X Advertisement
IMG-LOGO

2025 මැයි මස 19 වන සඳුදා


ජංගම දුරකථනයෙන් පවුල් කඩන කෙල්ලෝ

 


 

‘‘මොනවද තමුසේ මේ කරන්නේ. මේ තරම් වයසට ගිහින් මගුල් පිස්සුව ගැහුවද? මෙච්චර කාලයක් හිටියේ සත් ගුණවත් උපාසකයෙක් වගේ. දරුවෝ කසාද බඳින වයසෙදි ද තමුසෙට මගුල් විසේ හැඳුනේ’’ ඇය කියාගෙන කියාගෙන ගියේ කටුගස්තොට නිවසට ගොඩවූ සිය සැමියාට බැණ වදිමිනි.

සිදුවූයේ කුමක් දැයි ඔහුට ඇදහිය නොහැකි දෙයකි. ඇය දිගින් දිගටම බැණ වදින්නීය.

‘‘මේ කෑ නොගහා ඉන්න. ඔයා මොනවද මේ කියන්නේ? මා මොනවා කළාට ද මේ?’’ ඔහු එසේ අසන්නේ සිදුවූයේ කුමක් ද යන්න ගැන අවබෝධයක් ලබා ගත නොහැකිවය.

මහනුවර දළදා මාළිගාවත්, අස්ගිරි මල්වතු උභය විහාරස්ථානත් නිරන්තරවම ඇසුරු කරමින් හැකි සෑම විටම අනුන් වෙනුවෙන් උපකාර කරන සුනන්ද මහතා මහා බෞද්ධ උපාසකයකු ලෙස ප‍්‍රසිද්ධව සිටියේය. සුදෝ සුදු ඇඳුමින් සැරසී සිය ව්‍යාපාර කටයුතු සඳහා නිතර නිතර මහනුවර සිට කොළඹ යන සුනන්ද මහතා කොළඹ රැුයක් ගත කරන අවස්ථා ද නැත්තේ නොවේ. බිරිඳගේ මේ චෝදනාව ඔහුට ඉවසිය නොහැකි දෙයකි. කිසිදා තමන්ට තමුසේ යනුවෙන් බැණ වැදී නැති ඇය සිටින්නේ මහත් කෝපයෙන් බවද ඔහු දනී.

නානකාමරයට වැදී ඇඟපත දෝවනය කැර ගත් සුනන්ද මහතා සාලයට පැමිණියේ සිය බිරිඳගේ වෙනස්වීමට හේතු සෙවීමේ රිසියෙනි.

‘‘ඔයාට මොක ද වෙලා තියෙන්නේ. යකෙක් වැහිලා වගේ මගේ ඇඟට කඩා පනින්නේ ?’’

‘‘මට මොකුත් වෙලා නැහැ. තමුසේ තමයි මේ ඔක්කොම කරන්නේ. ලැජ්ජා නැතිව පුතාගේ වයසේ ඉන්න කෙල්ලන්ට ගෙවල් අරන් දීලා කොළඹ යන්නේ ඔවුනුත් එක්ක ජවුසන් නටන්නනේ. තමුසේ ඊයෙත් ඒ ගෙදර නැවතිලා හිටියේ. හිතුවද මම දන්නේ නැහැ කියලා.

‘‘මොනවද මේ ඔයා කියන්නේ’’

‘‘ඇයි මම ඔප්පු කරලා පෙන්වන්න ද?’’ කියූ ඇය තම නවීන ජංගම දුරකථනයට ලැබුණු ඡායාරූපයක් ඔහුට පෙන්වූවාය. එහි සිටින්නේ සුනන්ද මහතාය. තමන් මේ ඡුායාරූපයේ සිටින බව දුටු ඔහු පුදුමයට  පත්වූවේය. පෙර දින රාත‍්‍රි තමන් සිත්ගත් තරුණියක සමග රාත‍්‍රිය ගත කරමින් සිටිය දී ඒ තරුණිය ඇගේ ජංගම දුරකථනයෙන් ඡායාරූපයක් ගන්නා ආකාරය ද ඔහු දුටුවේය. එය තම බිරිඳ අතට පත්වනු ඇතැයි ඔහු කිසිසේත්ම හිතුවේ නැත. මෙතෙක් තමන් බොදු මහ උපාසකයකු ලෙස ගොඩනගාගත් ප‍්‍රතිරූපය බිරිඳ හමුවේ බිඳ වැටී ඇත. තමන් සමස්ථ සමාජය ඉදිරියේ මුළුමනින්ම නිරුවත් වූ සෙයක් ඔහුට දැනෙන්නට විය.

