X Advertisement
IMG-LOGO

2025 ජුනි මස 10 වන අඟහරුවාදා


ටෙනී

ටෙනිසන් කුරේ ගැන මේ දවස් ටිකේ නොයෙක් දෙනා නොයෙක් දේ ලියන කියන හැටි දැක්කා. හොඳ නරක විවේචන, පැසසුම් ගොඩයි. දැන් ඒ කිසි දෙයක් අහන්න දකින්න ටෙනිසන් නෑ. ඊයෙ ටෙනිසන් සියල්ල අතඇරලා සමුගත්තා. ඒ ලියපු, කියපු හැමදේකින්ම තේරුම් යන්නෙ ටෙනිසන් කතාබහට ලක්වෙන වැඩක් කරපු මිනිහෙක් කියන එක.

ඉතාම පැහැදිලිව මෑත කාලෙ සිනමාව තුළ ටෙනිසන්ගේ භූමිකාව තීරණාත්මක එකක්. මොන විවේචන ඔහුගේ රඟපෑම් සම්බන්ධයෙන් මතුවුණත් ඒ මැදිහත්වීම මඟහැර යා නොහැකි එකක්. ඇතැම් රඟපෑම් පිළිබඳව අපිටත් විවේචන තියෙනවා. ඒත් ඔහු මේ තරම් …ඉහළට යන්නේ කොහොමද කියන එක නිරීක්ෂණය කරල බලන එක වැදගත් තාක්ෂණයක්.

අපේ සිනමාවේ ප්‍රහසන නළුවන් ඕන තරම් හිටියා. ඉතා ඉහළ රඟපෑම් තිබුණු අය ඒ අතර හිටියා. එහෙම නළුවන්ගේ ලැයිස්තුව අද වෙද්දි තියෙන තැන නම් තියෙන්නෙ කනගාටුවක්. අද ප්‍රහසන නළුවන්ගෙ බරපතළ හිඟයක් තියෙනවා. අපේ සිනමාව තුළ ඉන්න බොහෝ දෙනා විකාරකාරයො මිසක් ප්‍රහසන නළුවො නෙවෙයි. ඒ ලැයිස්තුවෙ තීරණාත්මක නම් දෙකක් විදියට බන්දු-ටෙනී හිටියා. ෆිල්ම් දුවවන්න හැම නළුවට නිළියටම බැහැ. වීරයට කොල්ලට කෙල්ලට රඟපාපු නළු නිළියො චිත්‍රපට දුවවපු ඉතිහාසයක් අපේ සිනමාවෙ තිබුණා. ඊට අමතරව චිත්‍රපට දුවවන්න පුළුවන් මට්ටමේ නළුවෙක් වෙනව කියන්නේ තරමක් සැලකිය යුතු වැඩක්.

රෝයි ද සිල්වා මුණගැහුණු වෙලාවක එයා කියපු කතාවක් මට මතක් වෙනවා. මේ වෙලාවෙ ‘‘රෑ ඩැනියෙල් දවල් මිගෙල්’’ පළමුවැනි චිත්‍රපටය බොක්ස් ඔෆිස් රෙකෝඩ් කිව්වම ඒකෙ දෙවෙනි, තුන්වැනි කොටස් චිත්‍රපටි හදන්න බය නැතුව අත තිබ්බෙම බන්දු - ටෙනී දෙන්න නිසා කියල රෝයි කිව්වෙ. එහෙම විශ්වාසය තියල චිත්‍රපටි හදන්න නළුවො දැන් නම් නැති තරම්.

