X Advertisement
IMG-LOGO

2025 මැයි මස 18 වන ඉරිදා


කතරගම පෙරහර බලන රාළගේ අවුරුද්දක වැටුප රුපියල් දෙකයි ශත අසූදෙකයි

 

 

රුහුණු මහා කතරගම දේවාලයේ ඇසළ පෙරහැර මංගල්‍යය අගෝස්තු 7 වැනිදා ඇරැඹී අගෝස්තු 21 වැනිදායින් අවසන් වේ. අවසන් මහ පෙරහැර අගෝස්තු 20 වැනිදා පැවැත්වේ. මෙවර පෙරහැර මංගල්‍යය නැරඹීමට ලක්ෂ සියයක් පමණ බැතිමතුන් පැමිණෙනු ඇති බවට විශ්වාස කරන බව ජනාධිපති ජ්‍යෙෂ්ඨ සහකාර ලේකම්, රුහුණු මහා කතරගම දේවාල පෙරහැරේ ජනාධිපති විශේෂ මෙහෙයුම් කමිටුවේ ප‍්‍රධානි පද්මසිරි රාජපක්ෂ මහතා පැවසීය.

”මේ රුහුණු මහා කතරගම දේවාලය පිහිටුවලා ඉරහඳ පවතින තුරු පෙරහැර පැවැත්විය යුතු බවට දුටුගැමුණු මහ රජතුමා රාජාඥාවක් නිකුත් කළා. ඒ වෙනුවෙන් නිල පඬුරු හා ප‍්‍රවේණි පඬුරු කියලා තනතුරු පන්සිය පනස් පහක් ඇති කළා. අපි තවමත් ඒ වගකීම කිසිම දවසක කඩ කරලා නෑ. රටේ මොන ප‍්‍රශ්න තිබුණත් පෙරහැර පැවැත්වුණා...” රුහුණු මහා කතරගම දේවාලයේ ප‍්‍රධාන කපු ධුරන්දර සොමිපාල ටී. රත්නායක මහතා පැවසීය.

 සොමිපාල ටී රත්නායක
 
පද්මසිරි රාජපක්ෂ
 
සේපාල තිඹලත් රත්නායක

අපේ මතකය 1987 න් ඇරැඹි භීම සමයට දිව යයි. එම යුගයේදී පෙරහැරට ත‍්‍රස්ත ප‍්‍රහාරයක් එල්ල විය. එහෙත් පෙරහැර නොනැවතිණි. රජුගේ අණට කීකරුව, කවර දුෂ්කරතා ඉදිරියේ වුවද පෙරහැර සිරිත් පරිදි පැවැත්විණි. එමෙන්ම ඉකුත් යුද සමයේදී කතරගම හා ආශ‍්‍රිත ප‍්‍රදේශ කොටින්ගේ ග‍්‍රහණයට හසුවී තිබිණි. යාබද බූන්දලදී බස් බෝම්බ පුපුරා ගියේය. කතරගමට ද ත‍්‍රස්ත බිය දැනුණි. එහෙත් පෙරහැර නතර නොවිණි.

”ඒක තමයි හාස්කම කියන්නේ” සොමිපාල ටී රත්නායක මහතා කීවේය.

කතරගම දෙවියන්ගෙන් ආශිර්වාද ලබන්න නම් සිත කය වචනය යන තුන්දොරම පිරිසිදු විය යුතුයි. මම නම් කියන්නේ අඩුම තරමින් දින තුනක්වත් පේවිය යුතුයි. මත්පැන් වලින් මෙන්ම මස් මාංශයෙන්ද වෙන්විය යුතුයි. දෙවියන්ගේ ආශිර්වාදය ලබාගන්න පුළුවන් වෙන්නේ එහෙම වුණොත් පමණයි. එහෙම නොවුණු මගේ ගෝල කපුරාලලාටත් දඬුවම් ලැබුණා. සමහර අය මෙලොවින් ගියා.” සොමිපාල ටී රත්නායක මහතා පවසයි.”මේ ගෙවෙන්නේ දේවාලයට සම්බන්ධ මගේ පනස් හත්වැනි අවුරුද්දයි.” සොමිපාල ටී රත්නායක මහතා අලූත් මාතෘකාවට මුල පිරුවේය.

