ශ්රී ලංකන් ගුවන් සේවයේ යැපීම සිදුවන්නේ මහා භාණ්ඩාගාරයෙනි. එයට හේතුව ගුවන් සේවාව විඳින අති විශාල පාඩුවයි. මේ ආකාරයට ශ්රී ලංකන් ගුවන් සේවයේ බර දිගින් දිගටම මහාභාණ්ඩාගාරයට ඇදගෙන යාමට නොහැකි තත්ත්වයක් උදාවී ඇත. ඒ හේතුව නිසා ඉදිරි මාස 6 කාලය සඳහා පමණක් ශ්රීලංකන් ගුවන් සේවයට මහාභාණ්ඩාගාරයෙන් මුදල් ලබාදීමට රජය තීරණය කර ඇත. භාණ්ඩාගාරයෙන් දෙන සහනාධාර ඉදිරි මාස 6න් පසු අත්හිටවුවහොත් කළ යුත්තේ කුමක්ද?
ඒ සඳහා ශ්රී ලංකන් ගුවන් සේවයේ පරිපාලනය විධිමත් හා ඉක්මන් තීරණයක් ගත යුතු තත්ත්වයට පත්වී සිටී. අනුන්ගේ පව් කර ගැසීමට සිදුවී ඇත්තේ මේ රජයටයි.
මේ පිළිබඳව දැනටමත් යෝජනා රාශියක් කෙරෙහි අවධානය යොමුකර ඇත. ඉන් එක් යෝජනාවක් නම් ශ්රී ලංකන් ගුවන් සේවාව වෙනත් ගුවන් සේවාවක් සමග ඒකාබද්ධ කිරීමය. මීට අමතරව දියුණු ගුවන් සේවා පවත්වාගෙන යන රටවලින් උපදෙස් ලබා ගැනීමට ද යෝජිතව ඇත.
ශ්රී ලංකන් ගුවන් සේවය සුදු අලියෙක් බවට පත්වීමට ප්රධාන හේතුව අයථා මුදල් පරිපාලනය බව නොරහසකි. සංචාරකයන් පැමිණීමේ ඉහළ යාම හේතුවෙන් 2014 වර්ෂයේදී ගුවන් මගී ප්රවාහනය සියයට 6.9කින් ඉහළගොස් තිබිණි.
බණ්ඩාරනායක ජාත්යන්තර ගුවන්තොටුපළ මගින් හසුරුවන ලද මුළු ගුවන් භාණ්ඩ ප්රමාණය මෙටි්රක් ටොන් 192371ක් දක්වා සියයට 4.1කින් ඉහළ ගිය බව ශ්රී ලංකා මහ බැංකුව සඳහන් කරයි.
මීට අමතරව බණ්ඩාරනායක ජාත්යන්තර ගුවන්තොටුපොළ මගින් හසුරුවන ලද ගුවන් යානා සංඛ්යාවද සියයට 8.5කින් ඉහළගොස් ඇත.
ශ්රී ලංකන් ගුවන් සේවාව ඒ අංශවලින් වර්ධනයක් පෙන්නුම් කළත් පාඩුව අති විශාල විය. 2012 වර්ෂයේ පාඩුව මිලියන 14,000ක් වී තිබිණි. 2013 පාඩුව මිලියන 19,000ක් වී තිබිණි. 2014 පාඩුව මිලියන 21,000ක් වී තිබිණි. මේ පාඩුව පියවීමට සිදුවූයේ රජයටය.
ඒ අනුව ශ්රී ලංකන් ගුවන් සේවයට පාඩුව අවම කර ගැනීමට අවශ්ය ණය ලබා ගැනීමට රජය ඇපකරු බවට පත්වූ අවස්ථා ඇත. ණයකරු ණය නොගෙවූ විට, ඒ බර දරන්නට සිදුවන්නේ ඇපකරුටය. ණය ගෙවීමේ බැඳුම්කරය රජයටය.
