X Advertisement
IMG-LOGO

2025 ජුලි මස 28 වන සඳුදා


උත්තරීතර ආයතනයක විගඩම් සහ නාඩගම්

පාර්ලිමේන්තුව ඊයේ රැස්වීමෙන් පසු ඇති වූ කලහකාරී, ප්‍රචණ්ඩ හා ජුගුප්සාජනක තත්ත්වය හේතුවෙන් අද පස්වරු 1.30 දක්වා පාර්ලිමේන්තුව කල් තැබීමට කතානායක කරු ජයසූරිය මහතාට සිදුවිය. පාර්ලිමේන්තුව තුළ ඊයේ ඇති වූ තත්ත්වයට සමාන තත්ත්වයක් ඊට පෙරදා ද වාර්තා විය.

පාර්ලිමේන්තුවේ ඊයේ රැස්වීමෙන් පසුව අගමැති මහින්ද රාජපක්ෂ මහතා විශේෂ ප්‍රකාශයක් කළ අතර එය නිමවීමත් සමඟම එම ප්‍රකාශය විශ්වාස නොකරන බව පවසා ඒ සම්බන්ධයෙන් ඡන්ද විමසීමක් විපක්ෂයේ මන්ත්‍රී ලක්ෂ්මන් කිරිඇල්ල මහතා ඉල්ලා සිටියේය. පාර්ලිමේන්තුව එකම ගාලගෝට්ටියක් බවට පත්වූයේ ඒ සමඟය. ආණ්ඩු පක්ෂයේත් විපක්ෂයේත් මහජන නියෝජිතයෝ සභා ගර්භය මැදට පැමිණ වාග් හරඹයක යෙදුණාහ. කතානායක කරු ජයසූරිය මහතා දෙසට යම් යම් ද්‍රව්‍යවලින් පහර එල්ල කෙරුණු බව ද දිස් විය. ආණ්ඩු පක්ෂයේ එක් මන්ත්‍රීවරයකු ලේ ගලන තුවාලයක් ද සමගින් රෝහල් ගත කිරීමට සිදුවිය. ඇතැම් මහජන නියෝජිතයන්ගේ ඇඳුම්වල ලේ පැල්ලම් ද දක්නට ලැබිණි.

රට තුළ බරපතළ දේශපාලන අර්බුද සුළියක් නිර්මාණය වී තිබේ. දවසින් දවස එම අර්බුද ආවාටයේ මුව තව තවත් පළල් වන බවද පෙනේ. සාක්ෂරතාවෙන් ලොව ඉහළ අංකයක් හිමිකර ගෙන සිටින ශ්‍රී ලංකාව මෙම අර්බුදය හමුවේ ලොව ඉදිරිපිට මවමින් සිටින චිත්‍රය රටේ ප්‍රතිරූපයට කිසිසේත්ම යහපත් නැත. මෙම අර්බුදය විසඳීමට ඇති වඩාත් වැදගත්ම ස්ථානය වන පාර්ලිමේන්තුව තුළින් විද්‍යමාන වන අජූත තත්ත්වය බල වියරුවත්, මෝහයත් මනාව ප්‍රදර්ශනය කරවන්නක් මිස අන් යමක් නොවන බව ඒකාන්ත සත්‍යයකි.

පාර්ලිමේන්තුව යනු රටේ උත්තරීතරම ආයතනය වේ. නීති සම්පාදනය කිරීමේ මෙන්ම නීති සම්මත කිරීමේ බලය මෙන්ම රටේ මූල්‍ය පාලනය සම්බන්ධ අනුල්ලංඝනීය වගකීම ඇති හෙයින් පාර්ලිමේන්තුව රටේ උත්තරීතරම ආයතනය වේ. එසේ නොමැතිව දියවන්නාව මැද ඉදිවූ මහා ප්‍රතාපවත් ගොඩනැගිලි සංකීර්ණය නිසා නොවේ. රටේ මූලිකම නීතියවන ආණ්ඩුක්‍රම ව්‍යවස්ථාවට පණ පොවන වගකීම ඇත්තේ පාර්ලිමේන්තුවටය. කෝටි දෙකකට වැඩි මෙරට ජනයාගේ පරමාධිපත්‍යයේ බලය නියෝජනය වන්නේ එම පාර්ලිමේන්තුවටය. එම පාර්ලිමේන්තුව නියෝජනය කරන ගරු කටයුතු මහජන නියෝජිතයන් වෙතින් බරසාර ආදර්ශ ප්‍රදර්ශනය විය යුත්තේ එහෙයිනි.

