ඔහු අපට ”දොස්තර මහත්තයාම” වූයේ එසේය.

2001-2004 ආණ්ඩු කාලයේ ඔහු ඇමතිවරයෙකි. ඇමතිවරයකු වූයේ යැයි කියා ඔහුගේ සිරිත් වෙනස් වූයේ නැත. රෑ දෙගොඩහරි ජාමයේ හෝ ඔහු දුවගෙන එන්නේය. ඒ ආරක්ෂකයන් හෝ නොමැතිවය. ඇමතිකමේ මහන්තත්වය පෙන්නුම් කිරීමේ වුවමනාවක් ඔහුට නොතිබිණි. ඇතැම් විට පෙර සතියේ ඔහු විවේචනයට ලක්කළ පුවතක් හෝ ලිපියක් පළවී තිබුණ ද ඒ පිළිබඳව වචනයක් හෝ ඔහු කතා නොකරයි. ඔහුගේ ඇසුර අපට අපේ රස්සාවට බාධාවක් නුවූයේ එහෙයිනි. ඔහු අපට අපූර්ව මිනිසකු වන්නේ ද එහෙයිනි.

මැදියම් රැයේ වුවද ඔහුව සම්බන්ධකර ගත හැකිය. මාධ්‍යවේදියකුට වෛද්‍ය ප‍්‍රතිකාරයක් අවශ්‍ය වුවහොත් තරාතිරම් හෝ පක්ෂ පාට භේදයක් නොතකා ඔහු එය තමන්ගේ වැඩක් බවට පෙරළාගෙන ක‍්‍රියාත්මක වෙයි. අදාළ ස්ථානවලට කතා කර ”අනේ අපේ පත්තර මිත‍්‍රයෙක් එනවා. අවශ්‍ය දේවල් කරන්න” ඔහු ක‍්‍රියාත්මක වන්නේ එහෙයිනි.

හදිසියේ දිවි ගමනෙන් සමුගෙන තිබෙන්නේ ඔහුය. බලයේ සිටියදීත් විපක්ෂයේ සිටියදීත් නොවෙනස්ව කටයුතු කිරීම වර්තමානයේ බොහෝ දේශපාලනඥයන් වෙතින් පළ නොවන දුර්ලභ ගුණයකි. ඇමති ධුරය දරන සමයේදීත් පත්තර කන්තෝරුවලට ගොඩවැදී දුක සැප විමසා ගිය එකම ඇමැතිවරයා ඔහු විය හැකිය. පත්තර ජීවිතයේ මට ඔහු කිසිදා අමතකව නොයන දේශපාලන චරිතයක් බවට පත්වන්නේ එම පසුබිම තුළය.

ඔහු උපතින් කතෝලික බැතිමතෙකි. එහෙත් ඔහු කිසි විටෙකත් පටු ආගම්වාදී ගොහොරුවේ නොගිලූනේය. ඔහු භික්ෂූන් වහන්සේලා සමග ඉතා සමීප සබඳතාවක් පැවැත්වීය. ඇතැම්විට ඔහු බෞද්ධයකු යැයි වරදවා වටහා ගැනීමට පෙළඹෙන තරමට ඔහු පන්සල ළඟින් ඇසුරු කළේය. එමෙන්ම ඔහු නිර්දය විවේචනවලට ලක්වූ අවස්ථා ද විය. එහෙත් කිසිවිටෙකත් ඔහු සැලූනේ නැත. ”දේශපාලනය කරනවා නම්  ඕවා දරාගන්න වෙනවා” ඔහු නිතරම කීවේය. එබඳු දේශපාලනඥයන් ද අද හිඟය.

ජයලත් ජයවර්ධන නමැති දේශපාලනඥයා අකල්හි දිවි ගමනින් සමුගැනීමෙන් ශ්‍රී ලංකාවේ දේශපාලන භූමිය තුළ මහා හිඩැසක් නිර්මාණය වන්නේ එහෙයිනි. එහෙත් මරණය වෙනස් කළ නොහැකිය. ඇරැයුම ලැබුණු කල්හි ඒ ගමන යා යුතුය. ඔහු අද ගියේ ඒ ගමනය.

ඔබට සුවබර රාත‍්‍රියක්!

 

ආරියනන්ද දොඹගහවත්ත

 



අදහස් (0)

අපෙන් සමුගන්නා පත්තර මිතුරා

චූලා Monday, 03 June 2013 01:42 PM

කට්ටිය කියන විදිහට ඔබ හොද මනුස්සයෙක් වෙන්න ඇති. කොටි ගැනත් ඔබ ශ්‍රද්දවෙන්ම හිතන්න ඇති ඒ කලේ.නමුත් කොටි නම් එහෙම අපි ගැන හිතුවේ නැහැ. (ස)

:       0       0

ශීලා Monday, 03 June 2013 01:40 PM

ඒ කාලේ ඔබතුමාට කට්ටිය කිවුවේ කොහොමද? දැන් කොහොමද කට්ටියගේ කතාව.... (නි)

:       0       0

සේන Monday, 03 June 2013 01:40 PM

මට තියන ප්‍රශ්නේ ඇයි ඔබ කොටින්ට ආවඩා නම සවුත්තු කර ගත්තේ කියා.(නදී)

:       0       0

ලසන්ත Monday, 03 June 2013 01:44 PM

ඔබට නිවන් සුව ! (ස)

:       0       0

පද්මිණි Monday, 03 June 2013 01:54 PM

මාධ්‍යට ගොඩාක් සම්භාන්ධයි මෙතුමා (දී)

:       0       0

සදුනි Monday, 03 June 2013 04:50 PM

කෙනෙකු මිය ගියපසු වැරදි සෙවීම ශ්‍රී ලාංකීය අපට තරම් නොවේ. ඔබට මොක්සුව....! (නි)