”මම දේවාලයට යනවා නම් අඩුම තරමින් සතියක්වත් පේවෙනවා. දෙහි කපලා ස්තෝත‍්‍ර කියලා ස්නානය කරනවා. එහෙම කරලා තමයි මම දේවාලයට යන්නේ...” ඔහු කීවේය. රුහුණු මහා කතරගම දේවාලයේ ප‍්‍රධාන කපු ධුරන්දර සොමිපාල ටී රත්නායක මහතාගේ මව මිය ගියේ ඇසළ පෙරහැර ආසන්න සමයේදීය. මවගේ අවසන් කටයුතු සඳහා සහභාගි වුවහොත් පෙරහැර මංගල්‍යයට සහභාගි විය නොහැකිය. පෙරහැර මංගල්‍යයට සහභාගි වන බවට දෙවියන් හමුවේ පොරොන්දු වී සිටින ප‍්‍රධාන කපු මහතාට ඒ පොරොන්දුව කඩ කළ නොහැකිය. ඔහු කරන්නට ඇත්තේ කුමක්ද?

”ඔව් මවගේ අවසන් කටයුතුවලට සහභාගි වුණා නම් මට දේවාලයට යන්න බැරි වෙනවා. අපි විශ්වාස කරනවා දෙවියන් විෂබීජවලට බයයි කියලා. ඒ නිසා අම්මගේ අවසන් කටයුතුවලට සහභාගි වුණේ නෑ. ඒ විතරක් නොවෙයි, ඔය හේතුව නිසාම මට මගේ බාප්පගේ අවසන් කටයුතුවලට සහභාගි වෙන්නත් බැරිවුණා. අපි මේ කටයුතුවලට පේවිලා ඉන්නේ ඒ තරම්ම ආධ්‍යාත්මිකවයි...” සොමිපාල ටී රත්නායක ප‍්‍රධාන කපු මහතා කීවේය.

ප‍්‍රධාන කපු මහතාගේ බාප්පා යනු රුහුණු මහා කතරගම දේවාලයේ පෙරහැර බලන රාළ වන සරත් සේපාල තිඹලත් රත්නායක මහතාගේ පියාය. සේපාල තිඹලත් රත්නායක මහතා කියා සිටියේ මෙබඳු කතාවකි.

”දේවාලයට යනවා නම් අපි මාසයක්වත් පේවෙනවා. දෙහි යුෂ මිශ‍්‍ර වතුර නාලා කිල්ලට හසු නොවී සිටිය යුතුයි. දවස් පහළොවක් දෙවියන් වැඩමවීමේ වගකීම තියෙන්නේ මට. ඒ නිසා මම මගේ තාත්තාගේ අවසන් කටයුතුවලට සහභාගි වුණේ නෑ.

රුහුණු මහා කතරගම දේවාලයේ කපු මණ්ඩලය දොළොස් දෙනෙකුගෙන් සමන්විතය. රාජකාරි මණ්ඩලය දහ අටකි. රුහුණු මහා කතරගම දේවාලයේ පෙරහැර බලන රාළ සරත් සේපාල තිඹලත් රත්නායක මහතා පැවසුවේ කපු මණ්ඩලයේ දොළොස් දෙනෙකු සිටිය යුතුද දැන් සිටින්නේ පස් දෙනෙකු බවය.
”ගෙවද්දන බලය තියෙන්නේ බස්නායක නිලමේ තුමාටයි. පෙරහැර අවසන් වූ පසු බස්නායක නිලමේතුමා තුණ්ඩු දමලා අවුරුද්දේ මාස දොළහට අපේ වගකීම් පවරනවා. ඒ වෙනුවෙන් වාර්ෂික වැටුපක් අපට ගෙවනවා...” පෙරහැර බලන රාළ කපු මහතා කීවේය.

ඔවුන්ගේ වැටුප කොපමණක්දැයි දැනගතහොත් ඔබ නියත වශයෙන්ම විමතියට පත්වනු නිසැකය.

”අපේ වාර්ෂික වැටුප රුපියල් දෙකයි ශත අසූ දෙකයි. දෙවියන් වඩම්මනවාට රුපියල් හතරයි ශත පනහක් ගෙවනවා. ඒවා රජකාලේ ඉඳලා එන චාරිත‍්‍ර. ලෝකය කොච්චර වෙනස් වුණත් ඒ චාරිත‍්‍ර වෙනස් කරන්නේ නෑ.” පෙරහැර බලන රාළ කපු මහතා කීවේය.