මේ තරම් විශාල පාඩු ලැබීමට ශ්රී ලංකන් ගුවන් සේවාවට සිදුවී ඇත්තේ අකාර්යක්ෂම පරිපාලනය හේතුවෙනි. මෙම තත්ත්වය පිළිබඳ පූර්ණ වාර්තාවක් ඉදිරිපත් කිරීමට නීතිඥ ජේ.සී. වැලිඅමුණ මහතාගේ සභාපතිත්වයෙන් යුතු විමර්ශන කමිටුවක් ද පත්කර තිබිණි.
ශ්රී ලංකන් ගුවන් සේවාව මෙතරම් අති විශාල පාඩුවක් ලැබීමට මූලික හේතුවක් වී ඇත්තේ හිටපු ජනාධිපති මහින්ද රාජපක්ෂ මහතාගේ මස්සිනා වූ නිශාන්ත වික්රමසිංහ මහතාගේ ක්රියාකලාපය බව කියති. වයස අවුරුදු 68ක් ඉක්මවා සිටි නිශාන්ත වික්රමසිංහ මහතා ගුවන් සේවා පරිපාලනය ගැන මෙලෝ හසරක අවබෝධයක් නැති පුද්ගලයෙක් බව කියති. සභාපති පුටුවේ සිටි ඔහු, ආයතනයේ පරිපාලනය වෙනුවට සිය කායික හා මානසික සුවය සඳහා ගුවන් සේවා මුදල් වියදම් කර තිබූ බව වාර්තා වේ.
නිශාන්ත වික්රමසිංහ මහතා කිසිදු ලෝභකමක් නොමැතිව සිය කම් සැප සඳහා මුදල් වියදම් කර තිබිණි. මෙහිදී ඔහුගේ මුදල් නාස්තිය පිළිබඳව සුළුවෙන් හෝ කරුණු ඉදිරිපත් කළ යුතුව ඇත. මර්සිඩීස් බෙන්ස් රථයක් හා සුපිරි ප්රාඩෝ රථයක් සභාපතිවරයා පාවිච්චි කරමින් සිටින අතරතුර තවත් කෝටි 1 1/2 මුදලක් වැය කර නවීන මෝටර් රථයක් මිලදී ගැනීමට ක්රියා කර ඇත.
මහලු වියට එළඹ සිටියත් වික්රමසිංහ මහතාගේ ක්රියාකලාපය කෙළිලොල් තරුණයකුට සමාන වූ බව සේවකයෝ සඳහන් කරති.
ශ්රී ලංකන් ගුවන් සේවය මේ තරම් පාඩු ලබන ආයතනයක් බවට පත්වූවත් ඊට පෙර එහි කොටස්කරු වූයේ එමිරේට්ස් සමාගමයි. එමිරේට්ස් සමාගම හා ශ්රී ලංකන් එයාර් සමාගම අතර ගිවිසුම අවසන් කෙරුණේ වර්ෂ 2008 මුල් කාර්තුවේදීය. ඒ වනවිට ඔවුන් ලබා සිටි ලාභය රුපියල් බිලියන 9.3ක් බව කියැවේ. එතරම් ලාභ ලබමින් සිටි ශ්රී ලංකන් එයාර් සමාගම ශ්රී ලංකන් ගුවන් සමාගම බවට පත්වී දිගින් දිගටම පාඩු ලැබීය. මේ දිගින් දිගටම ලැබූ පාඩුවට අනුව දැනට භාණ්ඩාගාරයේ ඇප මත බැංකු හා වෙනත් ආයතනවලින් ලබා ඇති ණය මුදල ඇමරිකානු ඩොලර් මිලියන 518ක් බව සඳහන් වේ. එය ශ්රී ලංකාවේ මුදලින් රුපියල් කෝටි 10,000කට ආසන්නය.
මෙතෙක් ලාභයක් පේනතෙක් මානයක නැති ශ්රී ලංකන් ගුවන් සේවයේ ණය ගෙවීමට හා පැවැත්මට උර දීමට සිදුවී ඇත්තේ රජයටය.
ශ්රී ලංකන් ගුවන් සමාගමේ සභාපතිගේ චරිතයට අමතරව ගුවන් යානා මිලදී ගැනීමේදී ද අතිවිශාල මුදල් නාස්තියකට මග සාදා තිබූ බව සඳහන් වේ.
