X Advertisement
IMG-LOGO

2025 මැයි මස 15 වන බ්‍රහස්පතින්දා


පොලිස් බාරයේදී සැකකරුවන් මියයාම රටට කළු පැල්ලමක්

මිනීමැරුම් ඇතුළු අපරාධ 13කට සම්බන්ධ සැකකරුවකු වූ හේවාලු‍ණුගේ ලසන්ත නොහොත් ටින්කර් ලසන්ත කළුතර උතුර දියගම දී පොලිස් නිලධාරීන්ගේ වෙඩි පහරකින් මියයාම සමාජය තුළ කිසියම් ආන්දෝලනයක් ඇතිකර තිබේ. ඒ අපරාධකරුවකු පොලිස් වෙඩි පහරකින් මියයාම නොව එම සිද්ධිය වටා ගොනු වී ඇති කාරණා සම්බන්ධයෙනි.

පොලීසිය සිද්ධිය පිළිබඳ සඳහන් කර ඇත්තේ සැඟවූ අවි පෙන්වීමට රැගෙන යාමේ දී සැකකරු අත්බෝම්බයකින් පොලිස් නිලධාරීන්ට පහරදීමට තැත් කළ අවස්ථාවේ වෙඩි තැබීමට සිදුවූ බවය. සැඟවී සිටි ස්ථානය සොයාගෙන දක්ෂ ලෙස සිදුකළ වැටලීමකින් පසුව අත්අඩංගුවට පත් සැකකරුවකු පොලිස් නිලධාරීන් භාරයේ කැඳවාගෙන යන අවස්ථාවේ ඔහු සතුව අත්බෝම්බයක් තිබුණේ කෙසේද යන්නට පැහැදිලි පිළිතුරක් නැත. අත්අඩංගුවට ගත් සැකකරු බිහිසුණු අපරාධකරුවකු බවට තොරතුරු ලැබී තිබිය දී පොලීසිය තමන්ගේ ආරක්ෂාව පිළිබඳව ප්‍රමාණවත් ලෙස සැලකිලිමත් වී ද යන්නත් ගැටලු‍වකි.

සැඟවූ අවි පෙන්වීමට යද්දී බෝම්බ ගැසීමට තැත්කර වෙඩි කෑ පළමු සැකකරු ටින්කර් ලසන්ත නොවේ. එහෙත් මේ කිසිම සිද්ධියක් පිළිබඳ වැඩිදුර විමර්ශන සිදු නොවීම රටේ නීතිය බරපතළ ප්‍රශ්න කිරීමකට ලක් කරයි.

ටින්කර් ලසන්ත මරා දමනු ලැබීමට පෙර දින ඔහු අත්අඩංගුවට ගැනීමෙන් පසුව ඔහුගේ නීතිඥවරයා වන සංජය ආරියදාස මහතා ශ්‍රී ලංකා නීතිඥ සංගමයේ සභාපතිවරයාට දැනුම් දී ඇත්තේ තම සේවාදායකයාගේ ජීවිතය අනතුරේ බවය. පොලීසිය මගින් තම සේවාදායකයා ඝාතනය කොට එය සැඟවූ අවි පෙන්වීමට යාමේ දී වෙඩි හුවමාරුවකින් වූ සිද්ධියක් වශයෙන් හුවා දැක්වීමට ඉඩ තිබෙන බව ද නීතිඥවරයා දැනුම් දී තිබිණි. ශ්‍රී ලංකා නීතිඥ සංගමය මගින් නිකුත් කරන ලද නිවේදනයක සඳහන් වන්නේ ආරියදාස මහතා තම සේවාදායකයා සම්බන්ධයෙන් ඉදිරිපත් කළ එම කරුණු පොලිස්පතිවරයාට ඊමේල් සහ කෙටි පණිවුඩ මගින් දැනුම් දුන් බවය. එසේම පර් යේෂණ සහ විමර්ශන කාර්ය භාර මානව හිමිකම් කොමසාරිස්ට ද එම කාර්ය භාර කොමිසමේ අධ්‍යක්ෂවරයාට ද මේ බව ලිඛිතව දැනුම් දුන් බව ද සභාපතිවරයා කියා තිබිණි.