කරන්නට කිසිවක් නැත. හොඳම සාක්ෂියක් බිරිඳට ලැබී තිබේ. ඇයට එස්.එම්.එස් පණිවිඩය එවූ දුරකථන ඇමතුමට කතා කර ඇත. ඉන්පසු ඔහුගේ තව ලිපිගොනු රැසක් අවුස්සා තවත් සම්බන්ධතා කිහිපයක් සොයා ගත් බව ද ඇය මොහොතකින් ඔහු හමුවේ අනාවරණය කළාය. පසුව ඔහුගේ ජංගම දුරකථනය ගත් ඇය කෑ ගසමින් එහි තිබූ එස්.එම්.එස් පණිවිඩ පිරික්සමින් සිටියාය. සියල්ල ආපසු හැරවිය නොහැකි ලෙස හෙළදරව්වී ඇත. සිය සිත්ගත් තරුණිය තමන් පාවා දී ඇති බව ඔහු දැනගන්නා විට සියල්ල සිදුවී අවසන්ය. ඒ තරුණිය සුධීරාය. සුධීරා ඇසුරු කරන තවත් තරුණියන් වන නිරෝෂාගේ අංකය ද, චතුරිකා ගේ අංකය ද සුනන්දගේ ජංගම දුරකථනයේ තිබී බිරිඳ සොයා ගත්තාය.

දින ගණනක් මේ පවුලේ අඩු දබර පැවතිණි.

‘‘තමුසෙලාට මම හැමදේම ලබා දීලා තියෙනවා.  ඕනම පිරිමියෙක් මේ වගේ වැඩ කරනවා. මම කරන්නේ වරදක් නෙවෙයි. ඒක මගේ පෞද්ගලික වැඩක්. ඒකට ඇඟිලි නොගහ ඉන්නවා. මට  ඕනෑ දේ මම කරනවා. තමුසෙලා මොනවා කරන්නද?’’ සිය බිරිඳ හඬා වැටෙද්දී සුනන්ද එසේ කියමින් බැන වැදුණේය.
පවුල් සංස්ථාව ටිකෙන් ටික දෙදරා ගියේය. සිය බිරිඳගේ කරච්චලය ඉවසාගත නොහැකි ඔහු කොළඹ ගියේය. කොළඹට ගොස් වෙනදා ව්‍යාපාරික කටයුතුවලට බව පවසමින් එක් රැයක් පමණක් එහි ගත කරන සුනන්ද මහතා දින කිහිපයක්ම නිවසට ආවේ නැත. බිරිඳ මේ ගැන සොයා බලද්දී ඇය දැනගත්තේ  ඔහු සුධීරාට මිලදීගෙන දුන් නිවසේ නතරවී ඇති බවයි.

අවසානයේ සුනන්දගේ බිරිඳ දරුවන් දෙදෙනාත් සමග තනිවූවාය. ඔහු ඉඳ හිට කටුගස්තොටට පැමිණියේය. එවිට දිනක් හෝ දෙකක් සිය නිවසේ ගත කරන ඔහු අවශ්‍ය මිල මුදල් දී ආපසු හැකි ඉක්මණින් කොළඹ යයි. නීත්‍යානුකූල බිරිඳ කටුගස්තොට සිටිය දී ඔහු පවුල් කන්නේ තමන්ට වඩා වයස අවුරුදු 25ක් ලාබාල සුධීරා නම් යුවතියක් සමගිනි.

 


මෙය අහම්බයෙන් සිදුවූවක් ද නොවේ. එමෙන්ම මෙලෙස බිඳවැටී ඇත්තේ සුනන්දගේ පවුල් ජීවිතය ද පමණක් නොවේ. තවත් බොහෝ විවාහ ජීවිත මේ ආකාරයෙන් බිඳවැටී ඇත. ඒ සියල්ල කෙළවරවී ඇත්තේ සුධීරා වැනි තරුණියන්ගේ බලපෑමෙනි. මේ තරුණියෝ ද එකිනෙකා හඳුනන්නෝය. ඔවුහු සංවිධානාත්මක ව වැදගත්, ධනවත්, කීර්තිමත් පවුල් විනාශ කරමින් සිය මඩිය තරකැර ගැනීමේ කූට සැලසුමක් කි‍්‍රයාත්මක කරමින් සිටිති.