මහින්ද රාජපක්ෂ හිටපු ජනාධිපතිවරයා වෙනුවෙන් ඇණවුම් කර තිබූ එයාර් බස් ගුවන් යානයට විශේෂ ප්රභූ පැකේජයක් ඇතුළත්වී තිබූ බව සඳහන් වේ. මෙම ප්රභූ පැකේජයේ වටිනාකම ඇමරිකානු ඩොලර් මිලියන දහයක් හෙවත් ආසන්න වශයෙන් රුපියල් කෝටි 15,000කි.
එම ප්රභූ පැකේජයට අනුව ගුවන් යානයේ නාන කාමරයක් සහිත නිදන කාමරයක් කාර්යාල ඉඩකඩක්, සාකච්ඡා කාමරයක්, කෑම කාමරයක් ශාරීරික අභ්යාස කරන ස්ථානයක් ද ඇතුළත් වේ.
සිවිල් ගුවන් සේවාවෙන් ලැබෙන තොරතුරුවලට අනුව ශ්රී ලංකන් ගුවන් සේවය ඒ 320-300 ගුවන් යානා 6ක් හා ඒ 350-390 ගුවන් යානා හතරක් ඇණවුම් කර තිබූ බව වාර්තා වේ.
ශ්රී ලංකාව වැනි රටකට ප්රභූ පැකේජයක් සහිත ගුවන් යානයක් ඔරොත්තු දෙන්නේ ද යන ප්රශ්නය මෙහිදී ඉදිරිපත්වී තිබේ. ජනාධිපති මෛත්රීපාල සිරිසේන මහතා මෙම ප්රභූ පැකේජය පිළිබඳව අදහස් දක්වමින් කෝටි 225ක් පමණ වන මෙම ගුවන් යානය අවලංගු කර ඒ වෙනුවට මගී ගුවන් යානා සඳහා වූ අමතර කොටස් ගැනීමට ක්රියා කරන බව ප්රකාශ කර සිටියේය.
මෙවන් තත්ත්වයක් මත ශ්රී ලංකන් ගුවන් සේවය සම්බන්ධයෙන් ප්රබල තීන්දුවකට එළඹීමට රජයට සිදුවනු ඇත. රජයටත් ශ්රී ලංකන් ගුවන් සේවාව ඇදගෙන යා හැකි සීමාවක් ඇති බව අවිවාදයෙන් පිළිගැනීමට සිදුවනු ඇත.
අයවැය ලේඛනයක් වශයෙන් හඳුන්වනු ලබන්නේ රජයේ මූල්ය කටයුතු එළැඹෙන වර්ෂයේ සිදුවන ආකාරය ගැන පාර්ලිමේන්තුව වෙත මුදල් අමාත්යවරයා විසින් ඉදිරිපත් කරනු ලබ
රටක දියුණුවට අවශ්ය වන්නේ අවශ්යතා මත ව්යාප්ත වූ ප්රමාණවත් හා ගුණාත්මකභාවයෙන් ඉහළ යටිතල පහසුකම්ය. මාර්ග පද්ධතිය ඉන් ප්රමුඛය. නගරයක සිදුවන සංවර්ධන
2021 වසරේ අලුතින් එක්වූ එච්.අයි.වී. වෛරසය ආසාදිතයන් ගණන 411 ක් බව 25 වැනිදා පුවත්පත්වල වාර්තා වූයේය. ඒ අනුව මෙතෙක් මෙරට තුළ එච්.අයි.වී. වෛරස ආසාදිත රෝගීන් සංඛ්
1963 ජූනි මස 11 වැනි දින උදෑසන වියට්නාමයේ සයිගොන් නුවර ජනාධිපති මන්දිරයට ඉතා නුදුරු ස්ථානයකට ඔස්ටින් වෙස්ට්මිනිස්ටර් වර්ගයේ මෝටර් රථයක් මැදි කරගෙන භික්ෂ
“ගුරුවරයා යනු උත්තම පුරුෂයෙකි” මේ වූ කලී නව කතාවක නමක් පමණක් නොවේ. ආසියාතික ගුණගරුක බවින් අනූන ශ්රී ලාංකේය සමාජය හිසටත් මුදුනින් පිළිගන්නා ඒකාන්ත සත
රාජ්ය සම්මානලාභී පරිවර්තකයකු මෙන්ම ස්වතන්ත්ර නවකතා රචකයකු වන කුමාර සිරිවර්ධන රචනා කළ නවතම නවකතාව ‘භවනිරෝධ’ නමින් පසුගිය දා එළිදැක්වුණි. ඒ තුල්හිර
Amrak වෛද්ය විද්යා අධ්යාපන ආයතනය, බර්මින්හැම් සිටි විශ්ව විද්යාලය සමග අත්වැල් බැඳගනී!