:       0       0

චන්දික Tuesday, 04 June 2013 02:21 AM

කනගාටුයි . ඔබට නිවන් සුව

:       0       0

රාජිත Tuesday, 04 June 2013 09:41 AM

සදුනි මෙහෙමයි.... මනුස්සයෙක් මැරුණාට පස්සේ වැරදි සෙවීම නවත්වන්න (දී)

:       0       0

සාගර Tuesday, 04 June 2013 10:45 AM

ඔබට නිවන් සුව ලැබේවා

:       0       0

සිංහ Tuesday, 04 June 2013 10:45 AM

ලංකාවේ දේශපාලනයට වුන ලොකු පාඩුවක් (දී)

:       0       0

නලින් Thursday, 06 June 2013 07:45 PM

දේශපාලනය කියන්නේ ජාතිභේදය ආගම්භේදය නැති කෙනෙක් වෙන්න ඕනේ යහපත් දේ යහපත්.(නදී)

:       0       0

උමේෂ් Thursday, 06 June 2013 08:27 PM

ඔබ සැමදා අමරණීයයි. ඔබ මිනිසත්කමින් පොහොසත් පුද්ගලයකි. (නි)

:       0       0

ඔබේ අදහස් එවන්න

විශේෂාංග

එදා ඇන්.ඇම් දුටු මෙදා අය වැය
2022 දෙසැම්බර් මස 01 278 0

අයවැය ලේඛනයක් වශයෙන් හඳුන්වනු ලබන්නේ රජයේ මූල්‍ය කටයුතු එළැඹෙන වර්ෂයේ සිදුවන ආකාරය ගැන පාර්ලිමේන්තුව වෙත මුදල් අමාත්‍යවරයා විසින් ඉදිරිපත් කරනු ලබ


බහිරවයා ගිලින සල්ලි
2022 දෙසැම්බර් මස 01 238 0

රටක දියුණුවට අවශ්‍ය වන්නේ අවශ්‍යතා මත ව්‍යාප්ත වූ ප්‍රමාණවත් හා ගුණාත්මකභාවයෙන් ඉහළ යටිතල පහසුකම්ය. මාර්ග පද්ධතිය ඉන් ප්‍රමුඛය. නගරයක සිදුවන සංවර්ධන


එච්.අයි.වී. ආසාදිතයන් වැඩිවීම සමාජ අනතුරක්
2022 දෙසැම්බර් මස 01 172 0

2021 වසරේ අලුතින් එක්වූ එච්.අයි.වී. වෛරසය ආසාදිතයන් ගණන 411 ක් බව 25 වැනිදා පුවත්පත්වල වාර්තා වූයේය. ඒ අනුව මෙතෙක් මෙරට තුළ එච්.අයි.වී. වෛරස ආසාදිත රෝගීන් සංඛ්‍


ආගමට මුවාවී බලයට එන්න කැස කවන ඩින් ඩියම්ලා
2022 නොවැම්බර් මස 30 1595 1

1963 ජූනි මස 11 වැනි දින උදෑසන වියට්නාමයේ සයිගොන් නුවර ජනාධිපති මන්දිරයට ඉතා නුදුරු ස්ථානයකට ඔස්ටින් වෙස්ට්මිනිස්ටර් වර්ගයේ මෝටර් රථයක් මැදි කරගෙන භික්ෂ


ගුරු ප්‍රජාවට නින්දා කරන ගුරු ප්‍රජාවේම ඇත්තෝ
2022 නොවැම්බර් මස 30 579 0

“ගුරුවරයා යනු උත්තම පුරුෂයෙකි” මේ වූ කලී නව කතාවක නමක් පමණක් නොවේ. ආසියාතික ගුණගරුක බවින් අනූන ශ්‍රී ලාංකේය සමාජය හිසටත් මුදුනින් පිළිගන්නා ඒකාන්ත සත


නිර්මාණකරුවා පාඨකයාගේ බුද්ධියට අවමන් නොකළ යුතුයි
2022 නොවැම්බර් මස 29 785 0

රාජ්‍ය සම්මානලාභී පරිවර්තකයකු මෙන්ම ස්වතන්ත්‍ර නවකතා රචකයකු වන කුමාර සිරිවර්ධන රචනා කළ නවතම නවකතාව ‘භවනිරෝධ’ නමින් පසුගිය දා එළිදැක්වුණි. ඒ තුල්හිර


වැඩි දෙනා කියවූ පුවත්

මේවාටත් කැමතිවනු ඇති

Birmingham City University සමග අත්වැල් බැඳ ගනිමින් Amrak Institute දැන් BSc. (Hons) Professional Practice (Nursing) Top-up Degree පිරිනමයි 2022 ඔක්තෝබර් මස 06 2672 0
Birmingham City University සමග අත්වැල් බැඳ ගනිමින් Amrak Institute දැන් BSc. (Hons) Professional Practice (Nursing) Top-up Degree පිරිනමයි

Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!

පිරිසිදු වෙරළ තීරයක් උදෙසා පරිසරය සුරැකීමට සී. ඩබ්ලිව්. මැකී පීඑල්සී කැපවේ 2022 සැප්තැම්බර් මස 27 2652 2
පිරිසිදු වෙරළ තීරයක් උදෙසා පරිසරය සුරැකීමට සී. ඩබ්ලිව්. මැකී පීඑල්සී කැපවේ

ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක

මහ කොමසාරිස්තුමාගේ පණිවුඩය 2022 අගෝස්තු මස 15 3638 0
මහ කොමසාරිස්තුමාගේ පණිවුඩය

ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව

Our Group Site