X Advertisement
IMG-LOGO

2025 මැයි මස 28 වන බදාදා


ප්‍රියසාද් ඩෙප් අගවිනිසුරු ධුරයෙන් විශ්‍රාම ගනී

( තිළිණි ද සිල්වාල රංජන් කටුගම්පොළ සහ උපාලි ආනන්ද)
 
වසර එකහමාරකට වැඩි කාලයක් අගවිනිසුරු ධුරයේ කටයුතු කළ  ප්‍රියසාද් ඩෙප් මහතා අද (12) සිය ධූරයෙන් විශ්‍රාම යයි.
 
මෙරට 45 වැනි අගවිනිසුරුවරයා වශයෙන් ප්‍රියසාද් ඩෙප් මහතා එම ධූරයට පත් වූයේ පසුගිය වසරේ මාර්තු 2 වැනි වැනිදාය.
 
40 කට වැඩි කාලයක් අධිකරණ සේවයේ නිරතව සිටි ඒ මහතා මෙරට හිටපු නියෝජ්‍ය පොලිස්පතිවරයකු වූ ආතර් සී ඩෙප් මහතාගේ පුත්‍රයෙකු වේ. මරදාන ශාන්ත ජෝසප් විද්‍යාලයෙන් මූලික අධ්‍යාපනය ලැබූ හෙතෙම සිය උසස් අධ්‍යාපන කටයුතු සඳහා කොළඹ විශ්ව විද්‍යාලයට ඇතුළත් විය.

රජයේ අධිනීතිඥයකු ලෙස නීතිපති දෙපාර්තමේන්තුවේ සේවයට එක්ව ඇති  ඒ 1978 වසරේදීය. එහිදී ඔහු පෑ දක්ෂතාව හේතුවෙන් වසර 11කින් පසු අගවිනිසුරු ඩෙප් මහතාට 1989 දී රජයේ ජ්‍යෙෂ්ඨ අධිනීතිඥවරයෙකු බවට පත්වීමට හැකිවිය.


පසුව ක්‍රමයෙන් ඔහු නීතීඥ වෘත්තියේ ඉහළ ම තනතුරු වෙත ළඟා වූයේ ය. ඒ රජයේ අතිරේක සොලිසිටර් ජනරාල් පදවිය(1996) රජයේ සොලිසිටර් ජනරාල් පදවිය (2007) වශයෙනි. 

2011 දී ඔහු ශ්‍රේෂ්ඨාධිකරණ විනිසුරු ධුරයට පත්විණි. එවකට අගවිනිසුරු වූ කේග ශී පවන් මහතාගේ ධූර කාලය 2017 වසරේ පෙබරවාරි 28 වැනි දා අවසන් වීමත් සමඟ ජනාධිපති මෛත්‍රීපාල සිරිසේන මහතා විසින් විනිසුරු ඩෙප් මහතා අගවිනිසුරු ධූරයට පත්කරන ලදී.
  
ප්‍රියසාද් ඩෙප් මහතා සිය ධූර කාලය තුළ මහජනයාගේත් සහ නීති ක්ෂේත්‍රයේත් සුබ සිද්ධිය උදෙසා තීන්දු රැසක් ලබාදුන් අගවිනිසුරුවරයකු වශයෙන් ප්‍රකටය.

අධිකරණය සේවා කොමිෂන් සභාවේ සභාපතිවරයා වශයෙන්  නීතීඥවරුන්ගේ නිල ඇඳුම වෙනස් කරමින් විශේෂ ගැසට්ටුවක් නිකුත් කිරීමට කටයුතු කිරීම ඒ අතර ප්‍රධාන වේග ඊයේ (11) මහාධිකරණයෙන් මරණ දඬුවම් නියමව සිටි හිටපු පාර්ලිමේන්තු මන්ත්‍රී දුමින්ද සිල්වා ඇතුළු චූදිතයින් සිව්දෙනෙකු ගොනු කළ අභියාචනා පෙත්සම් විභාගය අවසන් කළ අගවිනිසුරුවරයා ප්‍රමුඛ පංච පුද්ගල විනිසුරු මඩුල්ල චූදිත දුමින්ද සිල්වා ඇතුළු තිදෙනෙකුට දී තිබු මරණ දඬුවම තහවුරු කිරීම, ද්විත්ව පුරවැසිභාවයට හිමිකම් කියූ පාර්ලිමේන්තු මන්ත්‍රීවරියක වූ ගීතා කුමාරසිංහ මහත්මිය එම ධූරය දැරීමට නුසුදුසු බවට අභියාචනාධිකරණය දුන් තීන්දුව තහවුරු කිරීම ආදි තීන්දු රැසකදී අගවිනිසුරු ඩෙප් මහතා සෘජුව හා නීතියට අනුගතව කටයුතු කිරීම කැපී පෙනේ.
 
