X Advertisement
IMG-LOGO

2025 මැයි මස 15 වන බ්‍රහස්පතින්දා


ආණ්ඩුව ඇතුළේ ගැටුම්වලින් රටට ජනතාවට පළක් නෑ

ආණ්ඩුවේ හවුල්කාර පක්ෂ 10ක් ආණ්ඩුව ඇතුළේ රැඳී සිටිමින් ආණ්ඩුවේ තීරණයකට එරෙහිව එළිපිට සටනකට අරඅඳින බව මේ දිනවල මාධ්‍යවලින් කියවෙයි. එම හවුල්කාර පක්ෂ දහයේ නායකයන් විසින් තම විරෝධය ප්‍රකාශ කිරීම සඳහා මහජන සභාව නමින් ප්‍රසිද්ධ රැස්වීමක්ද සංවිධානය කර ඇත. එය සිකුරාදා සවස් භාගයේ පැවැත්විණි.

ආණ්ඩුව ඇතුළේ පක්ෂ 10ක් මේ ආකාරයට අභ්‍යන්තර යුද ප්‍රකාශ කිරීමක නිරතව සිටින්නේ කෙරවළපිටිය යුගදනවි බලාගාරයේ සියයට 40 ක කොටස් ඇමෙරිකානු සමාගමකට පැවරීමට ගෙන ඇති තීරණය සම්බන්ධයෙනි. මේ තීරණය පිළිබඳව පක්ෂ නායකයන් සහ ජනාධිපතිවරයා අතර පසුගිය බ්‍රහස්පතින්දා (28) පැවති රැස්වීමද එකඟතාවකින් තොරව අවසන් වී තිබිණි. එහිදී ආණ්ඩුව ඇතුළේ ප්‍රශ්න ඇතුළේම විසඳාගන්නා ලෙස ජනාධිපතිවරයා පක්ෂ නායකයන්ගෙන් ඉල්ලීමක්ද කර තිබිණි.
පක්ෂ ගණනාවකින් යුත් හවුල් ආණ්ඩුවක මතභේද හටගැනීම අමුත්තක් නොවේ. එය ස්වාභාවික සංසිද්ධියකි. එහෙත් එම මතභේද ආණ්ඩුව ඇතුළේ සාමූහික වගකීමේ රැහැන් කඩා බිඳ දමමින් එළිපිට ගැටුම් ඇතිවීම ආණ්ඩුවේම ප්‍රතිරූපයට කැළලකි. එය ආණ්ඩුව පිළිබඳ මහජනතාව තුළ තිබෙන විශ්වාසය බිඳ දැමීමකි. මේ ආකාරයේ අවිනිශ්චිතභාවයක් හටගැනීම ආණ්ඩුවේ පැවැත්ම බරපතළ අභියෝගයකට ඇද දැමීමක් බව තේරුම් ගැනීම දුෂ්කර නැත.

කැබිනට් මණ්ඩලයක් තුළදී සාකච්ඡා විය යුතු කරුණු එළිපිට මහජන සභාවලදී මුළු දෙන විට ඕනෑම ආණ්ඩුවක රෙදි ගැලවෙන බව සියලු දෙනා විසින් අවබෝධ කරගත යුතුය. වත්මන් ආණ්ඩුවට පාර්ලිමේන්තුව තුළ තුනෙන් දෙකක බලයක් හිමිය. එවැනි බලවත් ආණ්ඩුවක් ඇතුළේ කැබිනට් ඇමැතිවරුන් තිදෙනෙකුද ඇතුළු පක්ෂ නායකයන් 10 දෙනකු ආණ්ඩුවේ තීරණයට එරෙහිව යුද ප්‍රකාශ කිරීම රටේ ජනතාව තුළ ඇති කරන්නේ බලවත් අවිනිශ්චිතභාවයකි. ජීවන වියදමේ බරින් මිරිකෙමින් සිටියදී මෙවැනි ගැටලු ඇතිවීම රටේ ජනතාව රුස්සන්නේ නැත. ඔවුන්ට අවශ්‍ය වන්නේ ආණ්ඩුවේ කල්ලිගැසීම් පිළිබඳ නාට්‍ය දර්ශන නැරඹීමට නොව තමන්ගේ ගැටලුවලට පිළිතුරු සෙවීමට උනන්දු වන ආණ්ඩුවකි. මහ මැතිවරණයේදී බලය ලබාගත්තේ ජනතාවගේ ගැටලු විසඳීම පැත්තකට දමා තමන්ගේ ගැටලු විසඳා ගැනීමට නොවන බව ආණ්ඩුවේ නායකයන් සේම හවුල්කාර පක්ෂවල නායකයන්ද දැනගැනීම වැදගත්ය.

