X Advertisement
IMG-LOGO

2025 මැයි මස 07 වන බදාදා


දේශපාලක වරප්‍රසාද අපවිත්‍ර කරන්න එපා

ලෝක ව්‍යවහාර නීතියේ මෙතෙක් භාවිත නොවූ යෙදුමක් මෑතකදී ප්‍රකාශයට පත්විය. එම ප්‍රකාශය නිකුත් වූයේ ජිනීවා මානව හිමිකම් කොමිෂන් සභාවෙනි. මානව හිමිකම් මහ කොමසාරිස්ගේ වාර්තාවේ ශ්‍රී ලංකාව ගැන සඳහන් වන පරිච්ඡේදයේ දැක්වෙන විශේෂ නෛතික යෙදුමක් මගින් ප්‍රථම වරට  ආර්ථික අපරාධ චෝදනාව මෙරට දේශපාලකයන්ට එල්ල කර තිබේ.

දේශපාලනඥයන් සිදුකරන දූෂණ වංචා සහ අනීතික ක්‍රියා නිසා රටක ආර්ථිකයට සිදුවන්නා වූ හානිය ආර්ථික අපරාධයක් ලෙස ජිනීවා කොමිෂන් සභාව අරුත්ගන්වා ඇත.

එහෙත් ශ්‍රී ලංකාවේ පැවති ආණ්ඩුවලට ආර්ථික අපරාධ චෝදනා සේ දමා ගැසීම සාධාරණ නොවන බවත් එම චෝදනා ප්‍රතික්ෂේප කරන බවත් ජිනීවා කොමිසම ඇමතූ ශ්‍රී ලංකා විදේශ අමාත්‍ය අලි සබ්‍රි ප්‍රකාශ කර ඇත.

මේ සම්බන්ධයෙන් ඇති තර්ක විතර්ක ව්‍යතිරේක කෙසේ වෙතත් ජිනීවා කොමිසම ශ්‍රී ලංකාව සම්බන්ධයෙන් එල්ල කරන චෝදනා පත්‍රයෙන් ආර්ථික අපරාධකරුවන්ට දඬුවම් කළ යුතුය යන්නද දැඩි ලෙස අවධාරණය කර ඇත.

ශ්‍රී ලංකාවේ පමණක් නොව බොහෝ දියුණු වන රටවල සංවර්ධන ව්‍යාපෘති සහ ටෙන්ඩර් ප්‍රදාන ආදිය විනිවිද භාවයෙන් සිදුනොවන බවට අනන්තවත් චෝදනා නැගී තිබේ.

මෙරට ආර්ථිකය දැන් කඩා වැටී ඇති අන්තරාදායක මට්ටමට පත්වූයේ මෙතෙක් රටේ ආර්ථිකය මෙහෙයවූවන් විසින් ගත් වැරදි තීරණ සහ සිදුකළ වංචා දූෂණ නිසාය යන්න බහුතර පොදුජන පිළිගැනීමයි.

විනිවිද භාවයෙන් තොර ගනුදෙනු ගැන සමාජය දක්වන්නේ පිළිකුල් සහගත ආකල්පයකි. මෙබඳු බොහෝ අගතිගාමී ගනුදෙනුවලට සම්බන්ධ බවට චෝදනා නැගෙන්නේ ප්‍රබල දේශපාලනඥයන්ට සහ බලවත් නිලධාරී තන්ත්‍රයටයි. එහෙත් අතීත කාලයේ පැවති තත්ත්වයට වඩා විද්‍යුත් මාධ්‍ය, මුද්‍රිත මාධ්‍ය සහ සමාජ ජාලා මාධ්‍යය මගින් මෙවන් වංචා දූෂණ සම්බන්ධයෙන් කරන හෙළිදරව් හේතුවෙන් චෞර දේශපාලනය බරපතළ ලෙස සසල වී තිබේ.

දූෂිත ගනුදෙනුවලදී සමාජය වඩාත් කලබල වන්නේ කවර ආණ්ඩුවක් යටතේවත් වැරදි හා දූෂණ කරන්නන්ට නිසි දඬුවම් නොලැබීම නිසාය. රටේ මහජනතාවගේ බදු මුදල් වියදම් කරනා ආණ්ඩු එම අරමුදල් තමන්ගේ පෞද්ගලික බූදලයක් ලෙස සලකා ක්‍රියා කිරීම මෑතකාලීන සම්ප්‍රදායක් වී ඇත.