අගවිනිසුරු ධුරයේ කටයුතු කළ  ප්‍රියසාද් ඩෙප් මහතා විශ්‍රාම යන බැවින් අද (12) නව අගවිනිසුරුවරයකු ප්‍රකාශයට පත් කිරීමට ද නියමිතය.
 



අදහස් (6)

ප්‍රියසාද් ඩෙප් අගවිනිසුරු ධුරයෙන් විශ්‍රාම ගනී

sathyapala Friday, 12 October 2018 10:34 AM

තමන් දරු තනතුරේ වගකීම නිසිලෙස ඉටුකරමින් තමන්ගේ හා තමන් අධිකරණ ක්ෂේත්‍රයේ ගෞරවය ආරක්ෂා කරගනිමින් කටයුතු කළ ඔබට අපගේ ප්‍රණාමය !

:       155       331

hulas banda Friday, 12 October 2018 12:21 PM

පවතින ආණ්ඩුවේ නිල නොවන නැව් හිමි නායකයන් සහ ආණ්ඩුවට එරෙහි නොවී වගකීම් ඉටුකිරීමට අපේ ප්‍රණාමය!!!

:       101       74

assangaa Saturday, 13 October 2018 05:43 AM

ඔබ ඉතාමත් අවංක හා යුක්ති ගරුක රජයේ ඉහළම තනතුර හොබවපු මහත්මයෙක් විදිහට විශ්‍රාම යන්නේය. අතිඋතුම් මිනිසෙකි.

:       1       25

Chandima Thursday, 18 October 2018 06:36 AM

මුළු මහත් රටටම ආදර්ශයක් දීපු අද රටේ ඉතා දුර්ලභ ගනයේ ලංකා පුත්‍රයෙක්. නිල කාලයේ රාජකාරියකට විදේශයකට ගියත් වියදමට ලැබුණු ඉතුරු හැම සතයක්ම ආපහු රජයට ලබා දුන්නා තමන්ට අග විනිසුරු විදියට නිලබලයෙන් ලැබෙන්න තිබුණු නිදහස් යාන වාහන, ඉඩම් වරප්‍රසාද සියල්ල ප්‍රතික්ෂේප කරලා හිස් අතින් තමයි මෙතුමා විශ්‍රාම අරන් තමන්ගේ නිවසට යන්නේ. රටේ ජනතාවගෙන් එක සතයක් අරන් නැහැ. වේ වගේ උතුම් මිනිසුන් සියක් අද හිටියනම් අපේ රට සුර පුරක් වෙන්න තිබුන.