රට එක්සේසත් කළ දුටුගැමුණු රජතුමාගේ මව වන විහාර මහා දේවියගේ ජාත භූමිය කතරගම යැයි සැලකේ. කතරගම දස මහ රජ පරපුරට අයත් කුමාරිකාවක වූ විහාර මහා දේවිය කාවන්තිස්ස රජතුමා විවාහ කර ගැනීමත් සමග රුහුණ හා කතරගම අතර සම්බන්ධය යළිත් අලූතෙන් දලූලා වැඩෙන්නට පටන් ගනී. ඒ වන විට කතරගම රාජධානිය විනාශ වී තිබිණි. එයට හේතුව වූයේ මහානාම රජතුමාගේ මුණුපුරෙකු වන ගෝඨාභය විසින් දස බෑ රජවරුන් විනාශ කිරීම හෙයිනි. දස බෑ රජවරුන් ජනයා අතර කෙතරම් ආදරයට හා ගෞරවයට පාත‍්‍රවී සිටියේද යත් එම රජවරුන් ඝාතනය කිරීම නිසා ඇවිළී ගිය ජනතා උද්ඝෝෂණය හමුවේ පසුබා ගිය ගෝඨාභය කළ පවු සමා කිරීමට වෙහෙර විහාර 500 ක් ඉදිකළ බවද මූලාශ‍්‍රයන් හි සඳහන්ය. එසේ බිඳවුණු රුහුණු හා කතරගම අතර සම්බන්ධය යළිත් අලූත් වූයේ කාවන්තිස්ස හා විහාර මහා දේවි සරණ මංගල්‍යයෙනි. කාවන්තිස්ස හා විහාර මහා දේවි විවාහයෙන් ලොවට උපන් දුටුගැමුණු කුමරා එළාර සමග කළ සටන ජය ගැනීම සඳහා කතරගම දෙවිඳුන්ට බාරයක් වූ බව ජනප‍්‍රවාදයන්හි සඳහන්ය. ඒ බාරයේ මහිමයෙන් රට එක්සේසත් කළ දුටුගැමුණු රජතුමා යළිත් කතරගමට පැමිණෙන්නේ කතරගම දෙවියන්ට වූ බාරය ඔප්පු කිරීමටය. ඒසමයෙහි කතරගම දෙවිඳුන් වැඩ සිටි කන්දේ වැඩ සිටි බවත් කතරගම දෙවිඳුන් හා දුටුගැමුණු මහරජ අතර හමුව එහි සිදුවූ බවත් සඳහන්ය. වැඩ සිටි කන්දේ සිට දුටුගැමුණු මහ රජතුමා මුදාහල ඊතලය වැටුණු ස්ථානයේ දේවාලයක් කරවා එය කතරගම දෙවිඳුන්ට පූජා කළ බවත් සඳහන්ය. අද ඔබ බැතින් පිරී ගිය හදවතින් ඇතුළත් වන්නේ දුටුගැමුණු මහ රජතුමා ඉදිකර කතරගම දෙවිඳුන්ට පූජා කළ අසිරිමත් පින් බිමටය.

තව කොටසක් ලබන සතියේ

 

 


සටහන - ප‍්‍රසන්න සංජීව තෙන්නකෝන් / සේයාරූ - ඇලෙක්සැන්ඩර් බාලසූරිය

 

ඇසළ පෙරහර වෙනුවෙන් පේවෙන කතරගම

 



අදහස් (0)

කතරගම පෙරහර බලන රාළගේ අවුරුද්දක වැටුප රුපියල් දෙකයි ශත අසූදෙකයි

ප්‍රියලත් Monday, 29 July 2013 08:28 AM

අප සැමට කඳසුරිඳු පිහිටයි . (දී)

:       0       0

රත්නායක Monday, 29 July 2013 03:13 PM

ලංකාවේ තිබෙන විශිෂ්ට පෙරහැරක් (නි)

:       0       0

සංජු Monday, 29 July 2013 05:16 PM

අප සැමට කඳසුරිඳු පිහිටයි (නි)