කරුණු කාරණා එපරිදි වූවද රටේ පාර්ලිමේන්තුවෙන් ප්‍රදර්ශනය වන්නේ එම වගකීමට උචිත ඔබින හැසිරීමක් නොවේ. මුළු රටේම සිටින මදාවියන්, මංකොල්ලකාරයන්, චෞර කප්පිත්තන් ගෙන් පිරීගිය තිප්පොළක් බවට පාර්ලිමේන්තුව පත්වී ඇතැයි සැක සිතෙන තරමට තත්ත්වය භයානකය. අංගපුලාවක් නැති කඩප්පුලියන් මෙන් හැසිරෙන මහජන නියෝජිතයන්ට මේ රටේ ඉරණම ජනතාවට වාසිදායක ලෙස විසඳීමේ හැකියාවක් වේද?
බලය කොහොමත් දූෂිතය. වැඩි බලය කොහොමත් දූෂිතය. කොමිස් ගැහිලි, ටෙන්ඩර් යටි මගඩි, බැඳුම්කර වංචා ආදී කී නොකී දේවල් ද මොවුන් අතින් සිදුවේ. දේශපාලනය විසින් රටට උගන්වා ඇති එකම පාඩම එයය. එහෙයින් මෙම තත්ත්වය තේරුම් ගත යුත්තේ එයට යටත්වය. රටකට නීතියක් තිබිය යුතුය. පාර්ලිමේන්තුවට ද එය එසේමය.

පාර්ලිමේන්තුවට නීති පද්ධතියක් තිබෙන්නා සේම ස්ථාවර නියෝග ද, සම්ප්‍රදායන් ද තිබේ. පාර්ලිමේන්තුවට තේරී පත්වන ගරු කටයුතු මහජන නියෝජිතයන්ට මෙම තත්ත්වයන්ට ගරු කරමින් හා යමක් වෙමින් කටයුතු කිරීමේ විනය තිබිය යුතුය.

විනය නැති තැන කොඩිවිනය බවට කියමනකි. අද පාර්ලිමේන්තුවෙන් ප්‍රදර්ශනය වෙමින් තිබෙන්නේ එම කොඩිවිනය විනා අන් යමක් නොවේ. ශිෂ්ටත්වය වෙනුවට අශිෂ්ටත්වය වෙතත්, ශීලාචාරභාවයේ සිට අශීලාචාර තත්ත්වයටත් වේගයෙන් පසුබසින තත්ත්වයක් පාර්ලිමේන්තුවෙන් ප්‍රදර්ශනය වෙමින් තිබේ. විරෝදාර රණවිරුවන් ඇස්, ඉස්, මස්, ලේ හා ජීවිත පූජා කරමින් මේ රට කොටි ත්‍රස්තවාදයේ සැහැසි ග්‍රහණයෙන් මුදා ගනු ලැබූවේ දේශපාලන පිසාචයන්ට මෙයාකාරයෙන් පිස්සු නැටීමට නොවේ.

පාර්ලිමේන්තුවේ රූප රාමු ලොව පුරා පැතිරී ගියවිට අප රට සම්බන්ධයෙන් ජාත්‍යන්තරයේ මතය කුමක් විය හැකිද? මේ රටේ මිනිසුන් පුනරුත්ථාපනය කළ යුතු මිනිසුන් යැයි ජාත්‍යන්තරය කල්පනා කරන්නේ නම් ඒ සම්බන්ධයෙන් විමතියක් ඇති කර ගත යුතු නැත.

මේ මහා අවමානයෙන් රට මුදාගැනීමේ අන්තිම පැය එළැඹ තිබේ.