එවන් පසුබිමක එක් ආණ්ඩුවක් විසින් කරනු ලබන වැරදි ඊළඟ ආණ්ඩුව විසින් වසාදමනු ලබන අතර දිගින් දිගටම සිදුවන්නේ ජනතාවගේ බදු මුදල් අයථා ලෙස දේශපාලනඥයන්ගේ සුඛ විහරණය උදෙසා ගරා ගැනීමයි. කලකට පෙර ගෞරව පූර්වක දේශපාලන සංස්කෘතියක් ක්‍රියාත්මක වූ ශ්‍රී ලංකාවේ වත්මන් දේශපාලනයෙන් ගෞරවය ගිලිහී තිබේ.

විවිධ ව්‍යාපාර ටෙන්ඩර් කොන්ත්‍රාත් කරන බොහෝ දේශපාලනඥයන් ඒවා කරන්නේ තමන්ගේ දේශපාලන හයියෙනි. මේ බොහෝ දෙනා නිසි අධ්‍යාපනයක් නොමැති අය වීමද විශේෂයකි. වත්මන් පාර්ලිමේන්තුවේ සිටි උගතකු ලෙස පිළිගැනෙන හිටපු ශ්‍රේෂ්ඨාධිකරණ විනිසුරුවරයකු වන සී.වී. විග්නේෂ්වරන් මන්ත්‍රීවරයා වරක් ප්‍රකාශ කර තිබුණේ වත්මන් පාර්ලිමේන්තුවේ මන්ත්‍රීන්ගෙන් 94 දෙනකු අ.පො.ස. සා.පෙළවත් සමත් නැත කියායි.

ඒ අතර අගෞරවනීය දේශපාලනය රජ වූ යුගයක ගෞරවනීය දේශපාලනය ගැන උනන්දු වන සමාජයට කදිම ආදර්ශ සපයාගත හැකි මතවාද දෙකක් පසුගිය සතියේ ජාත්‍යන්තර මාධ්‍යයේ දැක්විණ. ඒ මහා බ්‍රිතාන්‍යයේ දෙවැනි එලිසබෙත් මහ රැජිනගේ අවමංගල්‍ය දේව මෙහෙයේදීය. එහි පැමිණ සිටි 100කට ආසන්න ලෝක නායකයන් හමුවේ මේ පළමු ප්‍රකාශය කළේ එංගලන්ත සභාවේ ප්‍රධානී කැන්ටබරියේ අගරදගුරු ජස්ටින් වෙල්බි හිමිපාණන්ය.

අගරදගුරුවරයා එහිදී සඳහන් කළේ බ්‍රිතාන්‍ය මහ රැජිනට ලෝකයා ගෞරව කරන්නේ තමන් සතු අප්‍රමාණ බලය හා වරප්‍රසාද පවිත්‍ර ලෙස භාවිත කළ නිසා බවය. විනිවිදභාවය හා අගති රහිත බව නිසා එතුමිය සම්භාවනාවට පාත්‍ර වූ බවද අගරදගුරු හිමියෝ වැඩිදුරටත් පැවසූහ.

මහ රැජිනගේ අවමංගල්‍යයයේ විශේෂ දේව මෙහෙයක් පැවැත්වූ වෙස්ට් මිනිස්ටර් දේවස්ථානයේ පීඨාධිපති ඩේවිඩ් හොයිල් හිමිපාණන් සඳහන් කළේ ලෝකයේ වංචා දූෂණ නොමැති රාජ්‍ය නායකයන්ට ජනතාවගේ සදාකාලික ගෞරවය හිමිවන වගය. බ්‍රිතාන්‍ය මහරැජින ජනතාවගේ ගෞරවය හා ප්‍රසාදය එක ලෙස දිනාගත්තේ එතුමියගේ අතිශය යහපත් දේශපාලන භාවිතාව නිසා යැයිද උන්වහන්සේ කීහ.

බ්‍රිතාන්‍ය මහරැජින සම්බන්ධයෙන් ලැබුණු මෙම නිර්දේශ මගින් බලය දූෂණයට හේතුව බව කියන ලෝක සම්මත යෙදුමට නව අරුතක් සපයා තිබේ. එහෙයින් යහපත් දේශපාලන සංස්කෘතියක් කෙරේ කැපවන දේශපාලන නායකයන් ජන සමාජයේ සදාකාලික ගෞරවය දිනාගනු ලබන බව අමුතුවෙන් කිවයුතු නොවේ.

අතීතයේ එබඳු තත්ත්වයක් පැවති ශ්‍රී ලංකාව තුළද ඒ ආකාරයේ යහපත් දේශපාලන සංස්කෘතියක් නිර්මාණය වනු දැක්ම බහුතර සමාජයේ අභිලාෂයයි. විනිවිදභාවයෙන් යුතු ගෞරවපූර්ව දේශපාලන ක්‍රියාවලියට අප අනුගත වන්නේ නම් ආර්ථික අපරාධ වැනි චෝදනාවලින් අපට දමා ගසන්නට ජාත්‍යන්තරයට ඉඩක් නැති වන බව අමුතුවෙන් නොකිව මනාය.