:       0       2

akalanka Thursday, 18 October 2018 07:30 AM

"මම ඊළඟ දවසේ ජැකට් එක රිටර්න් කළා, සයිස් එක මදි කියල. උන් නැවත බිල ඉල්ලුවම මම කිව්වා ..මේකේ පර්ෆියුම් එකේ මිළත් සටහන් වෙලා තියන නිසා මේක දෙන්න බෑ. ඔරිජිනල් බිල අවශ්‍ය නම් මට මේකෙම කොපියක් දෙන්න කියල." නැවත ලංකාවට පැමිණුනු ඔහු අර නොගත්ත වින්ටර් ජැකට් එක සඳහා ඇමරිකන් බිල පෙන්වා ආයතනයෙන් මුදල් ගත්තේය. එපමණක් නොව ඒ වික්‍රමය අප ඉදිරියේ පවසා, ආයෙත් ඇමෙරිකාවට-චීනෙට-එංගලන්තෙට නැත්තම් පෙෂාවර් වලට ට්‍රේනින් යන බාලයන්ට නොගත්ත වින්ටර් ජැකට් වලට සල්ලි ක්ලේම් කරන ක්‍රමයක් ද කියා දුන්නේය. අපි මේ රටේ රාජ්‍ය සේවයේ රැඳී සිටීමේ වාසිය එක්කෝ අර "පර්මිට්" එකය, නැත්තන් දරුවාගේ පාසලය. එක්කෝ ඒ දෙකමය. ඔබටත් මටත් ඇත්තේ පර්මිට් එක විකුණා පොඩි වාහනයක් ගන්න, ඉඩමකට අත්තිකාරම් බඳින්න, ක්‍රෙඩිට් කාර්ඩ් සෙට්ල් කරන්න වගේ පොඩි පොඩි බලාපොරොත්තු ය. අපි පිටරටක වැඩ කළා නම්, අපිට වීල්බැරෝවකින් ගෙනියන තරමට උපයා ගත හැකිව තිබියදී අපි රට වෙනුවෙන් රාජ්‍ය සේවයේ එල්ලී ඉන්නෙමු. ඒ කැපකිරීමට සොච්චම් පඩියක , ඩොලර් තිස්දාහේ තීරුබදු සහනයක් කිසිසේත් හිලව් වන්නේ නැත.

:       0       0

akalanka Thursday, 18 October 2018 07:31 AM

රුපියල රැක ගැනීමේ ව්‍යායාමය වෙනුවෙන් මන්ත්‍රීවරුන්ට, ඇමැතිවරුන්ට තීරුබදු රහිත වාහන ගෙන්වීම අවුරුද්දකට නතර කළ ඒ උදාර, ඒ උදාර අමාත්‍යවරයා ගිය අවුරුද්දේ තමන්ගේ තීරුබදු රහිත වාහන බලපත්‍රය/ ඉන් ගෙනා වාහනය වෙහිකල් සේල්ස් කාරයෙකුට විකුණා තිබිණි. ඕනනං රුපියල් ලක්ෂ පනහක් උපයා ගන්නට ඇතිය. ඒකෙන් ඊට වඩා හොයන්නට බැරිය. මා මීට පෙර සේවය කළ රජයේ කාර්යාලයක දෙපාර්තමේන්තු ප්‍රධානියට කොළඹින් ගෙවල් පහක් ඇති බවට කුප්‍රකට කතාවක් විය. නොම්මරේ එහෙ මෙහෙ විය හැකි වුවත් ඒ කතාව සම්පූර්ණයෙන් බොරුවක් නොවන වග මම ඉඳුරා දනිමි. හැබැයි, අපට කොයි තරම් නිශ්චල චංචල දේපළ තිබුණත් කොළඹින් ඉඩම් කෑල්ලක් ලැබෙන්නේ නං ඔබවත්, මම වත්, සුසන්තිකා වත්, ජනරාල් වත් ඒ ප්‍රතික්ෂේප කරන්නේ නැත. අපි ඕක ප්‍රතික්ෂේප කළා කියා රජයට ඉතිරිවන බක්කක් නැත.

:       0       0

ඔබේ අදහස් එවන්න

විශේෂාංග

එදා ඇන්.ඇම් දුටු මෙදා අය වැය
2022 දෙසැම්බර් මස 01 278 0

අයවැය ලේඛනයක් වශයෙන් හඳුන්වනු ලබන්නේ රජයේ මූල්‍ය කටයුතු එළැඹෙන වර්ෂයේ සිදුවන ආකාරය ගැන පාර්ලිමේන්තුව වෙත මුදල් අමාත්‍යවරයා විසින් ඉදිරිපත් කරනු ලබ


බහිරවයා ගිලින සල්ලි
2022 දෙසැම්බර් මස 01 238 0

රටක දියුණුවට අවශ්‍ය වන්නේ අවශ්‍යතා මත ව්‍යාප්ත වූ ප්‍රමාණවත් හා ගුණාත්මකභාවයෙන් ඉහළ යටිතල පහසුකම්ය. මාර්ග පද්ධතිය ඉන් ප්‍රමුඛය. නගරයක සිදුවන සංවර්ධන