ආණ්ඩුව ඇතුළේ මෙවැනි ප්‍රතිවිරෝධී තත්ත්වයක් හටගත්තේ ඉහළම බලධාරීන් විසින් ගනු ලබන තීන්දු තීරණවලදී සෙසු අයගේ අදහස්වලට කන්නොදීම හේතුවෙන්දැයි යන සැකයද මෙහිදී හටගනියි. විශේෂයෙන් කැබිනට් මණ්ඩලය ඇතුළේ ආණ්ඩුවේ සියලු යෝජනා සාකච්ඡා කොට තීරණවලට එළඹීම සිදුවිය යුත්තකි. එහෙත් යුගදනවි බලාගාරයේ කොටස් ඇමෙරිකානු සමාගමකට පැවරීමට ගෙන ඇති තීරණය එසේ සාකච්ඡා නොවූ බවත් තමන් ඒ සම්බන්ධයෙන් සිටින්නේ අඳුරේ බවත් හවුල්කාර පක්ෂ 10ක නායකයන්ගේ මතය වී තිබිණි. ඔවුන් එළිපිට සටනට අවතීර්ණ වී සිටින්නේ ඒ හේතුවෙන් බව සිතාගැනීම අපහසු නැත.

ආණ්ඩුවේ හවුල්කාර පක්ෂ දහයේ නායකයන් පමණක් නොව සුසිල් ප්‍රේමජයන්ත, දයාසිරි ජයසේකර වැනි රාජ්‍ය ඇමැතිවරුන්ද පසුගිය දිනවල ආණ්ඩුවේ ඇතැම් තීන්දු සම්බන්ධයෙන් විරෝධය පළ කර තිබිණි. සුසිල් ප්‍රේමජයන්ත මහතා පාර්ලිමේන්තුවේදී පසුගියදා පැවති විවාදයකදී තදින් කතා කරමින් ජනතාව තමන් පත් කර ඇත්තේ සිග්නල් කණු වීමට නොවන බව ප්‍රකාශ කළේය. ඔහු එහිදී මතුකර තිබුණේ නව ආණ්ඩුක්‍රම ව්‍යවස්ථා කෙටුම්පත සකස් කිරීම සම්බන්ධයෙනි. එම ව්‍යවස්ථාව කෙටුම්පත් කිරීම පාර්ලිමේන්තුවෙන් පිටතදී සිදුවීම ඔහුගේ විරෝධයට හේතු වී තිබිණි. නව ව්‍යවස්ථා සම්පාදනය සම්බන්ධයෙන් රජයේ මැති ඇමතිවරුන් නිසි පරිදි දැනුවත් නොකර ඇති බවත් මේ කතාවෙන්ද ගම්‍ය වෙයි.

මේ රටේ බොහොමයක් විෂය සම්බන්ධයෙන් ජාතික ප්‍රතිපත්ති නොතිබීම මේ වැනි ආණ්ඩු ඇතුලේ ගැටුම් ඇතිවීමට මූලික හේතුවකි. විදෙස් ආයෝජන සම්බන්ධයෙන් දේශපාලනයෙන් තොර ශක්තිමත් ජාතික ප්‍රතිපත්තියක් රටට තිබුණා නම් යුගදනවි හෝ වරායේ පර්යන්ත හෝ විදෙස් ආයෝජකයන් සමග ගිවිසුම්ගත වන විටදී ඒවා ජාතික ප්‍රතිපත්තිවලට අනුකූලව සිදුවීදැයි යන්න පරීක්ෂා කර බැලීම ආණ්ඩුවේ සියලු හවුල්කාර පක්ෂවලට අපහසුවක් වන්නේ නැත. එහෙත් රටේ සංවර්ධනයට අවශ්‍යම වන ගිවිසුම්වලට පවා ජාතික ප්‍රතිපත්තියක් හෝ නොමැති තත්ත්වයක් තුළ කැබිනට් මණ්ඩලයද නිසි පරිදි දැනුවත් කිරීමකින් තොරව තීන්දු ගැනීම් සිදුවන්නේ නම් මෙවැනි පරස්පරතා ඇතිවීම කිසිම ආණ්ඩුවකට වළක්වාගත නොහැකි වනු ඇත.