මේ කල්ලියේ දැනට සාමාජික සාමාජිකාවෝ හත් අට දෙනෙක් සිටිති. සුධීරා, නිරෝෂා, චතුරිකා, ජයමාලි, මල්ෂා, ඉනෝකා, තුෂාරි මේ කල්ලියේ සාමාජිකාවෝය. මේ බොහෝ දෙනා පෞද්ගලික අංශයේ විධායක ශ්‍රේණියේ රැුකියාවල නිරතවී සිටිති. කොළඹ නගරයේ තැන තැන පදිංචිව සිටින ඔවුන් දැන හඳුනාගෙන ඇත්තේ බසයේ දී, දුම්රියේ දී හෝ තවත් මිතුරකුගේ මාර්ගයෙනි. පාසලෙන් ඉවත්ව තරුණ වියේදීම රැකියාවට ගොස් ඇත්තේ සිත්ගන්නා සුළු කතා බහත් ඉංග‍්‍රීසි හැසිරවීමේ හැකියාව හා මන බඳනා රූ සපුවත් සුදුසුකම් කරගනිමිනි. ඔවුන් පාසල් වියේ සිටම පෙම්වතුන් ඇසුරු කළ අයයි. මේ බොහෝ දෙනා සිය පෞද්ගලික ආයතනයේ හිමිකරුවන් සමග අනියම් සම්බන්ධතා පැවැත් වූහ. ඉන් පසු ඒ ආයතන ප‍්‍රධානියාගේ මිතුරන් අතටත් ගිය මේ යුවතියන් ඇතැම් ආයතනවලට විශාල ප‍්‍රමාණයේ ඇණවුම් ලබා ගැනීමට, කොන්ත‍්‍රාත් ගැනීමට ප‍්‍රධානීන්ට ලිංගික අල්ලස් ලබා දීමට ද භාවිතවී ඇත. අනතුරුව අද මේ කිහිප දෙනා එක්ව අපූරු වැඩකට අතගසා තිබේ. ඇතැම් විට මේ කියවන ඔබද මේ යුවතියන්ගේම හෝ මේ ආකාරයෙන් කල්ලි ගැසුණු තවත් යුවතියකගේ බිල්ලක් බවට පත්වී සිටිනවා විය හැකිය. නැත්නම් ඔවුන්ව දැනටමත් දැලේ වැටී ඉදිරියේදී බිල්ලක් බවට පත්වනු ඇත.

සුනන්ද මේ කල්ලියේ සැලසුමට හසුවී සිය පවුල් ජීවිතය ද අහිමි කරගෙන ඒ තරුණියන්ගේ ම උකුළට වැටිණි. ඔහු මේ කල්ලියේ ග‍්‍රහණයට හසුවන්නේ තවත් පුද්ගලයකුට දුන් විසිටින් කාර්ඞ් හෙවත් ආගන්තුක පත‍්‍රයක් හේතුවෙනි. ඇය එලෙස සුනන්දගේ දුරකථන අංකය රැගෙන ඇමතුමක් ගත්තාය. සුනන්දගේ ව්‍යාපාරික තොරතුරු ගැන කතා කළ ඇය ඔහු හා ටිකෙන් ටික මිතුරුදමක් ඇතිකරගෙන තිබිණි.

සර් කියමින් සුනන්ද ඇමතූ ඇය විටින් විට කම්මැලි කමට කියමින් කතා කරන්නට වූවාය. දිවියේ 50වැනි විය ද ඉක්මවා සිටින සුනන්ද ඇය සමග කරන කතා බහට යම් කැමැත්තක් දැක්වූවේය. එය අවසානයේ කෙළවර වූයේ අනියම් පේ‍්‍රම සම්බන්ධයකිනි. සුනන්ද කොළඹ ගොස් සුධීරා හමුවිය. සුධීරා මන බඳිනා යොවුන් තරුණියකි. ඇය ඔහුට සමීප සම්බන්ධතාවකට ඇරයුම් කරන්නේ සිය දුක්ගැනවිලි ද පවසමිනි. සති කිහිපයක් වරින් වර හෝටල් කාමරවල ඇය සමග ගත කරන සුනන්ද ඇයට කුඩා කාමරයක් කුලියට ගෙන දුන්නේ ඇගේ මුඩුක්කුවක් වන නිවස සාදා දෙන බවට ද පොරොන්දු වෙමිනි.