ටෙනී නිකම්ම නළුවෙක් විතරක් නෙවෙයි. මිනිහා තිර රචකයෙක් විදියට අවස්ථා කීපයකදී අපේ සිනමාවට හවුල් වෙනවා. ඒවයි දෙබස් එහෙම බැලුවම පේනවා ටෙනී විහිළු කාරයෙක්ම නෙවෙයි කියල. ඒ වගේම සමාජ, දේශපාලන කාරණා හාස්‍යයට ලක් කරන ආකාරයේ දෙබස් ටෙනිසන්ගේ වේදිකා නාට්‍යවලත් තිබුණා. ඒ නාට්‍ය ඔක්කොම වගෙ රචනා කළේ ටෙනී. ඒ නාට්‍ය මිනිස්සු පොර කකා බැලුවෙ ඔය ප්‍රසිද්ධම විවේචනය වන දෙපිට කැපෙන වචන නිසාම නෙවෙයි. ටෙනී රැල්ලක් හදපු නාට්‍යකාරයෙක්. ඒ රැල්ල ගැන විවේචන තිබුණා. ඒක එදිරිවීර සරච්චන්ද්‍රගෙ වේදිකා නාට්‍ය විලාසය නෙවෙයි. ඒක ටෙනිසන් කුරේගෙ විලාසය. ටෙනිසන් වේදිකා නාට්‍යවලට එෆ්.එම්. මයික් පාවිච්චි කරද්දී බොහෝ අය ටෙනිසන්ට බැන්නේ නාට්‍ය කලාවේ ගුණය විනාශ කරනව කියලා. ඒත් ඒ බැණ බැණ ගියපු අයම පස්සෙ වේදිකා නාට්‍යවලට එෆ්.එම්. මයික් පාවිච්චි කළා. ඔහොම තමයි අද ටෙනිසන්ව විවේචනය කරන අය තව අවුරුදු කීපයකට පස්සේ ටෙනිසන්ගෙ ගුණ සැමරුම්වලට ඇවිත් මිනිහව හඳේ කියල කතා කළොත් පුදුම වෙන්න දෙයක් නෑ.

බන්දු - ටෙනී ගැන එක වෙලාවක මම මේ සටහනේම විවේචනයක් ලිව්වා. ඒ ගැන එයාල කරපු ටෙලිවිෂන් වැඩසටහන්ද මාව විවේචනය කළා. ඒත් අපි අතරෙ කිසිම පුද්ගලික ආරෝවක් තිබුණෙ නෑ. අමරදේවගෙ අවමඟුල වෙලාවෙ ටොරින්ටන් එකේදි ටෙනිසන් කුරේයි, මායි කතාබහක ඉන්න අතරෙ ආපු ජනප්‍රිය චිත්‍රපටි අධ්‍යක්ෂවරයෙක් ඇහුවෙ ඔයාලගෙ රණ්ඩුව ඉවරද දැන් කියලා. ටෙනිසන් තමයි ඒකට හොඳම උත්තරේ දුන්නේ.

‘‘මොන රණ්ඩුද මෙයා. අපිට මේ ගොල්ලො ගහනවා වගේ නෙවෙයි වැඩේ කොරන්න ගියාම. අපි කොරනව වගේ නෙවෙයි මේ ගොල්ලො බලන්න ගියාම. ඔය හැප්පිල්ල නැත්තං වැඩකුත් නෑ. ඒකෙනෙ අපි දැනුත් මේ හොඳට කතාකරන්නේ’’

මේක කලාකරුවෙකුගෙන් මම අහපු මාර කතාවක්. මොන විවේචන ආවත් ටෙනිසන්ල තමන්ගෙ වැඩේ කරගෙන ගියා. සමහර විවේචන හිතට ගන්නත් ඇති. සමහර ඒවා නොසලකාම ඉන්නත් ඇති. ඒ කොහොම වුණත් ටෙනිසන්ගෙ වියෝවත් එක්ක මේ තරම් සමාජ කතාබහක් ඇති වෙන එකෙන්ම පේනව ටෙනිසන්ගෙ තරම. ටෙනිසන් කියන්නෙ ටෙනිසන්. එච්චරයි.

(*** ප්‍රියන්ත කොඩිප්පිලි)

 



අදහස් (2)

ටෙනී

ශාන් Wednesday, 07 October 2020 03:06 PM

ටෙනිසන් කුරේ කියන්නේ කතාබහට ලක්වුණු චරිතයක් කීම ඇරෙන්න මේ ලිපියේ වෙන කිසිම දෙයක් නෑ. මම ප්‍රියන්ත මහත්මයාව දන්නේ නැ. මම හිතනවා එතුමා විචාරකයෙක් වෙන්න ඇති කියලා. සිංහල සිනමාව පිරිහීගෙන ආවා නම් ඔබතුමාලා ඒකට වගකියන්න ඕනේ නෑ. මොකද කවදාවත් අහිතවත් හෝ සාධනීය හෝ කොටින්ම මෙලෝදෙයක් විචාරකයෝ කළා කියලා මම අහලා නැහැ. ඔබතුමන්ලා ගැන සුනිල් පෙරේරා මහත්තයා කියපු විග්‍රහය ඉතාම දරණු නමුත් ගැලපෙන දෙයක් විදියටයි මම දකින්නේ. ඔබතුමා ඒ කතාව දන්නේ නැත්තන් හොයාගෙන කියවන්න යන්න එපා. දුක හිතෙනවා.