(***)



අදහස් (0)

දේශපාලක වරප්‍රසාද අපවිත්‍ර කරන්න එපා

ඔබේ අදහස් එවන්න

විශේෂාංග

එදා ඇන්.ඇම් දුටු මෙදා අය වැය
2022 දෙසැම්බර් මස 01 278 0

අයවැය ලේඛනයක් වශයෙන් හඳුන්වනු ලබන්නේ රජයේ මූල්‍ය කටයුතු එළැඹෙන වර්ෂයේ සිදුවන ආකාරය ගැන පාර්ලිමේන්තුව වෙත මුදල් අමාත්‍යවරයා විසින් ඉදිරිපත් කරනු ලබ


බහිරවයා ගිලින සල්ලි
2022 දෙසැම්බර් මස 01 238 0

රටක දියුණුවට අවශ්‍ය වන්නේ අවශ්‍යතා මත ව්‍යාප්ත වූ ප්‍රමාණවත් හා ගුණාත්මකභාවයෙන් ඉහළ යටිතල පහසුකම්ය. මාර්ග පද්ධතිය ඉන් ප්‍රමුඛය. නගරයක සිදුවන සංවර්ධන


එච්.අයි.වී. ආසාදිතයන් වැඩිවීම සමාජ අනතුරක්
2022 දෙසැම්බර් මස 01 172 0

2021 වසරේ අලුතින් එක්වූ එච්.අයි.වී. වෛරසය ආසාදිතයන් ගණන 411 ක් බව 25 වැනිදා පුවත්පත්වල වාර්තා වූයේය. ඒ අනුව මෙතෙක් මෙරට තුළ එච්.අයි.වී. වෛරස ආසාදිත රෝගීන් සංඛ්‍


ආගමට මුවාවී බලයට එන්න කැස කවන ඩින් ඩියම්ලා
2022 නොවැම්බර් මස 30 1595 1

1963 ජූනි මස 11 වැනි දින උදෑසන වියට්නාමයේ සයිගොන් නුවර ජනාධිපති මන්දිරයට ඉතා නුදුරු ස්ථානයකට ඔස්ටින් වෙස්ට්මිනිස්ටර් වර්ගයේ මෝටර් රථයක් මැදි කරගෙන භික්ෂ


ගුරු ප්‍රජාවට නින්දා කරන ගුරු ප්‍රජාවේම ඇත්තෝ
2022 නොවැම්බර් මස 30 579 0

“ගුරුවරයා යනු උත්තම පුරුෂයෙකි” මේ වූ කලී නව කතාවක නමක් පමණක් නොවේ. ආසියාතික ගුණගරුක බවින් අනූන ශ්‍රී ලාංකේය සමාජය හිසටත් මුදුනින් පිළිගන්නා ඒකාන්ත සත


නිර්මාණකරුවා පාඨකයාගේ බුද්ධියට අවමන් නොකළ යුතුයි
2022 නොවැම්බර් මස 29 785 0

රාජ්‍ය සම්මානලාභී පරිවර්තකයකු මෙන්ම ස්වතන්ත්‍ර නවකතා රචකයකු වන කුමාර සිරිවර්ධන රචනා කළ නවතම නවකතාව ‘භවනිරෝධ’ නමින් පසුගිය දා එළිදැක්වුණි. ඒ තුල්හිර


වැඩි දෙනා කියවූ පුවත්

මේවාටත් කැමතිවනු ඇති

Birmingham City University සමග අත්වැල් බැඳ ගනිමින් Amrak Institute දැන් BSc. (Hons) Professional Practice (Nursing) Top-up Degree පිරිනමයි 2022 ඔක්තෝබර් මස 06 2672 0
Birmingham City University සමග අත්වැල් බැඳ ගනිමින් Amrak Institute දැන් BSc. (Hons) Professional Practice (Nursing) Top-up Degree පිරිනමයි

Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!

පිරිසිදු වෙරළ තීරයක් උදෙසා පරිසරය සුරැකීමට සී. ඩබ්ලිව්. මැකී පීඑල්සී කැපවේ 2022 සැප්තැම්බර් මස 27 2652 2
පිරිසිදු වෙරළ තීරයක් උදෙසා පරිසරය සුරැකීමට සී. ඩබ්ලිව්. මැකී පීඑල්සී කැපවේ

ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක

මහ කොමසාරිස්තුමාගේ පණිවුඩය 2022 අගෝස්තු මස 15 3638 0
මහ කොමසාරිස්තුමාගේ පණිවුඩය

ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව

Our Group Site