ශ්‍රී ලංකාවේ මානව හිමිකම් වාර්තාව දැඩි විමසුමට භාජන වී තිබෙන කාලවකවානුවක නීතියට පරිබාහිර මිනීමැරුම් මුද්‍රාව ඇති සිද්ධියකට ශ්‍රී ලංකා පොලිසිය යළිත් සම්බන්ධ වී ඇතැයි ද රටේ මානව හිමිකම් තත්ත්වය මේ ආකාරයට පිරිහීමේ ප්‍රතිඵලයක් වශයෙන් රටට සහ ආර්ථිකයට බරපතළ ප්‍රතිවිපාකවලට මුහුණදීමට පවා සිදුවිය හැකි යැයි ද ශ්‍රී ලංකා නීතිඥ සංගමය සිය නිවේදනය මගින් අනතුරු අඟවා තිබිණි. රටේ ඉහළ අධිකරණ මගින් අත්අඩංගුවේ පසුවෙන සැකකරුවන්ගේ අයිතිවාසිකම් ආරක්ෂා කරදීමේ අවශ්‍යතාව පිළිබඳ ලබාදී ඇති තීන්දු සම්බන්ධයෙන් පොලිසිය ප්‍රමාණවත් සැලකිල්ලක් නොදක්වමින් දිගින් දිගටම කටයුතු කරන බව පෙනෙන්නට තිබෙන බව ද එම නිවේදනයේ වැඩිදුරටත් සඳහන් වෙයි. ඉදිරියේ දී මේ මරණය සම්බන්ධයෙන් අධිකරණ කටයුතුවල දී පෙනී සිටීමට ද මූලික අයිතිවාසිකම් පෙත්සමක් ඉදිරිපත් කිරීමට ද නීතිඥ සංගමය සූදානමින් සිටින බව ද සඳහන් වෙයි.

පොලිසිය මගින් අත්අඩංගුවට ගනු ලබන සැකකරුවන්ගේ ආරක්ෂාව භාර වී ඇති පොලිස් නිලධාරීන් අතින් සැකකරුවන් ඝාතනය වන්නේ නම් එය සිදුවූයේ කෙසේදැයි යන්න පූර්ණ විමර්ශනයකට භාජන කළ යුතු බව අපගේ වැටහීමය. ඝාතනය වූ තැනැත්තා කොතරම් දරුණු අපරාධකරුවකු වුව ද ඔහුගේ අපරාධ හේතුවෙන් ජීවිත අහිමි වූවන්ගේ පවුල්වල වින්දිතයන් කොපමණ සංඛ්‍යාවක් සිටිය ද එම අපරාධකරුට ද සාධාරණ නඩු විභාගයක් ලැබිය යුතුය. එසේ නොවී නීතියට පරිබාහිරව පොලිසිය අතින් හෝ වින්දිතයන්ගේ අතින් හෝ අපරාධකරුවන් ඝාතනය වන්නේ නම් එයින් අදහස් වන්නේ රටේ නීතියේ ආධිපත්‍යය වල් වැදී ඇති බවකි. ටින්කර් ලසන්තගේ මිනිය ගමට ගෙන ආ අවස්ථාවේ දී ඒ ගම්වැසි පිරිසක් රතිඤ්ඤා දල්වා ප්‍රීති ඝෝෂා පැවැත් වූ බව ද සඳහන් ය. එහෙත් එසේ ප්‍රීති ඝෝෂා කළ පුද්ගලයන්ගේ පවුල්වල සාමාජිකයන් සිහිපත් කළ යුත්තේ නීතියේ ආධිපත්‍ය වල් වැදී තිබෙන විට මෙවැනිම අනීතික මරණයක් තමන්ගේ අයකුට වුව ද සිදුවීමට ඉඩකඩ තිබෙන බවය. නීතියේ ආධිපත්‍යය රැකීම රටේ වැසියන්ගේ වගකීමක් පමණක් නොව පොලිසියේ ද වගකීමක් බව ද මෙහිදී පෙන්වා දිය යුතුය.

ශ්‍රී ලංකාවේ මානව හිමිකම් වාර්තාවේ අඩුලු‍හුඬුකම් පෙන්වා දෙමින් බටහිර රටවල් සහ විවිධ ශ්‍රී ලංකා ඩයස් පෝරා මගින් සිදුකරන ලද දැඩි බලපෑම් හේතුවෙන් එංගලන්තයේ ස්කොට්ලන්ඩ් යාඩ් පොලිසිය මගින් ශ්‍රී ලංකා පොලිසියට ලබාදෙන ලද පුහුණුව අත්හිටුවීමට පසුගිය සතියේ තීන්දුවක් ගෙන තිබෙන බව ද මෙහිදී සඳහන් කළ යුතුය. ඉදිරියේ දී ඕස්ට්‍රේලියාවට ද තම බලපෑම් එල්ල කිරීමට එම කණ්ඩායම් සූදානම් වෙයි. ටින්කර් ලසන්තගේ ඝාතනය වැනි සිදුවීම් එම ඇවිළෙන ගින්නට පිදුරු දැමීමකි.