:       0       0

අසේල Monday, 29 July 2013 05:47 PM

දෙවියන් එක්කෙනයි මුළු ලෝකයටම ඉන්නේ හොදට හොයලා බලන්න. (දී)

:       0       0

ප්‍රභාත් Monday, 29 July 2013 08:46 PM

කඳසුරිඳු පිහිටයි

:       0       0

ප්‍රසන්න Monday, 29 July 2013 08:46 PM

අප සැමට කඳසුරිඳු පිහිටයි (දී)

:       0       0

නුවන් Tuesday, 30 July 2013 10:05 AM

අප සැමට කඳසුරිඳු පිහිටයි !!! (නි)

:       0       0

නිශාන් Tuesday, 30 July 2013 10:53 AM

ඔබත් පේවී කතරගම පෙරහැර නැරඹීමට දෙවි බිමට පැමිණෙන්න. ඔබ සැමට කද සුරිදුන්ගේ පිහිට දේවාශිර්වාදය ලැබේවා! (නි)

:       0       0

ඉන්දික උඩුමලගල Tuesday, 30 July 2013 11:51 AM

අපි දන්නා විදියට නම් විහාර මහා දේවිය ඉපදුනේ කැලණියේ, කැලණිතිස්ස රජුගේ දූ කුමාරිකාව විදියටයි. ප්‍රසන්න මහත්තයා මේගැන පැහැදිලි කිරීමක් කලොත් හොදයි නේද ? සැමට කද සුරිඳු පිහිටයි.(ස)

:       0       0

දම්මික සුරංග Tuesday, 30 July 2013 02:49 PM

උතුම් කඳ සුරිඳු පිහිටඊ සියලු ලංකා වාසීන් සියල්ලටම (අ)

:       0       0

කුමාර Wednesday, 31 July 2013 06:34 AM

මම දවසක් අපේ ගෙදර අය සහ මගේ යාලුවෝ සමග කතරගම ගියා බාරයක් ඔප්පු කරන්න . මම සමග යාලුවෝ ටික පාන්දර ගමන ආරම්ඹ කිරීමට පෙර මත්පැන් පාවිච්චි කළා. ගෙදර අය දන්නේ නැහැ. දන්නවා නම් ඒ ගමන එන්නේ නැහැ. .කතරගම පුජා භූමියට පැමිණ පුජාවත් තබා ඊට පස්සේ අපිට ඇතිවුණ කරදර කියන්න බැහැ. නැති ප්‍රශ්න ඇති වුණේ. අපි තේරුම් ගත්තා ඒ කතරගම දෙවියන්ගේ අඩවියේ කොපමණ බලයක් තියෙනවද කියලා. (නි)

:       0       0

චන්දි Wednesday, 31 July 2013 11:37 AM

ලංකාවාසී සැමටත්,මගේ ගෙදර අයටත්, මටත් උතුම් කද සුරිදු පිහිටෙන් සෙතක්,ශාන්තියක්ම වේවා! (නි)

:       0       0

ලන්කිලා Thursday, 01 August 2013 02:31 PM

මේ පඩි ක්‍රමය අදට සරිලන පරිදි වෙනස් කිරීමට කතරගම කන්ද සුරින්දුගෙන් අවසර ඉල්ලිය යුතුවෙනවා. ඒසේ නැතහොත් ඔහුට ජීවත් වීමට ක්‍රමයක් සලසා දිය යුතු වෙනවා (දී)

:       0       0

සනත් Thursday, 01 August 2013 10:17 PM

මට මගේ කඳසුරිඳු තරම් වටිනා දෙවියෙක් තවත් නැහැ (නි)

:       0       0

අරුසියා Saturday, 03 August 2013 12:28 AM

දන්නේ නැති නිසයි අහන්නේ, මේ ආච්චිලා මොකද මෙහෙම ඇදලා එන්නේ? (නි)

:       0       0

ප්‍රියලාත් Saturday, 03 August 2013 10:58 AM

අරුසියා, මේ තමයි අලත්ති අම්මලා. ඒ කියන්නේ මේ කාලයේදී වල්ලි අම්ම දේවිය සිහිකිරීමක්. මේ අය පෙරහැරෙත් ගමන් කරනවා.කතරගම දෙවි පිහිටයි. (නි)