එච්.අයි.වී. ආසාදිතයන් වැඩිවීම සමාජ අනතුරක්
2022 දෙසැම්බර් මස 01 172 0

2021 වසරේ අලුතින් එක්වූ එච්.අයි.වී. වෛරසය ආසාදිතයන් ගණන 411 ක් බව 25 වැනිදා පුවත්පත්වල වාර්තා වූයේය. ඒ අනුව මෙතෙක් මෙරට තුළ එච්.අයි.වී. වෛරස ආසාදිත රෝගීන් සංඛ්‍


ආගමට මුවාවී බලයට එන්න කැස කවන ඩින් ඩියම්ලා
2022 නොවැම්බර් මස 30 1595 1

1963 ජූනි මස 11 වැනි දින උදෑසන වියට්නාමයේ සයිගොන් නුවර ජනාධිපති මන්දිරයට ඉතා නුදුරු ස්ථානයකට ඔස්ටින් වෙස්ට්මිනිස්ටර් වර්ගයේ මෝටර් රථයක් මැදි කරගෙන භික්ෂ


ගුරු ප්‍රජාවට නින්දා කරන ගුරු ප්‍රජාවේම ඇත්තෝ
2022 නොවැම්බර් මස 30 579 0

“ගුරුවරයා යනු උත්තම පුරුෂයෙකි” මේ වූ කලී නව කතාවක නමක් පමණක් නොවේ. ආසියාතික ගුණගරුක බවින් අනූන ශ්‍රී ලාංකේය සමාජය හිසටත් මුදුනින් පිළිගන්නා ඒකාන්ත සත


නිර්මාණකරුවා පාඨකයාගේ බුද්ධියට අවමන් නොකළ යුතුයි
2022 නොවැම්බර් මස 29 785 0

රාජ්‍ය සම්මානලාභී පරිවර්තකයකු මෙන්ම ස්වතන්ත්‍ර නවකතා රචකයකු වන කුමාර සිරිවර්ධන රචනා කළ නවතම නවකතාව ‘භවනිරෝධ’ නමින් පසුගිය දා එළිදැක්වුණි. ඒ තුල්හිර


වැඩි දෙනා කියවූ පුවත්

මේවාටත් කැමතිවනු ඇති

Birmingham City University සමග අත්වැල් බැඳ ගනිමින් Amrak Institute දැන් BSc. (Hons) Professional Practice (Nursing) Top-up Degree පිරිනමයි 2022 ඔක්තෝබර් මස 06 2672 0
Birmingham City University සමග අත්වැල් බැඳ ගනිමින් Amrak Institute දැන් BSc. (Hons) Professional Practice (Nursing) Top-up Degree පිරිනමයි

Amrak වෛද්‍ය විද්‍යා අධ්‍යාපන ආයතනය, බර්මින්හැම් සිටි විශ්ව විද්‍යාලය සමග අත්වැල් බැඳගනී!

පිරිසිදු වෙරළ තීරයක් උදෙසා පරිසරය සුරැකීමට සී. ඩබ්ලිව්. මැකී පීඑල්සී කැපවේ 2022 සැප්තැම්බර් මස 27 2652 2
පිරිසිදු වෙරළ තීරයක් උදෙසා පරිසරය සුරැකීමට සී. ඩබ්ලිව්. මැකී පීඑල්සී කැපවේ

ශ්‍රී ලාංකීය ජනතා විශ්වාසය දිනූ කීර්තිමත් ව්‍යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්‍ර දුෂණය වැළැක්වීමේ සය වැදෑරුම් තිරසර ආකෘතියේ එක

මහ කොමසාරිස්තුමාගේ පණිවුඩය 2022 අගෝස්තු මස 15 3638 0
මහ කොමසාරිස්තුමාගේ පණිවුඩය

ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්‍රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්‍රී ලංකාව ද නිදහසේ 75 වන වසරෙහි පසුව

Our Group Site