අදහස් (0)

උත්තරීතර ආයතනයක විගඩම් සහ නාඩගම්

ඔබේ අදහස් එවන්න

විශේෂාංග

එදා ඇන්.ඇම් දුටු මෙදා අය වැය
2022 දෙසැම්බර් මස 01 278 0

අයවැය ලේඛනයක් වශයෙන් හඳුන්වනු ලබන්නේ රජයේ මූල්‍ය කටයුතු එළැඹෙන වර්ෂයේ සිදුවන ආකාරය ගැන පාර්ලිමේන්තුව වෙත මුදල් අමාත්‍යවරයා විසින් ඉදිරිපත් කරනු ලබ


බහිරවයා ගිලින සල්ලි
2022 දෙසැම්බර් මස 01 238 0

රටක දියුණුවට අවශ්‍ය වන්නේ අවශ්‍යතා මත ව්‍යාප්ත වූ ප්‍රමාණවත් හා ගුණාත්මකභාවයෙන් ඉහළ යටිතල පහසුකම්ය. මාර්ග පද්ධතිය ඉන් ප්‍රමුඛය. නගරයක සිදුවන සංවර්ධන


එච්.අයි.වී. ආසාදිතයන් වැඩිවීම සමාජ අනතුරක්
2022 දෙසැම්බර් මස 01 172 0

2021 වසරේ අලුතින් එක්වූ එච්.අයි.වී. වෛරසය ආසාදිතයන් ගණන 411 ක් බව 25 වැනිදා පුවත්පත්වල වාර්තා වූයේය. ඒ අනුව මෙතෙක් මෙරට තුළ එච්.අයි.වී. වෛරස ආසාදිත රෝගීන් සංඛ්‍


ආගමට මුවාවී බලයට එන්න කැස කවන ඩින් ඩියම්ලා
2022 නොවැම්බර් මස 30 1595 1

1963 ජූනි මස 11 වැනි දින උදෑසන වියට්නාමයේ සයිගොන් නුවර ජනාධිපති මන්දිරයට ඉතා නුදුරු ස්ථානයකට ඔස්ටින් වෙස්ට්මිනිස්ටර් වර්ගයේ මෝටර් රථයක් මැදි කරගෙන භික්ෂ


ගුරු ප්‍රජාවට නින්දා කරන ගුරු ප්‍රජාවේම ඇත්තෝ
2022 නොවැම්බර් මස 30 579 0

“ගුරුවරයා යනු උත්තම පුරුෂයෙකි” මේ වූ කලී නව කතාවක නමක් පමණක් නොවේ. ආසියාතික ගුණගරුක බවින් අනූන ශ්‍රී ලාංකේය සමාජය හිසටත් මුදුනින් පිළිගන්නා ඒකාන්ත සත


නිර්මාණකරුවා පාඨකයාගේ බුද්ධියට අවමන් නොකළ යුතුයි
2022 නොවැම්බර් මස 29 785 0

රාජ්‍ය සම්මානලාභී පරිවර්තකයකු මෙන්ම ස්වතන්ත්‍ර නවකතා රචකයකු වන කුමාර සිරිවර්ධන රචනා කළ නවතම නවකතාව ‘භවනිරෝධ’ නමින් පසුගිය දා එළිදැක්වුණි. ඒ තුල්හිර


වැඩි දෙනා කියවූ පුවත්

මේවාටත් කැමතිවනු ඇති

Birmingham City University සමග අත්වැල් බැඳ ගනිමින් Amrak Institute දැන් BSc. (Hons) Professional Practice (Nursing) Top-up Degree පිරිනමයි 2022 ඔක්තෝබර් මස 06 2672 0
Birmingham City University සමග අත්වැල් බැඳ ගනිමින් Amrak Institute දැන් BSc. (Hons) Professional Practice (Nursing) Top-up Degree පිරිනමයි

Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!

පිරිසිදු වෙරළ තීරයක් උදෙසා පරිසරය සුරැකීමට සී. ඩබ්ලිව්. මැකී පීඑල්සී කැපවේ 2022 සැප්තැම්බර් මස 27 2652 2
පිරිසිදු වෙරළ තීරයක් උදෙසා පරිසරය සුරැකීමට සී. ඩබ්ලිව්. මැකී පීඑල්සී කැපවේ

ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක

මහ කොමසාරිස්තුමාගේ පණිවුඩය 2022 අගෝස්තු මස 15 3638 0
මහ කොමසාරිස්තුමාගේ පණිවුඩය

ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව

Our Group Site