වරක් සුනන්ද ඇමතූ ඇය පැවසුවේ ලස්සන පුංචි නිවසක් විකුණන්නට දමා තිබෙනවා තමන් දුටු බවයි. වහාම කොළඹ ගිය සුනන්ද තම මුදලින් ඒ නිවස මිලදී ගෙන ඇයට නැවතීමට අවස්ථාව ලබා දුන්නේ සියල්ල ඇය වෙනුවෙන් බව පවසමිනි. සුනන්දගෙන් ලැබුණු නිවසේ දැන් ඇය පදිංචිව සිටින්නීය. සුනන්ද ඇයට නිවස ලබා දී ඉන් නොනැවතුණේය. ඇයට කන්න අඳින්න අවශ්‍ය සියලූ කළමනා වෙනුවෙන් ඔහු වියදම් දැරීය. සතියකට දිනක් කොළඹ විත් එහි දවස ගත කරන සුනන්ද පිටව ගිය විගස ඇය දිනකට අනියම් පෙම්වතුන් තුන් හතර දෙනා මේ නිවසට ගෙන්වා ගන්නීය.

එමෙන්ම සුධීරාගේ මිතුරියෝ ද තමන්ගේ දැලේ වැටුණු ධනපති මැදිවයස් පිරිමි සමග රාත‍්‍රිය හෝ පැය කිහිපයක් ගත කරන්නේ සුනන්ද විසින් මිලදී ගන්නාලද නිවසේය. මේ ඒ කල්ලියේ ස්වභාවයයි. සිය වසඟයට වැටුණු සුනන්ද තමන් සන්තකයේම තබා ගැනීමට සුධීරා සැලසුම් සකස් කළාය. මේ සඳහා ඇය යෙදු උපාය වූයේ සුනන්ද තමන් සමග සමීපව සිටින ඡායාරූපයක් සුනන්දගේ බිරිඳට එස්.එම්.එස් පණිවිඩයක් මගින් යැවීමයි. ඇගේ උපාය සාර්ථක විය. අඩ නිරුවතින් තම සැමියාගේ සිරුරට සමීපව සිටින මේ යුවතියගේ ඡුායාරූපය දුටු සුනන්දගේ බිරිඳ තම සැමියා සමග දබර කරගනිද්දී ඔහු සුධීරාගේ සෙවණට වැටුණේ නිරායාසයෙනි. සුධීරා ජයගත්තාය.

සුධීරා ඡුායාරූප යැව්වේ සුනන්දගේ බිරිඳට පමණක් නොවේ. තම කාර්යාලයට පැමිණෙන වයස්ගත ධනවත් පිරිමින්ගේ අංක සොයා ඔවුන්ට ඇමතුම් ගන්නා සුධීරා සතියකට හෝ දෙකකට වරක් එවැනි සල්ලිකාරයෙක් සිය දැලේ දා ගැනීමට සමත් වූවාය. මේ ධනපතියන් ද ලාබාල යුවතියකගේ පහස ලැබීමට කැමැත්තෙන් සියලූ දේ කැපකර ඇය නඩත්තු කරයි. අවසානයේ තමන්ට ආදරය කරන්නට පටත් ගන්නා වයස්ගත ධනපතියාගේ සම්බන්ධය ඔහුගේ නිවසට හෙළිදරව්වන තැනට වැඩ සලසන්නේ ද සුධීරාය. ඇගේ පරමාර්ථය වන්නේ ඔහුගෙන් ඈත්වීම නොවේ. බිරිඳ සමග ඇතිවන ආරවුලෙන් පසු ඔහු තම සමීපයට ගැනීමයි.