:       2       0

Bamunuarachchi Saturday, 10 October 2020 04:13 PM

මෙයාගේ විහිළුවලට ඔයගොල්ලන්ට හිනාගියාද?

:       0       0

ඔබේ අදහස් එවන්න

විශේෂාංග

එදා ඇන්.ඇම් දුටු මෙදා අය වැය
2022 දෙසැම්බර් මස 01 278 0

අයවැය ලේඛනයක් වශයෙන් හඳුන්වනු ලබන්නේ රජයේ මූල්‍ය කටයුතු එළැඹෙන වර්ෂයේ සිදුවන ආකාරය ගැන පාර්ලිමේන්තුව වෙත මුදල් අමාත්‍යවරයා විසින් ඉදිරිපත් කරනු ලබ


බහිරවයා ගිලින සල්ලි
2022 දෙසැම්බර් මස 01 238 0

රටක දියුණුවට අවශ්‍ය වන්නේ අවශ්‍යතා මත ව්‍යාප්ත වූ ප්‍රමාණවත් හා ගුණාත්මකභාවයෙන් ඉහළ යටිතල පහසුකම්ය. මාර්ග පද්ධතිය ඉන් ප්‍රමුඛය. නගරයක සිදුවන සංවර්ධන


එච්.අයි.වී. ආසාදිතයන් වැඩිවීම සමාජ අනතුරක්
2022 දෙසැම්බර් මස 01 172 0

2021 වසරේ අලුතින් එක්වූ එච්.අයි.වී. වෛරසය ආසාදිතයන් ගණන 411 ක් බව 25 වැනිදා පුවත්පත්වල වාර්තා වූයේය. ඒ අනුව මෙතෙක් මෙරට තුළ එච්.අයි.වී. වෛරස ආසාදිත රෝගීන් සංඛ්‍


ආගමට මුවාවී බලයට එන්න කැස කවන ඩින් ඩියම්ලා
2022 නොවැම්බර් මස 30 1595 1

1963 ජූනි මස 11 වැනි දින උදෑසන වියට්නාමයේ සයිගොන් නුවර ජනාධිපති මන්දිරයට ඉතා නුදුරු ස්ථානයකට ඔස්ටින් වෙස්ට්මිනිස්ටර් වර්ගයේ මෝටර් රථයක් මැදි කරගෙන භික්ෂ


ගුරු ප්‍රජාවට නින්දා කරන ගුරු ප්‍රජාවේම ඇත්තෝ
2022 නොවැම්බර් මස 30 579 0

“ගුරුවරයා යනු උත්තම පුරුෂයෙකි” මේ වූ කලී නව කතාවක නමක් පමණක් නොවේ. ආසියාතික ගුණගරුක බවින් අනූන ශ්‍රී ලාංකේය සමාජය හිසටත් මුදුනින් පිළිගන්නා ඒකාන්ත සත


නිර්මාණකරුවා පාඨකයාගේ බුද්ධියට අවමන් නොකළ යුතුයි
2022 නොවැම්බර් මස 29 785 0

රාජ්‍ය සම්මානලාභී පරිවර්තකයකු මෙන්ම ස්වතන්ත්‍ර නවකතා රචකයකු වන කුමාර සිරිවර්ධන රචනා කළ නවතම නවකතාව ‘භවනිරෝධ’ නමින් පසුගිය දා එළිදැක්වුණි. ඒ තුල්හිර


වැඩි දෙනා කියවූ පුවත්

මේවාටත් කැමතිවනු ඇති

Birmingham City University සමග අත්වැල් බැඳ ගනිමින් Amrak Institute දැන් BSc. (Hons) Professional Practice (Nursing) Top-up Degree පිරිනමයි 2022 ඔක්තෝබර් මස 06 2672 0
Birmingham City University සමග අත්වැල් බැඳ ගනිමින් Amrak Institute දැන් BSc. (Hons) Professional Practice (Nursing) Top-up Degree පිරිනමයි

Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!

පිරිසිදු වෙරළ තීරයක් උදෙසා පරිසරය සුරැකීමට සී. ඩබ්ලිව්. මැකී පීඑල්සී කැපවේ 2022 සැප්තැම්බර් මස 27 2652 2
පිරිසිදු වෙරළ තීරයක් උදෙසා පරිසරය සුරැකීමට සී. ඩබ්ලිව්. මැකී පීඑල්සී කැපවේ

ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක

මහ කොමසාරිස්තුමාගේ පණිවුඩය 2022 අගෝස්තු මස 15 3638 0
මහ කොමසාරිස්තුමාගේ පණිවුඩය

ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව

Our Group Site