(***)



අදහස් (0)

පොලිස් බාරයේදී සැකකරුවන් මියයාම රටට කළු පැල්ලමක්

ඔබේ අදහස් එවන්න

විශේෂාංග

එදා ඇන්.ඇම් දුටු මෙදා අය වැය
2022 දෙසැම්බර් මස 01 278 0

අයවැය ලේඛනයක් වශයෙන් හඳුන්වනු ලබන්නේ රජයේ මූල්‍ය කටයුතු එළැඹෙන වර්ෂයේ සිදුවන ආකාරය ගැන පාර්ලිමේන්තුව වෙත මුදල් අමාත්‍යවරයා විසින් ඉදිරිපත් කරනු ලබ


බහිරවයා ගිලින සල්ලි
2022 දෙසැම්බර් මස 01 238 0

රටක දියුණුවට අවශ්‍ය වන්නේ අවශ්‍යතා මත ව්‍යාප්ත වූ ප්‍රමාණවත් හා ගුණාත්මකභාවයෙන් ඉහළ යටිතල පහසුකම්ය. මාර්ග පද්ධතිය ඉන් ප්‍රමුඛය. නගරයක සිදුවන සංවර්ධන


එච්.අයි.වී. ආසාදිතයන් වැඩිවීම සමාජ අනතුරක්
2022 දෙසැම්බර් මස 01 172 0

2021 වසරේ අලුතින් එක්වූ එච්.අයි.වී. වෛරසය ආසාදිතයන් ගණන 411 ක් බව 25 වැනිදා පුවත්පත්වල වාර්තා වූයේය. ඒ අනුව මෙතෙක් මෙරට තුළ එච්.අයි.වී. වෛරස ආසාදිත රෝගීන් සංඛ්‍


ආගමට මුවාවී බලයට එන්න කැස කවන ඩින් ඩියම්ලා
2022 නොවැම්බර් මස 30 1595 1

1963 ජූනි මස 11 වැනි දින උදෑසන වියට්නාමයේ සයිගොන් නුවර ජනාධිපති මන්දිරයට ඉතා නුදුරු ස්ථානයකට ඔස්ටින් වෙස්ට්මිනිස්ටර් වර්ගයේ මෝටර් රථයක් මැදි කරගෙන භික්ෂ


ගුරු ප්‍රජාවට නින්දා කරන ගුරු ප්‍රජාවේම ඇත්තෝ
2022 නොවැම්බර් මස 30 579 0

“ගුරුවරයා යනු උත්තම පුරුෂයෙකි” මේ වූ කලී නව කතාවක නමක් පමණක් නොවේ. ආසියාතික ගුණගරුක බවින් අනූන ශ්‍රී ලාංකේය සමාජය හිසටත් මුදුනින් පිළිගන්නා ඒකාන්ත සත


නිර්මාණකරුවා පාඨකයාගේ බුද්ධියට අවමන් නොකළ යුතුයි
2022 නොවැම්බර් මස 29 785 0

රාජ්‍ය සම්මානලාභී පරිවර්තකයකු මෙන්ම ස්වතන්ත්‍ර නවකතා රචකයකු වන කුමාර සිරිවර්ධන රචනා කළ නවතම නවකතාව ‘භවනිරෝධ’ නමින් පසුගිය දා එළිදැක්වුණි. ඒ තුල්හිර


වැඩි දෙනා කියවූ පුවත්

මේවාටත් කැමතිවනු ඇති

Birmingham City University සමග අත්වැල් බැඳ ගනිමින් Amrak Institute දැන් BSc. (Hons) Professional Practice (Nursing) Top-up Degree පිරිනමයි 2022 ඔක්තෝබර් මස 06 2672 0
Birmingham City University සමග අත්වැල් බැඳ ගනිමින් Amrak Institute දැන් BSc. (Hons) Professional Practice (Nursing) Top-up Degree පිරිනමයි

Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!

පිරිසිදු වෙරළ තීරයක් උදෙසා පරිසරය සුරැකීමට සී. ඩබ්ලිව්. මැකී පීඑල්සී කැපවේ 2022 සැප්තැම්බර් මස 27 2652 2
පිරිසිදු වෙරළ තීරයක් උදෙසා පරිසරය සුරැකීමට සී. ඩබ්ලිව්. මැකී පීඑල්සී කැපවේ

ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක

මහ කොමසාරිස්තුමාගේ පණිවුඩය 2022 අගෝස්තු මස 15 3638 0
මහ කොමසාරිස්තුමාගේ පණිවුඩය

ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව

Our Group Site