ශ්රී ලාංකීය ජනතා විශ්වාසය දිනූ කීර්තිමත් ව්යාපාර සමූහයක් වන සී. ඩබ්ලිව්. මැකී පීඑල්සී විසින් සමුද්ර දුෂණය වැළැක්වීමේ සය වැදෑරුම් තිරසර ආකෘතියේ එක
ඉන්දියාව නිදහසේ 75 වන සංවත්සරය සමරන මෙම අවස්ථාවේදී ශ්රී ලංකාවේ මාගේ සහෝදර සහෝදරියන්ට උණුසුම් සුභාශිංසන පිරිනමමි. ශ්රී ලංකාව ද නිදහසේ 75 වන වසරෙහි පසුව
ශ්රී ලංකන් ගුවන් සේවයේ හොරා කෑම
කුමාර Thursday, 07 April 2016 03:47 PM
චතුරි හරියටම හරි.(හේ)
සමන් Monday, 18 April 2016 08:54 PM
ඔය කතා අහලම එපාවෙලා තියෙන්නේ. දැන් ඇති වැඩ කරලා පෙන්වන්න. (නි)
හරීන් Monday, 18 April 2016 07:14 AM
ඕනෑම රාජ්ය නායකයෙකුට තමන් කැමති ගුවන් යානාවක් ගන්න නිදහසක් තියෙන්න ඕනෑ. එහෙනම් පිටරටවල කොච්චර ඕවා කරනවද? (නි)
චාමර Monday, 18 April 2016 05:02 AM
තමන් මුලාවේ වැටිච්ච අය මේ සමාජය විනාශය කරා ගෙනියනවා. ඔවුන් කරන්නේ මොකක්ද කියල ඔවුන්ම දන්නේ නැහැ (කෞ)
සෙල්වා පිරිස් Sunday, 17 April 2016 05:42 AM
බොරු සමාජගත කරලා සමාජය මුලා කරන අයට මානසික ප්රතිකාර දෙන්න ඕනෑ. (නි)
ලාල් Saturday, 16 April 2016 05:08 PM
අපේ බදු මුදල් අපරාදේ මේ වගේ දෙයකට වැය කරන්නේ. බදු ගෙවන හැමෝම ශ්රී ලන්කන් එකේ යන්නේ නැහැ. ඒ වගේම ඕනෑතරම් ගුවන් සේවා එනවා ලෝකයේ ඕනෑම තැනකට යන්නේ පුළුවන්. ආණ්ඩුවක් වශයෙන් ලංකාවේ බදු ගෙවන මහජනයාට කරන්න පුළුවන් හොඳම දේ තමයි මෙය වහාම හමාර කරලා සේවකයන්ටත් ආදාල වන්දි දෙන එක. (නි)
ජගත් Wednesday, 13 April 2016 01:06 PM
චතුරි හරියටම හරි (නි)
රුවන් Tuesday, 12 April 2016 11:14 AM
මහ රජාගේ මේ වෑඩ සමහරුන්ට ඉවසන්න බෑහෑ. ලෝකෙ නෑති කතා ලියන්නේ නමුත් ඈත්ත මේකයි(අ)
සුජීව Sunday, 10 April 2016 11:03 AM
චාමර 100% හරි (බ)
නාලක Saturday, 09 April 2016 01:32 AM
ගුවන් සේවය පාඩු බව සැබෑය. එයට හේතුව රාජ්ය ව්යවසායේ ඇති අකාර්යක්ෂමබව සහ එය සමඟ ඇති දේශපාලන අතපෙවිමය. ගිය රජය කල ඓතිහාසික ආර්ථික සහ සාම මෙහෙවර අපි අගය කරන අතර, මෙවැනි ක්රියා විවේඡනය කළයූතුය. (නි)