සුනන්ද එලෙස තමන් අසලට ගැනීමට කළ සැලසුම හරියටම හරි ගියේය. නමුත් වරක් දෙවරක් එවැනි සැලසුම් වැරදී ඇය ඇසුරු කළ දානපතියන් ඇගෙන් ඈත් වූ අවස්ථා ද තිබිණි.

සුනන්දගේත් සුධීරාගේත් කතාව ඉන් එකක් පමණි. මේ කල්ලිය එදත් අදත් ධනවතුන් තමන්ගේ වසඟයට ගැනීමේ කූට සැලසුම් ක‍්‍රියාත්මක කරමින් සිටී. කෙසේ හෝ ඔවුන් වසඟයට ගන්නා ඔවුහු ඒ මිනිසුන්ගෙන් මාස ගණන් වියදම් ලබා ගනිමින් යැපෙති. මෙය එක්තරා යැපීම් මාර්ගයකි.

අප දන්නා මේ යුවතියෝ බොහෝ දෙනෙක් පෞද්ගලික ආයතනවල විධායක ශ්‍රේණියේ රැුකියා කරති. මේ යුවතියන්ගේ ඇමතුමට රැවටුනහොත් ධනයත්, ගෞරවයත්, පවුල් ජීවිතයත් අහිමි වන බව ඒකාන්තය.

 




 



අදහස් (0)

ජංගම දුරකථනයෙන් පවුල් කඩන කෙල්ලෝ

නිර්දුලිස් Tuesday, 11 March 2014 12:13 AM

හොයලා දඩුවම් දෙන්න ඕනේ.(නදී)

:       0       0

රුවන් Thursday, 03 April 2014 08:42 AM

මෙම සිද්ධියට බිරින්දෑවරුනුත් වගකිව යුතුයි. මොකද තමන් වයසට ගිය නිසා, දැන් මොන විකාරද, ළමයිනුත් ලොකුයි, මේ මිනිහට 'මඟුල් විසේ' කියලා තමන්ගේ ස්වාමියාගේ අවශ්‍යතා ගැන මේ අය තකන්නෙ නැහැ. අන්න එතනින් තමයි ඔය ප්‍රශ්නය පටන් ගන්නේ.දැන් හිතන්න වැරැද්ද හා අඩුපාඩුව කාගේද කියලා (නි)

:       0       0

රුවන් Wednesday, 19 March 2014 02:02 PM

මේ අය හරිම වාතයක් (අ)

:       0       0

සංඛ Tuesday, 18 March 2014 03:07 PM

අනේ අපේ පවුලටත් ඔහොම දෙයක් වෙලා තියෙන්නේ අපිට වහ කන්න දැන් වෙලා තියෙන්නේ.(නදී)

:       0       0

හංස Monday, 17 March 2014 10:35 AM

පවු ළමයි.(නදී)

:       0       0

දුමින්ද Saturday, 15 March 2014 07:16 AM

මට එහෙම කෝල් එකක් ආවොත් මාර වැඩේ තමයි වෙන්නේ (දී)

:       0       0

ජයන්ත Wednesday, 12 March 2014 05:02 PM

නාකි මනමාලයාට නම් හොද වැඩේ! එත් මිනිහගේ ලොකු මහත් වෙච්ච දරුවෝ පව් . පාරේ බැහැලා යන්නේ කොහොමද.(අ)

:       0       0

කමණී Wednesday, 12 March 2014 09:27 AM

ගෙදර ඉන්න බිරියට වංචා කළොත් කවදාවත් හරියන්නේ නැහැ.

:       0       0

රවිදු Tuesday, 11 March 2014 12:45 PM

හොඳයි

:       0       0

වසන්ත Tuesday, 11 March 2014 08:32 AM

බලපුවාම කවුරුවත් වැරදිනෑ නේද මිනිස්සු සියලුම දෙනා තමතමන්ගේ අවශ්‍යය තාවයන් ඉටු කරගන්නව වගේම හැමෝම තමුන්ගේ දේවල් ආරක්‍ෂාකර ගන්න උනන්දු වෙන්න ඕන. (අ)

:       0       0

චන්ද්‍රා Tuesday, 11 March 2014 05:51 AM

කතා හිතට හැම තිස්සෙම කරදර කියන්නේ ඔකනේ (අ)