(***)

 



අදහස් (0)

ආණ්ඩුව ඇතුළේ ගැටුම්වලින් රටට ජනතාවට පළක් නෑ

ඔබේ අදහස් එවන්න

විශේෂාංග

එදා ඇන්.ඇම් දුටු මෙදා අය වැය
2022 දෙසැම්බර් මස 01 278 0

අයවැය ලේඛනයක් වශයෙන් හඳුන්වනු ලබන්නේ රජයේ මූල්‍ය කටයුතු එළැඹෙන වර්ෂයේ සිදුවන ආකාරය ගැන පාර්ලිමේන්තුව වෙත මුදල් අමාත්‍යවරයා විසින් ඉදිරිපත් කරනු ලබ


බහිරවයා ගිලින සල්ලි
2022 දෙසැම්බර් මස 01 238 0

රටක දියුණුවට අවශ්‍ය වන්නේ අවශ්‍යතා මත ව්‍යාප්ත වූ ප්‍රමාණවත් හා ගුණාත්මකභාවයෙන් ඉහළ යටිතල පහසුකම්ය. මාර්ග පද්ධතිය ඉන් ප්‍රමුඛය. නගරයක සිදුවන සංවර්ධන


එච්.අයි.වී. ආසාදිතයන් වැඩිවීම සමාජ අනතුරක්
2022 දෙසැම්බර් මස 01 172 0

2021 වසරේ අලුතින් එක්වූ එච්.අයි.වී. වෛරසය ආසාදිතයන් ගණන 411 ක් බව 25 වැනිදා පුවත්පත්වල වාර්තා වූයේය. ඒ අනුව මෙතෙක් මෙරට තුළ එච්.අයි.වී. වෛරස ආසාදිත රෝගීන් සංඛ්‍


ආගමට මුවාවී බලයට එන්න කැස කවන ඩින් ඩියම්ලා
2022 නොවැම්බර් මස 30 1595 1

1963 ජූනි මස 11 වැනි දින උදෑසන වියට්නාමයේ සයිගොන් නුවර ජනාධිපති මන්දිරයට ඉතා නුදුරු ස්ථානයකට ඔස්ටින් වෙස්ට්මිනිස්ටර් වර්ගයේ මෝටර් රථයක් මැදි කරගෙන භික්ෂ


ගුරු ප්‍රජාවට නින්දා කරන ගුරු ප්‍රජාවේම ඇත්තෝ
2022 නොවැම්බර් මස 30 579 0

“ගුරුවරයා යනු උත්තම පුරුෂයෙකි” මේ වූ කලී නව කතාවක නමක් පමණක් නොවේ. ආසියාතික ගුණගරුක බවින් අනූන ශ්‍රී ලාංකේය සමාජය හිසටත් මුදුනින් පිළිගන්නා ඒකාන්ත සත


නිර්මාණකරුවා පාඨකයාගේ බුද්ධියට අවමන් නොකළ යුතුයි
2022 නොවැම්බර් මස 29 785 0

රාජ්‍ය සම්මානලාභී පරිවර්තකයකු මෙන්ම ස්වතන්ත්‍ර නවකතා රචකයකු වන කුමාර සිරිවර්ධන රචනා කළ නවතම නවකතාව ‘භවනිරෝධ’ නමින් පසුගිය දා එළිදැක්වුණි. ඒ තුල්හිර


වැඩි දෙනා කියවූ පුවත්

මේවාටත් කැමතිවනු ඇති

Birmingham City University සමග අත්වැල් බැඳ ගනිමින් Amrak Institute දැන් BSc. (Hons) Professional Practice (Nursing) Top-up Degree පිරිනමයි 2022 ඔක්තෝබර් මස 06 2672 0
Birmingham City University සමග අත්වැල් බැඳ ගනිමින් Amrak Institute දැන් BSc. (Hons) Professional Practice (Nursing) Top-up Degree පිරිනමයි

Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!

පිරිසිදු වෙරළ තීරයක් උදෙසා පරිසරය සුරැකීමට සී. ඩබ්ලිව්. මැකී පීඑල්සී කැපවේ 2022 සැප්තැම්බර් මස 27 2652 2
පිරිසිදු වෙරළ තීරයක් උදෙසා පරිසරය සුරැකීමට සී. ඩබ්ලිව්. මැකී පීඑල්සී කැපවේ

ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක

මහ කොමසාරිස්තුමාගේ පණිවුඩය 2022 අගෝස්තු මස 15 3638 0
මහ කොමසාරිස්තුමාගේ පණිවුඩය

ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව

Our Group Site