:       0       0

ඔබේ අදහස් එවන්න

විශේෂාංග

එදා ඇන්.ඇම් දුටු මෙදා අය වැය
2022 දෙසැම්බර් මස 01 278 0

අයවැය ලේඛනයක් වශයෙන් හඳුන්වනු ලබන්නේ රජයේ මූල්‍ය කටයුතු එළැඹෙන වර්ෂයේ සිදුවන ආකාරය ගැන පාර්ලිමේන්තුව වෙත මුදල් අමාත්‍යවරයා විසින් ඉදිරිපත් කරනු ලබ


බහිරවයා ගිලින සල්ලි
2022 දෙසැම්බර් මස 01 238 0

රටක දියුණුවට අවශ්‍ය වන්නේ අවශ්‍යතා මත ව්‍යාප්ත වූ ප්‍රමාණවත් හා ගුණාත්මකභාවයෙන් ඉහළ යටිතල පහසුකම්ය. මාර්ග පද්ධතිය ඉන් ප්‍රමුඛය. නගරයක සිදුවන සංවර්ධන


එච්.අයි.වී. ආසාදිතයන් වැඩිවීම සමාජ අනතුරක්
2022 දෙසැම්බර් මස 01 172 0

2021 වසරේ අලුතින් එක්වූ එච්.අයි.වී. වෛරසය ආසාදිතයන් ගණන 411 ක් බව 25 වැනිදා පුවත්පත්වල වාර්තා වූයේය. ඒ අනුව මෙතෙක් මෙරට තුළ එච්.අයි.වී. වෛරස ආසාදිත රෝගීන් සංඛ්‍


ආගමට මුවාවී බලයට එන්න කැස කවන ඩින් ඩියම්ලා
2022 නොවැම්බර් මස 30 1595 1

1963 ජූනි මස 11 වැනි දින උදෑසන වියට්නාමයේ සයිගොන් නුවර ජනාධිපති මන්දිරයට ඉතා නුදුරු ස්ථානයකට ඔස්ටින් වෙස්ට්මිනිස්ටර් වර්ගයේ මෝටර් රථයක් මැදි කරගෙන භික්ෂ


ගුරු ප්‍රජාවට නින්දා කරන ගුරු ප්‍රජාවේම ඇත්තෝ
2022 නොවැම්බර් මස 30 579 0

“ගුරුවරයා යනු උත්තම පුරුෂයෙකි” මේ වූ කලී නව කතාවක නමක් පමණක් නොවේ. ආසියාතික ගුණගරුක බවින් අනූන ශ්‍රී ලාංකේය සමාජය හිසටත් මුදුනින් පිළිගන්නා ඒකාන්ත සත


නිර්මාණකරුවා පාඨකයාගේ බුද්ධියට අවමන් නොකළ යුතුයි
2022 නොවැම්බර් මස 29 785 0

රාජ්‍ය සම්මානලාභී පරිවර්තකයකු මෙන්ම ස්වතන්ත්‍ර නවකතා රචකයකු වන කුමාර සිරිවර්ධන රචනා කළ නවතම නවකතාව ‘භවනිරෝධ’ නමින් පසුගිය දා එළිදැක්වුණි. ඒ තුල්හිර


වැඩි දෙනා කියවූ පුවත්

මේවාටත් කැමතිවනු ඇති

Birmingham City University සමග අත්වැල් බැඳ ගනිමින් Amrak Institute දැන් BSc. (Hons) Professional Practice (Nursing) Top-up Degree පිරිනමයි 2022 ඔක්තෝබර් මස 06 2672 0
Birmingham City University සමග අත්වැල් බැඳ ගනිමින් Amrak Institute දැන් BSc. (Hons) Professional Practice (Nursing) Top-up Degree පිරිනමයි

Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!

පිරිසිදු වෙරළ තීරයක් උදෙසා පරිසරය සුරැකීමට සී. ඩබ්ලිව්. මැකී පීඑල්සී කැපවේ 2022 සැප්තැම්බර් මස 27 2652 2
පිරිසිදු වෙරළ තීරයක් උදෙසා පරිසරය සුරැකීමට සී. ඩබ්ලිව්. මැකී පීඑල්සී කැපවේ

ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක

මහ කොමසාරිස්තුමාගේ පණිවුඩය 2022 අගෝස්තු මස 15 3638 0
මහ කොමසාරිස්තුමාගේ පණිවුඩය

ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව

Our Group Site