:       0       0

විශ්ව කුමාර Tuesday, 11 March 2014 04:35 AM

ඒ වගේ කෙල්ලෝ හැදෙන්නේ. අම්මගේ හෝ තාත්තාගේ පුරුදු නිසා තමයි.(නදී)

:       0       0

බන්දුල Tuesday, 11 March 2014 02:06 AM

කුණු වෙච්ච සමාජයක කුණුවෙච්ච ජිවිත. ඒක සල්ලි ඇති එකාටත් නැති එකාටත්, අහිංසක දරු පැටවුන්ටත් එකසේ බලපායි... කලයුත්තේ මේ කුණු වෙලා ගද ගහන සමාජ ක්‍රමය වහාම වෙනස් කිරීමයි.....එයින් තොර විසදුමක් නැත.....(නදී)

:       0       0

සාලිය රොෂාන් Friday, 07 March 2014 05:17 PM

නියමයි! (නදී)

:       0       0

ප්‍රියන්ත Monday, 10 March 2014 08:30 PM

ලෝකෙන් ලැබෙන නරක පුරුදු විතරයි අපේ රටවල් ලබා ගන්නේ ,මේක අපේ කරුමේ (දී)

:       0       0

විශ්ව Monday, 10 March 2014 08:30 PM

අනේ රටකට ගිය කලක් (දී)

:       0       0

චන්දන Monday, 10 March 2014 08:30 PM

තව ඉස්සරහට ලෝකේ මීටත් වඩා කුරිරු වෙනවා (දී)

:       0       0

ලීලාරත්න Monday, 10 March 2014 08:30 PM

මේවා අහු උනාම ඒ අයට දැඩි දඩුවම් දෙන්න ඕනේ (දී)

:       0       0

කුමුදු Monday, 10 March 2014 08:30 PM

නෝනලා මහත්තුරුන්ගේත් වැරදි නැතුවාම නොවෙයි (දී)

:       0       0

නලින් කොඩ්තුවකු Monday, 10 March 2014 08:30 PM

අපෝ මේ මොන පාප කර්මයක්ද,ලංකාදීපයට ස්තුතියි අපිව කලින්ම දැනුවත් කලාට (දී)

:       0       0

සුජීව Monday, 10 March 2014 04:41 PM

සිරා ඔයා හරි බුද්දිමත් මිනිහෙක්, අපි ළග ඔය සෙල්ලම් බෑ, (දී)

:       0       0

ලක්ෂා Monday, 10 March 2014 02:56 PM

අසරණ පවුලක් කැඩිලා බිදිලා යනවා පවි (දිල්)

:       0       0

අමිල Sunday, 09 March 2014 10:56 PM

හොඳ වැඩේ වෙලා තියන්නේ නාකි මනමාලයට (අ)

:       0       0

සිරා Saturday, 08 March 2014 10:58 PM

බිරින්දෑවරු මැදිවිය පනිද්දී තමන්ගේ රූ සපුව, ශරීරයේ හැඩය පිරිසිදුකම මනාව පවත්වා ගන්නවා නම් ස්වාමියන් මෙයාල පසුපස යන එකක් නැහැ. අනික දකින දකින ගැහැණු පස්සේ යන පිරිමිත් සුනඛයන්ට සමානයි නේද?  සතුනට බුද්ධිය නැති නිසා හෝර්මෝන මගින් පාලනය වුනාට මිනිසුන්ට තියනවා නේද.(නදී)

:       0       0

ලලිත් පෙරේරා Saturday, 08 March 2014 09:42 AM

මොවුන් ඉතා දක්ෂ කාන්තාවන්. ඕනෙම කෙනෙක් මොවුන්ට ලෙහෙසියෙන්ම අහුවෙනවා. මොවුන්ගෙන් ගැලවීම හිතන තරම් ලේසි නෑ.(නදී)

:       0       0

ජීවා Friday, 07 March 2014 05:58 PM

පාරේ ඉන්න තරුණියන්ට රැවටෙන්න පිරිමි බබාලාද ? පන්සිල් පද 5 තේරුම් අරන් , බිරිදට අවංක උනානම් මේ එක කරදරයක් වත් නෑ.(නදී)