ජයතු Friday, 08 April 2016 10:34 PM
ගුවන් යානා වලින් ජනතා මුදල් කෝටි වියදම් කරමින් සවාරි ගොස් විශාල ධනස්කන්දයක් රට රටවලින් ලබාගෙන මිහින් ලංකා ලාබ ලබන අායතනයක් බවට පත්කල එකම නායකයා කවුද? (නි)
සරෝජා Friday, 08 April 2016 12:28 AM
බොහොමයක් පංචේන්ද්රියම දුර්වල මිනිස්සු තමා රටේ නායකයෝ පත්කරන්නේ. අන්තිමට හැමෝම එක වළේ. (නි)
කපිල Tuesday, 05 April 2016 08:28 AM
ගුවන් සේවයේ නියම තත්ත්වය මේකෙන් කියලා නැ. නියම තත්ත්වය මේකට වඩා 1000 වාරයක් නරකයි.(හේ)
කාරියවසම් Thursday, 07 April 2016 06:16 AM
මහින්ද එලවල ඉතුරු කරපු සල්ලි කෝ?(රේ)
චතුරි Wednesday, 06 April 2016 04:47 PM
චාමර, වේදනාවට මනෝ වෛද්යවරු ළඟට යන්නේ. නැහැ. ඔයා හොරකම් කළේ නැත්නම් බය නැතුව ඉන්න. (නි)
චාමර Wednesday, 06 April 2016 08:39 AM
චතුරි ඔක්කොටම කලින් ඔයා මනෝ වෛද්යවරයෙක් ළඟට ගියා නම් ඔය වේදනාවෙන් සුවපත් වෙන්න තිබුන. (බ)
ඉන්ද්රජිත් Wednesday, 06 April 2016 01:23 AM
ඉතා හොඳ සවිස්තරාත්මක ලිපියක් (නි)
ලක්ෂිත පැරිසිය Tuesday, 05 April 2016 07:01 PM
අපි මේවා ගෙවනවානේ ටිකට්පත් වලින් (නි)
සාමා Tuesday, 05 April 2016 03:37 PM
කොච්චර කතා කළත් තවමත් ඔය ආයතනය ඇතුලේ සිදුවෙන නාස්තියනම් අඩුවෙලා නැහැ. මම හොඳට දන්නවා තවමත් හොරකම් සිදුවෙනවා ඉහළ මට්ටමෙන්. (බ)
අජිත් Tuesday, 05 April 2016 01:35 PM
ඡන්දයක් ළග එන ලකුණු පෙනේ.... (ර)
චතුරි Tuesday, 05 April 2016 11:37 AM
හැම ආයතනයකම පාඩු සිදුවන්නේ කෝටි ගණනනින් එත්. රාජපක්ෂවරු ජාතික ඇදුම ඇදගෙන නැවත රට ඉල්ලනවා කරන්න මේවට උදව් දෙන්න ඒ. වගේම ඇමති රැනකුත් ඉන්නවා අපිට තියෙන වේදනාව මොවුන්ට නොදන්නේනේ ඇයි මොවුන්ව මෝහනය කරන්න මනෝ වෛද්ය වරයෙක් ලගට අරන් ගියොත් නරකද .(හේ)
ඉදුනිල්-ලොස්ඇන්ජලිස් Tuesday, 05 April 2016 10:33 AM
එකම තැටිය අහලා එපා වෙලා,. (ර)
අමල් Tuesday, 05 April 2016 09:17 AM
අසරණ මිනිස්සුන්ගේ සල්ලි නේද මේ.? (ර)
දුමින්ද Tuesday, 05 April 2016 08:40 AM
පරණ තැටියම නැවත වාදනය. (ර)