:       0       0

ඔබේ අදහස් එවන්න

විශේෂාංග

එදා ඇන්.ඇම් දුටු මෙදා අය වැය
2022 දෙසැම්බර් මස 01 278 0

අයවැය ලේඛනයක් වශයෙන් හඳුන්වනු ලබන්නේ රජයේ මූල්‍ය කටයුතු එළැඹෙන වර්ෂයේ සිදුවන ආකාරය ගැන පාර්ලිමේන්තුව වෙත මුදල් අමාත්‍යවරයා විසින් ඉදිරිපත් කරනු ලබ


බහිරවයා ගිලින සල්ලි
2022 දෙසැම්බර් මස 01 238 0

රටක දියුණුවට අවශ්‍ය වන්නේ අවශ්‍යතා මත ව්‍යාප්ත වූ ප්‍රමාණවත් හා ගුණාත්මකභාවයෙන් ඉහළ යටිතල පහසුකම්ය. මාර්ග පද්ධතිය ඉන් ප්‍රමුඛය. නගරයක සිදුවන සංවර්ධන


එච්.අයි.වී. ආසාදිතයන් වැඩිවීම සමාජ අනතුරක්
2022 දෙසැම්බර් මස 01 172 0

2021 වසරේ අලුතින් එක්වූ එච්.අයි.වී. වෛරසය ආසාදිතයන් ගණන 411 ක් බව 25 වැනිදා පුවත්පත්වල වාර්තා වූයේය. ඒ අනුව මෙතෙක් මෙරට තුළ එච්.අයි.වී. වෛරස ආසාදිත රෝගීන් සංඛ්‍


ආගමට මුවාවී බලයට එන්න කැස කවන ඩින් ඩියම්ලා
2022 නොවැම්බර් මස 30 1595 1

1963 ජූනි මස 11 වැනි දින උදෑසන වියට්නාමයේ සයිගොන් නුවර ජනාධිපති මන්දිරයට ඉතා නුදුරු ස්ථානයකට ඔස්ටින් වෙස්ට්මිනිස්ටර් වර්ගයේ මෝටර් රථයක් මැදි කරගෙන භික්ෂ


ගුරු ප්‍රජාවට නින්දා කරන ගුරු ප්‍රජාවේම ඇත්තෝ
2022 නොවැම්බර් මස 30 579 0

“ගුරුවරයා යනු උත්තම පුරුෂයෙකි” මේ වූ කලී නව කතාවක නමක් පමණක් නොවේ. ආසියාතික ගුණගරුක බවින් අනූන ශ්‍රී ලාංකේය සමාජය හිසටත් මුදුනින් පිළිගන්නා ඒකාන්ත සත


නිර්මාණකරුවා පාඨකයාගේ බුද්ධියට අවමන් නොකළ යුතුයි
2022 නොවැම්බර් මස 29 785 0

රාජ්‍ය සම්මානලාභී පරිවර්තකයකු මෙන්ම ස්වතන්ත්‍ර නවකතා රචකයකු වන කුමාර සිරිවර්ධන රචනා කළ නවතම නවකතාව ‘භවනිරෝධ’ නමින් පසුගිය දා එළිදැක්වුණි. ඒ තුල්හිර


වැඩි දෙනා කියවූ පුවත්

මේවාටත් කැමතිවනු ඇති

Birmingham City University සමග අත්වැල් බැඳ ගනිමින් Amrak Institute දැන් BSc. (Hons) Professional Practice (Nursing) Top-up Degree පිරිනමයි 2022 ඔක්තෝබර් මස 06 2672 0
Birmingham City University සමග අත්වැල් බැඳ ගනිමින් Amrak Institute දැන් BSc. (Hons) Professional Practice (Nursing) Top-up Degree පිරිනමයි

Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!

පිරිසිදු වෙරළ තීරයක් උදෙසා පරිසරය සුරැකීමට සී. ඩබ්ලිව්. මැකී පීඑල්සී කැපවේ 2022 සැප්තැම්බර් මස 27 2652 2
පිරිසිදු වෙරළ තීරයක් උදෙසා පරිසරය සුරැකීමට සී. ඩබ්ලිව්. මැකී පීඑල්සී කැපවේ

ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක

මහ කොමසාරිස්තුමාගේ පණිවුඩය 2022 අගෝස්තු මස 15 3638 0
මහ කොමසාරිස්තුමාගේ පණිවුඩය

ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව

Our Group Site